ايه ياعم قنوات المصارعة بتاعت اليومين دول ★★★★

[Y a r i s]

★★★★★★
سبحان الله ... كان زمان الواحد يتنشأ على مطش يشوفوا النهارده
في تالت اربع قنوات للمصارعة



الموضوع مش هنا الموضوع بتفرج لقيت حكم المطش .... وحده سيت
ومش اي سيت دي. اسمها ( ايه جييييييييييي)
ويالهوي على ايه جيه ومياصت ايه جييييه


[]


ولا مصرعة السيدات .... ياترى دي نسميها مصارعة ولا نسميها ايه !!!!
وبعدين. نرجع للبت الحكمة الي اسمها ( ايه جيه ) رجليها تعبتها ياعيني من الوقفه. راحت نزلت تجيب كورسي تقعد عليه فقام مصارع خطف الكرسي منها وبقه يضرب بيه زميلوا .... قامت هيا قال ايه نزلت جابت مضرب بيسبول واديتوا للمصارع التاني. .... وسبيتهم يخلصوا على بعض. ... وشوية تدحك لده وشوية تتمايص مع ده

المهم وهما مرمين على الارض الاتنين قام جري المصارع عاوز ياخود الكرسي راحت فتحاه وقعدت عليه. ... وبقه المصارع يترجاها ويقولها بليززززز. عاوز الكرسي اضرب بيه المصارع التاني وهيا تقولوا لألأه. هههههههههه في اللحظه الي ده بيترجاها انوا ياخود الكرسي قام الي وراها بسرعه قام وقف وخد مضرب البيسبول. وقام خدوا على خوانه وضربوا على نفوخوا .... طب بالله عليكم. انتا بتسموا دي مصارعه حرة ولا تمثيل ولا فيلم هندي ولا بتسموها ايه



@@@@@@@@@@@@@@@@@@
بجد حاجة غريبة وعجيبة .... واكيد ليها هدف غير الرياضة
وهيا نشر العنف في المجتمع واثارة الشباب
وافسادهم ... وتحياتي

[Y a r i s]

المشكلة بجد الحقيقة .... لمن القنوات دي بتبث سمومها عيني عينك على الملء .... وتلاقي طبقات المجتمع
الكادحة تتفرج على المسخرة دي .... وتشحنهم بطاقه سلبية .... من الي بيشوفوها. سواء اكان في اثارة غرائزهم او في شحن كمية العنف لديهم .... بل الخطورة لمن الاقي اطفال المدرسة قاعدين يتكلموا عن حلقت امبارح بتاعت المصارعة ... وبقيت الاحظ شباب صغير بيروح ياخود كمية هورمنات وامنيو وحجات زي كده علشان ينفخ عضلاتوا وتلاقيه ماشي ياعيني ولابسلك بادي وكوم البدي هيتفرتك من على دراعوا والي باستغربلوا اكتر ان سعر الحباية الواحده بتاعت الهرومنات يتراوح حوالي ب ٩ جنية. الله طيب مايزود على التسعه جنيه دي كام جنية ويجبلو. نص فرخة مع شوية رز وسلطة مش افيدلوا من الحجات الاصطناعية دي !!!!

[mazagngi2010]

بعيد عن الموضوع هى النجوم دى
★★★★★★
بتتحط فى الموضوع عادى اصل شفتها فى موضوع تانى ليك

[S O P H O S]

انا شايف ان المصارعة لحد وقت قريب كانت رياضة
ورياضة مفيدة انما حاليا اسفاف ليس الا مجرد راي
تحياتي ...

[ahmad--ezzat]

انا شايف ان المصارعة لحد وقت قريب كانت رياضة
ورياضة مفيدة انما حاليا اسفاف ليس الا مجرد راي
تحياتي ...

معلش ياباشا...هو ايه اللي مفيد لما اشوف 2 نازلين ضرب في بعض وبتوصل الخناقات للدم في بعض المتشات

ده حتي خطر جدا لما تشوف الاطفال الحجات دي

[S O P H O S]

معلش ياباشا...هو ايه اللي مفيد لما اشوف 2 نازلين ضرب في بعض وبتوصل الخناقات للدم في بعض المتشات

ده حتي خطر جدا لما تشوف الاطفال الحجات دي

ايوة يا باشا انا بتكلم عن مصارعة وقت فات وهي رياضة كأي رياضة تانية تعتمد علي فنون القتال
طب ما احنا كمصرين بنخش العاب مشابه اولمبية وغيرها وبنحرز احيايا مراكز
لكن هي المصارعة كوطن عربي مش موجودة انما برا مطلوبة وليها جمهور زي كرة القدم فمصر كده ..

[Y a r i s]

بعيد عن الموضوع هى النجوم دى
★★★★★★
بتتحط فى الموضوع عادى اصل شفتها فى موضوع تانى ليك

حبيبي يامزجنجي .... دي النجوم دي واحد حبيبنا كان لسه راجع من الامرات فبصيت لقيتوا جايبلي كرتونة ... قلتلوا ايه ياعم ده كلو هعمل بيهم ايه ، قلي مش مشكلة خليهم عندك مش هيخسروا ... فحطيتهم في التلاجة مفيش حد من العيال مد ايدوا على نجمه وحده وكلها .... فقلت استخدمهم خسارة بدل مايبوظوا هههههههه

