لندن ضد التقشف ...

[Elawany13]

الشعب المصرى متقشف خلقه

بشوف الكثير من المشاركات اللى بستغرب منها جدا المؤيدة للحكومة فى سياستها للجباية
من الشعب اللى طالع عين اهله فى طوابير البنزين وطوابير البوتاجاز وطوابير العيش
وطوابير المرور وأزمات المواصلات والمرور وانعدام الأمن وانهيار كل شيئ
بلا استثناء تقريبا

وبعد كله ده بيدعونا الى ربط الحزام ونستحمل علشان البلد مش مستحمله
والتضحيه بكل شيئ علشان الحكومة تعيش والشعب يموت مش مهم
وعند إنتقاد أداء الحكومة
بنلاقى أعضاء بتستشهد بأمريكا وانجلترا والدول الأوروبيه علشان يثبتوا ان احنا شعب بيستهبل وبيستعبط
وملناش حق فى اللى بنقوله
واحنا عايشين فى نعيم ورفاهيه والحكومة مديانا اكتر من حقنا
واحنا اللى مش عاجبنا العجب ولا الصيام فى رجب

المفروض التقشف وربط الحزام نشوفه من أولى الأمر من أول الرئيس الى الوزير أولاً
كنت متخيل ان واحد زى الكتاتنى لما يكون رئيس مجلس الشعب آلاقيه باع البى ام دبليو الفاخرة بتاعت الفاسد أحمد سرور واتحط تمنها فى خزينة الدولة واشترى سيارة مجمعة فى مصر زى الفيرنا مثلاً ويكون قدوة لغيره فى هذا التصرف

رئيس ثورى جديد زى الرئيس مرسى اللى انا اخترته بإرادتى مع كامل احترامى ليه
وبعد حركة القميص المفتوح بدون واقى ضد الرصاص
كنت بتمنى آلاقيه ماشى بدون حراسة ملفته للنظر فى سيارة عادية مش السيارات الفاخرة اللى اشتراها الفاسد المفسد مبارك
وكنت متخيل ان مؤسسة الرئاسة هتوفر ملايين من الحراسات ومن اسطول السيارات

كنت بتمنى اشوف تقشف فى الحد الأقصى للأجور للناس المحظوظة اللى بتقبض آلاف الدولارات شهرياً



مع كامل أحترامى لكل الآراء من كل الأخوة لأفاضل
بهديهم هذه الصور


لندن ضد التقشف


تظاهر عشرات الآلاف في شوارع العاصمة البريطانية لندن احتجاجا على خطط حكومة ديفيد كاميرون التقشفية

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

[GMC]

المظاهرات عندهم حضاريه غير عندنا تكسير وحرق وتدمير

ولما حصل حرق وتدمير وسرقة في لندن

للأسف كان اغلبه بسبب الجنسيات الي من اصل عربي

[Y a r i s]

انا معاك ومش معاك ياباشا
بمعنى العربيات دي مصفحة وادفع فيها فلوس فحرام نبيعها برخص الفلوس او بتراب الفلوس .... ماهي موجودة .... وحماية الرئيس مهم لمصر جداً احسن مانقوم في يوم من الايام على خبر اغتيال اي رمز من الرموز. هتبقى كارثة وتزع زع معيار الامن في الدولة بالكامل .

اما على التقشف .... فاحنا محتاجين بالفعل تقشف في عدد العمالة الي بيشتغلوا في الحكومة. بشكل او باخر وبالذات اصحاب الدخول العالية. واحد بياخود مثلا خمسين الف جنية في الشهر او ١٠٠ الف جنية لييييييه انشاء اللله ده بيفقس بيض ولا بيطلع كتاكييييييييييت .

التقشف في كمية الاوراق في المصالح الحكومية واحلالهم بالكومبيوترات ويبقى بيناتك كلها او اوراقك كلها على فلاشة او متخزن على سيستم الدولة مش هاتلي ورقة وروح صور مش عارف ايه واعمل مستخرج مستند وهات وهات وهات

محتاجين نشوف المصانع الخسرانة ونبيعها ونخص خصها تحت رعاية الدولة
بس الفلوس تبقى في منتهى الشفافية اتصرفت فين !

[hobiko]

نصيحة لصاحب الموضوع

اهرب او استخبى

[tutankhamoun]

هو الموضوع متوجهلي ........... صح

[tutankhamoun]

ياباشا الناس هناك مخنوقة من الحكومة اللي هاتصرف مش عارف كام مليار على تطوير الترسانة النووية و دخول الحروب و هما مش في خطر .

