شغلي بمدينة نصر ونفسي أسكن في أكتوبر أو زايد.. إيه رأيكم؟؟

[asaeed]

السلام عليكم إخواني وأحبائي أعضاء المنتدى الكرام
طبعًا أنا كتبت الموضوع ده بعد ما التفكير ابتدى يقتلني... لأن الواحد مش عايز يمر موال نقل العفش ده كل شوية من مكان لمكان...
بصراحة أنا شغال بمدينة نصر ويعتبر لفيت معظم المدن الجديدة من الشروق إلى العبور إلى 15 مايو إلى التجمع الثالث إلى مدينة 6 أكتوبر ولكن أنا اكثر مكان لفيت فيه أكتوبر وحابب الإقامة فيه نظرًا لأنها مدينة كبييييييرة وبها أماكن متنزهات أكثر من أي مكان آخر وكذلك يوجد بها جامعات ومدينة زويل العلمية وكام حاجة هناك مخلياني معجب بها... ولكن أنا كل خوفي من المشوار بتاع كل يوم إللي هيبقى من أكتوبر لمدينة نصر والعودة مرة أخرى.. وأرجع وأقول لنفسي طيب يواد هي ديتها نصف ساعة زيادة للمشوار عن أي مدينة أخرى... وكذلك أهلنا هيبقوا بعيد عني شوية... أقول لنفسي المواصلات مخلتش حاجة وإللي هيجيلنا مش كل يوم
بالله عليكم أنا محتاج رأيكم ضروري في الموضوع ده هل أسكن في أكتوبر ولا في مدينة جديدة أخرى قريبة من مدينة نصر وكذلك قريبة من الأهل لأني خايف أقيم في أكتوبر وبعد كده اتعب من المشوار.. وبعد كده أبيع وأبهدل في عفشي وأولادي بعد ما اتعودوا على أصدقاء وجيران لهم وأروح منطقة أخرى... وناس جديدة وأصدقاء جدد لأولادي
منتظر تعليقاتكم وجزاكم الله خيرًا

[eng/muhamad]

لا ثم لا ثم لا
صدقينى انت حاسس ان الفرق نص ساعه بالكتيرلكن فى الواقع مع وقفه المحور و الكوبرى اكتوبر و اى مخرج من اكتوبر هتلاقى الدنيا زفت و المرور احيانا بيتوقف بشكل كامل و انت خارج من اكتوبر
نصيحة السكن قريب من الشغل نعممممممممممممممممممممممة حاول على قد ما تقدر تشوف التجمع الخامس او مكان قريب

[dede_dodo88]

مدينة نصر يبقى ممكن تروح التجمع الخامس قريب جداً..
أنما أكتوبر ده يبقى أنتحار!!..

[asaeed]

لا ثم لا ثم لا
صدقينى انت حاسس ان الفرق نص ساعه بالكتيرلكن فى الواقع مع وقفه المحور و الكوبرى اكتوبر و اى مخرج من اكتوبر هتلاقى الدنيا زفت و المرور احيانا بيتوقف بشكل كامل و انت خارج من اكتوبر
نصيحة السكن قريب من الشغل نعممممممممممممممممممممممة حاول على قد ما تقدر تشوف التجمع الخامس او مكان قريب

ياااه يا أخي ده انت بتتكلم بحرقة... شكلك متعذب من المحور على الآخر

مدينة نصر يبقى ممكن تروح التجمع الخامس قريب جداً..
أنما أكتوبر ده يبقى أنتحار!!..

انتحار؟؟؟ لا يا عم أنا مش عايز أنتحر ما دام الموضوع لسه في بدايته إنما برده ممنكرش أن اكتوبر أجمل بكل المقاييس حتى لو مش هسكن فيها
التجمع حلوة بس الأسعار فيها غالية أوي بطريقة مبالغ فيها... يعني شقة 70 متر إسكان شباب عند ميجا مول إللي لسه متفتحش عاملة 170 ألف جنيه وقسط 70 جنيه..

