أنا مصريه إذا الأمريكية مرتبها ضعفى 16 مرة و الإسرائيليه 8 مرات !!!

[MaNoLa]

بدون مقدمات
أنا شغاله من حوالى شهرين كدة فى لأحدى الشركات العالمية و بقدملهم بعض الطلبات إلى بيكونوا عايزنها و بيتم محاسبتى عليها فى النهايه

عمتا يعنى أنا مش معتبرة نفسى شغاله فيها لأنى بحاول أقضى فيها وقت فراغى والحمد لله مش منتظرة خالص شغلهم لكن إلى خلانى أتكلم عن الموضوع دة حاجة حاسة أن فيها تمييز جامد جدا و عنصرية بشكل غير مبرر لكل ماهو مصرى

على سبيل المثال بعملهم شغل و بيتم محاسبتى عليه و ليكن بمبلغ 500 دولار
الموظفة الأمريكية فى نفس الشركة دى بتعمل نفس الشغل بالظبط و بتتحاسب عليه بـ8000 دولار
الموظفة الإسرائيلية فى نفس الشركة دى بتعمل نفس الشغل بالظبط و بتتحاسب عليه بـ4000 دولار

طبعا أنا مش بتكلم عليا أنا شخصيا
أنا بتكلم عمتا أن نفس المجهود إلى بعملة هما هما بيعملوه لكن الفرق فى الحساب بيختلف تماما حسب الدولة

زمان كنت بسلى نفسى برضة فى شركة تانيه و كانت الحجه أن الشغل بيروح للعرب و ماهم إلا مجرد وسيط تقدروا تقولوا نفس سياسة شركة جوجل لو حد فيكم جربها لكن الشركة دى مش بتوزع الشغل على العرب يبقى ليه الحساب بيتغير ؟


و ليا ناس كتيرة جدا زمايلى فى فتره الدارسة قابلهم مشاكل كتيرة جدا فى مجالنا بصفة خاصه و كانت المفاجأة أنها بسبب وزارة الأتصالات و يكفى أن بنك زى paypal مقفول فى مصر
و ياما ناس زمايلى كتير جدا أتقفلها شركات أستضافة معمولها سجل تجارى فى مصر بسبب أنهم مصريين و على فكرة مكانش فيه أى أستخدام للسبام لدرجة أن فيه مرة دعم فنى رد على زميل ليا و قاله أحنا معندناش عرب بنستضفهم !!!


خلاصة الموضوع و فككم من الكلام دة كله
الموضوع أن ليه المصرى دايما أدام العالم كله = أعلى مجهود + أرخص سعر ؟

[MTAK]

مع كامل الاحترام و التقدير لكل المصريين

و لكن تلك الحقيقه و لكنها ليست الكامله

الحقيقه الكامله ان مش المصريين بس

كل جنسيه و لها سعرها فى سوق العمل - حتى لو نفس العمل بيؤدى حرفيا

---
اتكلم عن امثله واقعيه
يعنى كان اصحابى بيشتغلوا على حفارات بترول و كانوا بيروحوا بحر الشمال
و بعد قلق برج التجاره بطلوا
و ابتدت الشركات تاخد من البانيا لانهم مازالوا ارخص من الاوربى الانجليزى او الامريكى
و هكذا


لى صديق سافر امريكا و بيحضر الدكتوراه و كان هنا مستواه المادى و الاجتماعى من الطبقه العليا نوعا ما

سألته مرة انت ناوى على ايه قالى اخد الجنسيه و ارجع على الخليج
قولتله : طب ليه اللفه دى كلها و انت اساسا كانت جايلاك عروض محترمه من الخليج

قالى لأ يا بابا
انا لما اروحلهم دكتور امريكى الجنسيه غير خالص ما اروح دكتور مصرى

--
لا تلقى بالا
دى انظمه عالميه
جزء كبير منها ساهمنا نحن فيه بأيدينا

[khaled_legend]

نحن من فعلنا هذا بانفسنا و لو كنا بنحترم نفسنا كان كل العالم اجبر علي احترامنا

[misry]

معلش بعيد عن الموضوع شوية ... هو ايه نوع الشغل ده ...؟؟

وهل هو تبع LionBridge وللا حاجة تانية ..؟


شكرا ..

