هو أحنا لييييييييييييييييه كده !!!

[Y a r i s]

هل مصر فعلاً ولالادة ..... ولا الولادة وصلت لسن اليئس . ؟
من فترة كنت بتفرج على اليوتيوب. على فيديو اسمو اغلس واحد في العالم ؟
وقعدت ادحك لحد ما فطيست على نفسي من الدحك وخلاص ماعدتش قادر امسك نفسي .... عنا دمعت من الظحك
وبعدين قعدت اقرى الكومينت بتاع الناس لقيت واد خليجي كاتب
هاهاهاها .... المصاروة ( يعني المصريين ) دايماً يقلدووووو
الي فهمتوا ان الفيديو ده معمول بالاجنبي وجه الافندي راح واخدوا وعملوا بشكل مصري ... يعني ماجبش حاجة جديدة ... جيت اخوش انا وعيالي سيما. والتذكرة بقت ب ٢٥ جنية وب ٣٠ جنية ... حار ونار في جتتهم ... وبعد ما نروح بعد ماتفرجنا على الفيلم وكلنا. فوشاااااااار ب٥ جنية .

اجي امدد على السرير واقول خلينا نتفرج على فيلم اجنبي ببلاش على mbc2 اتفاجئ. ان الفيلم الي حطينوا قصتوا واحداثوا وحتى افيهاتوا هيا هيا الي شفتها في الفيلم المصري ومش بس كده .... حتى افلام عادل امام القديمة زي فيلم خلي بالك من جيرانك او افلام كتيرررر كمان قصتها يافيلم امريكي يا فرنسي يا هندي ...

وكل ما اتفرج على افلام اجنبي اكتشف انها هيا هيا افلامنا المصرية. ولا جديد ياعبدالمجيد .



حتى فيلم يانا ياهوا الي صدعوا راسنا بداعيتوا من اول ماشفت دعايتوا. .... قولت بس ده فيلم جيم كيررري وشفناه قبل كده مليون مره على mbc2 فلزومها ايه ادفع فلوس

@@@@@@@@@@@@@@@@@@@@"@@@@@@@@@@@@@@@@

القصة تعدت. كده .... ان في واحد مصري عبقري اخترع. جرار متوروا بيمشي بالهوى ولا بالمية .... وانا اقول يا حبيبتي يامصر .... وبعد فترة وانا بقلب في المواقع الاجنبية اكتشف مهندس نمساوي او الماني مش فاكر .... مخترع متور برضو بيمشي بالمية والهوى من زماااااااااااااااان. .... ومنزل ابحاثوا وتصاميموا على النيت ....

الله ... هو العملية بقت عندنا تقليد في تقليد
اومال فين روح الابتكار .... فين روح الابداع .... فين العقليات الجبارة الي بيقولوا انها عندنا !!!!

@@@@@@@@@@@@@@@@@@@@@@@@@@@@@@@@@@@

كل الي فات ده كوووووووووم. .... ولمن تيجي تسئل واحد عامل فيها نفسوا عبقري زمانوا عاملها ازاي الحكاية دي يقولك مش هقولك ده سر الصنعه وسر المهنة ويحتفظ. بعلموا لنفسوا .... ويقلك انا تعبت وطلع عيني لغايت ما اكتشفت الحكاية دي عاوزني اديك تعبي ومجهودي وشقايا على طبق من فضة !!!!

وفي النهاية بعد ايام وسنين تلاقي ... السر الي كان مخبيه عنك .... سر الخلطة السرية .... وذكاؤوا الفذ منشور بالصور وبادق ادق التفاصيل على النيت من زمان بس الحكاية كلها انك معملتش سيرش كويس هههههههههههه

@@@@@@@@@@@@@@@@@@@@@@@@@@@@@@

فبسئل نفسي وبسئلكم هو احنا ليييييييييه كده !

