دريم بارك

[hassanin_lada]

كل سنه وانتو طيبين يا شباب ويارب يعيد علينا الايام دي بالبركه والخير باذن الله


انا مش من القاهره وانشألله هنزل مصر فالعيد و كان عندي استفسار عن تذاكر دريم بارك عن الاسعار وكده وايه اللي هلعبه بالتذكره وايه اللي لازم ادفعله

وايه التذاكر ال vip دي ؟؟ ايه الاوبشن بتاعهتها


وشكرا ليكم مقدما ويجعلها اجازه سعيده عليكم

وصح ايه ارخص مكان بيبيع لاني لاقيت اسعار كتير




والسلام ختام

[Mo.Kareem]

كل سنة وحضرتك طيب
60 رسم دخول
100 رسم دخول ولعب كل الالعاب مرة وحدة بس
120 رسم دخول ولعب كل الالعاب + لعبتين كمان
19355 ده الخط الساخن بتعهم ممكن تسألهم ومش محتاج خط مباشر

[Elawany13]

ياراجل حد يروح دريم بارك فى العيد
هتلاقيها زحمة موت
ومش هتعرف تلعب او تستمتع بيها
نصيحة بلاش فى الأعياد
وبلاش فى الأجازات الرسمية كمان
دريم بارك تروحها فى وسط الاسبوع ايام الدراسة

[hassanin_lada]

كل سنة وحضرتك طيب
60 رسم دخول
100 رسم دخول ولعب كل الالعاب مرة وحدة بس
120 رسم دخول ولعب كل الالعاب + لعبتين كمان
19355 ده الخط الساخن بتعهم ممكن تسألهم ومش محتاج خط مباشر

الف شكر ياباشا بس انا اعتقد الاسعار اقل من كده والف شكر لمرورك

[hassanin_lada]

ياراجل حد يروح دريم بارك فى العيد
هتلاقيها زحمة موت
ومش هتعرف تلعب او تستمتع بيها
نصيحة بلاش فى الأعياد
وبلاش فى الأجازات الرسمية كمان
دريم بارك تروحها فى وسط الاسبوع ايام الدراسة

المشكله اني مش من القاهره انا من صعيد مصر (اسيوط ) ونازل عشان اخلي والدي و والدتي يغيرو جو وكده مش اكتر فاجت في بالي دريم بارك قولت نسأل الاعضاء الكرام


طيب من رأي حضرتك ايه الاماكن اللي ممكن اخد العائله الكريمه فيها غير الاهرامات والسيده زينب والازهر وكده

عاوز حته يشمو فيها هوا نضيف

[tutankhamoun]

للآسف في الأعياد .... مفيش مكان ممكن تزوره و تنبسط فيه .
هاتروح أي مكان هاتلاقي عيال مش متربية سارحة في المكان و أهاليهم معاهم بيشجعهوهم على كدا .(مش كل الناس طبعا ) بس هاتلاقي الغالبية كدا .

هاتلاقي زحام رهيب في أي مكان هاتروحه و خصوصا الحدائق و الأهرامات و الأماكن السياحية المعروفة .

لو مُصمم تيجي ......... ممكن بقى حديقة الأزهر .... و ممكن حسب خطتك ... تروح دريم بارك .
بس خلي بالك دريم مكان للألعاب مش لكبار السن .... فهتلاقي بقى زحام رهيب و هاتلاقيها مليانة شباب صغير ... و مش هاتستمتع .

[tutankhamoun]

بمناسبة الهوا النظيف .
الهوا النظيف تدور عليه في أي حتة في مصر إلا القاهرة

[Mo7med]

نصيحه لوجه الله

بلاش دريم بارك في الاعياد نهائي

مش هتستمع نهائيا بأي لعبه من الالعاب سواء كانت مجانيه او بفلوس

لو حابب تغير جو ممكن حديقه الازهر بس هتكون زحمه برده اعتقد هي افضل مكان حاليا في القاهره

وعيد سعيد عليك ان شاء الله .. وكل عام وانت بخير

[SonaSteel]

سوق تندم اشد الندم ههههههههههههههههههه
اكبر غلطة عملتها في حياااااااااااااااااااتي كلهاااااااا اني روحت دريم بارك في العيد
لالالا ..... انت تعيد وتاخد يوم اجازة في نص الاسبوع وياريت يبقي في امتحانات ثانوية عامة ومش اي امتحانات
عربي مثلا ولافيزيا حاجة تقيلة كده ...... وربنا يكرمك وتعرف تلعب :)))

[hassanin_lada]

الف شكر ليكم ياجماعه بس انتو احبطوني جامد عموما انا اصلا نازل عشان اقضي كام موضوع كده وقلت بالمره يغيرو مكان بس لو لقيتها زي مابتقولو يبقي هطلع علي اسكندريه يالفيوم او اي حته تاني وربنا يكرم ويجعله عيد سعيد علي الكل ومتنسوناش في اللحمه بقي :d

[GMC]

ياراجل روح وغير جو وخليها على الله ولو معاك سلاح مترخص خليه معاك بينفع صدقني d: بس خلي اول طلقه صوت

[hassanin_lada]

للدرجاتي مصر مابقتش امان !!

مع ان عندنا في الصيعد ماغيش الكلام ده خالص الا حالات بسيطه

[GMC]

ياباشا انا ليا قرايب في الصعيد

الصعيد ميزتها ان 85 % من الناس عارفين بعضها وان ده ابن فلان وده مين وفين

لاكن في القاهره كولو على بعضوا

مولد بالبلدي هههههههههههههههههههههه

يعني لو رحت دريم بارخ حتلاقي مولد سيدي قطار الموت

[hassanin_lada]

علي فكره ده ممكن يكون في القري وكده لكن في المحافظه نفسها زيها زي القاهره بس علي صغير

[Elawany13]

الف شكر ليكم ياجماعه بس انتو احبطوني جامد عموما انا اصلا نازل عشان اقضي كام موضوع كده وقلت بالمره يغيرو مكان بس لو لقيتها زي مابتقولو يبقي هطلع علي اسكندريه يالفيوم او اي حته تاني وربنا يكرم ويجعله عيد سعيد علي الكل ومتنسوناش في اللحمه بقي :d

مش عايز اعقدك
بس بلاش اسكندرية فى العيد هتقضيها قعده فى العربية فى وسط زحام خانق على الكورنيش
هتحرق وقتك واعصابك وبنزينك ومش هتعرف تستمتع بجمال اسكندرية
واقصى سرعه هتمشى بيها 0.0005 كم/س
الفيوم مروحتهاش قبل كده