الي الاخوه المتزوجون: العيال هتجنني و اريد حلول

[khaled_legend]

عذرا يا جماعه و لكن صدقا لا اجد اي شخص "اشكيله همي التقيل" و بفكر جديا في التبرع بالعيال لاحدي الملاجئ او "اولع في نفسي"

انا عندي ولد عمره سنتين و بنت عمرها سنه و احب نبدأ بالولد

منذ ان بدأ المشي و اصبح عنده عاده عجيبه لا اجد لها تفسير منطقي يعني مثلا المدام تكون "لافحاه علي كتفها" و بتتكلم مع احدي صديقاتها فالاستاذ الصغير يبدأ في ارسال ابتسامات و قبلات في الهواء لصديقه والدته (عادي) و لكن تطور الامر ان الاستاذ فجأه "تلاقيه حط ايده جوه بلوزه صاحبه مامته.." و لا اريد التوضيح اكثر من ذلك

هذا الموضوع "عاملي ازمه" و سألت عده اطباء اطفال و الكل يؤكد "ان هذا طبيعي" و المشكله ان هذا الموضوع يتكرر باستمرار مما يتسبب لي باحراج "و المدام و صاحبتها يعدوا يضحكوا و عادي جدا"

مشكله اخري و هي عدم النوم يعني تقريبا الاستاذ مستيقظ 24 ساعه حتي يمارس هوايته المفضله "اياها" المشكله ان الاستاذ عنده حساسيه "و بياخد ادويه تنيم حصان و لكن هيهات" (حسبي الله و نعم الوكيل) اذهب الي العمل اجد ان الباشا مستيقظ ... اعود من العمل اجد ان الباشا مازال مستيقظا ... نحاول ننيمه "زي خلق الله" يعمل فضيحه و لا كأننا بنخطفه و لا بنعذبه ... "انا مبقتش اعرف اقول لمراتي صباح الخير حتي" و اكيد فاهمين يعني

نيجي بقه للبنت

مشتركه مع اخيها في مشكله عدم النوم لدرجه "بنديها ادويه حساسيه عشان تنام طبعا بعد استشاره الدكتور و زي ما سعد زغلول قال مفيش فايده" صدقا لا اجد حل لمشكله النوم و خصوصا اني لا انام انا و زوجتي اكثر من 6 ساعات في اليوم علي اي حال و كلانا يعمل "و هنترفد قريب بسبب عدم التركيز و خلي العيال تتبسط"

مشكله اخري و هي اني لا استطيع التحدث معها بمعني اول ما اغير طريقه كلامي "اتلاقيها بتصغرلي و لا كأنها مرات ابويا و مش كفايه امها عليا"

لكم ان تتخيلوا اني اقضي معظم يومي في العمل و الباقي" في تنييم العيال بنت التيت" ده حتي الاستحمام و الاكل بقي من الرفاهيات "من كتر العياط و التنطيط بتاع العيال"

"انا مبقتش اعرف اقول لمراتي صباح الخير حتي" حرااااااااااام و الله

[Ahmed Selim]

ههههههههههه أسلوبك مسخرة.......و واضح أن أبنك طالعلك :)

بص يا باشا الموضوع عادي و اللى محسسك بيه بزيادة هو فرق العمر الصغير بين ولادك ربنا يخليهم لك.

حاول لو فيه أمكانية تدخل أبنك حضانة..........هيرجع مهدود و هينام.....أو على الأقل هينام بدري أكتر من الطبيعي.

[mido90]

يا باشا عادى جدا الولد بيدور على الغذاء فالثدى هو مصدر الاكل و الحنان بالنسبة لة مش زى ما انت فاهم و بعدين الشقاوة و الصحيان دى علامة جيدة على صحتة النفسية و الجسدية استحمل الفترة دى دة شىء طبيعى جدا

[sanhory]

يا عزيزي كلنا هذا الرجل
انا عندي بنت 4 سنين و ولد سنتين الواد مطلع $%#^$%^$^ اللي جابوني و طبعا الام بتشتغل بس متهيئلي الحضانة حتظبط الاداء شوية لو مش بتوديه الحضانة ابتدي وديه يفرغ طاقته هناك و يرجعلك هلكان(نوعا ما بس مش شرط برضه ) بس اهو يبقى ارحم من قعدته عند جدته و بيبقى مقيد برضه مش زي الحضانة