[AlGazar2]

هو احنا كان عندنا نظام عقيم دايما بيحارب كل الى بيعملوا اى حاجة جديده لغايه ما الشعب كله بقى بيحاربهم و مبقوش مهمين بالنسبالة زى لاعيبه الكوره او المطربين و الممثلين و ناس كتير كده

لكن مصر الكفاءات الى بتظهر فيها بتروح بره و الكلام ده من ستينات القرن الماضى مش من دلوقتى بس و الامثال على كده كتير جدا

[amr.elsayed]

احنا اتولدنا لاقينا مصر كدة .. محدش بيعلمنا معنى الابداع ... والتعليم فاشل وكل التفكير فى كيفية النجاح فى الامتحان ...
وفى الكلية لو ملزقتش كلام الدكتور فى ورقة الاجابة حتسقط بغض النظر الاجابة صح ولا غلط ... دة غير عدم التقدير فى العمل خاصتا لو بتشتغل بضمير لكن لو حرامى ولا انتوخ تبقى فلة

وكل دة بيضخ فكرة واحدة بس على مدار عمر الانسان المصرى
وهو ( كيف تكون فهلوى او كيف تفعلها بدون ابداع ولامجهود ) اصل لو ابدعت فيها حسقط لكن لو نقلت فكرة تانية
حنجح زى ما الفكرة نجحت قبل كدة والامثلة كتير فى راس الموضوع

دة سيستم نازل مخصوص للعقلية المصرية ^_^) .. وننتظر رحمة من عند الله

[samo9992003]

الجواب واضح اوى ومش محتاج سؤال اصلا
احنا كده عشان مصريين مش اكتر ولا اقل
اى حد بيطول يسرق حاجه مش بيتردد
خلاص ثقافه السرقة بقت فى دمنا وبقى اسلوب حياة عادى جدا

[SHNORY]

والاغاني كمان يا باشا
اغنيه لون عينيك بتاعه حميد الشاعري ماهي الا سرقه للحن وتوزيع لاغنيه لويتني هيوستن
واغنيه انت ايه لنانسي عجرم برضه مسروقه
دول اللي سمعتهم بنفسي ومتاكد منهم
واكيد الافات الالحان والقصص مسروقه برضه

[abdelaziz-waleed]

تأكد يا باش مهندس ان كل اللي احنا فيه ده بسبب نفوسنا وافعالنا
الماء الملوث وطوابير العيش وانابيب البوتاجاز وكل الازمات اللي احنا فيها ما هي الا بسبب ضمائرنا
هو مين اللي عمل كل الازمات ديه مش احنا
إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ
احنا فضلنا الفهلوة على الضمير
والنسخ على الابداع
والسرقة على العمل

[mbx4e]

العيب فينا لان معظم الشعب مستهلك دا غير انه متربي عالثقافه الاستهلاكيه

[tutankhamoun]

بُص هو الذكاء موجود لدى المصريين و لدى البشر عموما علشان بس ما نخصش نفسنا بالذكاء .

المشكلة في حاجتين موجودين في مصر :

كيفية تربية الذكاء ده و كيفية استغلاله .

عندنا مثلا (بأشتغل في شركة ادارتها أجنبية)

في تقييم الموظف الشهري و السنوي ... جزء للأبتكارات .... كل لما تبتكر شئ يفيد العمل ... بتأخد عليه فلوس و محفزات تانية.
بالاضافة لده يزود تقييمك الشهري و السنوي .

هاتلي شركة مصرية بتعمل كدا ؟؟؟؟؟؟؟؟؟؟ تكون ادارتها مصرية خالصة .

العكس بيحصل .
مديرك يغير منك ... و ممكن يعمل حاجتين :
يا اما يسرق ابتكارك و يعمله لنفسه ............ و لو رفضت

الحاجة التانية يقرفك في عيشتك علشان تسيب الشغل .

للآسف النفسيات بأت زفت ............. و مفيش أخلاق .

بمناسبة تقليد الأفلام ........... ده مش عيب بس المهم أن يكون مكتوب ان القصة مقتبسة .

[Y a r i s]

احنا اتولدنا لاقينا مصر كدة .. محدش بيعلمنا معنى الابداع ... والتعليم فاشل وكل التفكير فى كيفية النجاح فى الامتحان ...
وفى الكلية لو ملزقتش كلام الدكتور فى ورقة الاجابة حتسقط بغض النظر الاجابة صح ولا غلط ... دة غير عدم التقدير فى العمل خاصتا لو بتشتغل بضمير لكن لو حرامى ولا انتوخ تبقى فلة

وكل دة بيضخ فكرة واحدة بس على مدار عمر الانسان المصرى
وهو ( كيف تكون فهلوى او كيف تفعلها بدون ابداع ولامجهود ) اصل لو ابدعت فيها حسقط لكن لو نقلت فكرة تانية
حنجح زى ما الفكرة نجحت قبل كدة والامثلة كتير فى راس الموضوع

