مهزلة فى مدينة 6 اكتوبر

[mr_safwt]

السلام عليكم ورحمة الله وبركاتة
نفسى اعرف مين اللى صمم الطرق فى مدينة 6 اكتوبر يعنى عشان اروح من الحصرى لبيتى اللى بينى وبينة 5 دقايق اخدها فى ساعة ويارتنى عارف امشى من المية
مافيش اى شارع معمول صح عشان ساعة واحدة بس الدنيا تمطر يبقى مافيش شارع واحد تمشى فية
اية الفساد
اية الفساد الرهيب دة
وادى صورة عينة

[hazoom2006]

ربنا يكون فى عونك محدش عارف مين المسؤال وللاسف مفيش حاجة مظبوطة فى البلد دى خاااالص

خايف يطلع واحد يقول ده اختبار للعربيات علشان هنصع عربيات برمائية مهى زيطة بقا

[mr_safwt]

صور اخرى

[Ahmed_Adham]

المشكله ان بعد كل الصور اللي انتشرت على النت يوم المطره (قبل يوم الوقفه) محدش نزل من الجهاز يوم الوقفه يشيل الميه وسابوها للشمس تنشفها على راحتها ولسه لحد دلوقتي حتت فيها ميه كتير زي اللي عند المسجد اللي في ميدان سيتي سكيب.

[Elawany13]

ولسه ...

[Y a r i s]

ههههههههههههههه
انا شوفت واحد ومراتوا عند باب جامعة سته اكتوبر نزلو وشمروا بنطلومتهم وكمامهم وفاتحين باب عربيتهم قاعدين ياعيني يغرفوا بايديهم في دواست العربية ويشيلوا المية بايديهم و يرموها بره عربيتهم ههههههههههههه كانهم بيبلبطوا في بانيوا. او عارف لمن تكون راكب مركب بتغرق .... وكان نفسي اقولهم اجبلكم كووووز من بيتنا ههههههههه. ابقوا اعملوا بلاعة بغطى في ارضية العربية

فعلاً طرق اكتوبر كلها زي الززززززفت

[Y a r i s]

انا فكرت لحل للمشكلة بتاعت اكتوبر بالذات ان اكتوبر هيا عبارة عن هضبة ومرتفعات ومنخفضات فالمية بتتركز قدام حتت حيوية وبتبقى بحر .... والجهاز. بتعنا اوووس الفساد مش. هيتصرف فانا بفكر في الناس المحاصريين بسبب المياة ومعندهمش عربية. بالذات في سنما مجدة ودايمون مول والمصليين بتوع مسجد الحصري بفكر اجيب كام فلوكة على كام معدية واقوف هناك النفر ب ٢ جنية. وبما اننا عندنا طلبة عرب كتير وسورين وعراقين كتير اعمل جولات سياحية في المدينة اللفة بخمسة جنية هههههههه





ده احنا عندنا جهاز. مدينة مايعلم بيه الاربنا .... محتاج كده يتشال ويتفرمت من جديد بموظفين جداد بعيد عن المرتشين والمهملين .... ده انتا علشان تطلع ترخيص ياراجل يامؤمن ولا يمضولك على ورقه كده يلففوك السبع لفات وتقعد تطوف وتحرم كده بين المكاتب وانتا بتلف بقة. حولين المكاتب وحولين نفسك لازم تغني التعلب فات فات فات وفي ديلوو سبع لفات وبعد ماتخلص لفتك يقولك تعاللنا الاسبوع الي جي او الحد الي جي وشوف الورقة بتاعتك راحة فين ... وبعد سنة ولا سنتين يقولك ابسط ياعم خدت الموافقه خلاص تعاله بقه ياشاطر الاسبوع الي جي. استلم الورقة من الارشيف ههههههههه
بلد مايعلم بيها الا ربنا ...

