الحجاب مش طرحة

[mr_safwt]

--------------------

---------
الله يسامحك
عموما لو كنت مسلم فهى كانت نصيحة تاخد بيها اولا انت حر
ولو كنت غير مسلم فانت حر فى عقيدتك

[shaddadfalcon1]

والله حته القماشه اللي بيحطوها دلوقتي دي بقت حاجه تفرس وتلاقي رقبتها باينه ولو حركت راسها كده ولا كده اكتر من رقبتها بيبان
وتلاقي الطرجه علي فيزون ولا جينز ديق جدا او حتي لو لابسه بناتي شويه تلاقي البدي من فوق واصف كل شريان في جسمها وتبقي من تحت مخترمه قوي والجيبه طويله بس ازاي تبقي محترمه لازم الجيبه تجيب المقاس من فوق بالظبط وتبقي ضيقه والرجلين من تحت مش مشكله بقي هو يبقي يخمن
حتي بعض المنتقبات هداهم الله تلاقيهم لابسين عبايات ضيقه او حتي واسعه بس مبهرجه والنقاب الوان واشكال مغريه وحاجات في العين تخلي اي راجل يلف حوالين نفسه

الظريف بقي لما تيجي سيرة التحرش تلاقي اذكي خواته يقولك اللبس ملوش علاقه خالص والدليل ان المحجبات بتتعاكس علي اساس ان دووول محجبات اصلا

[AirForces]

اولا شكرا على ردودكم جدا انا قريتها كلها بعناية .. انا عارف انه كلامى ممكن ما يغيرش حاجة لأنه مفيش حاجة هتتغير إلا لما كلنا نقتنع اننا نقدر نغير

قال تعالى :(إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ)

انا بس هرد على kok3 ومش هعلق على الأسلوب وهسيب الموضوع للمشرفين .. لكن هرد على شبهة هو اثرها

وهى انه فعلا لو بصيت حاليا على الخريطة هتلاقى الدول العربية والمسلمة فى جهل وفقر والدول العلمانية او الشيوعية هى المتقدمة طب ازاى !!

الإجابة بسيطة اوى قالها قبل كدا شيخ الإسلام ابن تيمية رحمه الله: "إن الله يقيم الدولة العادلة وإن كانت كافرة ولا يقيم الدولة الظالمة وإن كانت مسلمة"

ولإن العدل اساس الملك .. واحنا بلادنا مليانة ظلم عكسهم تماما .. وبلادنا كلها فرقة وتحزب إنما هما متوحدين وغيره وغيره
المفكر العربي محمد عبده لما سافر بره برضو قال: ( رأيت إسلاما بلا مسلمين ورأيت في ديار الإسلام مسلمين بلا إسلام )

ما تفتكرش اننا لما نسيب ديننا ويبقا زى ما بتقول علاقة بين الشخص وربه وخلاص على كدا ويبقا الدين ما يخرجش بره البيت .. يعنى الدين يبقا اخره يناقش احكام الوضوء والصلاة فى البيت لكن ما يتحكمش فى امور المسلمين , ان احنا كدا هنتقدم وهنخترع ابدا

لأن كل واحد ساعتها هيبقا هامه مصلحته الشخصية فقط .. الأتحاد السوفيتى فى الحرب العالمية التانية بقا بيضطر انه يقتل جنوده اللى بيهربوا من الحرب عارف السبب إيه لأنهم كانوا ملحدين فساعتها الجندى بيفكر يموت ليه وفى سبيل إيه إذا كان مش هيستفيد حاجة لما اموت وغيره هو اللى يستفيد طب ما اعيش انا واتمتع .. السوفيت ساعتها اضطروا انهم يلجأوا لقصص وهمية يعملوها عن الجنود بتوعهم ويمجدوهم ويذكروا بطولاتهم عشان يحفزوا باقى الجنود انه يكون ليهم دافع انهم يحاربوا .. لكن برضو مكانش بيجيب نتيجة ساعتها اضطروا آسفين انهم يسمحوا بالخطاب الدينى تانى ورجعوا الكنائس تشتغل تانى لأنه الإيمان بربنا هو الدافع الوحيد اللى هيخلى الجندى يموت فى سبيل الدفاع عن بلده