دة سيستم نازل مخصوص للعقلية المصرية ^_^) .. وننتظر رحمة من عند الله

فكرتني ياعمر ياخويا بمدرس الرياضيات بتاعي مكنتش بفهم منو حاجة لغايت مجبت مدرس عبقري رياضيات وقعد فصفصلي الرياضة والمسائل والقوانين وشرحهالي بنظام برتقانه زائد برتقانه يبقوا اتنين. المهم. في الامتحان الشهري جيت حليت المسئلة من عقلي النتيجة صح بس الخطوات لانها مش زي طريقة المدرس اداني صفرررررررر

ولمن نقشتوا قالي ... لانك محليتش بنفس طريقتي ... فعلاً الابداع بكل اشكالوا بيتولد ميت. في البلد دي ولو عاش الناس بتقتلوا .... ومن ساعتها مبقيتش اتعب نفسي في حل اي مسئلة وببص في ورقة الي جمبي وانقل طريقت حل المدرس في ورقتي واريح دماغي ولمن كملت تعليمي بره .... اتفاجئة مدرس مطلعنا برة في الجنينة وبيقولوا اكتب موضوع تعبير عن رحلة رحتوها .... ومدرس تاني بتاع الفنية خلانا نجيب صفيحة سمنة من الزبالة ونعملها فاظة. وشكلناها باعواد الكبريت لكن لمن رجعت مصر ودخلت الجامعة استخدمت كل مهراتي وابداعاتي .... وبقيت ابدع في الغش ( الي هو سرقة معلومات) اشي مره ابرشم على كم القميص واشي على البنطلوم واشي على التخته واشي على الحيطة ... حتى في موضوع التعبير بقيت استخدم مهراتي وابدع في ورقت الاجابة لدرجة الدكتور يزهق من كتر القراية ويقول لسه هقرى كول ده. ... شكل الواد فاهم يالله. صح وخلاص وناجح ههههههههه

[Y a r i s]

الجواب واضح اوى ومش محتاج سؤال اصلا
احنا كده عشان مصريين مش اكتر ولا اقل
اى حد بيطول يسرق حاجه مش بيتردد
خلاص ثقافه السرقة بقت فى دمنا وبقى اسلوب حياة عادى جدا

والاغاني كمان يا باشا
اغنيه لون عينيك بتاعه حميد الشاعري ماهي الا سرقه للحن وتوزيع لاغنيه لويتني هيوستن
واغنيه انت ايه لنانسي عجرم برضه مسروقه
دول اللي سمعتهم بنفسي ومتاكد منهم
واكيد الافات الالحان والقصص مسروقه برضه

مش عاوز اقولكم بقالي فترة وسنين مبسمعش اغاني لاني بحس ان بقى كلو شبه بعضوا وكلوا لحن واحد ونفس الكلمات .... وفعلاً ياشنوري ياخويا تشوف فنان ولا ملحن ولا مؤلف عاملوا استوديوا طويل عريض وقاعد فيه بيدور في مزيكا توركي او مزيكى هندي او اي حاجة الناس متعرفش اصلها من فصلها ويحطلها كام كلمة مصرية وبقت اغنية ولان كتير من الناس مش متابعه الاغاني العالمية يفتكروا ان البني ادم ده فنان وعبقري وتلاقيه ماشي متفرعن كده يا ارض انهدي ماعليكي قدي وبعد فترة تكتشف ان كل الحانوا دي مسرقوة من بره لا وتلاقيه بكل بجاحة يقولك لا لا لا دي مش سرقه ده اقتباس هههههههههه. او يقولك توراد افكار ياسلالالالالالام شوف ازاي يا اخي فعلاً القلوب والعقول عند بعضها على قولة دكتور محاسبة التكاليف في الجامعة لمن سقطني مش بس لاني مغشش زمايلي لا خلاني اعيد السنة بالكامل على كام مادة لاني غششتهم غلط هههههههههه

[KemozTanta]

ابداع اية بس
كله بياكل عيش علي كله
الالحان معظمها مسروق من اغاني اجنبية مش مشهور حاجات بكتشفها في النص
اغاني من اوكرانيا ونيوزيلندا و دول مش معروفة
الاعلام اللي عندك وبهوات التوك شو اللي بياخدوا ملاييين عشان بيتكلموا بالليل علي المحافظ طلع قرار ولا حصل مظاهرة ولا حصل اعتصام
ويوم مايساعدوا حد من الجمهور بيكون واحد تاني من الجمهور مطلع من زكاة ماله مبلغ ويعملوا نفسهم ابطال واحنا بنساعد وبنعمل ونسوي ومرتب اقل واحد وواحدة منهم ربع ارنب شهرياً

اعلام وافلام واغاني وشركات محمول ومحلات اكل وملابس
كلة بقي بياكل عيش علي قفا الناس وخلاص
انما العيب في الناس بقي اللي تنحت وبقت مدمنه كلام فاضي بيكسب العالم دول كلهم

[Y a r i s]

بُص هو الذكاء موجود لدى المصريين و لدى البشر عموما علشان بس ما نخصش نفسنا بالذكاء .