[Elawany13]

واضح كده ان السيارة البرمائية مبقتش رفاهية
بقت ضرورة وملحة كمان

[Y a r i s]

المشكلة الحقيقة ان عندك عربيات واطية كتير زي مثلاً فيرنا او لانوس منسوب المية. بيبقى مرتفع في بعض الاماكن وبيوصل. لنص متر يعني بتلاقي المية طالعة فوق الرصيف .... الجهاز كتر خيروا عمل ارتفاع الرصيف نص مترررر. حتى اياميها كنت معترض. لان مفيش راجل كبير او ست كبيرة في السن تقدر تتسلقوا غير لو خدت كورسي صغير معاها او حتى سلم .... اتاريهم عاملين حساب الامطار فخلوا الرصيف عالي كده ولا رصيف مرسى السوفن ههههههه

المهم ان المية بتتسرب من جلدة الباب وتخش داخل الكبينة بتاعت العربية .... وغير كده كمان عندك ارتفاع منسوب المية للعربيات الوطية. بتلاقي نفسك لو مكبستش بانزين وانتا داخل على. البحر هتلاقي المية تخوش. في فتحت الشكمان وبالتالي العربية تتخنق وتبطل منك وانتا في نص البحر ولو عطلت منك هتتطر تنزل تزوق علشان تركنها على جنب .... وبمجرد ما تفتح الباب ههههههه هتلاقي المية تدخل بزايدة لقلب عربيتك .... فمفيش حل احسن. غير انك تنط من شباك العربية المشكلة بقة فين ....

المشكلة انك بتشمر كم رجل البنطلوم علشان ما تتغرقش بس الامواج الاصطناعية الي بتعملها العربيات مش هتسيبك في حالك وحتى لو سابيتك هتلاقي. واد عربجي اتخنق من زحمة العربيات. وقام دايس بانزين. عععننننن ههههههههه ويعملك توسونامي والموجة الغارقه. وتلاقي نفسك انتا والي معاك مستحمين .... اهم حاجة اول ما تشوف واد من اياهم داس بانزين وجتلوا حالة هستيرية اهم حاجة انك تغمض عنيك وتقفل بووقك كويس علشان المية متخوشش في عينك او تدخل جوا بوقك وتشرء ههههههههه. اقولكم ايه ابقوا هتولكم لايف جاكيت وحطوه تحت كرسي العربية زي الايف جاكيت الي بيتفنخ ومحطوط تحت كراسي الطيارة ههههههههه وتحياتي

[AHMED_DINAMO]

طيب كويس انكو عرفتو الواحد يأجل حوار الكليه ده شوووويه

[MASERATI]

السلام عليكم و رحمة الله و بركاته

هى 6 اكتوبركده, ده على كده بأه الواحد مايعرفش يركب الفيررارى فى الويك اند الجاى !!!!!

يا باااااااااااااااااااااااااااااااااااى, أهى دى الحاجات اللى بتخلى الواحد يكره البلد و يبقى مش طايق !!!

[khaled_legend]

ههههههههههههههه
انا شوفت واحد ومراتوا عند باب جامعة سته اكتوبر نزلو وشمروا بنطلومتهم وكمامهم وفاتحين باب عربيتهم قاعدين ياعيني يغرفوا بايديهم في دواست العربية ويشيلوا المية بايديهم و يرموها بره عربيتهم ههههههههههههه كانهم بيبلبطوا في بانيوا. او عارف لمن تكون راكب مركب بتغرق .... وكان نفسي اقولهم اجبلكم كووووز من بيتنا ههههههههه. ابقوا اعملوا بلاعة بغطى في ارضية العربية

فعلاً طرق اكتوبر كلها زي الززززززفت

هاهاهاهاهاهاهاهاهاهاهاهاهاهاهاهاهاهاهاهاها حرام عليك هموت من الضحك

واضح كده ان السيارة البرمائية مبقتش رفاهية
بقت ضرورة وملحة كمان

هاهاهاهاهاهاهاهاهاهاهاهاا

[mero100]

فكرتني بأيام ما كونت جايب اللانوس زيرو و كان بقالها أسبوع بس ..
و كانت بشوكها يا ريس ..
و المطره كانت مظبطه الشوارع ..
و كنت خارج من شارع الطاقه اللي فيه البوابه الخلفيه للنادي الأهلي .. و خارج علي طريق السويس و الساعه كانت حوالي 5 المغرب في شهر يناير ( عشان تتخيلوا كميه السقيع) و لقيت بحيره بمعني الكلمه .. و ولا عربيه عالطريق .. و طبعا أنا بحب التلج و فاتح الإزاز يمين و شمال و السجاره ف إيدي و سلطان زماني.. هديت خالص و مبقتش عارف أمشي من الميه فعلا و طلعت بالعربيه في نص الطريق (والله معرفش عملت ليه كده) يمكن خفت من أي بلاعات صرف مفتوحه علي جنب الطريق .. المهم مشيت علي سرعه 10 تقريبا في نص الطريق و الميه واصله لغايه نص الباب ..