معلش شردت عن الموضوع شوية بس حبيت اوضح النقطة دى

نقطة تانية انه الحجاب مش هيمنع التحرش ولا النقاب حتى طب ليه .. لتلت اسباب الأول انه احنا عايشين فى بيئة فاسدة وبنشوف كل يوم حاجات بتحرك غرائزنا تحت مسمى حرية الإبداع .. وتانى سبب انه فيه عامل بيساعد على دا كمان وهو انه بيشوف المناظر اللى اتكلمنا عنهم مش محجبات او بمعنى اصح بنشوف مناظر كاسيات عاريات

التالت انه الجواز بقا من المستحيلات دلوقتى يعنى اللى بيفكر يعف نفسه بيلاقى طريق الحلال صعب جدا وقدامه الحرام ببلاش طب هيروح لمين

احنا بنحط البنزين جنب النار ونقول سبحان الله دا ولع ازاى دا !!

بره ما بيحصلش تحرش ليه .. ببساطة لأنهم مش محتاجين تحرش هما بيعملوا كل حاجة بالتراضى وبدون ما يحتاجوا يتجوزوا حتى وينتج عنه بعد كدا اطفال مش عارفين اهاليهم لكن احنا ولا دينا ولا طبيعتنا الشرقية هتسمح بكدا

اتمنى اكون وضحت شوية حاجات ولو انه الموضوع طويل جدا ولو الواحد فتح مش هيسكت :)

تقبلوا تحياتى :)

[lena jo]

هو انا مش فاهمك قوي يعني بس عموما الحجاب في مصر بنسبه 90% = فقر + جهل
الذي لا = بالضروره تدين
انزلي كدا يا كبير علي الاقاليم والشعبيات والحتت اللي تحت وانت تفهم انا عايز اقول ايه بالظبط
خيم متحركه افغانيه هجمت علي مصر في ال 10 سنوات الاخيره مش ممكن دي كانت مصر حتي الستات الكبار اللي اصلا محدش هيبصلهم ولا ممكن بني ادم يفكر اصلا يبصلهم سبحان الله لبسو الخيم المتحركه طب ليه علشان ايه طب انتي لو بنت مثلا في العشرينات ولا الجمال عندك فعلا هيخلي الشباب ميقدرش يمسك نفسه هنقول ماشي يمكن يعني انما لما تكوني ست كبيره عندك 50 ولا 60 سنه ومفيش حاجه اصلا يعني ممكن تكوني اقرب للرجوله منك للنساء ايه بقي فكرة الخيمه دي انا نفسي افهم
انا فكرت كتير جدا في الموضوع دا توصلت لمعادله ارجو ان يتقبل صدر الشخص اللي بيقرا الكلام دي لوجهه نظري علشان في الاول والاخر دي وجهه نظر
اكبر نسبه من المنقبات والمتحجبين في مصر من الستات بيريحو دماغهم
يعني م الاخر معندهاش استعداد اصلا انها تسرح شعرها ولا تشغل مخها بسشوار للشعر او انها يكون شكلها جميل علشان تقريبا الشكل الجميل حرام بالنسبالهم او ان الستات يكونو نضاف في تفكيرهم دي حاجه غلط فيلبسو اي حاجه تداري العار والقشف والفقر والجهل وفيه نسبه كبيره من البنات بتعبر عن سخطها علي المجتمع بكدا تعبير عن العنف في طريقة البس تعبير عن غضب من المجتمع فبتذايد في التحجب
منع بقي الحجاب والنقاب التحرش والاغتصاب وغيره ؟
المجتمع في مصر عنده فصام في الشخصيه ( انفصال العقيده عن السلوك ) تماما
يعني البنت اللي متحجبه دي تدين المفروض اخلاقها تنم عن تدين حقيقي فعلا في سلوكها اللي بينعكس علي المجتمع
في النهايه اللبس دي حرية شخصيه ايكش تلبس أيه هيا حره في الاول والاخر ولو انها في الحقيقه مش حره ف مصر
يعني مجرد ان واحده تلبس شيك بنطلون وبدي علي طول دا يعطي الحق لكل راجل ماشي في الشارع انه يطول لسانه وأيده ( هو دا التدين ) وعلي اي حال انا مش عايز اشغل مخي قوي علشان احنا داخلين علي زواج الاطفال وشراء الجواري والايام الجايه ربنا أعلم بيها فمتركزش قوي في الحجاب ولا الطرحه علشان دي هتبقي مواضيع فرعيه
دا احنا هنتقدم تقدم فين ناطحات السحاب وفين المفاعلات النوويه وفين التقدم الطبي العالمي وفين وفين وفين
( الحجاب هو الحل )