المشكلة في حاجتين موجودين في مصر :

كيفية تربية الذكاء ده و كيفية استغلاله .

عندنا مثلا (بأشتغل في شركة ادارتها أجنبية)

في تقييم الموظف الشهري و السنوي ... جزء للأبتكارات .... كل لما تبتكر شئ يفيد العمل ... بتأخد عليه فلوس و محفزات تانية.
بالاضافة لده يزود تقييمك الشهري و السنوي .

هاتلي شركة مصرية بتعمل كدا ؟؟؟؟؟؟؟؟؟؟ تكون ادارتها مصرية خالصة .

العكس بيحصل .
مديرك يغير منك ... و ممكن يعمل حاجتين :
يا اما يسرق ابتكارك و يعمله لنفسه ............ و لو رفضت

الحاجة التانية يقرفك في عيشتك علشان تسيب الشغل .

للآسف النفسيات بأت زفت ............. و مفيش أخلاق .

بمناسبة تقليد الأفلام ........... ده مش عيب بس المهم أن يكون مكتوب ان القصة مقتبسة .

حبيب قلبي ياتوت كلامك مسني بجد .... وبجد حقيقي
وانا واحد من الناس دي .... الي بطلب من العامل الي بيشتغل معايا يلغي تفكيروا نهائي وهو بيشتغل معايا بل كمان بقولهم اعتبروا نفسكم في الجيش نفذ من سوكات ... مش لحاجة اكتر من ان الابداع والابتكار متربوش عليه ... بل اتربوا على الفكاكه والفهلوهة الغير مطلوبة في الشغل. عارف انا لو لقيت عندي واحد مبتكر هاخدوا واشيلوا واقعدوا على حجري بس المشكلة ان ممكن بذكاء اموا. يحب يوفر جهد. او خامة فيقوم يخسر الشركة. ملايييييييين. حتى لو كانت سمعت واسم الشركة ومع ان سوق العمل بيطلبك انك تفهم العامل بالراحة كده احنا ليه اتخذنا الاجرائات دي حتى لو كانت قواعد السلامة تبص تلاقي افتكاسات العمال تشتغل وجي يبدع. باستهتاروا فيوديك في ستين داهية. صدقني يا صديقي الابداع لازم يكون من الصغر ومن نشأة الفرد .... انا كل الي بشوفوا في سوق العمل. عمال خاليين من الابداع. ومن التفكير ... غير انوا ممكن يبدع في ازاي يزوغ او يبدع في تاليف الاعذار وممكن يموت اهلوا كلهم واحد واحد. بس لمجرد انك متخصيمش عليه غياب. ... ممكن تلاقيه مبدع في الكسل والاستسهال ودي مصيبة في حد ذاتها

[S O P H O S]

مش عاوز اقولكم بقالي فترة وسنين مبسمعش اغاني لاني بحس ان بقى كلو شبه بعضوا وكلوا لحن واحد ونفس الكلمات .... وفعلاً ياشنوري ياخويا تشوف فنان ولا ملحن ولا مؤلف عاملوا استوديوا طويل عريض وقاعد فيه بيدور في مزيكا توركي او مزيكى هندي او اي حاجة الناس متعرفش اصلها من فصلها ويحطلها كام كلمة مصرية وبقت اغنية ولان كتير من الناس مش متابعه الاغاني العالمية يفتكروا ان البني ادم ده فنان وعبقري وتلاقيه ماشي متفرعن كده يا ارض انهدي ماعليكي قدي وبعد فترة تكتشف ان كل الحانوا دي مسرقوة من بره لا وتلاقيه بكل بجاحة يقولك لا لا لا دي مش سرقه ده اقتباس هههههههههه. او يقولك توراد افكار ياسلالالالالالام شوف ازاي يا اخي فعلاً القلوب والعقول عند بعضها على قولة دكتور محاسبة التكاليف في الجامعة لمن سقطني مش بس لاني مغشش زمايلي لا خلاني اعيد السنة بالكامل على كام مادة لاني غششتهم غلط هههههههههه

-
عندك حق والله ..

