تفاصيل المرحلة الاولي للسباكة

[tamer.soliman8]

السباك بياخد من يومين لأربعة بالكتير
بتجيب الشركة اول ما السباك يخلص
لأنة مش بيقطب علي المواسير غير لما الشركة تيجي
وبعد ما تيجي وتعاين هيبتدي هو يقطب بقي
واوعي تنسي تعمل حنفية علشان الصنايعية يعرفو يشتغلو

طيب ايه فايدة ضمان الشركة .. ومش ممكن يتاخروا ف الراجل يطوّل .. ويعني ايه يقطب ؟؟

[tamer.soliman8]

المواسير البلاستيك الخضراء الى هى الاكوا ثيرم الاللمانى دى الى انا اشتغلت بيها اما عملت شقتى


و النوع ده برضه بييجى يديك ضمان 50 سنه او حاجه زى كده برضه بس انا قالولى على حكاية الضمان ده بعد ما كنت ركبت

و بالنسبة للاسعار انت لو هتروح السلاب هتلاقى الحاجه كلها هناك و تسال براحتك سواء الشريف او اكوا ثيرم


انا كنت عامل الحمام كامل بالسيراميك و تكسير القديم و الاطقم و سباكة المطبخ بس مكلفنى اجمالى حوالى 7

طب ايه اللي انت خسرته كده انك معنكش ضمان .. انا عايز افهم فايدة الضمان ايه ؟؟

[besso]

فايده الضمان على ما اذكر انو لو حصل شىء للمواسير مثلا تسريب فى الحائط او انسداد
طبعا حضرتك بتكلمهم وهما بيجو يكسروا السيراميك ويصلحوا المواسير وملزمين انهم يجيبو نفس نوع ولون السيراميك اللى حضرتك مركبه

بس طبعا هما ضامنين منتجاتهم انها هاتعيش

بالنسبه لحكايه المواسير الصرف
بص انا اشتغلت فى محل سباكه عندنا فى شبرا الخيمه مشهور اوى قعدت حوالى سنه من ضمن اللى اتعلمته ومن صاحب المحل نفسه هو لما جه يعمل شقته جاب مواسير كيسيل اللى هى لونا رصاصى دى احسن من الشريف ليه

الشريف ناشف عن الكيسيل لو جبت ماسورتين كيسيل والشريف نفس الطول ورمتهم من مسافه الشريم هاتنزل مشروخه او مكسوره انما الكيسيل بياخد ويدى معاك حتى انت هتلاحظها لما تروح تشترى قارن بين الاتنين

بس طبعا الكيسيل اغلى لانو ألمانى
فيه بقى انبال نيكل دى بتاعه الخلاطات ودى بتبقى اطوال مختلفه علشان السباك يقدر يركب الخلاط من غير ما يكون خارج لبرا الحيطه اوى يعنى المسافه بتاعه الوش اللى فى اول الخلاط تبقى راكبه بالمللى
الانبال دى فيه منها انواع نضيفه وغاليه مش فاكر نوعها بس هى غاليه يعنى السباك بيشترى تقريبا كل الاطوال
ولما بيخلص شغل اللى بيتفضل انت بتورح ترجعه ماتخليهوش يرجع حاجه انت ترجع اى حاجه فاضله من الشغل وخد حسابهم
علشان ممكن انت ماتكونش عارف اللى اتفضل منه وهو يضرب فلوس فى جيبه

الخلاطات بقى زى مانت عايز وانواع كتير وكان فيه نوع نضيف مصرى هو مش فاكر اسمه بس كان بيعمل حوالى 600 جنيه كان فيه ناس بتيجى تاخده بالطلب

ولو عندك بانيو هات الصرف بتاعه انضف حاجه علشان لو حصل حاجه لا قدر الله هاتبقى مشكله انك تكسر وتشيل البانيو عاده النضيف معدى 100 ممكن يخش فى 130 واكتر بيبق شكله نحاس هو كده فيه طبقى وانت بتدوس عليه برجلك يفتح وتدوس عليه تانى يقفل وفيه ببكره بتبقى ف او البانيو كده تلفها يقفل وا يفتح (ده عندنا من حوالى سننتين لما كنا بنوضب البيت)

ده تقريبا اللى انا فاكره دلوقتى

[tamer.soliman8]

حوار السباكة ده يتكلف كام .. طلبات ... ومصنعية ؟؟

[hossam_elwani]

مصنعيه السباك :
تقسيم حمام و مطبخ سخن و بارد و صرف و تقفيل : من 1000 :1200 و ذلك طبقا لاسعار السوق حاليا.

لا السعر ده مبالغ فيه

من 700 الى 800 ياخد الشقه سباكه من بابها

[HeMa_LanCeR]

انا عندي حمامين ومطبخ
وواخد 1200 لحد التشطيب

[Eng.Osama.Afifi]

أنضف حاجة هيا أكواثيرم ... تلايها بي آر ( بالنجر )

بس أكوا ثيرم أقوى بمراحل ... بس غالية شوية

[mohamed_selim]

لا السعر ده مبالغ فيه

من 700 الى 800 ياخد الشقه سباكه من بابها

للاسف المصنعيه هتفرق حسب المنطقه اللى الشقه فيها