عاوز أعمل مشروع .. زهقت من الشغل .. بفكر ف مشروع مطعم كريب

[mxz911]

السلام عليكم

بأختصار جدا
انا عاوز أعمل مشروع .. زهقت من الشغل .. بفكر ف مشروع مطعم كريب
حد عنده أفكار أو دراسه للمشروع ده ؟

التكلفه تقريبا كام لو قلنا انى ممكن اتصرف ف محل 30 متر ( لسه هيتوضب ) و المكان بصراحه مش مميز اوى ( ف شارع جانبى ناحيه المعبد اليهودى اللى ف العباسبه .. نفس الشارع اللى فيه كافيه الاهلاويه )

عاوز دراسه للمشروع لو سمحتوا لو حد يعرف يفيدنى

[khaled_legend]

بالنسبه لدراسه الجدوي: ممكن تذهب لاي مكتب محاسبه ثقه و تشوف التكلفه كام
بالنسبه للمشروع نفسه: اي مشروع في العالم لا يحقق ارباح من اول يوم

بالمناسبه كلنا هذا الرجل و كلنا يكره العمل تحت رئاسه الاخرين و لكن هذه هي الحياه و يجب ان تتحمل طالما العمل مجزي و في مجال فهمك او دراستك

[mxz911]

الشغل بيجيبلى فلوس كويسه الحمد لله

بس انا مبقتش طايق اشتغل وفعلا موضوع المشروع ده بقى واكل دماغى بطريقه رهيبه !

وانا مش مستنى المكسب من اول يوم ومستعد اصبر .. ومش هعمل مشروع الا اما يكون حاجه نظيفه جدا

[khaled_legend]

ربنا يوفق حضرتك

[BESO516]

انا جربت والله الشغل فكذا حته من وانا طالب وحتى مااتخرجت فى المطار وكذا شركه مااستحملتش والله تناكه واوامر المديرين اللى غالبابتبقى ناتج عن عقد نفسيه شافوها بيطلعوها فأى موظف جديد ودوول مش كلهم

وفى الأخر والدى اما شافنى زهقت ولفيت واتبهدلت مسكنى المصنع بتاعه يعنى لاكبير ولاصغير بس مسكنى كل حاجه فيه وبقيت انا الحاكم بأمره فكل حاجه وهو بيتابعنى بالتليفون لو فى حاجه
بس ده طبعا مش بالسهل كده ده بعد مالواحد اتمرمط فى المصنع ده من عامل لمسؤل تسليم لسواق احيانا لكن كل ده عشان كنت اتعلم والحمدلله ان الواحد لقى حد ياخد بأيده فأول الطريق وده برده مخلنيش اتنازل عن حلمى ومشروعى اللى بفكر فيه من وانا طالب وبأّن الله ربنا يساعدنى واحققه بس لسه بدرى عليه شويه

فدى بتختلف من شخص للتانى على حسب فلو شايف ان مشروعك هيجيب مكسب بعد كده وده بعد عمل دراسات جدوى صغيره حتى لو المشروع نفسه صغير وده ( بعد دراسه السوق والمكان و المنافسين والمستهلك )

وربنا يوفقك بأذن الله واسف على الأطاله

[aboomar22]

والله مشروع ماشاء الله شغال كويس سواء هو او محل سندوتش الجمبرى وتكلفتة مش كبيرة يعنى جريلا وثلاجتين على الاقل وشوية الديكورات البسيطة المهم الاهتمام بنظافة المكان ونظافة الخامات ومعاك صنايعى كويس وعلى فكرة هى مس صنعة قوى يعنى مش زى الفول والطعمية والكباب والحواوشى وكده لا اسهل كتير وبعدين احنا برضه هنشجعك هنا فى المنتدى والقريب ليك هيبقى زبونك ومع انى ساكن فى الهرم لكن لو ربنا كرمك وعملت المشروع هاجى اجيب لعمر الكريب من عندك بالتوفيق ان شاء الله --

[RAPID]

كل التوفيق لحضرتك

[mxz911]

ربنا يوفق حضرتك

الله يكرمك :)

انا جربت والله الشغل فكذا حته من وانا طالب وحتى مااتخرجت فى المطار وكذا شركه مااستحملتش والله تناكه واوامر المديرين اللى غالبابتبقى ناتج عن عقد نفسيه شافوها بيطلعوها فأى موظف جديد ودوول مش كلهم


وفى الأخر والدى اما شافنى زهقت ولفيت واتبهدلت مسكنى المصنع بتاعه يعنى لاكبير ولاصغير بس مسكنى كل حاجه فيه وبقيت انا الحاكم بأمره فكل حاجه وهو بيتابعنى بالتليفون لو فى حاجه
بس ده طبعا مش بالسهل كده ده بعد مالواحد اتمرمط فى المصنع ده من عامل لمسؤل تسليم لسواق احيانا لكن كل ده عشان كنت اتعلم والحمدلله ان الواحد لقى حد ياخد بأيده فأول الطريق وده برده مخلنيش اتنازل عن حلمى ومشروعى اللى بفكر فيه من وانا طالب وبأّن الله ربنا يساعدنى واحققه بس لسه بدرى عليه شويه