-

[Y a r i s]

تأكد يا باش مهندس ان كل اللي احنا فيه ده بسبب نفوسنا وافعالنا
الماء الملوث وطوابير العيش وانابيب البوتاجاز وكل الازمات اللي احنا فيها ما هي الا بسبب ضمائرنا
هو مين اللي عمل كل الازمات ديه مش احنا
إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ
احنا فضلنا الفهلوة على الضمير
والنسخ على الابداع
والسرقة على العمل

معاك حق يا عزيزي .... وبجد بجد باستغرب ان ممكن تلاقي الحرامية مبدعييين في فنون السرقة ومبتكرين طرق جديدة .... وبعد كده تلاقي حرامية تانية تقلدهم

ده حتى على مستوى الشحاته في ناس مبتكرة ومبدعة فنون ومهرات التسول .... ويفتكسولك طرق كده للشحاته او النصب. وناس تانيه تقلدهم وتلاحظ سنة يطلع الشحات ابو رجل مسلوخة وتلاقي الموضوع اتعمم على الجمهورية .... وسنة يطلعلك بياعين الكلينكس وتلاقي الموضوع اتعمم وانتشر على مستوى الجمهورية وسنة. الي تجيبلك او تشيلك حتت عيل صغير كده لحمة حمرة .... وسنة تانية تطلع موضة الولية الي جرة عربية معوقين وتحط فيها امها ولا اختها ولا حتى جوزها وتلاقي الشحاتين بيقلدوا بعضهم ده حتى نفس النص ونفس الموشح ونفس الموال ونفس الاسطوانة والعبارة الي بيقولوها ونفس الادعية معممه على مستوى الجمهورية

ولا الحرامية الي بيكسرو قزاز عربيتك من غير صوت او نفس ده في حد ذاتوا ابداع ههههههههه
وسبحان الله ازاي الطريقة انتشرت على مستوى الجمهورية متعرفش. تقلش دخلو عملو سيرش عنها على الانترنيت ... الله اعلم

[tutankhamoun]

حبيب قلبي ياتوت كلامك مسني بجد .... وبجد حقيقي
وانا واحد من الناس دي .... الي بطلب من العامل الي بيشتغل معايا يلغي تفكيروا نهائي وهو بيشتغل معايا بل كمان بقولهم اعتبروا نفسكم في الجيش نفذ من سوكات ... مش لحاجة اكتر من ان الابداع والابتكار متربوش عليه ... بل اتربوا على الفكاكه والفهلوهة الغير مطلوبة في الشغل. عارف انا لو لقيت عندي واحد مبتكر هاخدوا واشيلوا واقعدوا على حجري بس المشكلة ان ممكن بذكاء اموا. يحب يوفر جهد. او خامة فيقوم يخسر الشركة. ملايييييييين. حتى لو كانت سمعت واسم الشركة ومع ان سوق العمل بيطلبك انك تفهم العامل بالراحة كده احنا ليه اتخذنا الاجرائات دي حتى لو كانت قواعد السلامة تبص تلاقي افتكاسات العمال تشتغل وجي يبدع. باستهتاروا فيوديك في ستين داهية. صدقني يا صديقي الابداع لازم يكون من الصغر ومن نشأة الفرد .... انا كل الي بشوفوا في سوق العمل. عمال خاليين من الابداع. ومن التفكير ... غير انوا ممكن يبدع في ازاي يزوغ او يبدع في تاليف الاعذار وممكن يموت اهلوا كلهم واحد واحد. بس لمجرد انك متخصيمش عليه غياب. ... ممكن تلاقيه مبدع في الكسل والاستسهال ودي مصيبة في حد ذاتها

ما هوالمفروض الموضوع بيكون بحساب .
أحنا عندنا

تقول فكرتك .... و تنفذها كتجربة مش على العمل الفعلي .

لقينا الفكرة مفيدة و مش هاتضر العمل بل على العكس هاتفيد العمل .... بيتم تنفيذها فورا .

زي مثلا عملنا برنامج قبل كدا يفيدنا في شوية حاجات في الشغل ....
الأول جربناه في بيئة تجربة و ليس بيئة العمل .
البرنامج أثبت كفاءة

تم تنفيذه على بيئة العمل ............ و كله تمام .

هو أنت ليه بتكبر الخط قوي كدا ؟؟؟؟