ظاهرة الرسم علي الرصيف مع ولا ضد !

[Nistelrooy]

بسم الله الرحمن الرحيم



السلام عليكم ورحمة الله وبركاته






من بعد الثورة بقينا نشوف شباب كتير بينزل ويرسم علي الرصيف ويلون وكدا ..

وبيكونوا مجموعة شغالة وواحد بيلم جنية من العربيات !



الحكاية دي كترت اوي ..

انهاردة ماشي في شارع الهرم اعدي علي 3 مجموعات بيرسموا ويلونوا المشكلة اللون بيروح بعدها بيوم بيدي منظر جمالي بس بعد كدا بيبهت وبيروح خالص ..


انتا مع ولا ضد !

[dede_dodo88]

لو مش في مصر هكون ضده لأنه تلوث بصري..
لكن في مصر أكيد هكون موافق.. أهي حاجة تخفي شوية التلوث البصري اللي أحنا already عايشين فيه..

[amr.elsayed]

بالنسبة لاسكندرية ضد خالص وضد جدا ... علشان بيرسموا حجات مش لطيفة وغير مريحة للعين
زى دى مثلا عندنا فى سيدى بشر على البحر وفى براجولة عاملوها علم الزمالك


وحجات تانية اطفالى شوية




.....
عارف حضرتك بعد الثورة كانوا عندنا فى الشارع الشباب دول وكانوا بيلونوا الرصيف و كنت مبسوط جدا لان كل ما كنت بشوفهم
اقول الله على الشباب اللى يفرح واقول لنفسى على الاقل اساعد بمالى بدل ما انا مش قادر اساعد بمجهودى
لكن لما نزلت من البيت ولاقيت الكوتش بالجنوط بالاكصادام غرقانين بوهية والعربية عليها نقط
مطرطشة ساعتها اضايقت جدا وقررت بعدم تشجيع هذا الموضوع مرة اخرى
...........
لكن فى شباب تانية فنانين وبيرسموا صور حلوة وغالبا بيكون فيه تنسيق مع كلية فنون جميلة
فالعمل بيطلع جميل والالوان مريحة للعينواللى زى دول انا اديهم عنيا علشان يعملوا منظر جميل لبلدنا

ضد ان اى حد يعمل عمل فنى على حوائط او ارصفة البلد الا اذا كان تحت رعاية اى مؤسسة تنظم هذا العمل وتشرف عليه

[HOSSAM99]

و عليكم السلام و رحمة الله و بركاته
أولا أنا : ضد
الموضوع كان بعد الثوره كان مجموعات شباب بينضفو و يلونو أبيض و أسود و كانت كام يوم بدون ما يلمو فلوس (في الغالب) و الشارع بيخلص و كان الله بالسر عليم
لكن اللي في الهرم دول مش هم الشباب بتوع فترة ما بعد الثوره ولا في سنهم و لا لبسهم و لا طريقتهم
و دول متمركزين في المنطقه المحصوره بين شارعي العريش و المطبعه و الرصيف يا سبحان الله ما بيخلصش يبقي دول أيه
و المسافه اللي هما فيها دي أزحم مكان في الهرم يعني عربيات واقفه يعني أحتمالات لم الفلوس أكتر

و كمان بيلونو بألوان جير (رخيصه ) يقوم يجي العامل تاني يوم يكنس و يرش الجزيره الألوان تروح يشتغلو تاني و هكذا

مفقوسين أوي

[احمد المصرى]

حضرتك تقصد ال واقفين فى شارع الهرم عند سينما الزعيم


اصلى حاسس انهم شويه شباب نصابه مش اكتر كل لما اعدى الاقيهم موجودين هناك وبدات اشك انها وسيله للنصب مش اكتر

[Nistelrooy]

لو مش في مصر هكون ضده لأنه تلوث بصري..
لكن في مصر أكيد هكون موافق.. أهي حاجة تخفي شوية التلوث البصري اللي أحنا already عايشين فيه..