انا عايز اقولك البنت كانت هادية هو اللي عفرتها مش عارف نعمل مع العيال دي ايه مفيش رش يترش عليهم زي بتاع الصراصير كده

انا ساعات ببقى عايز اقوم انط من البلكونة او اولع في نفسي خاصتا اني برجع قبل مماتهم من الشغل بساعتين في الساعتين دول بعرف ان الله حق و اننا بنيجي عالستات لما بنطلب منهم حاجات و معاهم العيال يا راجل دانا مبعرفش اعمل بيبي حتى

بس شوف موضوع الحضانة ده حيخليهم يناموا بدري انا عندي دلوقتي بينامو 9.30 بس بعد ما يتأكدوا ان انا و مامتهم نمنا و بنيجي نعمل نايمين فبنام فعلا بس قشطة اي حاجة هو حيبقى لا نوم ولا صباح الخير !!

تحياتي ليك

[mohamed_selim]

اعملهم حته امنه فى البيت و تكون متسوره كويس و فيها لعب و مخدات و ميكونش فيها كهربا او زجاج و دخلهم و سيبهم ... هيلعبو و يعيطو و هينامو !

[w-m-a]

يا عزيزى كلنا هذا الرجل !!!!!!!!!!!!!!!
بالنسبه لموضوع الولد ده طبيعى بعد الفطام
وخاصه اذا شاف طفل تانى بيرضع
وفعلا الحضانه كويسه بس تكون حضانه مستوى
وموضوع المكان المخصص ده ممتاز
ربنا يحفظهم جميعا

[hossam_elwani]

انا فى نفس مشكلتك لدرجة ان حصل نفور وسلبيه دائمه بين الزوجين

واقسم بالله لو رجع بيا الزمن مش حتجوز ولا اخلف ........ على الرغم من ايجابيته عند البعض

وهذا هو قدر الانسان ودلالته فى قوله تعالى "لقد خلقنا الإنسان في كبد "

تحياتى

[shaddadfalcon1]

ههههههههههههه ربنا يخليهملك وعارف لو سبتهم وسافرت هتقعد تفتكر في الحاجات دي وتضحك وانا فاهم قصدك لان الواحد بيوصل لمرحله مش عارف حتي يعف نفسه ولو عمل حاجه بتبقي تقضية واجب مش زي الأول

انا عندي محمد عنده 4 سنين ونص والحمد لله نوعا ما هادي وبينام بدري وخصوصا انه في المدرسه دلوقتي

ابراهيم الصغير سنتين بقي ده عيل فظيع وعنده عقده من كل حاجه قدامه ياما يرميها او يكسرها ويرميها من البلكونه كمان لدرجة ان العيال اللي بيلعبو تحت العماره كانو بيتخانقو علي اللي يطلع الحاجات اللي الأستاذ يرميها

وبرده موضو النوم ده عنده غبي مش بينام خالص مع ان المفروض العيال الصغيره تنام كتيير

الحل انك تاكلهم كويس وتصحيهم بدري ومتخليش المدام تنيهم بالنهار وحاول توديهم حضانه او تيجبلهم لعب عشان يطلعو فيها طاقتهم لان الظاهر ان عندهم طاقه ذايده مش عارفين يفرغوها فيا

وبالنسبه للعسل الصغير عادي ومتحاولش تلفت نظهره انك مهتم عشان هيعملها كتيير عشان يلفت نظرك اكتر
هو بيعملها جايز عشان يرضع بس المفروض انه اتفطم دلوقتي بس جايز دي الطريقه اللي تعود يرضع بيها انا اتذكر ولادي الأتنين لما كنو بيصحو بالليل كانو بيرضعو لوحدهم يعني يحطو ايديهم ويطلعو ويرضعو ويرجعو الحاجه مكانها تاني هههههههههه