طبعا إنتوا عاوزين المفاجأه :-)

المفاجأه كانت إني لمحت في ثانيه في مرايه الصالون أتوبيسين كبار جايين بسرعه كبيره و واحد منهم بيجي يميني و التاني بييجي شمالي ..
أدركت ف جزء من الثانيه اللي حيحصل و إيدي بتدور علي زرارين الإزاز .. ملحقتش ..
و عينكوا ما تشوف الا النورررر..
إستحميت بالكامل شعر و وش و نضاره و بقي و الصالون بالكامل .. و مشفتش حاجه لمده دقيقه مثلا لأني قلعت النضاره يا إخواننا مبشفش من غيرها .. لقيت الإزاز رمادي غامق .. إديت إنتظار و وقفت مكاني إجباري .. لمده دقيقه تقريبا ..
مسحت النضاره و إديت مرش عالإزاز و رجعت البيت متبهدل ..
العربيه إتغسلت كيماوي و هيه مكملتش أسبوع.

اللي مجنني الأتوبيسين ليه عملوني ساندوتش كده ؟
حرمت ألاقي ميه علي طريق سريع و أهدي

[mr_safwt]

المشكلة الحقيقة ان عندك عربيات واطية كتير زي مثلاً فيرنا او لانوس منسوب المية. بيبقى مرتفع في بعض الاماكن وبيوصل. لنص متر يعني بتلاقي المية طالعة فوق الرصيف .... الجهاز كتر خيروا عمل ارتفاع الرصيف نص مترررر. حتى اياميها كنت معترض. لان مفيش راجل كبير او ست كبيرة في السن تقدر تتسلقوا غير لو خدت كورسي صغير معاها او حتى سلم .... اتاريهم عاملين حساب الامطار فخلوا الرصيف عالي كده ولا رصيف مرسى السوفن ههههههه

المهم ان المية بتتسرب من جلدة الباب وتخش داخل الكبينة بتاعت العربية .... وغير كده كمان عندك ارتفاع منسوب المية للعربيات الوطية. بتلاقي نفسك لو مكبستش بانزين وانتا داخل على. البحر هتلاقي المية تخوش. في فتحت الشكمان وبالتالي العربية تتخنق وتبطل منك وانتا في نص البحر ولو عطلت منك هتتطر تنزل تزوق علشان تركنها على جنب .... وبمجرد ما تفتح الباب ههههههه هتلاقي المية تدخل بزايدة لقلب عربيتك .... فمفيش حل احسن. غير انك تنط من شباك العربية المشكلة بقة فين ....

المشكلة انك بتشمر كم رجل البنطلوم علشان ما تتغرقش بس الامواج الاصطناعية الي بتعملها العربيات مش هتسيبك في حالك وحتى لو سابيتك هتلاقي. واد عربجي اتخنق من زحمة العربيات. وقام دايس بانزين. عععننننن ههههههههه ويعملك توسونامي والموجة الغارقه. وتلاقي نفسك انتا والي معاك مستحمين .... اهم حاجة اول ما تشوف واد من اياهم داس بانزين وجتلوا حالة هستيرية اهم حاجة انك تغمض عنيك وتقفل بووقك كويس علشان المية متخوشش في عينك او تدخل جوا بوقك وتشرء ههههههههه. اقولكم ايه ابقوا هتولكم لايف جاكيت وحطوه تحت كرسي العربية زي الايف جاكيت الي بيتفنخ ومحطوط تحت كراسي الطيارة ههههههههه وتحياتي

فعلا دة اللى كان بيحصل بالظبط

[Y a r i s]

الموضوع والمشكلة مش بس في اكتوبر
لكن احنا زاد غضبنا علشان المفروض دي مدينة جديدة والحكومة بعتلنا اراضي في الصحرا ولهفوا مننا شيء وشويات

لكن كل ما افتح نشرة الاخبار واشوف فيضان في جدة ولا توسونامي في اليابان او ماليزيا
ولا حتى سيول في الهند. او الصين اقول يانهر ازرق ده احنا شوية مطرة في يوم واحد بيوقف حركة السير وبيدربك الدنيا ... طيب مفيش اي اجرائات احترازية لو حصل فيضان ولا سيول كده ولا كده









ويجيلك واحد يقلك ياخي خليها على الله. انتا لازم تتوقع البلا قبل وقوعوا
لا يسيدي مش هقدر البلا قبل وقوعوا
هنستنى لمن البلا يوقع الاول . وبعدين البلد كلها توقع وراه وبعدين نبقى نشوف حل
هههههههه منطق غريب !!