من فين اشتري محفظة جلد محترمة ( جلد جلد ) في القاهرة!

[AHMED_DINAMO]

انا ردى مظهرش كنت بقولك

كنت قووول بدرى انا بابا جاااب كتيـــــــــر وفى الاخر وزعهم على اصحابه لان انا مبحبش المحافظ الجلد لو كنت اعرف كنت جبتلك واحد انت حبيبى يا كبير

وبالنسبه للدمغه المحافظ ال جابها كانت كلها مختومه بختم ازرق

[Y a r i s]

ميدو حبيبى بدور على محفظه
بص عارف ميدان الاوبرا هناك جنب المترو فى واحد بيقعد على الرصيف المحفظه عنده ب
2.5 جامده اه 2 ج ونصف مش تقولى 60 70 ج
الفلوس دى اجيب للعيال بيهم لحمه
ونقعد ناكل كلنا
ههههههههههههههه
لا بص فى مول العرب محل احذيه مش فاكل اسمه كان حاطط شويه محافظ جامده بدايتهم 150ج
وفيه فى جنينه مول برده محل بتاع احذيه مش فاكر اسمه برده شوية محافظ حلوين

هههههههههههه. حبيبي يا محمد يا عبدالله
اسكوت ياباشا متفكرنيش باللحمة واسعار اللحمة .... الكيلو وصل في كارفور ل ١٠٠ جنية بس هيبر معقول شوية ب ٧٥ سعر الكيلو .... بس انا قولت للعيال عندي احنا لازم نكسر الروتين في العيد ده انشاء الله. هناكول سمك ههههههه كيلو البلطي ب ١٠ و ١٣ جنية زي الفل مع شوية لمون وكمون ورز صيادية جمبهم

وانشاء الله بعد العيد لمن العيد يخلص والزحمة تخف ابقى انزل اجيب للعيال لبس العيد وابقى انزل اشوفلي محفظة بالمرة محدش يعرف كم دعاء كده الواحد يقولوا اول مايشتري محفظة جديدة بس يكون دعاء سروا باتع يخلي المحفظة بتاعتك مبروكة وربنا يطرحلك في القرشين الي حلتك والكام ملطوش الي بتاخودهم البركة ويقيها ويحميها ويبعدها ويصونها بعيد عن ايد النشالين والحرامية ويحرصها من الضياع .

[Y a r i s]

تمبرلاند بس غالي قوي. ..في واحد في طلعت حرب ممتاز. ...محل صغير طدة بس معلم

هو فين تمبر لاند دي ياباشا ؟

[Ahmed_Adham]

موضوع "محترمه" ده مطاط جدا لأن كل واحد هيفهمه حسب هواه. يعني واحد بالنسبه له المحفظه اللي ب 50 جنيه تحفه وواحد تاني ميزانيته فى المحفظه 100 والتاني 200 وعندك كمان 1000 (بس دي اللي يجيبها مش من النوع اللي بيحط الفلوس في محفظه ولكن بيشيل شنطه فيها فلوس). الاحسن تقول ميزانيتك والناس تقولك حاجه على قد ميزانيتك.

[Y a r i s]

معاك حق
انا ميزانيتي من ٩٠ لغايت ٢٥٠ جنية فقط وعاوزها جلد طبيعي

[A.Saad]

مفيش ختم الغش فى دباغة الجلود عالى مش تعرف الجلد الطبيعى من الريحة تشم الريحة ريحة تعبان او ريحة تمساح او جاموسة ماشى الضهر لو فيه خيط شكل شبكة يبقى صناعى وبرة يبقى طبيعى ممكن متعرفش تعمل ده لو التقفيل نضيف يبقى قدامك الولاعة بس تجيب الموضوع بلطافة شوية

[SHNORY]

مفيش ختم الغش فى دباغة الجلود عالى مش تعرف الجلد الطبيعى من الريحة تشم الريحة ريحة تعبان او ريحة تمساح او جاموسة ماشى الضهر لو فيه خيط شكل شبكة يبقى صناعى وبرة يبقى طبيعى ممكن متعرفش تعمل ده لو التقفيل نضيف يبقى قدامك الولاعة بس تجيب الموضوع بلطافة شوية

ماهو ممكن البياع يولع فيه هو شخصيا
ويقوله باين عليك جلد صناعي
علشان لو جسمك جلده طبيعي مكانش اتحرق

[mido_soliman]

مفيش ختم الغش فى دباغة الجلود عالى مش تعرف الجلد الطبيعى من الريحة تشم الريحة ريحة تعبان او ريحة تمساح او جاموسة ماشى الضهر لو فيه خيط شكل شبكة يبقى صناعى وبرة يبقى طبيعى ممكن متعرفش تعمل ده لو التقفيل نضيف يبقى قدامك الولاعة بس تجيب الموضوع بلطافة شوية

هوة الكلام دة محتاج يترتب ولا انا اللى مفهمتش ولا جمله مفيدة ؟

[moatazbunny]

محل اسمه فتحي ابراهيم - ميدان طلعت حرب

جبت من عنده seven K من حوالى 4 او 5 سنين وعايشه الحمد لله ومجرالهاش حاجه
صدقني اشترى سيفن كيه وانت مطمن