كنت عايز اعرف افضل اللقم و البرايز الكهربائية واسعارها .. وايه المفضل ؟

[tamer.soliman8]

السلام عليكم ورحمه الله
انا لسه مخلص تشطيب شقتى قبل رمضان وبما انك في الجيزه سوف اعطيك بعض النصائح ارجو ان تتقبلها بصدر رحب.
دع السباك يذهب معك الى الشقه ويكتب لك جميع الطلبات.
بالنسبه للبانيو ايديل استنادر افضل لانه محمل شويه - بالنسبه للاحواض والصينى ديروفيت.
حصل وانا باركب اكتشفت ان فيه صندوق السيفون بيخر بعد ان ركبت اتصلت بشركه ديروفيت ارسلوا واحد جديد وركبوه بنفسهم.
بالنسبه للخلاطات لفيت وشفت جروهى وباقى الانواع ولككنى استقريت واشتريت ايديل استاندر دواخل سيراميك وشغال ذى الفل وكان لدى مشكله في خلاط الدش علشان ضغط المياه ضعيف - ارسلوا فنى عالج هذه المشكله بدون ان ياخذ فلوس

مستلزمات السباكه والصينى والخلاطات افضل وارخص سعر هى شركه القدس في شارع فيصل بس الاول لازم تلف وتلم اسعار وتعمل شيت اكسيل للمقارنه بين الاسعار وبعد ذلك اذهب لهم وسوف تاخذ افضل سعر. ( السباك لازم يكون معك وقت الاستلام )

افضل مواسير بروبلاين الان هى الشريف ودعك من الاسعار العاليه والضحك على الذقون مثل بانجر والشركه الاخرى انا غير متذكر اسمها الان.
تذكر وانت بتاسس السباكه ان تعمل مواسير تصريف لمياه التكييف وتصب في البلاعه مباشره.

بالنسبه للسيراميك انا اشتريت من كيلو باترا التى بعد هيبر وان ( الشركه الام ) ودعك من محجوب والسلاب اسعارهم غاليه واخذت خصم مابين 50% 55% بس برضه لازم تلم اسعار وتبقى عارف الموديل بالضبط.
ولذلك اذهب الى كليوباترا واختار الموديلات التى تعجبك واسعارهم وبعد ذلك لف في السوق لتحصل على اسعار السوق
بعد ذلك ارجع مره ثانيه الى كيلوباترا وتكون مجهز الاسعار والمقارانات وسوف تحصل على اقل سعر وكفايه ان المصدر موثوق به وتعرف تاخد حقك منه وترجع الفائض في خلال اسبوعين.
بالنسبه لاسلاك الكهرباء لابد من مصدر موثوق به لشراء كابلات السويدى ومتوسط الخصم
35% - 40% من السعر الرسمى.
وعندك اخى هيما لانسر ممكن يجبلك بسعر كويس.
بالنسبه للمفاتيح - كل المصانع في الصين - لم يعجبنى باتشينو ولا ساس
انا اشتريت نوعيه اعتقد انها جيدها وهى شركه مشهوره وسوف اصور لك صورها واضع لك اسمها في المساء انشاء الله
وبالتوفيق انشاء الله

يا باشا تسلم .. دنا داخل اتنصح :) تعيش وتنصح واعيش واسمع :) .. كليوباترا اللي بعد هايبر وان - الشيخ زايد تقصد ولا اللي قبل كارفور المعادي !! وتفرق ايه مش الاتنين معارض كليوباترا !!

[sas5]

يا باشا تسلم .. دنا داخل اتنصح :) تعيش وتنصح واعيش واسمع :) .. كليوباترا اللي بعد هايبر وان - الشيخ زايد تقصد ولا اللي قبل كارفور المعادي !! وتفرق ايه مش الاتنين معارض كليوباترا !!

السلام عليكم
الذى اقصده هو الذى في امتداد المحور بعد الهايبر وان - الشيخ زايد - 6 اكتوبر
انا اقصد معرض بيع بتع كليوباترا مباشره ويكون مساحته كبيره ومعرض بيه جميع الموديلات من اجل ان اتكون الاكواد الاصليه واسماء نوعيه البلاط.

بخلاف ذلك سوف تجد محجوب والسلاب وباقى المعارض - تضع كود مختلف من اجل ان لاتستخدم الكود بتاعهم في مقارنه الاسعار

مثلا فيه نوع بلاط مطابخ في كليوباتره اسمه بريكفاست - اذا استخدمت هذا الاسم فكل بتوع السيراميك يعرفونه
ولكن في السلاب يستخدمون مثلا كود 2546 وفى محجوب يستخدمون كود 5546
واذا اخذت هذه الاكواد وسالت عليها في اى مكان لن تصل لشى

[sas5]

السلام عليكم ورحمه الله
ماركه المفاتيح FUTINA
Guangdong Futina Electrical Co.,Ltd

ومرفق كام صوره من المفاتيح المركبه في منزلى

[sas5]

[tamer.soliman8]

دي كويسة فوتينا دي ؟؟ وبكام ومنين ؟؟

[sas5]

دي كويسة فوتينا دي ؟؟ وبكام ومنين ؟؟

السلام عليكم ورحمه الله
اخى العزيز انا شهادتى لها مجروحه
انا في الاول كنت مصمم على باتشينو ولما مسكتها في يدى لم استريح لها
ساس ايضا لم تعجبنى.
لابد ان تنزل وتشاهد القطع بيدك وتحس بيها وتقرر انت عايز ايه لانها مساله راحه نفسيه.

الاسعار سوف تجدها في مستوى واحد ومتوسط السعر للقمه المفتاح والبريزه 6 جنيه تقريبا

[tamer.soliman8]

السلام عليكم ورحمه الله
اخى العزيز انا شهادتى لها مجروحه
انا في الاول كنت مصمم على باتشينو ولما مسكتها في يدى لم استريح لها
ساس ايضا لم تعجبنى.
لابد ان تنزل وتشاهد القطع بيدك وتحس بيها وتقرر انت عايز ايه لانها مساله راحه نفسيه.

الاسعار سوف تجدها في مستوى واحد ومتوسط السعر للقمه المفتاح والبريزه 6 جنيه تقريبا

تسلم لذوقك ولافادتك

[smsm2015]

منتجات عباس الجوده جيدا جدا ادخل اى محل فى العتبه وخليهم يوروك التكالوج بتاعهم ...