هل لديك الشجاعة ؟

[Shocky]

السلام عليكم ورحمة الله وبركاتة

1- هل يستطيع أى شخص ممن تم تعيينهم عن طريق الواسطة أن يتقدم بإستقالتة لإفساح الطريق لمن هو أحق ؟

ملحوظة: حتى إن كان الشخص المعنى قد إستفاد وأصبح خبيراً فى مجال عملة .. حيث أن ما بنى على باطل فهو باطل

2- هل يستطيع أى شخص ممن حصلوا على رخصة القيادة عن طريق الواسطة أو المال أن يتركها ليذهب من جديد بشكل قانونى للإختبارات؟

ملحوظة: حتى إن كان هذا الشخص قد أصبح من أفضل قائدى السيارات فى مصر

إن إستطاعوا فصدقهم فى حب البلد و الرغبة فى التنمية و ... إلخ

[m_adeleid]

لا احنا نعرف نطالب الغير بس بالمثاليه
لكن عند نفسي و أقف

[beshomilan]

اكيد..فى المدينه الفاضله بس

[maryano]

بصراحة انا حتكلم عن نفسي
اولا في مجال الشغل انا كنت شغال في شركة واحد قريبي ( مش عارف تبقي واسطه ولا لاا) بس الحمد الله سبتها و بدور علي شغل من غير واسطة و ربنا يكرم
ثانياا انا بعترف اني اعتبر خدت الرخصة بالوسطة من 10 سنين وكدة كدة باذن الله حججدها السنة الجايه و لو فيه امتحان مستعد ادخلوه من غير واسطة
بس فيه ملحوظة صغيرة انا من نفسي بجد البلد ميبقاش فيها واسطة اي كان في اي حاجة بس دة يبقي علي الكل مجيش انا اقول انا مش حتعمد علي الوسطة مع اني ممكن اجيبها و اللقي ابن مش عارف مين بيشتغل بالوسطة و ابن مين خد رخصة بالوسطة و ابن قاضي مين عين ابننو بالوسطة وانا اعيش دور مثالي زيادة عن اللزوم علاشان كدة ابقي بظلم نفسي

[Mostafa.Mahran]

نسبة قليلة جدا جدا جدا ممكن تعمل كده و الباقى طبعا لأ

[drmsadek1979]

مفيش حد ممكن يعمل كده

[Elawany13]

الفساد لما يبقى لينا وفى صالحنا يبقى يا أهلا وسهلاً
وبنغمض عنينيا وبندور على مليون مبربر علشان تريح ضميرك وتستحل الحرام

[Elawany13]

منقووووووول

نحن لا نرفض الفساد

لكننا نرفض الفساد الذي يعطل مصالحنا فقط

و عندما يكون الفساد في صالحنا يصبح ( يا ختي عليه )

كلنا فاسدون

[moody_687]

والله انا عشان اطلع الرخصة من غير واسطة سقطوني كتير واعيد كل شوية فقلت ساعتها مبدهاش بقى روحت جيبت مستشار ساعدنى فيها والله وانا قاعد رئيس الوحدة ادانى ورقة صغيرة وعليها امضته والمطلوب واداها للعسكرى برة واداها للضابط وشال ملفى من الساقطين للناجحين ونفس الحوار بالنسبة لاختبار الكمبيوتر الكلام ده من قيمة 6 سنين ولو جددت مستعد اعملها من غير واسطة

[Egyzizo]

أنا هاعمل كده لو الواسطة دى خليتنى آخد مكان حد كان يستحق مكانى أكتر منى.

لكن لو الواسطة خليتنى آخد حقى ، يبقى أهلاً وسهلاً.

[Motaz.Habib]

الموضوع ملوش اى علاقة بالشجاعة او بالشعرات المكتوبة دى
يعنى اديلك مثال
اخويا ملتحى و هو خريج هندسة منوف قسم تحكم
من 5 او 6 سنين كدة قدم فشركة بترول رفضوا حتى يمتحنوا علشان مربى لحيتة هل دة يرضى ربنا و هل لو جاب واسطة بس علشان يخش يمتحن زى الناس العادية دى تعتبر انة اخد حق غيرة طبعا لأ هو جاب واسطة علشان يرفع الظلم من علية مش علشان يظلم حد

لما تروح المرور و تعرف انك عمرك مهتنجح من غير متجيب وسطة او تغمز ب 20 ولا 30 جنية دة يبقى اسمة اية
انا اسف جدا بس انا معترض مع حضرتك قلبا و قالبا

[Menna Hassan]

لا تعليق............................................ل لأسف..!

[totaa]

للأسف احنا بنحس بالظلم والفساد والقهر لما بنتحط فى موقف معاكس لينا أو مش في صالحنا
لكن فعلا لو على هوانا أو هيخلص لينا مصالح ولا بنفكر فى كل المثاليات دي ...
أنا بقول فعلا للأسف عشان إحنا بشر وكبرنا على شغل الواسطة والمحسوبية
لكن بدون أدني شك اذا الدنيا اتصلح حالها الكل هيبقى متساوي فى الفرص
((المساواة في الظلم عدل ولا ايه؟ )) ربنا يصلح أحوالنا كلنا يارب

تحيتي

[m_adeleid]

أنا هاعمل كده لو الواسطة دى خليتنى آخد مكان حد كان يستحق مكانى أكتر منى.

لكن لو الواسطة خليتنى آخد حقى ، يبقى أهلاً وسهلاً.

منقووووووول

نحن لا نرفض الفساد




لكننا نرفض الفساد الذي يعطل مصالحنا فقط




و عندما يكون الفساد في صالحنا يصبح ( يا ختي عليه )






كلنا فاسدون

[ramyhekal]

كل واحد بيحللها لنفسه لان الموضوع جاى من تحت خالص يعنى اللى غش فى السنوى ودخل كلية طب او هندسه او صيدله وغش فى الكليه ودفع رشوه ونجح واتخرج وخد شهاده هايقول البلد ماشيه كده ومفيش امل لما روحت اعمل رخصه من 10 سنين فعلا كنا 40 واحد والكل سقط فى الاختبار اختبار فعلا معمول علشان الناس تسقط وتسلك الطريق الغير قانونى والخير يعم على الجميع