بالعكس ده برا شكلهم حلو اوي











ناس بتبدع :)

[m_adeleid]

ازاي ضد بقي
كده حيقولوا علينا متخلفين وضد الثوره و بنقمع الحريات
لازم نبقي مع
ومش بس علي الرصيف
علي اي حاجه انشالله يكتفو الناس في الشارع و يرسموا علي ......... هدومهم
حريات بقي

[Nistelrooy]

بالنسبة لاسكندرية ضد خالص وضد جدا ... علشان بيرسموا حجات مش لطيفة وغير مريحة للعين
زى دى مثلا عندنا فى سيدى بشر على البحر وفى براجولة عاملوها علم الزمالك


وحجات تانية اطفالى شوية




.....
عارف حضرتك بعد الثورة كانوا عندنا فى الشارع الشباب دول وكانوا بيلونوا الرصيف و كنت مبسوط جدا لان كل ما كنت بشوفهم
اقول الله على الشباب اللى يفرح واقول لنفسى على الاقل اساعد بمالى بدل ما انا مش قادر اساعد بمجهودى
لكن لما نزلت من البيت ولاقيت الكوتش بالجنوط بالاكصادام غرقانين بوهية والعربية عليها نقط
مطرطشة ساعتها اضايقت جدا وقررت بعدم تشجيع هذا الموضوع مرة اخرى
...........
لكن فى شباب تانية فنانين وبيرسموا صور حلوة وغالبا بيكون فيه تنسيق مع كلية فنون جميلة
فالعمل بيطلع جميل والالوان مريحة للعينواللى زى دول انا اديهم عنيا علشان يعملوا منظر جميل لبلدنا

ضد ان اى حد يعمل عمل فنى على حوائط او ارصفة البلد الا اذا كان تحت رعاية اى مؤسسة تنظم هذا العمل وتشرف عليه

معاك في النقطة دي .. الصور الي انتا حاتطيها في الاول دي جرافيتي وفيها حاجات هادية وحاجات قوية زي الي انتا شوفتها وزي عند سور نادي الزمالك

[Nistelrooy]

و عليكم السلام و رحمة الله و بركاته
أولا أنا : ضد
الموضوع كان بعد الثوره كان مجموعات شباب بينضفو و يلونو أبيض و أسود و كانت كام يوم بدون ما يلمو فلوس (في الغالب) و الشارع بيخلص و كان الله بالسر عليم
لكن اللي في الهرم دول مش هم الشباب بتوع فترة ما بعد الثوره ولا في سنهم و لا لبسهم و لا طريقتهم
و دول متمركزين في المنطقه المحصوره بين شارعي العريش و المطبعه و الرصيف يا سبحان الله ما بيخلصش يبقي دول أيه
و المسافه اللي هما فيها دي أزحم مكان في الهرم يعني عربيات واقفه يعني أحتمالات لم الفلوس أكتر

و كمان بيلونو بألوان جير (رخيصه ) يقوم يجي العامل تاني يوم يكنس و يرش الجزيره الألوان تروح يشتغلو تاني و هكذا

مفقوسين أوي

الواد بينط قدام العربية ويقولي جنية !! بقفل الشباك وبعمل نفسي مش واخد بالي ..

الاول كنت بديهم بس خلاص :)

[Nistelrooy]

حضرتك تقصد ال واقفين فى شارع الهرم عند سينما الزعيم


اصلى حاسس انهم شويه شباب نصابه مش اكتر كل لما اعدى الاقيهم موجودين هناك وبدات اشك انها وسيله للنصب مش اكتر

في عند المريوطية وفية عند العريش وفية عند كايرومول كدا

شكلهم فعلا نصب والله ..

[Nistelrooy]

ازاي ضد بقي
كده حيقولوا علينا متخلفين وضد الثوره و بنقمع الحريات
لازم نبقي مع
ومش بس علي الرصيف
علي اي حاجه انشالله يكتفو الناس في الشارع و يرسموا علي ......... هدومهم
حريات بقي

:))

[omaroof]

مع الرسم للاسباب التاليه
1- بيشغل اوقات الشباب فى حاجه مفيده
2- بيغير شكل الحوائط والارضيات الجربانه اللى حوالينا فى كل مكان
3- بعيبر عن راى ووجهة نظر مجموعه من الشباب ( طبعا بدون الفاظ وصور خارجه)

[MohammedAladel]

عندنا بقى فى الجامعة علم إسرائيل منور المدخل على الأرض

[tutankhamoun]

أنا ضد أي شئ خارج عن النظام .

لأن الخروج على النظام معناه الفوضى ........ و ده اللي بيحصل في مصر بالظبط .

بتوع الزمالك و بتوع الأهلي خاربين الحوائط في 6 أكتوبر .......... و كل واحد بيكتب اللي هو عايزه

و تلاقي واحد كاتب " بحبك يا مش عارف مين " وواحد تاني كاتب على يافطة (مدخل 6 أكتوبر ) أسمه و رقم تليفونه و عايش فين تقريبا .

أنا ضد