استفسار عن دريم بارك

[devil_storm]

انا روحت دريم بارك فى العيد اللى فات و كرهت نفسى... كنت بقف اكتر من ساعة على اللعبة و لعبة لعبيتن و قضتها فرجة بعد كده هاهاها.

سؤالى بقى هل دريم بارك زحمه يوم الجمعة و لا كويسة؟؟؟ يعنى اروحها الجمعة ولا يوم فى وسط الاسبوع افضل؟؟ و لو رحت يوم الجمعة حقف اد اية على كل لعبة؟؟

يا ريت لو حد رحها يوم جمعة يقولى.

[Mo.Kareem]

الاحسن طبعا اى يوم غير الجمعة ، انا كنت هناك من حوالى اسبوعين ، وكانت زحمة شوية ، لكن لو بجد عايز تستمتع بيها تروح اول يوم العيد بتبقى ريقه وزى الفل ، او اى يوم وسط الاسبوع بتبقى تحفه

[devil_storm]

الاحسن طبعا اى يوم غير الجمعة ، انا كنت هناك من حوالى اسبوعين ، وكانت زحمة شوية ، لكن لو بجد عايز تستمتع بيها تروح اول يوم العيد بتبقى ريقه وزى الفل ، او اى يوم وسط الاسبوع بتبقى تحفه

طيب يوم السبت كويس و لا حتبقى زحمة بردة؟؟؟

[أبو صلاح]

حد يدخل دريم بارك في العيد سواء اول يوم أو آخر يوم أو اسبوع العيد كله ؟

زحمة جدااااااااا غير التزنيق والرحلات اللي جاية من كل حتة في مصر

جربتها مرة وخدت بعضي ومشيت

[Mo.Kareem]

يا ابو صلاح ما انا كنت زيك كده وفاكر ان اول يوم العيد بتبقى جنينة الحيوانات او الاورمان ، اى جنينة تختارها انت بقى هههههههههههه
بس سألت ناس شغاله فيها وقالو الكلام ده فى العيد اول يوم فى باقى الايام اى يوم غير الجمعة بتبقى حلوة جدا

[devil_storm]

يعني السبت اوكي

[alrabeh]

دريم بارك ما تتراحش غير فى أول أسبوع فى الدراسة أو أثناء إمتحانات آخر العام غير كده مش حتستمتع
أنا رحتها حوالى ست مرات فى نفس المواعيد دى وكنت تقريبا أن وأسرتين تانى فى كل المدينة

[dede_dodo88]

سؤال غبي شوية معلش,,
أزاي أروح دريم بارك من مصر الجديدة و أرجع تاني ؟
أصل في ناس بتضحك عليا لما أقولهم أني عمري ما روحت دريم بارك وللا أعرف هي فين حتى!! lol