خبطلي العربية فا عزمته عالغدا !

[Mzeid]

و الله أنا كنت هعيط و أنا بقرأ الكلام ..
مش معقولة الناس بتموت من الجوع فعلاَ ..
لا حول و لا قوة إلا بالله ..

[Islam_galal]

الحمد لله لسه في خير في قلوب الناس

[tmz9111]

باحييك على تصرفك يا محمود باشا

[islambana]

لاحول ولاقوه الا بالله

احييك علي تصرفك
وربنا يجازيك خير

[MoToRiZeR]

الحمد لله علي اللي حصل فعلا يا جماعة و ربنا يبارك لصاحب التاكسي و يكرم السواق الغلبان ..

اللي حصل لك ده اسمه paradigm shift يعني تفكيرك تحول من جهة إلى عكسها.
أنت كنت نازل تتخانق مع الرجل ومعاك سلاحك وحالتك النفسية مستنفرة إلى أقصى حد ثم لحظة حدث تحول في وجهة نظرك إلى الجهة المخالفة تماماً لدرجة إنك أكلت الراجل وساحمته. والكلام ده ذكره استيفن كوفي وقال مثال زي إللي حصلك في كتابه الرائع (العادات السبع للناس الأكثر فعالية)

ده اللي حصلي فعلا بالزبط .. كنت نازل و في دماغي كمية عنف كبيرة و بدور علي اللي خبط العربية و خلاص و كل ده اتغير اول ما لقيت الراجل فاقد للوعي في العربية

عشان كدة بقول فعلا الواحد يطول باله عالناس محدش عارف كل واحد ظروفه ايه .. ممكن تتصرف تصرف تسرعت فيه و اما تعرف ظروف اللي قدامك تندم عليه

[ashour]

من لم يعتقل في عهد عبدالناصر لن يعتقل ابدا
و من لم يغتني في عهد السادات لن يغتني ابدا
و من لم يجوع في عهد مبارك لن يجوع ابدا...
للأسف هي ده سمة ذلك العهد..

ربنا يكرمك و يعوضك خير انشاء الله

[sniper2010]

النبل لا يأتي إلا من النبلاء
أمثال حضرتك و صاحب التاكسي
ولا تعليق

[دموع الثلج]

ووووووووالله يا اخى خليتنى ابكى على حال الراجل المريض ده والموضوع ضايقنى جدا نفسيا

ربنا يتولاه ويتولى فقراء مصربرحمته وبالنسبه لعربيه حضرتك معلش قدر الله وما شاء فعل يمكن ربنا كان باعت لك رساله بالحدثه دى او باعت لك ثواب بتصرفك مع الراجل تلاقيه اكبر من جبل احد يوم القيامه عند ربنا الف شكر لتصرفك الانسانى


وياريت يا جمااااااااااااااعه كلنا نسسسساعد بعض الناس اللى بتموت من الجوع دى ومن المرض ومش لاقيه حق العلاج دى ربنا هيحاسبنا عليهم

ربنا يسامحنا جميعا على تقصيرنا فى حق الغلابه

[Mohamed_Hegazy]

الله عاى المشاعر الانسانيه - جزى الله الجميع خيرا وندعو الله ان يزيح هذا الكرب عننا جميعا وان تعود مصر كما كانت بلد الخير والعطاء - وستعود ان شاءالله لانه لا يزال هناك من يؤثر غيرة على نفسه

[mahamedaraby]

ربنا يعوضك خير ان شاء الله

وبجد هو ده عين العقل اللى انت عملته وتستاهل عليه الشكر بجد

ومتندمش ابدا على فعل الخير باذن الله هيجلك حاجه احسن بكتير

[MoToRiZeR]

متشكر يا جماعة عالردود الجديدة :)

و فعلا الواحد اما بيعمل خير بيعودله حتي لو بعديها بفترة

[Macaronaa]

حكايه رائعه

أنا قريت الموضوع وقد ايه جميل وضحكنى رد فعلك وانت نازل متحفز وفالاخر لقيت السواق مغمى عليه وكمان اكلته

المشاعر نفسها كلها كانت حلوه رد فعلك بعد مالقيت السواق مغمى عليه
ورد فعل صاحب العربيه لما جالكم واطمن على السواق قبل اى حاجه

رغم انى ضحكت فى الاول بس بكيت فى الاخر عالمشاعر الحلوه وكمان على حال السواق الغلبان ده

كان حاصلى مصيبه فى العربيه بتاعتنا و وبرده وهى راكنه فى الباركينج واتاكل علينا حقنا بعد ما اترزعنا حته خبطه عجب وبعد ماكان معانا الحق بقى وكأن اللى خبطت عربيتنا بريئه ومعملتش حاجه موضوع طويل كده

المهم كنت داخله اشوف حد همه زى همى لقيت موضوعك ومبسوطه انى قريته :)

تحياتى

[lena jo]

موقف بديع يستحق ان يحفظ ليضاف للقصص و المواقف المعبرة التي تذكر مع الحكم و المواعظ.موقف يغني عن الكلام. و موقف حضرتك النبيل متوقع من اي شخص محترم كريم خيّر. ربنا يخلف عليك و صاحب التاكسي بالخير و يرزق الانسان الشريف اللي كان هيموت لكن يعمل بالحلال و يوسع عليكم جميعا .لكن هذا يؤكد ان الصدقة يجب ان تذهب لمن يستحقها و لا نرميها لاي شحات في الشارع و نقول عملنا اللي علينا.اللي بيشحتوا في الشارع و يستسهلوا لا يستحقون شيئا وباسمع ناس مستفزة تقول مش مهم انا باعطي لله و خلاص و الذنب عليهم. ذنب ايه اللي عليهم دي صدقة مش زكاه مش مسألة ذنب. مسألة نتحري و نتعب عشان واحد زي السائق ده ياخذ حقة من المجتمع يعني الفلوس اللي اخذها النصاب الشحات هي حق غيره وضيعه عليه اللي بيستسهل و يرمي و خلاص لاي حد.انا لما بيشحت حد امامي بصحته كده زي الحصان بافكر في نفسي صاحية من الفجر و نازله بدري و طول النهار في الشغل و في الاخر انا اللي ادي الكسول ده من تعبي. Never لكن واحد بيشتغل اي حاجة و يتعب له كل الاحترام و مساعدته واجب و عن طيب خاطر. يعني واحد زي السائق ده رغم جوعة و مرضه لم يشحت و لم يسرق و لم يقتل ليسرق زي المجرمين الايام دي معناه ملهمش اي عذر ابدا. كل اللي بيبرر السرقة و الارف اللي بيحصل الايام دي من فقر ليس له حجة بعد هذه القصة. انا اسامح مثل هذا الشريف في مثل موقفك لكن لا اسامح و لا اعذر ابدا اي حد يسرق مني حتي و لو جنيه ليس له قيمة.
فيه حتي بعض الاطفال بتبيع حاجات في المترو و لو اشتريت حاجة و مرضيتش اخذ الباقي مش ممكن ابدا يوافق عنده عزة نفس غير عادية.الحمد لله ان الدنيا لسه فيها خير.

[M!SHO]

الموضوع من ٢٠٠٨ :)

[elnakshabandy]

الموضوع من ٢٠٠٨ :)

سبقتنى هههههههههههههههههههه