إستفسار بخصوص : أركان مول ( بمدينة 6 أكتوبر )

[Ahmed Sharaf]

أنا سمعت إن المكان دة تحفة وإن فية مجموعة مطاعم كتيرة وإن المكان ذي ما اتوصفلي - من حد اتوصفلة هو كمان - عبارة عن ممشي كبير والمحلات يمين و شمال.
يا ريت لو حد راح المكان دة يفيدنا , وهل فية سينيمات ومكانة فين.
شكراً.

[mido_soliman]

دة مول العرب اللى انت بتوصفة دة

[Ahmed_Rahem]

فية قبل مول العرب - وميدان جهينة - بين مدخل الشيخ زايد الاول - الى عندة هايبر - والمدخل التانى، منطقة انشاءتها اركان وفاتح فيها مطاعم وبنوك وبالتالى مميزة شكلاً وسعراً

[Nistelrooy]

متابع

[Ahmed Sharaf]

دة مول العرب اللى انت بتوصفة دة

لأ لأ مش مول العرب انا عارف دة كويس

فية قبل مول العرب - وميدان جهينة - بين مدخل الشيخ زايد الاول - الى عندة هايبر - والمدخل التانى، منطقة انشاءتها اركان وفاتح فيها مطاعم وبنوك وبالتالى مميزة شكلاً وسعراً

أيوة دة, تعرف حضرتك المكان فين بالضبط , لاني سمعت ان المكان تحفة وانك كأنك في أوروبا.

[yasserelsayad]

لا مش لدرجة اوروبا يعنى هو مكان عادى عامل زى تجمعات المطاعم والكافيهات فى التجمع زى Downtown مثلا
هو مفيهوش اى حاجة غير كافيهات ومطاعم ومش كتير يعنى هما كام واحد كدا
واسعاره عاليه يعنى الفرد مش اقل من 75 جنيه فى اقل كافيه لان كلها حاجات تعتبر exclusive مش منتشرة

من الحاجات اللى فيه
Carlo’s
Piccolo Mondo
Asiatique
وفيه Charwood
Maison Thomas
وTarte Tatin
La Gourmandise
Olive and Oil
Baladina
Coffeeshop Company
Topaz

لو جى من المحور كمل على طول اكنك رايح على اكتوبر وعدى هايبر وادخل شارع الخدمات اللى بعده وفى اول يمين اللى هو مدخل الشيخ زايد 2 على نصيته هيئة المجتمعات العمرانية وامشى شوية هتلاقيه على شمالك قدام زايد 2000

ودى شوية صور ليه من على النت

[Ahmed Sharaf]

أشكر حضرتك جداً علي زوقك وردك الوافي.
ممكن سؤال تاني بعد إذنك بما إن حضرتك من أكتوبر, عندك فكرة سينيما I Max الجديدة اللي اعلنوا في الجرنال عنها فين.
أشكر حضرتك مرة تانية.

[benmatar]

لا مش لدرجة اوروبا يعنى هو مكان عادى عامل زى تجمعات المطاعم والكافيهات فى التجمع زى downtown مثلا
هو مفيهوش اى حاجة غير كافيهات ومطاعم ومش كتير يعنى هما كام واحد كدا
واسعاره عاليه يعنى الفرد مش اقل من 75 جنيه فى اقل كافيه لان كلها حاجات تعتبر exclusive مش منتشرة

من الحاجات اللى فيه
carlo’s
piccolo mondo
asiatique
وفيه charwood
maison thomas
وtarte tatin
la gourmandise
olive and oil
baladina
coffeeshop company
topaz

لو جى من المحور كمل على طول اكنك رايح على اكتوبر وعدى هايبر وادخل شارع الخدمات اللى بعده وفى اول يمين اللى هو مدخل الشيخ زايد 2 على نصيته هيئة المجتمعات العمرانية وامشى شوية هتلاقيه على شمالك قدام زايد 2000

ودى شوية صور ليه من على النت

بالظبط كده، ولسه مشتغلش كله

[Imhotep]

المكان عموما كويس بس دايما زحمة بالذات فى الاجازات و فعلا اسعاره تعتبر غالية بس للى عايز قعدة استايل مش حاجة فى السريع يبقى شغال

[yasserelsayad]

أشكر حضرتك جداً علي زوقك وردك الوافي.
ممكن سؤال تاني بعد إذنك بما إن حضرتك من أكتوبر, عندك فكرة سينيما I Max الجديدة اللي اعلنوا في الجرنال عنها فين.
أشكر حضرتك مرة تانية.

سينما American Plaza دى 14 شاشة عرض
منهم واحدة بس IMAX وبيتعرض فيها فلم بات مان The Dark Knight Rises
وبقيت الـ 13 شاشة عاديين مش IMAX
فى الشيخ زايد باردوا
هتدخل من مدخل 2 زى لو كنت رايح لاركان بالظبط بس المرادى تدخل يمين بقى من عند اول صينية وتمشى شوية هتلاقي American Plaza على يمينك

او لو دخلت الشارع بتاع هايبر وان (يعنى بقى على شمالك) كمل لحد اول تقاطع و ادخل شمال وامشى شوية هتلقيها على شمالك

بس هى بـ 60 جنيه والـ 3D بـ 70 جنيه
بس فيلم بات مان مش 3D

فيه كمان سينما جلاكسى فتحت فى مول العرب من عند مدخل 23

وفيها 9 افلام:
ساعة ونص
بارتيتا
عبده موته
الانسه مامى
مهمة فى فيلم قديم
جوه اللعبه
30 فبراير
Ice Age 4: Continental Drift
Taken 2

والتذكرة بـ 20 لحفلات الصبخ
وبـ 30 لحفلات بليل من اول حفلة 3

[mohammedabdallh]

فيه كمان سينما جلاكسى فتحت فى مول العرب من عند مدخل 23

وفيها 9 افلام:
ساعة ونص
بارتيتا
عبده موته
الانسه مامى
مهمة فى فيلم قديم
جوه اللعبه
30 فبراير
ice age 4: Continental drift
taken 2

والتذكرة بـ 20 لحفلات الصبخ
وبـ 30 لحفلات بليل من اول حفلة 3

كانوا بيعلنوا عنها الجمعه الى فاتت
وكانوا قافلين الباركنج بتاع بوابه 23
وكان المول زحمه اوى

[yasserelsayad]

كانوا بيعلنوا عنها الجمعه الى فاتت
وكانوا قافلين الباركنج بتاع بوابه 23
وكان المول زحمه اوى

المول بقى زحمة قوى كل جمعة عشان الملاهى اللى فتحت دى ومنطقة المطاعم والنافورة الراقصة وكمان السينما دلوقتى
دا فى رحلات مدارس بقت بتيجى مول العرب

[mohammedabdallh]

المول بقى زحمة قوى كل جمعة عشان الملاهى اللى فتحت دى ومنطقة المطاعم والنافورة الراقصة وكمان السينما دلوقتى
دا فى رحلات مدارس بقت بتيجى مول العرب

بس الملاهى للعيال الصغيره
افهم بقى الرحلات بتاعة المدارس ليه
وخميس وجمعه زحمه
بس الجمعه الى فاتت زحمه جامد
ممكن علشان العيد

وكل سنه وانتوا طيبين

[A.Saad]

المول بقى زحمة قوى كل جمعة عشان الملاهى اللى فتحت دى ومنطقة المطاعم والنافورة الراقصة وكمان السينما دلوقتى
دا فى رحلات مدارس بقت بتيجى مول العرب

[Nistelrooy]

مول العرب ده بقي حاجة زحمة استغفر الله ..