اولا النسب اللي حضرتك كاتبها متحسبهاش علي الحجاب او المحجبات لكن علي الفقر والجهل نفسه الفئه دي فيها محجبات وغير محجبات زي المتعلمات و المستويات الاعلي ما فيها محجبات وغير محجبات.يعني نتكلم علي كل فئه علي حدا. و صحيح الحجاب ليس بالضرورة تدين و فيه كتير بنات كويسه مش محجبه احسن خلقا من بعض المحجبات لكن هذا لا يمنع ان الحجاب فرض علي كل مسلمة و الصح الخلق الطيب مع الحجاب. الاماكن الشعبيه دي لبسها سواء حجاب او غيره الستايل و الذوق مش حيفرق كتير. و سن الخمسين اللي محدش حيبصلها دي المفروض يعني تلبس ازاي.سؤال عابر" ناديه الجندي عندها كام سنة؟ يا تري عدت الخمسين؟.و غيرها كثير ليس فقط الممثلات.شكلهم اصبح اصغر من سنهم الحقيقي و احيانا بدون عمليات التجميل.
اما القشف والشعر المنكوش فدي مش صفات المحجبات.انا اعرف لاني محجبه و معظم صديقاتي محجبات. حضرتك تتكلم عن مستوي اشخاص. امشي في شوارع مناطق راقيه و ادخل مولات شيك و كوافير خاص بالمحجبات و محلات متخصصه في العبايات مثلا يعني حجاب صح جدا و شوف مستوي و شكل اللي بيشتروا.
الشخصية النظيفة المهتمة بنفسها مش حتفرق معاها قبل ما تتحجب عن بعده.
ممكن نقارن المستويين.واحده ملهاش في اللبس فقيره غير مهندمه اذا كانت غير محجبه يكون ذوقها وحش في اللبس و شعرها برده منكوش او عامله oxygen و شكله قبيح. و لو محجبه مش حتفرق كتير غير الطرحه اللي ذوقها وحش و مش لايقه علي لبسها. ممكن تكون فقيرة لكن ذوقها حلو هتلبس ذوق كويس لكن قماش رخيص بس شكلها العام سيكون مقبول وهتهتم بشعرها سواء محجبه او غيره. و منهم ايضا اللي حجابها صح او مش صح.
المستوي الاعلي.واحده بتلبس ماركات سواء مصري او مستورد حسب المستوي المادي تهتم بنفسها و شعرها في البيت و خارجه و ممكن تروح لكوافير للسيدات و ممكن كمان تعمل صبغه شيك و بتروح النادي تلعب جيم عشان الfitness .هي كده غير محجبه .نفس البنت لو اتحجبت مش هيغير حاجه في اسلوب حياتها او اهتمامها بنفسها غير ان اللبس هيتغير لكن بنفس الذوق العالي بدون فتنه. و هؤلاء ايضا اللي حجابهم صح جدا او منقوص.

نفس التقسيم بالنسبه للنقاب.فيه نقاب غالي و قماش و تقفيل غالي و اخر رخيص و كله اسود في اسود في الاخر.