[ACC.Eslam Arif]

هيكون اسوء قرار خدته فى حياتك
اكتوبر للى شغلين فيها عشرة ع عشرة
واللى شغلين فى وسط البلد بنسبلهم اكتوبر دى سفر مابالك مدينة نصر
خليك زى مقالوا الاعضاء هنا او اى مكان قريب من شغلك واهلك

[Mohab.Nabil]

دا صعب اوى يا باشا اللى بتقوله ده

من اكتوبر لمدينة نصر كل يوم

دا انا فى الهرم و لما باجى اروح مدينة نصر كل فين و فين اقضى مشوار ببقى شايل هم المشوار و المسافة و الزحمة

لو عايز حاجة جديدة خليك فى التجمع و حتى لو هتدفع اكتر بس صدقنى هتشترى نفسك

[maka]

بلااااااااااااش انا ساكن فى الجيزة و شغال فى اكتوبر بعانى الامرين بسبب الدائرى و المحور اللى علطول واقفين من 3 العصر ل 6 المغرب ممكن اروح فى ساعة و ارجع فى ساعتين او ازيد

اشترى وقتك و صحتك و فكر فى حاجة تكون اقرب لاهلك و شغلك

انا كرهت اكتوبر و نصر اكتوبر و حرب اكتوبر :)

كان لازم يعنى يكسبوا الحرب و يبلونا بالمدينة دى , حسبى الله و نعم الوكيل

[AHMED_DINAMO]

انت شكلك عايز تاخد فرقة صاعقه مدنى ولا حاجه ههههههههههه
يا عم حرام عليك كده انت بتعزب نفسك هتتمرمط فى الطريق سواء مواصلات او بعربيتك

[A.Saad]

خد شقة وانزل فيها جمعو وسبت انا كنت فى الهرم ايام الشبورة والعيد رايح ساعتين ايام العيد راجع ساعتين

[aif]

لو مصمم ....
يلزمك هليكوبتر

[shaddadfalcon1]

انا كتبت رد الصبح والنت باظ وهكتبهولك تاني

مفيش اجمل من انك تبقي قريب من البيت للشغل وبصراحه متعه
انا اشتغلت سنه في القاهره كنت في المنطقه الحره وساكن في زاكر حسين عند الوفاء والأمل بالعربيه مكنتش باخد اكتر من 5 دقايق وانا طالع من شغلي رنه علي المدام تحضر الأكل لو في يوم نسيت حاجه في ثواني اروح اجيبها من الشقه واحي وكله تمام
دلوقتي رجعت الأسكندريه في سيدي بشر قبلي والشغل في سموحه
اروح الشغل قرفان وارجع طقهات من الزحمه والساعه اللي رايحه وانا رايح وانا جي

ولما بتبعد كمان محدش بيجي يزوروك حتي لو في مواصلات

[abdulkhaleq]

والله ياباشا عندك هليكوبتر توديك وتجيبك مفيش مانع :) :)

[Raul_7]

بص أنا من سكان الشيخ زايد وشغلي في المطار, لو مستعد تضيع 4 ل 5 ساعات في اليوم سواقة بس اتفضل اسكن في أكتوبر.

وأنا هاقدم استقالتي, هههههههههه.


CTRL + Q to Enable/Disable GoPhoto.it

[dede_dodo88]

مفيش اجمل من انك تبقي قريب من البيت للشغل وبصراحه متعه

+1
عندك حق فعلاً..
أنا الحمد لله محظوظ جداً أن شغلي قدام البيت يعني بروح و برجع مشي في 5 دقايق..
فمرحوم تماماً من زحمة الطرق و السواقة خصوصاً خصوصاً بعد الشغل لأن الواحد بيكون ميت أصلاً و مش مستحمل تعب أعصاب الطرق كمان..
كنت قعدت فترة شغلي في أكتوبر.. يا نهار أسود!!. ربنا لا يعودها أيام!! أني أكون كل يوم في مشوار أكتوبر ده رايح راجع لمصر الجديدة.. كأني بسافر بالظبط..
فاليوم كان عبارة عن; طريق,, شغل ثم طريق ثم نوم.. خلاص اليوم خلص كده..

بجد مفيش أحسن أن الشغل يكون قريب من البيت.. توفير رهييييب في الوقت و المجهود و المصاريف طبعاً..

[Bishoy.Girgis]

ايه رأيكم يا جماعة في شقق حدائق الاهرام .. و خصوصا ان البوابة الرابعة علي الدائري مباشرة و اللي عنده اي معلومات هل الشركات اللي هناك بتبيع الشقق ديه تكون مضمونة و لا ايه ؟؟؟
انا شفت شقق هناك بس اتباعت لكن الشقة اللي لسه المفروض اشتريها هي لسه عبارة عن أرض لكن الشركة بتقول لي ان الاستلام في يونيو 2013 و هما بيطلعة دورين في الشهر الواحد