حد بيربى حيوانات أليفه او غير أليفه

[dede_dodo88]

للأسف تجاربي في تربية الحيوانات كانت فاشلة..

كان عندي سلحفتين و أنا صغير :)
بس كان في واحدة بتاكل أكل التانية لحد ما التانية ماتت :( فتخلصنا من السلحفة المفجوعة..

و كنت جبت كلب لابرادور ريتريفار من فترة مش بعيدة..
و إذ في يوم أرجع من الشغل ملاقيهوش في البيت!!.. والدتي مشيته :((
بس كنت مكتئب فعلاً وقت ما ده حصل لأنه كان حلو أوي ومهون عليا.. كنت برجع من الشغل ألعب معاه..

بس لن يهدأ لي بال غير لما أجيب كلب تاني.. lol

[ahmad--ezzat]

http://w.kalbapigeon.com/vb/showthread.php?p=147478

[AHMED_DINAMO]

للأسف تجاربي في تربية الحيوانات كانت فاشلة..

كان عندي سلحفتين و أنا صغير :)
بس كان في واحدة بتاكل أكل التانية لحد ما التانية ماتت :( فتخلصنا من السلحفة المفجوعة..

و كنت جبت كلب لابرادور ريتريفار من فترة مش بعيدة..
و إذ في يوم أرجع من الشغل ملاقيهوش في البيت!!.. والدتي مشيته :((
بس كنت مكتئب فعلاً وقت ما ده حصل لأنه كان حلو أوي ومهون عليا.. كنت برجع من الشغل ألعب معاه..

بس لن يهدأ لي بال غير لما أجيب كلب تاني.. Lol

يا باشا تربية الحيوانات دى متعه لوحدها بس انت تراعيها وتخلى بالك منها ومتهملهاش لانك ستحاسب عليها اهم حاجه

ان شاء الله تجيب بس انت ناوى تجيب نوع ايـــــــه ؟؟

[AHMED_DINAMO]

ahmad--ezzat

انا كده هتوقف يا باشا كده انا مش هجيب عربيه كده انا هتجوز واجيب عربيه هههه

[abogogo]

الحمد لله عندي قطتين جنة وجودي ربنا يبارك لي فيهم

تربية الحيوانات الأليفة شيء جميل بس مسئولية لأن الحيوان بيكون متعلق في رقبتك وربنا هيسئلك عنه عشان كدة لازم تكون قد المسئولية أيضاً تختار الحيوان المناسب للمكان المناسب قط او كلب "للحراسة" سمك للزينة بيكون حلو للتأمل وراحة الاعصاب او طيور ... إنما نمر وثعبان وثعالب وقرد مش أليفة حتى لو تم استئناثها بتفضل طبيعة البراري فيها بتغلب التطبع فعشان كدة مش أمان .... زمان ربيت كلاب وقطط وطيور "عصافير وحمام" وسمك وثعابين وصقور وسحالى وكنت من رواد سوق الجمعة بتاع السيدة عائشة وبحكم ان ساكن في بيت ملك فسطح البيت كان مرتع لأصناف حيوانات من كل صنف ونوع بس الحمدلله مرحلة وعدت وتقبلوا تحياتي

[AHMED_DINAMO]

الحمد لله عندي قطتين جنة وجودي ربنا يبارك لي فيهم

تربية الحيوانات الأليفة شيء جميل بس مسئولية لأن الحيوان بيكون متعلق في رقبتك وربنا هيسئلك عنه عشان كدة لازم تكون قد المسئولية أيضاً تختار الحيوان المناسب للمكان المناسب قط او كلب "للحراسة" سمك للزينة بيكون حلو للتأمل وراحة الاعصاب او طيور ... إنما نمر وثعبان وثعالب وقرد مش أليفة حتى لو تم استئناثها بتفضل طبيعة البراري فيها بتغلب التطبع فعشان كدة مش أمان .... زمان ربيت كلاب وقطط وطيور "عصافير وحمام" وسمك وثعابين وصقور وسحالى وكنت من رواد سوق الجمعة بتاع السيدة عائشة وبحكم ان ساكن في بيت ملك فسطح البيت كان مرتع لأصناف حيوانات من كل صنف ونوع بس الحمدلله مرحلة وعدت :10d5c8w1107: وتقبلوا تحياتي

