شقة طالعة من عيني

[moody_687]

انا شوفت شقة بربع مليون وممكن ينزل من سعرها بس للاسف عايز الفلوس كاش وانا معيش غير جزء من المبلغ مش عارف اعمل ايه اروح لبنك واقترض ولا اعمل ايه

[khaled_legend]

متابع

[abdo_general]

ما انصحكش بقرض خالص طبعا علشان فيه شبه ربا وعلشان ربنا يباركلك فيها
حاول تدبر اومورك وصلي صلاة ( قضاء الحاجة ) وربنا يكتبهالك لو فيها خير ليك :)

[omar-saad]

معلش لو سمحت الشقة مكانها فين علشانا كمان بدور

[shaddadfalcon1]

علي قد لحافك مد رجليك وطالما مش معاك يبقي متزعلش نفسك ولو مكتوبلك الخير فيها هتاخدها

[windofchange]

هات حاجة بالقسط وفي كتير وربنا ييسر لك الخير بس لاتقترض الاقرض حسن بدون فوائد

[grand hand]

علي قد لحافك مد رجليك وطالما مش معاك يبقي متزعلش نفسك ولو مكتوبلك الخير فيها هتاخدها

اتفق جدا

[sayed911]

ممكن انصحك واقولك دور على شركات التمويل العقاري !

[shaddadfalcon1]

ممكن انصحك واقولك دور على شركات التمويل العقاري !

انت فين ياعم من زماااااااااااااااااان

[GMC]

اظن في شركات تمويل عقاري

او في البنك بيبقى فيه حاجه اسمها قرض الاسكان

وبعدين لو محتاجها ضروري وطبعا الشقه حاجه اساسيه

خد قرض وخلاص ....

اساسا كل حاجه اليومين دول ماشيه بالفوايد

والزمن غير الزمن

طبعا لو محتاج الشقه ضروري فا اظن مش حرام موضوع القرض الكلام ده لو انت على وشك تنام في الشارع


سعتها الضرورات تبيح الحظورات وبردوا حاول تعملها بينك وبين صاحب الشقه كبيالات ولا وصل امانه ولا شيكات

واسئل فيها عشان مخدش ذنبك وديه كام فتوه كده على الماشي

بسم الله الرحمن الرحيم
الحمد لله رب العالمين، والصلاة والسلام على سيدنا محمد خاتم الأنبياء والمرسلين، وعلى آله وأصحابه أجمعين، والتابعين، ومن تبع هداهم بإحسان إلى يوم الدين، وبعد:
فلا يجوز أخذ القرض ما دام بفائدة، للنهي عن ذلك بقوله تعالى: ﴿وَأَحَلَّ اللّهُ الْبَيْعَ وَحَرَّمَ الرِّبَا﴾ [البقرة:275]، والربا من أشد المحرمات عند الله تعالى، قال تعالى: ﴿يَا أَيُّهَا الَّذِينَ آمَنُواْ اتَّقُواْ اللّهَ وَذَرُواْ مَا بَقِيَ مِنَ الرِّبَا إِن كُنتُم مُّؤْمِنِينَ﴾ [البقرة:278]، ولا يباح الربا إلا لضرورة، وهي خشية الهلاك بدونه، وعدم وجود طريق آخر لدفع الهلاك، فالاقتراض بالربا لشراء بيت محرم إذا لم يكن ضرورياً، والضروري هو خيمة بالإيجار، فمن تيسر له خيمة بالإيجار بدون ربا حرم عليه الربا، ومن لم يتيسر له ذلك حل له الأخذ بالربا بمقدار أجرة الخيمة أو أقل مسكن يؤويه مع أسرته، ويحرم عليه الربا فيما فوق ذلك، لأن الضرورات تقدر بقدرها.
والله تعالى أعلم.


---------------------

[lancerevolution]

انا كنت سمعت إن القرض الى بتجيبه عشان تشترى بيه تاكسى تشتغل عليه مباح إنما القرض الى علشان عربية للبيت لا يجوز ... يعنى فى الضرورة فقط
لو كنت مثلا فى شقة إيجار و مش لاقى غير دى يبقى ماشى و فى أضيق الحدود و ممكن تشوف حد تستلف منه " والدك أو إخواتك " الفلوس و ترجعهالوا أكنها إيجار بتدفعه بحيث إنه ما يقرصش عليك فى مرة لأن خد بالك الدين شىء صعب جدا على النفس

[sayed911]

انت فين ياعم من زماااااااااااااااااان

انا موجود دائما والله يا حج ها اروح فين يعني منى هنا اهو :)

[M.Elwan]

اغلب البنوك دلوقتى بقى فيها تمويل عقارى فيه 7 سنين و10 سنين وفيه بيوصل ل15 سنة
اهم حاجة تكون الشقة متسجلة والقرض بيتحسب على المرتب وعليه فؤائد رهيبة بس فيه ميزة كويسة انك لو عملت قرض مثلا على 15 سنة وجيت بعد سنتين مثلا دفعت جزء كبير كاش من القرض بيعملك جدولة ويحسبلك القسط والفوائد من جديد على المبلغ المتبقى فقط

اما بالنسبة لربا او مش ربا بصراحة مقدرش افتى فى حرام او حلال
بس ده نظام دولة والدولة بتقترض كل يوم من العالم كله وبتدفع فؤائد القروض دى المفروض انها بتتصرف علينا واحنا بنستفيد منها واقساط القروض وفوائدها احنا اللى بندفعها من الضرائب وخلافه والمشاريع القومية بتتعمل بقروض واحنا بنستفيد منها زى انشاء محطات الكهرباء مثلا
ولما بتحط فلوسك فى البنك, البنك بيديك فوائد عليها
والله اعلم

[shaddadfalcon1]

الله يكرمكم ياجماعه محدش يفتي في حلال وحرام عشان ميكنش سبب في دخوله النار

وموضوع شراء تاكسي ده برده معتقدش انه حلال لانه مش ضروره لانك ممكن تشتغل شغلانه تانيه

القرض حلال في حالة اذا كنت هتموت او مش لاقي اي مكان تسكن فيه يعني بيتك اتهد مثلا ومعكش تاجر او تشتري
ولو هتعمل عمليه ومعكش فلوسها ولو معملتهاش هتموت مثلا

وممكن تسال دارا لآفتاء في حالتك هيبقي ايه

[moody_687]

الف شكر ليكم ياجماعة ع نصيحتكم الغالية هى الشقة موجودة ف العجمي بالنسبة للاستاذ اللي سئل عن مكان الشقة فين
الشقة دي انا هبتدي فيها حياتي لو ربنا كرمني ان شاء الله بس الاسعار بقت غالية جدا انا حاسس ان الربع مليون دوول بقوا مبلغ اى كلام ولو لقيت حاجة ب 150 الف مثلا تلاقيها مجروحة انا بقيت مستغرب جدا بالرغم ان ف عمارات طلعت كتير بعد الثورة والشقة اللى شوفتها دي برده ف عمارة اتبنت بعد الثورة يعني المفروض الاسعار تنزل
انا الوالد عندى هو اللي هيدفعلى المقدمة وانا اتكلمت مع صاحب الشقة وعايز يقسطها بكتيره ع سنتين ده بالعافية معاه وانا بصراحة مرتبي هدفعه فالقسط بس ابويا قالي انا ممكن اساعدك ف القسط بس انا مش اضمن عمري
والله مبقتش عارف اعمل ايه ياما اخد شقة بسعر رخيص وتكون مجروحة من جميع الجهات ويااما اخد شقة متكنش مجروحة بس تكون غالية والله انا بقيت محتار