قطه نايمه ع العربيه

[ahmdmagdy]

السلام عليكم

كل يوم انزل عشان اروح الشغل اشوف قطه شكل مريحه ع الكبوت لما تحس ان في حد جاي جمب العربيه تروح ماشيه
الا القطه دي قعدت ابسبس لها مفيش فايده خبطت علي الصاج مفيش فايده روحت شديت الغطاء من تحت لفوق رحت ناطرها طلعت تجري ودي صورتها لما كانت في سابع نومه

[ibn_seena]

طب كويس انهم بيناموا عالغطا
انا يوم نسيت اغطي العربيه.
واااااه
نزلت لقيت القطط راسمين لوحة فن تشكيلي بضوافرهم عالكبوت .
واتبهدل الكبوت خرابيش والحمد لله

[eldell]

ههههههههههههههههههههههههههههههههه شكلها كانت شاربه حاجه وكانت فى حاله لا وغى بس حرام عليك تصحيها من نومها كده انا لو منك اسيبها زى ماهى واروح الشغل بتاكسى هههههههه بعد كده لو وقعت فى الموقف ده شويه مايه صغيرين على دماغها هتلاقيها اتنفضت اسال مجرب والقطط عندى مش قطط ديه ديابه يعنى اسخم من الكلاب

[windofchange]

الرحمة حلوة يعني صحيها براحة هي نايمة عالغطاء علشان تدفا من البرد اللي داخل علينا "امم امثالكم"

[S O P H O S]

وقطة ارحم كتير من الي بينام علي الغطاء عندنا ..

[dodo2000]

معلش هشها براحة و بلاش حوار المية ده

[ahmdmagdy]

بعد كده الواحد و هو نازل يجيب بخاخه مياه و يرشها عليها عشان تصحصح

[grand hand]

مش عارف ليه شكلها صعب عليا

[mr_vampire]

كان فيه واحدة برده مستلماني كللللللللللل يوم ولو نقلت العربية بتعرفها وتروحلها ... بهدلت الغطا وريحته بقت وحشة وساعات بتسن دوافرها عليه وتخربش الصاج قما راشش مية عليها كذا مرة وساعات كنت بخضها ههههههههههه اجي بشويش جمب العربية واخبط جامد تقوم قايمة جرررررررررري بس متلبسش في حاجة كانها نايمة مغمضة عين ومفتحة عين ..

[windofchange]

يارجالة القطط دي روح ولازم نرحمها وربنا قال "امم امثالكم" علي الحيوانات فلما نخضها ممكن نموتها كده تجري تدوس عليها عربية وممكن تتشل وتقعد ايام عقبال ماتموت انا شقت قطط كده تقعد يومين تعاني ومشلولة علشان عربية خبطتها ولا موتوسيكل ... بس هما بيناموا عالغطاء علشان يدفوا ممكن ترش مياه خفيف علشان متطلعش تاني عالغطاء وتخربش بويه العربية, وانا كنت فاكر زمان انهم مش بيجوعوا ولا يعطشوا لغاية محطيت لقطة مياه عالسلم وكانت بتخلصها كل يوم وحاجات بسيطة بنعملها تدخلنا الجنة قال صلي الله عليه وسلم "امراه دخلت النار في هرة حبستها لا هي اطعمتها ولا تركتها تأكل من خشاش الارض" وقال ايضا "ارحموا من في الارض يرحمكم من في السماء"

[AHMED_DINAMO]

انا شفت الموضوع بس ملقتش تعليق هى اه مضايقاك بس برده حرام هى روح
وبرده العربيه بفلوس احنا مش بنسرق برده وهى ممكن تخربشها فالموضوع
محير يا باشا وانت بئا فكر وانت وضميرك

[khaled_legend]

حتي الخوف عند القطط انعدم

[Y a r i s]

هي مش القطط بسبع تارواح
انتا لو طلعت رووح منها يبقى لسه فضلها. سته وبعدين جيم اوووفر

[ACC.Eslam Arif]

ما بيبجحش كده و ميعملش كده غير قط مش قطة وتلقيه تقيل فى مشيته ورسى كده وليه هيبة ههههههههه
تحس انه عامل دماغ عالية :d

[ahmad--ezzat]

اضربها بطوبه فوشها

ههههههههه

لا بجد صحيها براحه فعلا وانا لو مكانك هجبلها اكل كمان واحطهولها علي جنب