المراتب الجاهزة حد يقولى

[بنوته]

الافضل بالترتيب

انجلندر (دي انجليزي 100% تقفيل مصري) دي اغلى واحدة وافضل واحدة بس هاتي البوكيت بمعنى سوست منفصلة

هابيتات
يانسن

على فكرة مصنع يانسن هو انجلندر
عامة في المراتب بصي على الارتفاع يكون عالي والسوست ايه اخبارها متصلة ولا منفصلة
الفرق المنفصلة لو شخص بيتحرك الثاني لا يشعر بالحركة
وسيبك من اشتغالات صيفي وشتوي والكلام الفاضي ده
يفضل الجانبين قطن

عامة برضه على حسب امكانياتك يعني مثلا مقاس 180*200 هتلاقيها بتبدأ من 1800 ممكن لحد 3500 على حسب النوع والخامات والمواصفات

وياريت تشتري من موزع المصنع نفسه المعتمد

انا لما سالت على انجلندر كانت ال180 ف200 ارتفاع27 ب2210 بس سوست متصله عندك حق انا فعلا حسه ان الوشين قطن احسن من وش وش دى

[بنوته]

عندي هابيتات بقالها 8 سنين
والحمد لله كأنها جديده
بجد مرتبه خيال
بس غالبا حتكون غاليه
انتي و امكانياتك

انا سمعت من محلات ان هايبات بقت مش حلوة وفعلا هى غاليه ارتفاع 24 مقاس 150 كان ب2000

[بنوته]

انجلندر بيشكروا فيها جدا
ولا انصح باليانسن عن تجربة..

يعنى رايك انجلندر احلى

[بنوته]

انجلندر عن تجربه هى افضل الانواع دلوقتى وربنا يتمملك على خير

امين ى رب ويجعلك الخير ى رب

[بنوته]

السلام عليكم ورحمه الله
كان لدى تاكى لمده اكثر من 22 سنه وكانت جيده مش عارف دلوقتى عاملين ايه
اشتريت من سنتين هابيتات كان على ماتذكر الارتفاع 25 سم و 200 طول فى 150 عرض
قطن وصيفى شتوى كان سعرها 1425 تقريبا

من كلام اصدقائى الذين جربوا اليانسن ان سوستها بتزيق وتصدر صوت مع الوقت

فعلا ناس بتقول ان يانسن بقت بتعمل صوت وتاكى بتاعت زمان الكل بيشكر فيها بس دلوقتى بقت فيها عيوب بتهبط بسرعه

[بنوته]

شكرا للأفادة يا جماعة
بس عندنا فى المنيا والصعيد بشكل عام

العريس هو الى بيجيب المراتب وبيجيب كل حاجة ما عدا المطبخ على العروسة
بداية من بنى سويف وبحرى الموضوع مختلف


وألف مبروك يا عروسة مقدما

انا من اسكندريه والعروسه هى ال بتنجد هنا والعريس هو ال عليه المطبخ

[بنوته]

يا بخت العروسة المنياوية
إحنا عندنا هنا حسب الإتفاق على الرفايع دي
والأغلبية على العروسة - العروسة بتجيب كل حاجة
دي هي اللي بتجيب العريس كمان
وألف مبروك يا عروسة
هي العروسة أختفت ليه ؟
واضح أنها نزلت تجيب الستاير والسجاجيد والنجف

لا دة هارد اتحرق عشان كدة اختفيت

[بنوته]

فين العروسة اللى بتجيب كله
ياريت واحدة او اتنين

ههههههههههههههههههههههه يابختهم والله العريس مش بيشيل هم عندنا هنا العروسه بتشيل بس بصراحه العريس بيشيل اكتر وبيتقطم وسطه

[بنوته]

انا عندي هابيتات وفور بد ف البيت
هابيتات ممتازه اما فور بد ناشفه
انصحك بهابيتات

هايبات انا سمعت ان مصنعها اتحرق وبقت مش حلوة مع انها غاليه فعلا جدااااا طب فوربيد دى ناشفه بسوست ولا من غير سوست

[dr.hazem]

اليانسن ممتازجدا جدا وسعره معقول

تحياتي

[بنوته]

مبروووك

الله يبارك فيك

[بنوته]

اولا الف مبروك وربنا يتمم على خير ان شاء الله
انا فى بيتى جايب فوربد جميله جدااا وبعد فتره ناس شكرتلى جدااا فى يانسن

فوربد دى بسوست ولا من غير انا شفتها عجبتنى اوى بس حسيت ان الراجل بيصرفى نظرى عنها بنوع اسمه كمفورت

[omaroof]

عندى تاكى (طبى) موش سوست بقالها 5 سنين زى الجديده
بصراحه ممتازه جدا

[mahmoudysf]

اولا مبروك مقدما
انا لسة جايب يانسن من حوالي 3 شهور مرتبة ممتازة
انا جبت موديل اسمة كتاركت ارتفاع 30 سم
كانت تقريبا ب 1500