فدى بتختلف من شخص للتانى على حسب فلو شايف ان مشروعك هيجيب مكسب بعد كده وده بعد عمل دراسات جدوى صغيره حتى لو المشروع نفسه صغير وده ( بعد دراسه السوق والمكان و المنافسين والمستهلك )

وربنا يوفقك بأذن الله واسف على الأطاله

ما شاء الله تقريبا موضوعك نفس موضوعى لانى برضه اتخرجت واشتغلت كذا حاجه وطلع عينى ومبقتش قادر استحمل اشتغل تحت سلطه حد وعشان كده قررت انى لازم اخط خطوه ممكن تكون ايجابيه وربنا يستر على النتائج ودراسه ا لجدوى دى بحاول اعملها بس كان نفسى اشوف دراسه جدوى جاهزه للمشروع ده

والله مشروع ماشاء الله شغال كويس سواء هو او محل سندوتش الجمبرى وتكلفتة مش كبيرة يعنى جريلا وثلاجتين على الاقل وشوية الديكورات البسيطة المهم الاهتمام بنظافة المكان ونظافة الخامات ومعاك صنايعى كويس وعلى فكرة هى مس صنعة قوى يعنى مش زى الفول والطعمية والكباب والحواوشى وكده لا اسهل كتير وبعدين احنا برضه هنشجعك هنا فى المنتدى والقريب ليك هيبقى زبونك ومع انى ساكن فى الهرم لكن لو ربنا كرمك وعملت المشروع هاجى اجيب لعمر الكريب من عندك بالتوفيق ان شاء الله --

فعلا بس هوه كمان اسهل شويه من محلات الجمبرى وكده ..وتكلفه المشروع اساسا فى توضيب المكان دى اللى هتاخد اكبر نسبه من رأس المال ..وانا فعلا مش ناوى اعمل غير حاجه نظيفه ان شاء الله وعاوز برضه ا للى هيعمل الكريب الصنايعى يكون حد نظيف ( ده برضه مشكله مش عارف هجيبه منين )
وربنا يكرمك على التشجيع وان شاء الله الموضوع يبدأ وتنورنى انت وعمر :)

كل التوفيق لحضرتك

الله يكرمك :)

[ahmedeihab]

موفق ان شاء الله

اهم حاجه اختيار المكان المناسب

^_^

[alynubira]

تمام تكلفه المشروع مش ةكبيره فغلا
بس انت زهقت من الشغل هههههههههههههههههه ده انا نفسى اى حد يشغلنى واسيب التجاره خالص
بص اول عيوب التجاره انك واخد الشغل معاك فى كل حته البيت الاجازه يعنى انسى انك تتهنى
تانى العيوب الموظفين يعنى اقل محضر ب 5000 جنيه وممكن سنه حبس و 10000 جنيه
عايز نصحتى خليك فى شغلك

[cutie_honey]

انا عارفة ان الموضوع قديم وممكن تكون انت صرفت نظر عنه او ممكن عملته بس لو ناوي تفتح محل "كريب " نصيحة مني افتحه في حتة حلوة اوي (زمالك + مهندسين + الميرغني .....) المناطق اللي عليها رجل كتير واللي الناس ممكن في يوم عادي تعدي من جمبها بالصدفة ومرة تانية تيجي بشلة من اصحابها ((( انا شخصيا حصللي الموقف دم مع محل وافيليشيوس Waffilicious)))
كمان ناس المناطق دي ممكن تدفع ٢٠ جنيه في كريب لكن في حتة تانية صعب
لأن لاحظ مكوناتها غالية اوي ( كريب النوتيلا والموز) بكام النوتيلا اصلا ! و التوبينجز لازم كل الاشكال والانواع اللي في الدنيا
زي المالتيزرز + سنيكرز + بلوبري ....الخ فيه شريحة من الناس ما تعرفش ايه دول ؟ ف انك تفتح الحاجة الصح في المكان الغلط حتضيع مجهودك وتخطيطك كمان اعمل حسابك في محل فيه امكانيه وضع ٣-٤ ترابزات برة مثلا ؟ زي زوبا zooba في الزمالك ده طبعا في حال امتلاء المكان في الداخل
وفي الاخر احب اتمنالك التوفيق والنجاح

[mxz911]

موفق ان شاء الله

اهم حاجه اختيار المكان المناسب

^_^

ربنا يكرم وان شاء الله لو لقيت مكان مناسب هبدأ

تمام تكلفه المشروع مش ةكبيره فغلا
بس انت زهقت من الشغل هههههههههههههههههه ده انا نفسى اى حد يشغلنى واسيب التجاره خالص
بص اول عيوب التجاره انك واخد الشغل معاك فى كل حته البيت الاجازه يعنى انسى انك تتهنى
تانى العيوب الموظفين يعنى اقل محضر ب 5000 جنيه وممكن سنه حبس و 10000 جنيه
عايز نصحتى خليك فى شغلك

