منحه iti

[ganash]

انا مش فاهم ايه ال iti !! ممكن حد يفهمنى بعد اذنكوا
هو كان موجود عندنا فى الكلية بس انا مقدمتش

دى منحه من وزاره الاتصالات ليها اختبارات وشروط بيتقدم ليها عدد كبير وبياخدو عدد معين ولازم تكون خريج ومتفرغ لانها 9 اشهر وبتاخد مرتب اقرأ التعليقات الى فاتت وانت هتفهم اكتر

[Ahmed Selim]

أستاذ أحمد كل سنه وحضرتك طيب :)

أنا قدمت السنه دى ( القريه الذكيه ) ومحصلش نصيب عشان مكنتش جاهز خالص

وان شاء الله فاضلى سنه وناوى أقدم وربنا يكرم

بالنسبه لموضوع التويفل معادوش بيدققوا عليه أوى يعنى أغلب المتقدمين مكانش معاهم تويفل

هم بيشترطوا عليك تاخده خلال أول مرحله ( أول 3 شهور ) وممكن متاخدوش برده مفيش مشكله

الكلام ده من ناس صحابى متخرجين السنه اللى فاتت واللى قبلها

__________________________________________

بالنسبه لموضوع انى ممكن أخدها بفلوس...ياريت لو مش هتعب حضرتك تتأكدلى منه

وأيه رأى حضرتك فى تراك ( ERP SAP( Financial بما انى خريج تجاره انجليزى ( محاسبه )

بالنسبة للتويفل على أيامي كان لازم يبقى معاك بس ممكن تاخده خلال الدورة

الدخول بفلوس ده أنا متأكد أنه على أيامي كان شغال لأن زى ما قولتلك كان معانا أكتر من واحد كبار فى السن.........و الأتنين كانوا أطباء.

بس حالياً مكتوب على الموقع أنه مينفعش

http://www.iti.gov.eg/faq.aspx#Rel8

ال ERP من المجالات الكويسة اللى عليها طلب دلوقتي.......و أعتقد بما أنك خريج تجارة أنجليزي هيبقى الموضوع أسهل و اظرف بالنسبة ليك أنك تفهم ال business side بتاعه غير ال technical اللى هما هيدرسوه ليكم.