ربنا يخليهوملك يا باشا وتشوفهم عرايس ان شاء الله
واحبك اجييك على الايموشنزالكتير ال مخليه شكل رد حضرتك رائع ودمه خفيف
ومشكوور على رد حضرتك وانا عارف ان هى بتبئا فترة اهتمام وبعدها بوووف كل ده بيروح
وان شاء الله تعدى بالف سلامه وانا برده كنت من زوار وليس رواد سوق الجمعه وفى مره فكرت اربى تمساح ههههههه كان بيتباع هناك ب 20 جنيه بس

[lanos2004]

انا بربى نمل -نمل بيتى ونمل اصفر صحراوى

[moody_687]

انا عندى 5 قطط بس مدوخني بقى خاصا الواد مشمش بتاع جواز بريمو قط فظيع وشقي وماشاء الله الخمسة اذكية

[dede_dodo88]

يا باشا تربية الحيوانات دى متعه لوحدها بس انت تراعيها وتخلى بالك منها ومتهملهاش لانك ستحاسب عليها اهم حاجه

ان شاء الله تجيب بس انت ناوى تجيب نوع ايـــــــه ؟؟

هي متعة فعلاً بس مش سهلة و محتاجة مجهود و متابعة..

أنا بحب الretrievers سواء golden أو labrador,, فيوم ما هفكر أجيب تاني هيكون حاجة من الأتنين دول..

و ده صورة اللي كان عندي :(

[ahmedfathi]

انا مربى سمك
عندى حوض كبير فيه سمكتين فان تيل وسمكتين من اللى بيمسحوا الزجاج

[aif]

كنت زمان باربي قطط
دلوقتي بأربي محمود وابراهيم بس ... كفاية قوي
لكن اختي بتربي قطط شيرازي وباحب العب معاهم خصوصا الصغننين
....
واعرف واحد في البلد بيربي براغيت .... بس مش باحب اشوفه خالص

http://www.facebook.com/photo.php?fbid=4086558475092&set=a.1390075944714.2057310.1016576751&type=3&theater

[AHMED_DINAMO]

انا بربى نمل -نمل بيتى ونمل اصفر صحراوى

من ده يا باشا بس هو ايه المتعه فى تربيتهم مبتعرفش تلعب معاهم ولا اى حاجه يأكلو وتشوفهم بيتحركو وبس

[AHMED_DINAMO]

انا عندى 5 قطط بس مدوخني بقى خاصا الواد مشمش بتاع جواز بريمو قط فظيع وشقي وماشاء الله الخمسة اذكية

هههههههههههه الله يكرمك انا عندى هنا Toty اليومين دول بتوع جواز مطلعه عينى نونوه وتتقلب على الارض وحاجه ازعاج جداً بس انا منفضلها لحد ما المرحله دى تعدى المره الجايه هجوزها ان شاء الله ربنا يباركلك فيهم يا باشا ويا ريت معلومات اكتر وصور

[AHMED_DINAMO]

هي متعة فعلاً بس مش سهلة و محتاجة مجهود و متابعة..

أنا بحب الretrievers سواء golden أو labrador,, فيوم ما هفكر أجيب تاني هيكون حاجة من الأتنين دول..

و ده صورة اللي كان عندي :(

ما شاء الله لا راح لحاله متزعلش عليه وربنا يكرمك ب Golden او Labrador الاتنين فيهم شبه من بعض لو بعدت عن الاسود فى ال Labrador انا ان شاء الله ناوى اجيب يا Rottweiler يا golden retriever ان شاء الله مع الكلب ال عندى بس شويه كده لما يكبر ده ان شاء الله
وربنا يقدرنا وتراعيهم عشان هنحاسب عليهم وربنا يسترها ان شاء الله

[AHMED_DINAMO]

انا مربى سمك
عندى حوض كبير فيه سمكتين فان تيل وسمكتين من اللى بيمسحوا الزجاج

ربنا يباركلك فيهم يا باشا الفانتيل من اجمل اسماك الزينه بس انا مكنتش بعرف افرخه كنت مربى فانتيل وكوى وجوبى ومولى وانجيل وكات فيش وجولدن وفايتر بس يلا الحمدلله مكنتش فاضيلهم كانو 43 سمكه فطرقتهم وزعتهم على ناس صحابى