ايه علاقة الحجاب بالمفاعلات و التقدم العلمي.و الحجاب اللي مانعنا نتقدم علميا ولا الكسل و عدم الصرف علي البحث العلمي و......و...اكيد الاسباب كتير.و الحجاب هو الحل .ماله لما نجمع العبادات الصح و نطيع اوامر الله الذي امرنا ايضا بالعمل و الاتقان و طلب العلم يبقي كسبنا الدنيا والاخرها


ثم مين قال ان الشكل الجميل حرام؟ اسفه اني طولت بس حسيت ان حضرتك ظلمت الحجاب.

[khaled_legend]

هذا هو النفاق بعينه يعني البنت امامها اختيارين: يا ترتدي الحجات الشرعي زي ما ربنا قال يا اما "تسيب شعرها"

[lena jo]

هذا هو النفاق بعينه يعني البنت امامها اختيارين: يا ترتدي الحجات الشرعي زي ما ربنا قال يا اما "تسيب شعرها"

حضرتك بتعلق علي كلام مين؟ مش فاهمه تقصد ايه.

[gmgm]

هو انا مش فاهمك قوي يعني بس عموما الحجاب في مصر بنسبه 90% = فقر + جهل
الذي لا = بالضروره تدين
انزلي كدا يا كبير علي الاقاليم والشعبيات والحتت اللي تحت وانت تفهم انا عايز اقول ايه بالظبط
خيم متحركه افغانيه هجمت علي مصر في ال 10 سنوات الاخيره مش ممكن دي كانت مصر حتي الستات الكبار اللي اصلا محدش هيبصلهم ولا ممكن بني ادم يفكر اصلا يبصلهم سبحان الله لبسو الخيم المتحركه طب ليه علشان ايه طب انتي لو بنت مثلا في العشرينات ولا الجمال عندك فعلا هيخلي الشباب ميقدرش يمسك نفسه هنقول ماشي يمكن يعني انما لما تكوني ست كبيره عندك 50 ولا 60 سنه ومفيش حاجه اصلا يعني ممكن تكوني اقرب للرجوله منك للنساء ايه بقي فكرة الخيمه دي انا نفسي افهم
انا فكرت كتير جدا في الموضوع دا توصلت لمعادله ارجو ان يتقبل صدر الشخص اللي بيقرا الكلام دي لوجهه نظري علشان في الاول والاخر دي وجهه نظر
اكبر نسبه من المنقبات والمتحجبين في مصر من الستات بيريحو دماغهم
يعني م الاخر معندهاش استعداد اصلا انها تسرح شعرها ولا تشغل مخها بسشوار للشعر او انها يكون شكلها جميل علشان تقريبا الشكل الجميل حرام بالنسبالهم او ان الستات يكونو نضاف في تفكيرهم دي حاجه غلط فيلبسو اي حاجه تداري العار والقشف والفقر والجهل وفيه نسبه كبيره من البنات بتعبر عن سخطها علي المجتمع بكدا تعبير عن العنف في طريقة البس تعبير عن غضب من المجتمع فبتذايد في التحجب
منع بقي الحجاب والنقاب التحرش والاغتصاب وغيره ؟
يعني البنت اللي متحجبه دي تدين المفروض اخلاقها تنم عن تدين حقيقي فعلا في سلوكها اللي بينعكس علي المجتمع
في النهايه اللبس دي حرية شخصيه ايكش تلبس أيه هيا حره في الاول والاخر ولو انها في الحقيقه مش حره ف مصر
وعلي اي حال انا مش عايز اشغل مخي قوي علشان احنا داخلين علي زواج الاطفال وشراء الجواري والايام الجايه ربنا أعلم بيها فمتركزش قوي في الحجاب ولا الطرحه علشان دي هتبقي مواضيع فرعيه
دا احنا هنتقدم تقدم فين ناطحات السحاب وفين المفاعلات النوويه وفين التقدم الطبي العالمي وفين وفين وفين
( الحجاب هو الحل )

