مقابله اسكندرانيه جامده جدا 16/11/2012

[nimaster]

بنوصل قبل صلاة الجمعة بقليل ونقعد سوا وننزل البحر ونتغدى ونروح بالليل مع بعض ع الطريق
بيبقى يوم تحفة وبنخرج كلنا من مود الشغل والضغط العصبي
وبنشوف بعض وبننزل البحر ونهزر وناكل ونعمل السلطة سوا بقشر البطيخ ونخطف الاكل من بعض ونتعرف على بعض لام معظمنا يعرف بعض ع النت فقط بيبقى فرصة نشوف بعض ع الحقيقة
وبيبقى فيه شاليهين ع البحر واحد رجالي وواحد حريمي علشان الزميلات وزوجات وأمهات الزملاء وكدة كله بيبقى واخد راحته في الشالية بتاعه
لو جيت مرة مش ح تفوتها تاني
ونعملك عيد ميلادك ونحطلك الجمبري في الرز بدل الشمع
ههههههههههههههه

ربنا يخليك ياباشا
ودة شرف ليا ان اتعرف على حضرتك واعضاء النايل كلهم
واجمل حاجه ان المقابله فى اسكندريه اللى الواحد بيعشقها الصراحة
وربنا يسرها ويكون ليا الشرف انى اجى المقابله دى

[Michael_Lanos]

الله ينور يا شنوري

[Ahmed_selmy]

انا جاى ان شاء الله , الحظ اول مره يلعبها صح معايا ,انا حكون لسه راجع من شغلى يوم الخميس اللى قابليه على طول, بس يا ريت الناس اللى من القاهره حد يبقى ياخد بايدى لحسن انا ضايع فى اسكندريه, ونتقابل فى حته ونمشى مع بعض.

[m_tech]

انا مجتش قبل كدة بس ان شاء الله ربنا ييسر

[magyver]

انااااااااااا جااااااااااااااااااااااااي

[SHNORY]

ان شاء الله تبقى مقابله حلوة ونقدر نيجى خاصة ان اليوم دة يوم ميلادى
بس هيه يوم ولا يومين وفيه بيات ؟؟

كل سنه وحضرتك طيب يا باشا
ونتشرف بيك اليوم ده باذن الله
المقابله يوم باذن الله

بنوصل قبل صلاة الجمعة بقليل ونقعد سوا وننزل البحر ونتغدى ونروح بالليل مع بعض ع الطريق
بيبقى يوم تحفة وبنخرج كلنا من مود الشغل والضغط العصبي
وبنشوف بعض وبننزل البحر ونهزر وناكل ونعمل السلطة سوا بقشر البطيخ ونخطف الاكل من بعض ونتعرف على بعض لام معظمنا يعرف بعض ع النت فقط بيبقى فرصة نشوف بعض ع الحقيقة
وبيبقى فيه شاليهين ع البحر واحد رجالي وواحد حريمي علشان الزميلات وزوجات وأمهات الزملاء وكدة كله بيبقى واخد راحته في الشالية بتاعه
لو جيت مرة مش ح تفوتها تاني
ونعملك عيد ميلادك ونحطلك الجمبري في الرز بدل الشمع
ههههههههههههههه

حبيبي حاج احمد
يا ريت لو الناس تيجي قبل صلاه الجمعه بوقت كبير مش قليل
دا طلبي الوحيد علشان استغني عن بند تحويل الفلوس للحجز
علشان اقدر اظبط الاكل لكل الناس وميحصلش تاخير

الله ينور يا شنوري

ويا ريت تنور يا مايكل باشا
الواحد نسي شكلك يا اخي من قله حضورك هههههههههههههه

انا جاى ان شاء الله , الحظ اول مره يلعبها صح معايا ,انا حكون لسه راجع من شغلى يوم الخميس اللى قابليه على طول, بس يا ريت الناس اللى من القاهره حد يبقى ياخد بايدى لحسن انا ضايع فى اسكندريه, ونتقابل فى حته ونمشى مع بعض.

التجمع في القاهره بيتحددله ميعاد ومكان يا باشا و95% بيكون امارات مصر الي عند داندي مول
والناس كلها بتتحرك مع بعضها

انا مجتش قبل كدة بس ان شاء الله ربنا ييسر

ربنا ييسر الامور وتيجي المره دي يا باشا

انااااااااااا جااااااااااااااااااااااااي

لالالالالالالالالا
مش عاوزينك تيجي ههههههههههه
انت بتظهر مره كل سنتين يا حاج ولا ايه ؟؟

[kh_talaat]

ايوة بقى ... محتاجين شحنة الفسفووووووور دي من زمان

[khalid_adel]

موجود باذن الله

[badry78]

ايوه بقـــــــــــــه

معاك يا شنو .......
شوف لو عايز اظبط معاك حاجة

طبعا يا محمد .. عايزين كورة قدم وكرة طايرة و تيجي بدري عشان نستنضف حتة نلعب فيها ماتش كورة .. مش عايزين نلعب على الأسفلت زي المرة اللي فاتت .. الأسفلت اشتكى مننا يا معلم .. ساعتها كسبنا أحمد بك فارما وأشرف باشا عزت في مباراة للتاريخ

[badry78]

ايوة بقى ... محتاجين شحنة الفسفووووووور دي من زمان

اشحن يا باشا .. بس ما تكترش عشان مايحصلكش تسرب اشعاعي

[alaa74]

طبعا يا محمد .. عايزين كورة قدم وكرة طايرة و تيجي بدري عشان نستنضف حتة نلعب فيها ماتش كورة .. مش عايزين نلعب على الأسفلت زي المرة اللي فاتت .. الأسفلت اشتكى مننا يا معلم .. ساعتها كسبنا أحمد بك فارما وأشرف باشا عزت في مباراة للتاريخ

ايه يا بدرى مش شايف اى دعايه للنجم اللى هيشارك فى فريق الاحلام
هو دة اللى اتفقنا عليه !
وقلنا كرة قدم ماشى لكن طايرة ايه يا بدرى هو انت فاكرها حصه العاب . هههههههههههه

[mr_vampire]

في حد من بنها او ماحولها راشق فالليلة ده يشجعني.

[badry78]

ايه يا بدرى مش شايف اى دعايه للنجم اللى هيشارك فى فريق الاحلام
هو دة اللى اتفقنا عليه !
وقلنا كرة قدم ماشى لكن طايرة ايه يا بدرى هو انت فاكرها حصه العاب . هههههههههههه

يا نجم داري على شمعتك تقيد .. عشان عدلي القيعي ماينطش في البيعة كالعادة ..وبعدين الدعاية والرد هايكون في المعلم .

[SHNORY]

حنفتح موضوع التاكيد النهائي يوم السبت باذن الله
يا ريت محدش يؤكد الا اللي جاي فعليا بالعدد اللي جاي معاه
علشان اقدر احصر عدد الحضور

[mohammedabdallh]

في حد من بنها او ماحولها راشق فالليلة ده يشجعني.

طبعا ياكبير انا منوفيه اقابلك على الزراعى مع الرجاله الى جايه