الوسيط في جواز الصالونات

[aser_007]

كان عندي سؤال بغض النظر عن رأي الناس في الفكرة ...
جالي إحساس إن الاسرة اللي ليها بنت أو شاب وبيقولو وبيدردشوا للناس (الوسيط ) مش هيتكلموا معاه أصلا غير لما يبقى (الشاب أو البنت ) مش على مستوى عال من معايير الناس اية كانت هذه المعايير ...

وبالتالي فإن أي تعارف بين أسرتين يكون الغرض منه مقابلة الشاب والبنت لو فيه منهم حد (على مستوى عال بالنسبة للمعايير دي ) والطرف الكويس ده منغلق اجتماعيا ... مش هيبقى فيه أي مميزات(الطريقة دي) .. ولا أيــــــــه ؟؟ ......

[amr.elsayed]

يعنى ايه وسيط ؟؟
وبصراحة مش فاهم حاجة خالص فحضرتك ممكن توضح لعل وعسى تاخد نصيحة اخ اكبر فى المنتدى

[Mostafa.Mahran]

ممكن حضرتك تشرح بصورة اسهل من كده

[Khaled Online]

تونس؟

[Mohab.Nabil]

اسر باشا عامل ايه اولا ايه اخبارك ، ناوى تتجوز ولا ايه يا معلم ؟

انا اعتقد ان هو يقصد ان لو حد فيه الصفات المطلوبة بالنسبة للناس يعنى ( على خلق ، غنى ، وضع اجتماعى كويس ... ) اهله مش هيحتاجوا انهم يخلوا وسيط يدور ليهم على عروسة

و بعدين بيقول ان لو الشخص ده فيه الصفات المطلوبة ديه بس هو منغلق اجتماعيا فمحدش عارفه او عارف صفاته ديه برضه مش هيستفاد من الموضوع ده لأنه منغلق اجتماعيا اصلا فمش هيعرف يتعامل بطريقة كويسة

اتمنى يكون تفسيرى صح

و بالنسبة لرأيى اقولك انا مختلف مع كده .. ممكن شخص يكون فيه صفات مطلوبة و حاجات كويسة كتير بس هو مش اجتماعى و ملهوش دائرة معارف كبيرة فمش هيلاقى حد و محدش هيلاقيه و خد بالك برضه ان الشخص ده اكيد حتى لو هو مش اجتماعى بيبقى عايز حد يبقى عنده الصفات المتكافئة لكده يعنى اكيد هيدور على حد كويس برضه و ممكن لو هو تعاملاته مش كتير ميلاقيهوش

يجى بقى دور الوسيط هنا انه شايف ان دا مثلا صاحبه عنده ولد محترم و صاحبه الثانى عنده بنت متكافئة ليه فيبتدى يقرب الاسرتين من بعض و يعرفهم على بعض و يشوفوا لو فيه قبول بين الطرفين ولا لا

انا بصراحة شايف الطريقة مفيهاش عيب ولا اى حاجة بالعكس كل حاجة بتبقى فى النور و محترمة و اعرف ناس كتير اتجوزوا كده و ربنا مبارك لهم و الحمد لله رزقهم بالاطفال و الزواج السعيد

[hazoom2006]

هو تقريبا يقصد ان الجواز اللى هو بيكون فى وسيط .الاسرة مابتفرش بالطريقة دى غير لما يكون فى نقص فى حاجة ف العروسة مثلا فبيكلمو وسيط يشوف عريس مناسب
دة اللى انا فاهمه من طلاسم الفقرة الاولى

الفقره التانية ان الطريقة دى مابتنفعش لو كان طرف من الاتنين منغلق اجتماعيا ومش هيعرف يظهر نفسة يعنى فى مقابلة واحدة برغم انه عنده مميزات

يارب اكون فهمت قصدك تمام

بس فين السؤال بقا انا تهت منك والله

[amr.elsayed]

بص نصيحة متجربة اى حد عايز الرجالة يتجننوا عليك ويبقوا عايزين يخطفوك لبناتهم واظب على الصلاة فى الجامع
وخاصتا صلاة الفجر والعشاء ... وعلى فكرة 99 % لو ربنا كرمك بتكون بنت محترمة جدا لان ابوها بيكون انسان متدين
كل يوم بيصلى معاك الفجر فى الجامع وبالتالى دى بتكون بوادر لطريقة تربية بنته
............
بالنسبالك انت كانسان متدين حتكون حلم لاى رجل عايز يطمئن على بنته خاصتا لو بقالك فترة بتوظب على صلاتك امامه ...
وجزئية مش اجتماعى دى اخر حاجة حيبصلها
..........
وانا كمان مش فاهم حاجة لحد دلوقتى

[aser_007]

سوري يا جماعة على طلاسم الفقرة ...