ابراهيم ابني بقي لما يشوف حد زرار القميص مفتوح مثلا اوواحده مش محجبه يقول عيييب بس ينطق العيب الف كانه خواجه ويفضل يقول ابطه يعني اربطه اواقفل الزارار يعني :)))

[mohammedabdallh]

انت كدا فتحت فتحه انت مش قدها
كل المتزوجون هتخش دلوقتى تكتب نفس الكلام
الحل حضانه
او حماتك او ولدتك هما الى يشيلوا العيال ويشركوا فى تربيتهم
اما موضوع مكان معزول وكدا هيعدوا يعيطوا ومش هتعرف تنام برده

[sherifahmed]

الحل حضانه

[Ahmed_Adham]

بالنسبه للنوم. متخليهوش ينام فى الوقت اللي هوه عايز ينام فيه عشان تخليه ينام في الوقت اللي انت عايزه ينام فيه.

[ahmedeihab]

ربنا معاك يارب

و على فكره الخلفه مفيش احسن منها

و كل الناس على هذا المنوال مش انت لوحدك

^_^

[msobhy]

بص حضرتك انا هاكرر كلمة الاعضاء ان كلنا هذا الرجل
احب اضيف ملحوظه رفيعه كده على السريع
انا عندى ولدين 4 سنوات و 5 سنوات
مش هاقول هما بيعملوا ايه لكن أول يوم ليهم فى المدرسه واحنا رايحين نجيبهم عادى زى بقيت الناس
مدرسة الفصل بتاعهم أول لما شافتين باللفظ كده
هو انت والد مروان وحسام ------ بمنتهى البلاهه رديت - أيوه
الست (اللى هيه المدرسه) الله يكون فى عونكم - هو انتوا مستحملينهم ازاى
مشرفة الدور نفس الجمله بالظبط لا زادت حرف ولا قلت حرف
تانى يوم مدرسه (والرجاله بدءت تتعود على المدرسه بقى) المدرسه جابت مراتى تقريبا من قفها وهيه ماشيه وبمنتهى العصبيه قالت لها
هو انتى لما بتحبى تسكتى عيالك بتعملى ايه
اليوم الثالث (وربنا المدرسه بتستننا زى ما نكون حراميه) يا استاذ حرام عليك اللى بتعلمه لأبنك ده - الولد عمال يضرب الاطفال ولما بكلمه بيزعق لى ويقولى بابا قال كده (ابن الفتانه)
اليوم الرابع .......... اروح اخد دوا الضغط وارجع اكملك

[aif]

يا باشا احنا الكبار لنا نظرة مختلفة عن الطفل
بينما نحن ننظر لصدر المرأة انه عورة وذو ايحاء جنسي وما الى ذلك
الطفل يراه المكان الذي يستمد منه الغذاء والحنان من امه
واكيد بعد الفطام يظل بداخله حنين لصدر امه
وهو اكيد مش فاهم ليه امه منعته من الرضاعة من صدرها وفي نظره انها منعته من حبها وحنانها
علشان كدة لما بيشوف اي امرأة اخري بتلاطفه او تلعب معاه في هذه المرحلة بيحاول يجد عندها ما فقده عند أمه ... عشان كدة بيتجه مباشرة نحو صدرها محاولا تعويض ما حرمته امه منه
...
انا شايف تصرفه في هذا العمر منطقي وطبيعي وليس به اي شيء غريب او شاذ
والفطام زي ما هو ضروري للطفل لكنه شيء صعب ولا يخلو من القسوة .... لكنه لابد منه كما ذكرت
......
اما موضوع النوم ده هو الطبيعي بتاع الاطفال
حاول بدل ادوية الحساسية تخليه يلعب ويبذل مجهود جثماني كتير يفرغ الطاقة اللي عنده الاطفال لازم يجرو في البيت ويلعبو ويروحو نادي وحضانة لتفريغ طاقتهم
ربنا يخليهملك ويباركلك فيهم
....
عرفت بقى انت كنت بتعذب والدك ووالدتك قد ايه وانت صغير ؟؟؟
:-)

[احمد المصرى]

دا المشكله مشكله جيل بحاله مش انا لوحدى