ادفع كام للتكسي في اليوم ؟ ... والعربية بسواقها اليوم بكام .؟

[Y a r i s]

مساء الخير جميعاً ياشباب ....
كنت بسئل ياشباب. هو انا لو هاخود تكسي لحسابي في اليوم هدفعلوا كام !

ولو هاخود عربية ملاكي بسواقها يكون مثلاً شب عاطل اديلو كام في اليوم ؟
ويوموا ياترى كام ساعه. يعني ٨ ساعات. ولا ١٢ ساعه ولا ٢٤ ساعة

وبالنسبة لبانزين عربيتوا على مين. ! واكلو وشربوا عليه ولا عليه !
وفي حلات السفر بين المحافظات ادفعلوا كام في اليوم

@@@@@@
وتحياتي وشكرا مقداماً ...

[mohammedabdallh]

عامل ايه يا كبير
عندنا فى المنوفيه الفبرنا بسوقها يوم من الصبح الى بليل
150- 180
السيراتوا كانت 230- 250
وسيبك من موضوع التاكسى خالص
هتروح لاى مكتب تاجير تقوله عاوز عربيه بسواق وشوف الدنيا هتبقى فيها ايه

[Y a r i s]

حبيبي يا محمد انا الحمد الله بخير انتا اخبارك ايه ياباشا طمني عنك وعن احوالك
بس صحيح يا باشا انا لو دفعت ١٥٠ او ١٨٠ طيب والبانزين واكلوا وشربوا على مين. متنساش ان فول العربية بخمسين ستين سبعين جنية ولو راكب معاه وهو خيش بعربيتوا او واحد خيش فيه هدفعلوا حاجة ولا مليش فيه ؟؟
واكلوا وشربوا عليه ولا عليه مدام هيقعد اليوم كلوا معايا ولا مليكش علاقة بالكلام ده كلو وبتديلو ١٨٠ جنية بس

[A.Saad]

العربية لو بسواق
مالكش دعوة
عمل حادثة عمل خبطة
مش مسئوليتك
ومش تمضى على وصل امانة عنها
لانها مش امانة عندك
لان العربية والمفتاح مع السواق
تمام

[mohammedabdallh]

موضوع الحوادث ملكشى دعوه بيها
زمان لما كنت باخد تويوتا واسافر بيها
انا والعائله زياره الى حد
كنت بنزل اكل للسائق هو والتباع
او اديله 20ج اقوله هاتوا اكل ليكوا الىانتوا عاوزينه واشربوا شاى
فده هيبقى حسب مشوارك يعنى لو كنت مسافر محافظه تانيه وهتقعد ساعتين تلاته فى بيت حد من صحابك او معارفك قوله روح اتغدى وهبقى ارن عليك
البنزين لو المشوار طويل وهياخد اكتر من 30لتر
ممكن تزوده شويه
بس التيوتا كانت بتاخد 200ج ومليش دعوه بحاجه من 4 سنسن او 5
دلوقتى 350ج
وبتروح معاك فى اى مكان
ساعات بخدها لو نازل الاسكندريه من الفجر لحد بليل طبعا وب 350ج برده

[BESO516]

البنزين عليك طبعا
لوفيرنا - اسبرانزا - لانوس من 150 : 180 ج
سيراتو - النترا - اوبتر من 200 : 300 ج

وسيبك من حكايه الأكل والشرب والنوم والكلام ده
انت ليك العربيه 12 ساعه الى 24 ساعه حسب الأتفاق غير كده مفيش واى استفسار انا تحت امرك

[AHMEDCAR]

فى اماكن تانيه على حسب المكان اللى هتروحه بيكون الحساب و البنزين على العربيه مش عليك و طبعا الاكل و الشرب بيكون على حساب السواق بس ساعات بتكون ذوقيا منك تعزمه على اى حاجه فى الطريق و خصوصا لو اليوم طول معاكوا

[abdelaziz-waleed]

http://www.nilemotors.net/Nile/274673-2012.html

[الريس حميدو]

البنزين عليك طبعا
لوفيرنا - اسبرانزا - لانوس من 150 : 180 ج
سيراتو - النترا - اوبتر من 200 : 300 ج

وسيبك من حكايه الأكل والشرب والنوم والكلام ده
انت ليك العربيه 12 ساعه الى 24 ساعه حسب الأتفاق غير كده مفيش واى استفسار انا تحت امرك

ده انا على كده اتنصب علي اكيد
اجرت عربية من الفندق لنزلة السمان كله في كله كان حوالي ساعتين خذ مني 300 جنيه

[Y a r i s]

اشكركم جميعاً يا شباب على رودودكم الجميلة. والمفيدة

@@@@@@@@

وريس حميدوا متنصبش عليك ولا حاجة ... انتا لمن تنزل في اي فندق وتاخود منها عربية. فاعربيات الفندق غالية طبعاً وعلى حسب نوعها. يعني المارسيدس غير البي ام غير الفيرنا غير التويوتا. او الفان . رغم انو كتيرررر لان عربيات المطار الفان هونداي h1 كنت باخودها من المطار لاكتوبر ب ٢٥٠ جنية .... بس عامةً احسن حاجة لو وراك مشاوير كتير في مصر نزل اعلان هنا في المنتدى وخودلك شاب متفرغ معاك. عارف الطرق اوفر لك من تكاسي الفندق والليموزين بتاع الفندق ودوشة الدماغ . وتحياتي