العجز من الموانة عندهم جاي من كدا ...... يعني عندهم بديل يوقفوا به العجز .

أحنا وضع مختلف . ده بأختصار علشان أنا بصراحة مش قادر أعيد و أزيد علشان ذراعي واجعني على الآخر و بكتب بالعافية .
معلش لسة واخد جذع تمام في دراعي

[misry]

هنفضل نقول .... ولسة اللي جاي أحلى (ياااااااااااااااارب)

[mfarag]

قبل ما اقول راى فى الموضوع حضرتك لو بصيت على الصور ارقام 7 و 8 هتلاقى صوره تاتشر و المتظاهرين رافعينها عشان هى قامت فى عهدها بعمليه تقشف مشابهه و تصفيه للقطاع العام على الرغم من الاحتجاجات و ادت الى بعث الحياه من جديد فى الاقتصاد البريطانى .

اما بالنسبه للمقارنه بين مصر و بريطانيا فلازم حضرتك تدخل بعض العناصر الهامه

درجه ثراء بريطانيا بالمقارنه بدرجه فقر و مديونيه مصر

فى مصر ديون بلغت 207 مليار دولار و دى نسبه كبيره تهدد الاقتصاد و فوائدها تقتطع جزء كبير من الميزانيه

+ حجم موظفين فى القطاع العام يتعدى 6 ملايين فى حين ان احد ملاحظات الاتحاد الاوربى على ملف تركيا للانظمام ان عدد موظفى القطاع العام 400 الف ( فقط) و كل ده حمل على الميزانيه .

+ حجم دعم للمشتقات البتروليه و الخبز و خلافه

لو جمعت الارقام دى هتعمل لوحدها بدون اى برامج تنميه او اصلاح تساوى عجز فى الميزانيه و ده اللى حصل ووصل الميزانيه دى ل 50مليار

بالاسلوب ده ممكن و قريبا جدا البلد مع ضعف الموارد الحاليه تفلس البلد خلال شهور قليله

تفتكر ايه الحل فى ضوء معارضه لا يهمها الا الكرسى تقوم بمتظاهرات توثر على صوره البلد و لو فيه مستثمر اكيد مش هيجى فى بلد غير مستقره سياسيا ( اللى عايز يعارض قدامه انتخابات قادمه ) انما معارضه فيها لاخفيها.

من الاخر اما اجراءات مولمه اراديا تقوم بها الحكومه او اجراءات مولومه لااراديا نتيجه افلاس البلد و رفض اى جهه اقراضها للمليارات الفوريه التى تحتاجها للدعم و المرتبات و خلافه

عندما تكون غارقا فى الديون ( مصر ) و يجى ابنك يقارن نفسه بابن جارك الثرى ( بريطانيا ) هتعمل فيه ايه ؟

طبعا فى ظل ما سبق بنلاقى ناس من اصحاب العقول العظيمه بيكلمونا عن العداله الاجتماعيه و الاشتراكيه؟؟؟؟؟؟ ادينى عقللك

و انا شخصيا شايف ان الناس دى لازم تمسك الحكم عشان تجيب من الاخر ؟ يعنى بدل ما العيان يفضل عايش فى المستشفى تحت اجهزة تنفس ؟ نفصلها عنه و نخلص ؟ و نبتدى نبنى على نظافه من غير الاشكال الضاله دى متتاجر بالفقراء و العداله الاجتماعيه زى مبتاجر بدم الشهداء عشان الكرسى

[hossam_elwani]

كلام موضوعى وسليم

[shaddadfalcon1]

احنا محتاجين نلم اديينا في المصاريف بس مش المصاريف الضروريه
يعني كاننا في عيله مثلا وفيها خدم وحشم و10 عربيات وسواقين وكل دوول مش بيعملو حاجه وبياخدو مرتبات
لما احب اوفر مجيش علي عيالي واقطع عنهم المصاريف او اقتصد في الأكل واكلهم كل يوم عيش حاف

لا ابيع الأول العربيات وامشي السواقين والخدامين الكتيير الللي ملهمش لازمه واشوف جايز حد من العيال بياخد فلوس من ورايا ولو كل ده مجبش نتيجه ابقي ابتدي اقلل شويه من مصروف العيال وبعد كده مصاريف البيت

لكن لو جيت مره واحده وقلت مفيش مصروف وانا عمال ادفع عشرات الألاف مرتبات خدامين وسواقي مش بيعلمو حاجه وانا اقدر اسوق لنفسي وعيالي يبقي انا بستعبط

[Magdyahassan]

انا معاك ومش معاك ياباشا
بمعنى العربيات دي مصفحة وادفع فيها فلوس فحرام نبيعها برخص الفلوس او بتراب الفلوس .... ماهي موجودة .... وحماية الرئيس مهم لمصر جداً احسن مانقوم في يوم من الايام على خبر اغتيال اي رمز من الرموز. هتبقى كارثة وتزع زع معيار الامن في الدولة بالكامل .

