مساعده ضرورى

[abo-berry]

كنت لسه هكتب نفس الكومنت ده وانا برجح الفكرة دى تمامااا وعلى العموم انتظر مكالمة منه او كلمه تانى وكده الحمد لله فيه امل ربنا معاك ان شاء الله يايحى بجد بنتمنالك كل خير

ربنا يكرم يا كشرى

[abo-berry]

ربنا يوفقك يايحيى وتلاقيها بإذن الله
قلبى معاك

يارب يا أ / طارق

[Hamdy Masria]

ربنا معاك

[Ahmed_Adham]

انت بتقول انك عامل محضر يبقى تروح القسم وتثبت المكالمه ورقم تليفون اللي اتصل بيك في المحضر وهما اللي هيبعتو لشركة الاتصالات عشان يجيبو صاحب الرقم. بس خد بالك من حاجه. انت حطيت اسمك ورقم موبايلك وبيانات العربيه هنا فى المنتدى اللي بيشوفه أي حد فممكن واحد سخيف بيلعب بأعصابك بس لو منك أعمل اللي قلتلك عليه ولو واحد بيهزر يدفع تمن هزاره السخيف.

[michohat]

الشرطه لا تحل ولا تربط انت فكر ازاي الراجل جاب رقم تليفونك هل انت سايب حاجه ف العربية بتدل على شخصيتك
او سايب كارت اي حد او اي نمره تليفون لاي حد عارفك لان اللي بيسرق وبيكون عاوز يكلم صاحب العربية بيكلم النمر الموجوده ف العربية علشان يوصل لصاحب العربية فانت افتكر هل سايب كروت ليك هل سايب كروت لحد او ورقه عليها رقم تليفون حد واسمه ممكن هما يكونوا كلموه وجابوا نمرتك منه

والشرطه معندهاش حل لانهم لسه عاوزين القواضي تيجي ليهم محلوله واحد صاحبي لسه كان مسروق منه عربية بيجو 505 وعمل محضر ف الشرطه ولانه ضابط جيش عمل محضر برضه ف الشرطه العسكرية فلك ان تتخيل ان المحضر بتاع الشرطه العاديه مش اتحرك ولا اتبلغ به اي كمائن او حاجه ( حطوه ف الدرج) لولا المحضر بتاع الشرطه العسكرية اتوزع ع الكمائن والدوريات الحمد لله العربية جت ولقوها
وفي الاخر بعد الراجل ما راح خد واستلم عربيته من الشرطه العسكرية
الشرطه العاديه بتكلمه وتقول له احنا لقينا العربية وتعالى خدها شوفتوا المهزله

[Mostafa.Mahran]

انت تحمد ربنا انه اتصل بيك اصلا بس يا ريت يكون فعلا الى اخد العربية و ميكنش حد عرف بيانتها و عرف انها مسروقة و بيكلمك لمجرد الاستغلال

الشرطة حاليا ملهاش اى علاقة بالكلام ده ولا هتقدر تعمل حاجة و الكلام ده عن تجربة مع عربية والد صاحبى الى اتسرقت قريب من القسم و مع ذلك لما راح بلغ قالوله اتفاوض معاه و اديله الى هو عاوزه علشان ترجع عربيتك

الناس دى بتبقى شبكة كبيرة مش فرد ولا اتنين و محاولة انك تمسكهم او تعملهم كمين علشان توقعهم هتبقى خطر عليك و ممكن متشفش عربيتك تانى خالص

[abo-berry]

الشرطه لا تحل ولا تربط انت فكر ازاي الراجل جاب رقم تليفونك هل انت سايب حاجه ف العربية بتدل على شخصيتك
او سايب كارت اي حد او اي نمره تليفون لاي حد عارفك لان اللي بيسرق وبيكون عاوز يكلم صاحب العربية بيكلم النمر الموجوده ف العربية علشان يوصل لصاحب العربية فانت افتكر هل سايب كروت ليك هل سايب كروت لحد او ورقه عليها رقم تليفون حد واسمه ممكن هما يكونوا كلموه وجابوا نمرتك منه

والشرطه معندهاش حل لانهم لسه عاوزين القواضي تيجي ليهم محلوله واحد صاحبي لسه كان مسروق منه عربية بيجو 505 وعمل محضر ف الشرطه ولانه ضابط جيش عمل محضر برضه ف الشرطه العسكرية فلك ان تتخيل ان المحضر بتاع الشرطه العاديه مش اتحرك ولا اتبلغ به اي كمائن او حاجه ( حطوه ف الدرج) لولا المحضر بتاع الشرطه العسكرية اتوزع ع الكمائن والدوريات الحمد لله العربية جت ولقوها
وفي الاخر بعد الراجل ما راح خد واستلم عربيته من الشرطه العسكرية
الشرطه العاديه بتكلمه وتقول له احنا لقينا العربية وتعالى خدها شوفتوا المهزله