حبيبي يا مزجنجي .... دي زغرفت ماسينجر ياباشا. عادي بتقدر تستخدمها وبتتقري عادي

★★★★★★

انا بالنسبة للمصارعة هيا فعلاً. رياضة رغم ان في بعض المشايخ افتوى بتحريمها
وبعضهم قالوا انها حلال ... لان هي بتقوي الواحد بتعليموا مهرات القتال قد تكون غايبه عنوا .... بس زي ما قال دكتور احمد كانت زمان مصارعه لكن دلوقتي انا بجد مش عارف اسميها ايها .... وكل مصارع جايب معاه حتت فرس قال ايه وقفه تشجعوا وبعد شوية تنط في الحلبه. وتضرب المصارع التاني قال ايه بتدافع عن حبيبها .... المشكلة ان الفرس الي مع كل مصارع بتئثر على الشباب بتعنا سالباً قولوا ازاي ؟؟

هقولكم ان بعد مالواد فيهم يقعد يتمرن ورايح فين ياحبيبي. ياريح الجيم جي منين ياحبيبي جي من الجيم ويقعد يربي في عضلاتوا وعلى هرومنات ومنشطات وبعد ما يربي العضلة من هنا يكتشف انوا معندهوش فرس
فينزل في الشارع فارد عضلاتوا. بيدور على فررررررسة ... تقلش عنتر ابن شداد بسلمتوا

ومشكلة حقيقي مشكلة. لمن تلاقي شب مربي عضلاتوا لكن مفيش حد قادر يربيه او مش متربي
ده العيال الي مش مربية عضلاتها مع الاسف الواد امو تكلموا كلمتين يقوم يزوقها ويشوحلها ويقولها وسعي وسعي وده من غير عضلات اومال لمن يبقى بعضلات ... ده هنسيطر عليه ازاااااي !!!!

@@@@@@@@
وتحياتي

[mahmoudselim]

هي كل الحكاية يا باشا ان قنوات وبرامج المصارعة ظهرت مع توقف الدوري في البلد.
سبوبة يعني وزي ما بيتقال مصائب قوم عند قوم فوائد.

[Magoda]

ديه نزلالها قناه بعينها اسمها mOSAR3A بس بحس انه تمثيل مش بحس انه حقيقى
ولا ياسلام على المعلقين ............

[lanos2004]

دى مش مصارعه اصلا
المصارعه نوعين رومانى وحرة وليها قواعد و قوانين
دى خناقه على ناصيه حارة وتمثيل

[Y a r i s]

فعلاً معاكم حق ياشباب
سبوووووبة. ... وقلبت من مصارعة لخناقة. عن ناصية الشارع. المصيبة ان حبت القنوات دي اثرة على المجتمع .... بالذات مثلاً مثلاً تعاله اكسر غصب عنك عن عربية جمبك. وشوف سواق العربية هيعمل فيك ايه !!!
لو مابيشوفش قناة المصارعة هيقول حصل خير ابقى خلي بالك ... والحمدالله جت سليمة
ولو متابع قناة المصارعة هتبص تلاقيه. على اعصابوا وقبل ما تتكلم وتقولوا انا اسف يكون شتمك مليون شتيمة وعاوز كده يتشقتلب من عربيتوا وينزل ساحبك وضارب راسك في كورنر الحلبة وميلقيش الكورنر فيفكر انو يحدف دماغك ويرزعك في رفرف العربية ههههههههههههه وبعدين يقوم طالع فوق السقف وناطط عليك نطت سوبر مان بتاعت المصريعين ويثبتك على الارض ههههههه مندمج الاخ



وغير كده وكده انا على قناة المصارعة بشوف حجات غريبة عجيبة حد يقولي
الي طالع يتصارع ده الي مخليه يطلع سلاللم على الحلبة. هو الاخ شغال مصارع ولا شغال نقاش او كهربائي



حد يقلي ده طالع على السلم ليه. ولا جايب السلم من اصلوا ليه !!!

[misry]

أنا شغال في عيادتي للأطفال بس ... فجايب لهم تليفزيون وبشغل كرتون وكده علشان ما يخافوش

تصدق ... ألاقي كتير منهم يقولوا كارتون ايه ... عاوزين مصارعة أو فيلم رعب ,,,

الاطفال اتغيرت كتييييييير عن زمان ... وتغيير للأسوأ طبعا

ربنا يستر ...

[grand hand]

دى مصارعة هواة وملهاش علاقة تقريبا بالاتحاد الدولى للمصارعة اللى هى ماتشاته بتتلعب فى الاولمبياد، وفى امريكا ليها جمهور عريض وتذاكر بتتحجز قبل المباريات بوقت كبير وباسعار غالية مش رخيصة خصوصا فى بطولات معينة زى الرسلمانيا وغيرها، بس فى السنين الاخيرة اصبحت المباريات بتعتمد على سيناريوهات مكتوبة ومدبرة زى الافلام بالظبط وحركات كاميرا وانفعالات وتعبيرات مدروسة جدا ودخول مصارعين فى وقت معين فى المباراة لاثارة حماس الجماهير وغيره من الاساليب اللى واضح جدا ان فى كاست كبير وفاهم فى مجال الاثارة والتشويق السينمائى وراه، وفى النهاية هو مجال ترفيه زى اى مجال اخر وحاليا ملوش اى علاقة بالرياضة او الاخلاق الرياضية، "مجرد شو اكشن وخلاص"

[elpasha1]

دا كلة كوم والاعلانات اللى بين الماتشات كوم تانى
تيجر كنج على شداد القوة على معرفش اية
حاجة غريبة فعلا

[grand hand]

اللى عايز يتابع اخر الماتشات هيلاقيها على الـ mbc action وابو ظبى الرياضية كل اسبوع، والقناة التالتة الكويتية كانت بتجيب ماتشات حديثة من فترة وطبعا القنوات دى صورة نضيفة ومفيش اعلانات تقريبا بس المواعيد مش فاكرها بشوفها بالصدفة