[rosebox]

الموضوع ده محتاج يتبروز كده و يروح على مرسى مع انه عاش عمره فى امريكا بس برضه فذكر

[MaNoLa]

مع كامل الاحترام و التقدير لكل المصريين

و لكن تلك الحقيقه و لكنها ليست الكامله

الحقيقه الكامله ان مش المصريين بس

كل جنسيه و لها سعرها فى سوق العمل - حتى لو نفس العمل بيؤدى حرفيا

---
اتكلم عن امثله واقعيه
يعنى كان اصحابى بيشتغلوا على حفارات بترول و كانوا بيروحوا بحر الشمال
و بعد قلق برج التجاره بطلوا
و ابتدت الشركات تاخد من البانيا لانهم مازالوا ارخص من الاوربى الانجليزى او الامريكى
و هكذا


لى صديق سافر امريكا و بيحضر الدكتوراه و كان هنا مستواه المادى و الاجتماعى من الطبقه العليا نوعا ما

سألته مرة انت ناوى على ايه قالى اخد الجنسيه و ارجع على الخليج
قولتله : طب ليه اللفه دى كلها و انت اساسا كانت جايلاك عروض محترمه من الخليج

قالى لأ يا بابا
انا لما اروحلهم دكتور امريكى الجنسيه غير خالص ما اروح دكتور مصرى

--
لا تلقى بالا
دى انظمه عالميه
جزء كبير منها ساهمنا نحن فيه بأيدينا

مانا والله كان قصدى زيك كدة بالظبط فى أى مجال بصفة عامة سواء طب أو هندسة أو برمجه أو حتى فى التجارة أسوء خامات بتوصلنا و أعلى أسعار و فى الأخر كله تحت أسم أستثمار

نحن من فعلنا هذا بانفسنا و لو كنا بنحترم نفسنا كان كل العالم اجبر علي احترامنا

فعلا لا يوجد لشخص كرامة فى دول أجنبيه إلا إذا كان لديه كرامة فى دولتة
لكن ناس بتتقتل و تترمى و تتشد فى الزبالة فى بلدهم
هيبقى أية حالهم و وضعهم برضة ؟

معلش بعيد عن الموضوع شوية ... هو ايه نوع الشغل ده ...؟؟

وهل هو تبع lionbridge وللا حاجة تانية ..؟


شكرا ..

لأ محدش فينا جرب الشركة دى بصراحة و كل إلى أعرفه عنها أنها بتاعة أبحاث
لكن جربنا حاجات كتيرة زى شركات السيرفرات و ريسلر و شوية برمجه و هكذا وطبعا جوجل أدسنس وحاجات مشابهه
و على فكرة تجاربنا بالكامل مش تجارية و لكنها لأثبات غريزة عندنا
تقدر تقول أن أحنا مجموعة زملاء كدة داخلين المجال عن دراسة و عن حب و بنجرب فيه

الموضوع ده محتاج يتبروز كده و يروح على مرسى مع انه عاش عمره فى امريكا بس برضه فذكر

يروح يعلم و يربى سى عمر أبنه الصح من الغلط الأول و مع أحترامى لكل من يختلفوا معى سياسيا الأمل و الكرامة مش فى الفتره دى أطلاقا

[dr.hazem]

كنت قاعد مع صدسق طبيب سعودي
وبنتكلم عالشغل
فبقوله ايه رأيك اطلع اكمل في أوروبا
قالي صراحة
لو هتروح عشان تأخذ الجنسية اوكي انما لو بس هتكمل متروحش
فبقوله ليه
فشاورلي على طبيب سعودي برضو وبيقولي.. فلان ده كان قسم الباطنة محتاجين رئيس قسم وهو قدم موافقوش
3 مرات على مدى كذا سنه وهو استشاري اصلا وميرضوش
سافر بريطانيا وخد الجنسية ورجع
اتعين رئيس القسم وراتبه حاليا 85ألف ريال
ههههههههههههههههه
دي عقدة الخواجة عند العرب لا أكثر ولا اقل..
تحياتي

Sent from my LT18i using Forum Runner

[tutankhamoun]

لما بتكون الفاكهة قليلة و شاحة في السوق بتكون غالية و عليها طلب عالي .
و لما الفاكهة تكتر في السوق بتبقى رخيصة و البياع بيدلل عليها و ساعات نصها بيعفن عنده لو ما بعاهاش برخص التراب .