المجتمع في مصر عنده فصام في الشخصيه ( انفصال العقيده عن السلوك ) تماما

اعتقد ان دة ملحوظ بنسبة كبيرة الدين المعاملة

يعني مجرد ان واحده تلبس شيك بنطلون وبدي علي طول دا يعطي الحق لكل راجل ماشي في الشارع انه يطول لسانه وأيده ( هو دا التدين )

اتفق معك تماما اين غض البصر

[khaled_legend]

فكركو غريب جدا يا اخوانا
امال الموضه فين؟
طب ما كل الناس لابسه كده جت عليا انا
اللي مش عاجبه ميبصليش
اعزروني حبيت اتقمص شخصيه واحده منهم وهيا بتبرر لنفسها و غيرها
ههههههههه

الاخوات المبررات :)

عادى ياباشا
احنا عندنا ازمه اخلاق ودين فى مجتمعنا
وبيزعلوا اما نقول عاوزين نتجوز من بره مصر !
هو ايه ال هيخلينا نتجوز مصريه يعنى؟؟؟؟ رعد كم الصفات السيئه دى
سامع واحده هناك بتقول ما انتم كمان فيكم العبر
ارد عليها واقلها ان الاهم ان البنت تبقى اكثر تدينا واخلاقا لانها هى الى هتربى الاولاد ,, انما لو هى بايظه من الاصل مين هيربى؟؟؟

البنات في الولايات المتحده مثلا لا يوجد لديهم النفاق الذي رأيته هنا (سكارف + فيزون = نفاق )

والله حته القماشه اللي بيحطوها دلوقتي دي بقت حاجه تفرس وتلاقي رقبتها باينه ولو حركت راسها كده ولا كده اكتر من رقبتها بيبان
وتلاقي الطرجه علي فيزون ولا جينز ديق جدا او حتي لو لابسه بناتي شويه تلاقي البدي من فوق واصف كل شريان في جسمها وتبقي من تحت مخترمه قوي والجيبه طويله بس ازاي تبقي محترمه لازم الجيبه تجيب المقاس من فوق بالظبط وتبقي ضيقه والرجلين من تحت مش مشكله بقي هو يبقي يخمن
حتي بعض المنتقبات هداهم الله تلاقيهم لابسين عبايات ضيقه او حتي واسعه بس مبهرجه والنقاب الوان واشكال مغريه وحاجات في العين تخلي اي راجل يلف حوالين نفسه

الظريف بقي لما تيجي سيرة التحرش تلاقي اذكي خواته يقولك اللبس ملوش علاقه خالص والدليل ان المحجبات بتتعاكس علي اساس ان دووول محجبات اصلا

هذا هو النفاق الذي تحدثت عنه
يا تلبس لبس محتشم مع الحجاب يا اما تسيب شعرها

حضرتك بتعلق علي كلام مين؟ مش فاهمه تقصد ايه.

انا بعلق علي الموضوع نفسه و ليس علي تعليق حضرتك

[تامر.محمد]

اكبر نسبه من المنقبات والمتحجبين في مصر من الستات بيريحو دماغهم
يعني م الاخر معندهاش استعداد اصلا انها تسرح شعرها ولا تشغل مخها بسشوار للشعر او انها يكون شكلها جميل علشان تقريبا الشكل الجميل حرام بالنسبالهم او ان الستات يكونو نضاف في تفكيرهم دي حاجه غلط فيلبسو اي حاجه تداري العار والقشف والفقر والجهل وفيه نسبه كبيره من البنات بتعبر عن سخطها علي المجتمع بكدا تعبير عن العنف في طريقة البس تعبير عن غضب من المجتمع فبتذايد في التحجب

انا مش هاعلق على الكلام اللي مليان قدح في شرائع دينية و في ناس مالهمش ذنب الا انهم عرفوا امر ربنا و اطاعوه , انا هاعلق على الجزئية العنصرية اللي جبتها دي بس

من الواضح جدا لأي حد ان الأخ اللي علق , مافيش في عيلته ولا في محيطه كله واحدة بس حتى محجبة , فحضرته مكون فكرة انهم بيلبسوا طرح على روسهم عشان يداروا العفانة زي ما قال , للأسف ... لو رديت هايبقى الرد قاسي جدا ............ فخسارة , كفاية اقول بس ان المعلومة غلط و انا لامم نفسي بالعافية :@

