مشكله مفاجئه في لاب بوب ‏combaq 615‏ أرجو الحل.

[mero100]

اللاب توب كان شغال كويس بس في الفتره الأخيره كان بيتقل شويه في الإستجابه للأوامر.
بنتي قعدت تدوس علي كل الزراير أول ما فتح و أنا عامل لوكد باسوورد ..
فوجئت إني أول ما أشغله و أدوس زرار التشغيل يدي شاشه سودا فقط و ميحملش الويندوز..
هل كده محتاج نسخه ويندوز؟

[hazoom2006]

هو دلوقتى مابيفتحش خالص ولا اية انا مش فاهم معلش

[beshomilan]

فعلا افضل حل ليه هو تحميل ويندوز جديد وريح نفسك

[khaled_legend]

هو كان بيسخن؟ و هل حاليا لمبه التشغيل بتنور؟ و بعدين ليس من الممكن ان تكون بنت حضرتك تسببت في بوظان الويندوز

[mero100]

فعلا أشكر حضراتكم للإهتمام.

حاليا بدوس زرار الباور بينور طبيعي عادي بس اللاب مبيدخلش علي الويندوز .. بيدي شاشه سودا و السهم بتاع الماوس علي الشاشه بحركه عادي .. بس الشاشه سودا .

[ابو لؤى]

حضرتك اصبر عليه شويه يأما تنزل نسخه جديده وتريح دماغك

[mero100]

طيب أجيب نسخه ويندوز من السراج مول مثلا؟

إسم النسخه الكويسه إيه؟
أعذروني لإبتعادي عن مجال الكمبيوتر

[hazoom2006]

هو كدة محتاج نسخة جديدة لو هتعرف تنزل النسخة و تظبط التعريفات كان بها لو الموضوع صعب او مش فاضى اى حد بتاع كمبيوتر جنبك هينزلك نسخه والتعريفات والبرامج وممكن تقولة يعملك ريكفرى كمان

[mero100]

بيقولوا ويندوز 7 مبيحتاجش تعريفات للكروت و الدليل إن اللاب توب مجاش معاه أي سيديهات .
(أنا بتكلم صح كده و لا خرفت شويه؟)

[khaled_legend]

اذهب به الي التوكيل "عشان محدش بره يلعبلك فيه و يبوظ الدنيا عن تجربه"

[S O P H O S]

غير نسخة الويندوز
وفاي مول كمبيوتر وبحد اقصي بكل شئ 20 جنيه
ومتخليش الحوار بكلفك كتير علي حاجة بسيطة جدا
مدام سوفت وير متقلقش مفيش ضرر علي الجهاز
ان شاء الله ..