كل الدول اللي عدد سكانها في الليمون عمالتها رخيصة
مصر - الهند - الصين - بنجلاديش - دول أمريكا الجنوبية

الواحد من الأنجليزي أو الأمريكي أو الألماني أو الفرنسي يتفك بعشرة مننا و هانرضى بقليلنا علشان مش لاقيين .

كل لما الدولة عدد سكانها يكون صغير أو ثابت و مواطنيها مش بيشحتوا الشغل
هاتلاقي أن المواطن بيتعامل معاملة حلوة (أنابتكلم مع توافر المؤهلات العلمية طبعا )

زي اليابان و دول غرب أوروبا و أمريكا الشمالية (كندا - الولايات المتحدة الصهيوينة )

دي للآسف حقيقة مستفزة في العالم مش في مصر بس .

[Mzeid]

فيه اللي اقل مننا زي الفلبين مثلا و الهند

كنت طلعت التدريب في الكلية كان عبارة عن شغل اكتر منه تدريب و كنت بقبض منه و كنت بشتغل مع ناس اوروبيين بالتحديد يونانيين و شوية اوكران

و انا كنت بقبض اكتر من نصهم بحاجة بسيطة
و الاوكران كانوا بياخدوا في مستوانا
فاتناقشت مع مهندس يوناني في الكلام دة و كنا وصلنا الى ان الشركة بتدي كل واحد حسب تكلفة المعيشة في كل بلد

يعني هما عندهم مثلا ايجار شقة صغيرة ممكن يبدأ من 600 - 800 يورو قسط عربية يعني متوسطة يعمل 500 يورو تي شيرت كويكسيلفر يعمل 100 يورو

انما عندنا علشان هما عارفين ان الجنيه رخيص فبناخد اقل منهم

[mbx4e]

طب سؤالي لصاحبة الموضوع
حضرتك طبيعة شغلك ايه ؟ايه المؤهلات اللي شركتك محتاجاها للعرب والمصريين بالذات؟

[Ahmed Selim]

هى حاجة تغيظ بس هى طبيعية

تعالي شوفي سوق العمل فى الخليج من بعد الأزمة..........الشغلانة اللى محتاجين فيها 1 بيتقدم لها 1000......أكثرهم هنود و باكستانيين......الهندي أو الباكستاني ممكن يقبل بمرتب نصف مرتب العربي أو أكتر حاجة بسيطة حتى لو الأتنين متجوزين و مخلفين......تفتكري من ال 1000 دول مش هيلاقو 5 مثلاً يعملوا الشغل و كويسين فيه ؟؟؟
ال 5 دول هتلاقي 2 أو 3 منهم هنود أو باكستانيين.....يقبلوا مثلاً بمرتب 5 و العربي مش أقل من 8 أو 10....هيجيبوا مين فيهم ؟

كله دلوقتي بيدور على الأرخص و خصوصاً فى الشغل اللى متوفر فيه ناس كتير ممكن تعمله.

لو بصينا للموضوع من جه أخرى....
ال 5 الاف بالنسبة للهندي أو الباكستاني = أكثر من 50 ألف بعملته.....يعنى هو فعلياً لو حوش من ال 5000 دول 500 فى الشهر كأنه بيحوش 5000 بعملته....يعنى فى السنة يعمل 60 ألف من عملته.

العربي مش هيعرف يحوش منهم حاجة و إحتمال ميكفوش لو متجوز و مخلف.

[tutankhamoun]

هى حاجة تغيظ بس هى طبيعية

تعالي شوفي سوق العمل فى الخليج من بعد الأزمة..........الشغلانة اللى محتاجين فيها 1 بيتقدم لها 1000......أكثرهم هنود و باكستانيين......الهندي أو الباكستاني ممكن يقبل بمرتب نصف مرتب العربي أو أكتر حاجة بسيطة حتى لو الأتنين متجوزين و مخلفين......تفتكري من ال 1000 دول مش هيلاقو 5 مثلاً يعملوا الشغل و كويسين فيه ؟؟؟
ال 5 دول هتلاقي 2 أو 3 منهم هنود أو باكستانيين.....يقبلوا مثلاً بمرتب 5 و العربي مش أقل من 8 أو 10....هيجيبوا مين فيهم ؟

كله دلوقتي بيدور على الأرخص و خصوصاً فى الشغل اللى متوفر فيه ناس كتير ممكن تعمله.