اما العنصرية و التعالي على المجتمع و الشعب , فحدث ولا حرج باينة في كتاباته

اما عن العفة , فالبيه بالنسبة له الشياكة = تفاصيل جسم المرأة , اللي هي البادي زي ما قال ............ هاقول ايه ؟ ربنا يهدي

هذا هو النفاق بعينه يعني البنت امامها اختيارين: يا ترتدي الحجات الشرعي زي ما ربنا قال يا اما "تسيب شعرها"

انا متفق و مختلف , يعني تلبس صح تمام , و منظرها الهجين ده سيء , تمام , لكن انا ما اقدرش اقول ان اللي لا يدرك كله يترك كله
تبقى بس عارفة ان حجابها غير صحيح و ربنا هايحاسبها عليه

[S O P H O S]

جزاك الله خيرا ..

[khaled_legend]

انا متفق و مختلف , يعني تلبس صح تمام , و منظرها الهجين ده سيء , تمام , لكن انا ما اقدرش اقول ان اللي لا يدرك كله يترك كله
تبقى بس عارفة ان حجابها غير صحيح و ربنا هايحاسبها عليه

سوف اذكر مثال اخر لتوضيح وجهه نظري المتواضعه
الكافر ام المنافق؟ ايهما اشد خطرا؟ انا اعتقد انه المنافق
ممن تلبس الحجاب بطريقه غير صحيحه او تلبس ملابس غير محتشمه عليه (المنافق) اسوأ ممن تترك شعرها بدون حجاب اصلا (الكافر)
بالطبع لا اقصد تشبيه اي تصرف او اي شخص بالكافر

[Eng_Doaa]

جزاكم الله خيرا . حضرتك قلت اللى فى نفسى .

ياريت كمان بلاش نستخف و نستهزأ بالأخوات اللى بيرتدوا عباءات و نقاب . لأن فعلا بنشوف استهزاء و تريأه كتير مع إن هو ده الحجاب الشرعى اللى يرضى ربنا تبارك و تعالى و طبعا لا يرضى البشر .

ربنا يسترنا يارب فى الدنيا و الاخرة و يحشرنا مع أمهات المؤمنين

[blazer]

يا اخى فى الله
الاستنفار هنا لما تلاقى واحده لابسه عباية " يعنى المفروض منتهى الحشمة " وتلاقيها مبينه كل تفصيله من جسمها
ومجسمه عليها جداا و مليانة زخارف و حجات بتلمع وعاملين عيونهم + العطر الفواح والمايك اب ,,
حجاااااااب ايه المنيل بستين نيله دا؟؟؟؟؟؟؟؟
ناهيك عن البديهات الى مش عارف لابسينها ازى تحس انها مرشوشة دوكو على جسمهم وبيقلعوها بتنر !
هو دا منظر يعنى!
انا عندى البنت الى لابسه تى شيرت واسع ولو حتى نص كم ومش محجبه مش ملفته تماما وبتمر مرور الكرام انما الى عامله كدا تلاقى الشارع كله واقف يتفرج عليها مع انها ممكن متكنش تعرف حاجه عن الجمال ,, لانها فتنة الى عامله فى نفسها

[kok3]

اتمني الاخوه الافاضل اللي علقو علي الموضوع دا يقرو ا المقال دا
هل المرأة إنسان؟! | المصري اليوم، أخبار اليوم من مصر
أسف جه متأخر علشان كنت موقوف رغم انه سبحان الله نزل بعد ما اتوقفت علي طول يوم الثلاثاء كنت عايز احطه هنا علشان الاخوه الافاضل يفهمو وجهه نظري ولكن معلش ملحوقه

[kok3]

واللي يحب يتفرج علي وجهه نظري يوتيوب مفيش مانع اتفضل


‫على مسؤوليتيّ.. مع علاء الأسوانيّ‬‎ - YouTube