بس انا بقول إن الناس بتلجأ للطريقة دي لما تبقى (المعايير مش على مستوى عال ) ... والطرف التاني بيكون (على مستوى عال من المعايير التقيمية لسواء الناس ) ... وبالتالي ما بيحصلش توافق ... مع العلم بأن الطرف الاخير حاول يجرب الطريقة دي عشان هو دايرة معارفه قليلة

وبالتالي تكون الطريقة دي مش مناسبة لناس كتيـــــــــــــــر

[amr.elsayed]

انا بعد بحلقة نص ساعة فى المشاركة بدات افهم شوية
مثلا واحد مؤهلاته كويسة بس مش اجتماعى ومعندهوش علاقات وبالتالى كلم ناس علشان يشوفوله عروسة
لقى العرايس اللى بتجيله مش حلوين علشان كدة هم بيكلموا وسيط علشان هم نص نص .... وبالتالى الموضوع دة مش نافع مع الراجل ذات المؤهلات الكويسة
واللى هو فى نفس الوقت مش اجتماعى ... ساعتها يعمل ايه ؟؟؟ ويدور ازاى على عروسة ؟؟ والعكس بالنسبة للبنت ؟؟
.....
صح كدة ؟؟؟ قول صح الله يخليك

[Mostafa.Mahran]

الوسيط بيكون بين طرفين سواء الولد او البنت

الطرف الاول بيلجأ للوسيط علشان هو طرف يعتبر متوسط و مؤهلاته مش قد كده و دايرة معارفه كبيرة

الطرف التانى بيلجأ للوسيط علشان هو دايرة معارفه محدوده بالرغم من انه مستواه مرتفع و مؤهلاته وسط الناس كويسة

الموضوع بيفشل فى الحالة دى علشان مفيش تكافؤ

بس ده يعتبر حالة و ممكن تحصل لانه ممكن الطرفي يكونو كويسين و مؤهلاتهم كويسة بس معارفهم محدودة و فى الحالة دى الموضوع هينجح

او الطرفين ضايعين زى بعض و فى الحالة دى الموضوع هينجح برضه

[Khaled Online]

او الطرفين ضايعين زى بعض و فى الحالة دى الموضوع هينجح برضه

ههههه

[essamcne]

يا نهار أبيض أنا مش فاهم حاجة من الطلاسم دي هو فين الظابط.

[S O P H O S]

متابع باهتمام ..

[khaled_legend]

طالما لا يوجد توافق بين الطرفين فلا اتوقع اي نجاح

[Eng_Doaa]

على فكرة أنت واخد فكرة غلط خالص .

كتير من الناس و انا زيهم مثلا مالناش علاقات اجتماعية واسعة غير فى إطار معين نظرا للوضع المعروف فى المجتمع حاليا و انشغال الناس فى الشغل أو فى اى حاجة تانية . و بالتالى مسألة الزواج نظرا لأنها مهمة و خطيرة و ماينفعش الولد يتزوج اول واحدة يشوفها و لا البنت كذلك لأنه أكيد هى أو هو ليهم طلبات محددة زى الاخلاق و الدين و المستوى الاجتماعى و العلمى كل ده مش بيتوافر بسهولة فزواج الصالونات من خلال معارف العائلات بيكون هو الضمانة و الحل و الطريق السليم على فكرة .

و ده اللى كان بيعمله الصحابة يعنى مثلا سيدنا عمر عرض بنته حفصة على سيدنا ابو بكر و على سيدنا رسول الله فتزوجها الرسول صلى الله عليه و سلم . فهل ده عيب ؟؟
أحنا اللى بنحب نغير فى المعايير و بنصعب الأمور على نفسنا .
و ربنا يوفق كل واحد نيته خير للى فيه خيرى الدنيا و الاخرة :)