لو بصينا للموضوع من جه أخرى....
ال 5 الاف بالنسبة للهندي أو الباكستاني = أكثر من 50 ألف بعملته.....يعنى هو فعلياً لو حوش من ال 5000 دول 500 فى الشهر كأنه بيحوش 5000 بعملته....يعنى فى السنة يعمل 60 ألف من عملته.

العربي مش هيعرف يحوش منهم حاجة و إحتمال ميكفوش لو متجوز و مخلف.

واحد صاحبي كان في الهند من سنة

بيقولي أكلت وجبة كاملة و شربت مشاريب محترمة ..... ب 10 جنيه مصري فقط لا غير .
قالي الجنيه المصري هناك ......... زيه زي الألسترليني عندنا .

[Ahmed Selim]

واحد صاحبي كان في الهند من سنة

بيقولي أكلت وجبة كاملة و شربت مشاريب محترمة ..... ب 10 جنيه مصري فقط لا غير .
قالي الجنيه المصري هناك ......... زيه زي الألسترليني عندنا .

سيبك من أن أزاى صاحبك جاله قلب ياكل الأكل العجيب بتاعهم :)

الدرهم الإماراتي = الريال السعودي = الريال القطري= حوالى 12 روبية على الأقل.

الجنيه المصرى = .65 درهم أو ريال

يعنى بتتكلم فى أن الجنيه المصرى = تقريباً 9 روبية

نفس الكلام ينطبق على باكستان....الفلبين......تايلاند

[Evo]

الموضوع ليه شقين

الشق الاوهو قانون العمل المصري اللي مبيحفظش حق المصريين اللي شغالين في شركة International
تلاقي المصري بياخد X وزميله الاجنبي بياخد 5X
تلاقي الاجنبي بياخد مميزات ضعف أو ضعفين المصري بالاضافه إن المصري بيدفع ضرائب 20% من مرتبه لو شغال في شركة International .

لو بصيتي لنفس الشركة لو ليها فرع في الخليج هتلاقي الخليجي بياخد X والاجنبي X مفيش أي فرق بالعكس الخليجي ليه ضمانات ومعاملات أحسن من الاجنبي .

الشق التاني هو إن عقود العمل للامريكان والأوروبيين لو هيشتغلوا في شركات محلية مش International بتكون أفضل من أهل البلد
لكن برده الخليج استثناء.

من الاخر وزارة القوى العامله المصرية لازم تهتم بسعر العماله المصرية أكتر داخل وخارج مصر

مؤخرا في الخليج اصدرت قرارات 80% من العماله تكون من أهل البلد وإلا الشركة هيتقالها برة ومن الصعب جدا شركة ترفد واحد من أهل البلد إلى إذا كان فيه سبب وقوي جدا مش مجرد سبب وبس !

في مصر مفيش الكلام ده

[Ahmed_Rahem]

الموضوع كالتالى، الاجنبى فى بلدة عندة كل حاجة - علاج طبى، طرق نظيفة، حياة كريمة - فلازم الشركات تديلة اغراء مادى عالى علشان يسيب بلدة ويجيلك - دايماً الكلمة السحرية مرتب بدون ضرائب - انما مواطنى دول العالم الثالث - واحنا منهم - الواحد قرفان من بلدة ومستعد فاى مرتب هيجى هيمشى، وهنا نقطة الفيصل.
انا صاحب شغل وعارف انى اقدر امشيك واجيب غيرك وممكن كمان براتب اقل - لان الى جوة عايز يخرج وميعرفش المرتب دة هيعيشة ولا لأ - يبقى اديك مرتب عالى لية، انما الاجنبى لو مشى هتعب علشان اجيب واحد تانى مكانة يبقى لازم ادفعلى علشان يقعد.
مفيش كرامة برة طالما مش موجودة جوة!!!
والسلام ختام