اعمل ايه يعني...دائري واقف ..اوتستراد واقف...طريق السويس واقف

[ahmad--ezzat]

ايه اللي بيحصل دةةةةةةةةة
راجع من شغلي ادخل بيتي الساعه 8 بليل
يعني 3 ساعات في الطريق

انا عديت علي كل دول وكل طريق اسود من التاني....في ايه ...ابات في العربيه واتحرك علي الفجر


الله يخربيت البهايم

[hugan]

عادي البلد كلها واقفه
ربنا يوقف حال اللي كان السبب
همجيه وفوضي في كل شوارع مصر زي ما يكون في حد متعمد يحرق دم الشعب
والله العظيم انا باروح كل يوم ورجلي وركبي مش باقدر افردهم ولا اتنيهم
السن له حكمه
بسببب الشوارع والزحمه اللي فيها
حتي الشوار الموجوده في الاحياء مش طرق رئيسيه يعني
نيله وهباب
تاكاتك علي ميكروباصات علي كارو علي بني ادمين
مولد وصاحبه غايب

[ahmad--ezzat]

مين الجحش اللي قال ازمه المرور في تحسن

[hugan]

مين الجحش اللي قال ازمه المرور في تحسن

ايوه في تحسن
للاسواء

[A.Adel]

الداءري عليه عربية سولار مقلوبة و هي اللي عاملة القلق ده

امبارح الدائري كله وقف عند التجمع و كمان ال na

[ahmad--ezzat]

الكلام ده امبارح والموضوع خلص...وانا طريقي اصلا في الاتجاه التاني وبعيدا عن العربيه المقلوبه....فيه تكدس رهيب وسوء اداره من المرور

[koshary]

والله النهارده طالع من الجامعه فى حلوان 3.5 وداخل البيت فى حدائق الاهرام 7.15 اول مره النهارده اشوف الاوتستوراد والدائرى واقفين بيمشو بطىء اوى كدا والعادى باخد الطريق فى ساعه او ساعه الا ربع مش عارف فيه ايه بصراحه تانك البنزين راح فى الوقفة والغلابه اللى زينا بندفع فى البنزين وبيطير فى الهوا

[khaled_legend]

اتمني ان وزير الداخليه يتحرك لحل مشاكل المرور لان الواحد بيقضي ربع عمره في القياده من البيت للعمل و العكس

[mohamed_selim]

الدائرى النهارده واقف من قبل التسعين لحد طريق السويس بسبب شوية ميه على طريق السويس .... الولاد اتاخرو فى باص المدرسه ساعه و ربع بسبب الموضوع ده

[shaddadfalcon1]

في حاجه علط في القاهره من البارح
تقريبا مفيش مرور والناس بتبقي سوري في اللفظ زي الاغبياء كل واحد عايز يعدي وخلاص مش مهم الطريق يقف ولا يولع

انا عشان اوصل من المنطقه الحره لزاكر حسين اخدت يجي ساعه البارح والنهارده بقيت في مطاردات عشا ن اوصل برده

[Land_Cruiser]

هى مرتبات بتوع المرور دى تعتبر حلال و لا حرام فى ظل اللى بيحصل ده؟ هما شغالين من البيت مثلا و لا ايه حد يعرف

[m_adeleid]

اسهل لينا كلنا اننا نرمي المشكله علي بتوع المرور
كده نرتاح اسرع
مع ان مفيش حد بيعمل زينا كده ويرمي ناس في الشارع تنظم المرور لأن ده ببساطه اهدار قوي بشريه طالما في اشارات و علامات للمرور
و من جهه تانيه لما حد ينظملك المرور يبقي ده اعتراف ضمني مننا كلنا اننا فوضويين و عاوزين اللي ينظمنا
ومن هنا تأتي المشكله
المشكله الاساسيه في الانانيه والتوحد والغباء اللي كل واحد بقي عايش فيهم وعامل لنفسه دوله صغيره بقوانينها يبرطع فيها براحته
ولو كلمت اي حد وقلتله ابدأبنفسك يطلع الف حجه علشان برضو يعمل الغلط
حاول كده تمشي في خط مستقيم في اي شارع في مصر و قلي مشيت مسافه قد ايه من غير لما تلاقي اللي يمينك و اللي شمالك رمو عليك
برضو بتاع المرور هوا السبب؟