أكيد مش عاوز مشاكل كده بس أعتقد الكلام ده فى حاجه غير المطاعم مثلا . لأن حضرتك بتقول تجاره وانا شايف ان المطعم مش هتكون تجاره وفيها مشاكل التجاره . وربنا يكرمك بأحسن شغل

انا عارفة ان الموضوع قديم وممكن تكون انت صرفت نظر عنه او ممكن عملته بس لو ناوي تفتح محل "كريب " نصيحة مني افتحه في حتة حلوة اوي (زمالك + مهندسين + الميرغني .....) المناطق اللي عليها رجل كتير واللي الناس ممكن في يوم عادي تعدي من جمبها بالصدفة ومرة تانية تيجي بشلة من اصحابها ((( انا شخصيا حصللي الموقف دم مع محل وافيليشيوس Waffilicious)))
كمان ناس المناطق دي ممكن تدفع ٢٠ جنيه في كريب لكن في حتة تانية صعب
لأن لاحظ مكوناتها غالية اوي ( كريب النوتيلا والموز) بكام النوتيلا اصلا ! و التوبينجز لازم كل الاشكال والانواع اللي في الدنيا
زي المالتيزرز + سنيكرز + بلوبري ....الخ فيه شريحة من الناس ما تعرفش ايه دول ؟ ف انك تفتح الحاجة الصح في المكان الغلط حتضيع مجهودك وتخطيطك كمان اعمل حسابك في محل فيه امكانيه وضع ٣-٤ ترابزات برة مثلا ؟ زي زوبا zooba في الزمالك ده طبعا في حال امتلاء المكان في الداخل
وفي الاخر احب اتمنالك التوفيق والنجاح

صح كلامك مظبوط جدا وانا عارف دول كلهم . وهيه فعلا أهم حاجه . زى مثلا بتاع الوافل اللى ورا جنينه مول ( واخد حته صغيره أوى من محل Quick ) اللى جنب أشرف فرغلى . تقريبا واخد متر فى متر . مكانه المميز جدا بيخلى ناس تجيله بكميه محدش يتخيلها
كريبو اللى فى الكوربه جنب قهوه أسوان ... بصراحه محل جودته مش عاليه . اكله مش بحس انه نظيف أوى .لكن عشان لازق فى قهوه أسوان فهوه بيجيله كميه رهيبه من الناس . انا شغلى كان فى الكوربه وبعد على قهوه أسوان كتير وبشوف انه مش ملاحق أصلا على الزباين ماشاء الله
ونفس الكلام بالنسبه ل كريبيانو اللى فى أول مكرم عبيد ناحيه الاكشاك بس ده نظيف حسب ما انا شايف
بالنسبه لأسعار مكونات الكريب . اانا بدقق كويس الناس معظمها اللى بتعمل كريب والشوكولاته فيها حلوه زى النوتيلا بالظبط . بيستخدمه نوع شيكولاته اسمه NuCream دى العلبه الصغيره منها ال 200 جم ب حوالى 9 جنيه ونص . اما النوتيلا ال 200 جم ب حوالى 17 جنيه ( قرب يبقى ضعف السعر ) وبالنسبه لطعم الشيكولاته ف أنا قلت اشوف بنفسى وجبت NuCream دى ودوقتها ... بجد بجد رهيبه ! انا مصدقتش انها بالطعم ده وانا أصلا مكونتش بشترى غير نوتيلا فى البيت بطلت اجيبها وبقيت اجيب NuCream

أنا سعيد انى اتكلمت مع حد شايف الدنيا اللى انا شايف وفاهم أصدى . وشكرا جزيلا لباقى اعضاء نايل موتورز على مشارتكم الطيبه


والمحل اللى كنت كاتب عنه فى أول الموضوع خلاص مش هينفع أعمله كريب دلوقتى . لأنه مطعم صينى ( ملكنا برضه ) بس كنت بفكر أمسك انا موضوع الكريب كله من أوله لأخره لكن نظرا لأنشغالى أجلته مؤقتا . وهشوف مكان تانى أحسن ان شاء الله
وعلى فكره انا مصرفتش نظر عن الموضوع .. ممكن نقول مثلا اتأجل شويه لأنى اتشغلت فى حاجات كتير جدا .. بس انا مش بقترح حاجه الا اما اكون ناوى اعملها ان شاء الله

[mxz911]

أسف اسمها NuCrema مش NuCream

ودى علبتها :

[Ahmed_selmy]

ربنا يوفقك .... بس متسيبش شغلك غير اما مشروعك يقف على رجله.

[Hossam_hassan4]

انا بصراحه مش مع فكره الكريب اوي لانها انتشرت جداا و زي ما تقول خلاص حاجه الناس جربتها و زهقت منها :). مش بحبطك الله اعلم. ممكن ينجح بسبب ان مفيش جنبك ماكن بيعمل اكل كويس مثلا


فكره الوافلز كنت هقولك عليها دي كويسه اوي بس برضه هلي حسب المكان