اما على التقشف .... فاحنا محتاجين بالفعل تقشف في عدد العمالة الي بيشتغلوا في الحكومة. بشكل او باخر وبالذات اصحاب الدخول العالية. واحد بياخود مثلا خمسين الف جنية في الشهر او ١٠٠ الف جنية لييييييه انشاء اللله ده بيفقس بيض ولا بيطلع كتاكييييييييييت .

التقشف في كمية الاوراق في المصالح الحكومية واحلالهم بالكومبيوترات ويبقى بيناتك كلها او اوراقك كلها على فلاشة او متخزن على سيستم الدولة مش هاتلي ورقة وروح صور مش عارف ايه واعمل مستخرج مستند وهات وهات وهات

محتاجين نشوف المصانع الخسرانة ونبيعها ونخص خصها تحت رعاية الدولة
بس الفلوس تبقى في منتهى الشفافية اتصرفت فين !

ياريت حضرتك تاخد بالك وتراجع المشاركة قبل اعتمادها

ان شاء الله تكتب هاكذا

وتقيل تحياتى

[lanos2004]

هيه انجلترا كلها عواجيز
اكيد الشباب هاجروا مصر يكونوا مستقبلهم

[sha2e]

الشعب المصرى متقشف خلقه

بشوف الكثير من المشاركات اللى بستغرب منها جدا المؤيدة للحكومة فى سياستها للجباية
من الشعب اللى طالع عين اهله فى طوابير البنزين وطوابير البوتاجاز وطوابير العيش
وطوابير المرور وأزمات المواصلات والمرور وانعدام الأمن وانهيار كل شيئ
بلا استثناء تقريبا

وبعد كله ده بيدعونا الى ربط الحزام ونستحمل علشان البلد مش مستحمله
والتضحيه بكل شيئ علشان الحكومة تعيش والشعب يموت مش مهم
وعند إنتقاد أداء الحكومة
بنلاقى أعضاء بتستشهد بأمريكا وانجلترا والدول الأوروبيه علشان يثبتوا ان احنا شعب بيستهبل وبيستعبط
وملناش حق فى اللى بنقوله
واحنا عايشين فى نعيم ورفاهيه والحكومة مديانا اكتر من حقنا
واحنا اللى مش عاجبنا العجب ولا الصيام فى رجب

المفروض التقشف وربط الحزام نشوفه من أولى الأمر من أول الرئيس الى الوزير أولاً
كنت متخيل ان واحد زى الكتاتنى لما يكون رئيس مجلس الشعب آلاقيه باع البى ام دبليو الفاخرة بتاعت الفاسد أحمد سرور واتحط تمنها فى خزينة الدولة واشترى سيارة مجمعة فى مصر زى الفيرنا مثلاً ويكون قدوة لغيره فى هذا التصرف

رئيس ثورى جديد زى الرئيس مرسى اللى انا اخترته بإرادتى مع كامل احترامى ليه
وبعد حركة القميص المفتوح بدون واقى ضد الرصاص
كنت بتمنى آلاقيه ماشى بدون حراسة ملفته للنظر فى سيارة عادية مش السيارات الفاخرة اللى اشتراها الفاسد المفسد مبارك
وكنت متخيل ان مؤسسة الرئاسة هتوفر ملايين من الحراسات ومن اسطول السيارات

السياره البى ام مش بتاعت سرور
سرور كان بيركب مرسيدس ديما
ولما جه الكتاتني - الى تقريبا مش بيفضل المرسيدس- فركنوها واشتروا ليه بي ام جديده

[abdalah_hashem]

حتى المظاهرات بالالوان شوفوا بقى يا متعلمين يا بتوع المدارس :d :d :d :d :d :d

[shaddadfalcon1]

بالله عليكم في رئيس وزراء ولا رئيس مجلس شعب في اي دوله في الدنيا بيركب عربيه زي الفيرنا

ده رئيس المؤسسات والهيئات الحكوميه بيركبو افيو وطالع