[mohamed_selim]

اسهل لينا كلنا اننا نرمي المشكله علي بتوع المرور
كده نرتاح اسرع
مع ان مفيش حد بيعمل زينا كده ويرمي ناس في الشارع تنظم المرور لأن ده ببساطه اهدار قوي بشريه طالما في اشارات و علامات للمرور
و من جهه تانيه لما حد ينظملك المرور يبقي ده اعتراف ضمني مننا كلنا اننا فوضويين و عاوزين اللي ينظمنا
ومن هنا تأتي المشكله
المشكله الاساسيه في الانانيه والتوحد والغباء اللي كل واحد بقي عايش فيهم وعامل لنفسه دوله صغيره بقوانينها يبرطع فيها براحته
ولو كلمت اي حد وقلتله ابدأبنفسك يطلع الف حجه علشان برضو يعمل الغلط
حاول كده تمشي في خط مستقيم في اي شارع في مصر و قلي مشيت مسافه قد ايه من غير لما تلاقي اللي يمينك و اللي شمالك رمو عليك
برضو بتاع المرور هوا السبب؟

معاك الى حد ما بس الغلطه مشتركه ... احنا اخلاقنا زفت بس برضه المرور ليه عامل مهم .... هديلك مثال ... من سنين (10-15 سنه) كانت بورسعيد مفيهاش عسكرى مرور و الاشارات اوتوماتيك و كل الناس كانت بتقف فى الاشاره فى اى وقت ... بدأ المرور يحط عسكرى على الاشاره ... بدأ العسكرى يعك و يعدى و يوقف (مع الاشاره) بس الناس نسيت الاشاره و اتعودت على العسكرى ... و لما العسكرى ميكونش موجود اتفرج على اللى بيحصل ... و بعدين وصلنا ان العسكرى بيمشى بمزاجه و يوقف بمزاجه ولا كأن فى اشاره اصلا ...انا مره اخدت مخالفه لأن العسكرى وقف الطريق بتاعى على الرغم ان اشارتى خضرا و عديت ...اخلاق الناس باظت بس المرور ليه دخل كبير .....

[m_adeleid]

معاك الى حد ما بس الغلطه مشتركه ... احنا اخلاقنا زفت بس برضه المرور ليه عامل مهم .... هديلك مثال ... من سنين (10-15 سنه) كانت بورسعيد مفيهاش عسكرى مرور و الاشارات اوتوماتيك و كل الناس كانت بتقف فى الاشاره فى اى وقت ... بدأ المرور يحط عسكرى على الاشاره ... بدأ العسكرى يعك و يعدى و يوقف (مع الاشاره) بس الناس نسيت الاشاره و اتعودت على العسكرى ... و لما العسكرى ميكونش موجود اتفرج على اللى بيحصل ... و بعدين وصلنا ان العسكرى بيمشى بمزاجه و يوقف بمزاجه ولا كأن فى اشاره اصلا ...انا مره اخدت مخالفه لأن العسكرى وقف الطريق بتاعى على الرغم ان اشارتى خضرا و عديت ...اخلاق الناس باظت بس المرور ليه دخل كبير .....

مش اخلاق الناس اللي باظت بسبب المرور
المرور هوا اللي باظ بسبب اخلاق الناس و مش المرور بس كل حاجه في البلد دي باظت بسبب اخلاقنا

[sas5]

السلام عليكم ورحمه الله
ميدان الجيزه مساء امس كان مغلق بواسطه شويه بلطجيه ( الباعه الجائلين بتوع اول امس ) وموضوع الاغلاق معروف من العصر ولحد ماعديت الساعه ثمانيه مساء لاوجود لاى فرد امن ولا كان الموضوع يخصهم
عايز ادخل شارع فيصل عملت ارجوز