حرام عليكم....كفايه يأس واحباط .. نظره موضوعيه!!!

[yousef1978]

أهه.. عيني في عينك أهيه و بقولك ولا يوم من أيامك يا مبارك..

رأيك وأحترمه وإن كنت أختلف معه كليا


أنا يوم واحد من بعد الثورة وأكرم عندي من ثلاثين سنة حكم لمبارك

يكفي إني شعوري إني إنسان حررررررررر أقدر أقول رأيي في أي حاجة وفي أي حد بدءا من رئيس الجمهورية




كل الكائنات اللي خلقها ربنا بتاكل وبتشرب وبتنام وبتتزوج لكن مش كلها عايشه بحريتها

أنا بقى أهم حاجة عندي الحرية والكرامة



كفاية شعور الواحد وهو بيتعامل مع ضابط شرطة ولا وكيل نيابة زيه زينا كلنا ولاد تسعة



قبل الثورة كان سواق الميكروباص ينزل الراكب اللي حاجز قدام ويقوله انزل يا أخ فيه باشا جاي عاوز يركب قدام وكأن الباشا ده بني آدم واحنا ولاد ...........



معلش كل واحد وله مقاييس للدنيا اللي بيتمني يعيشها





أيام سيدنا عمر بن الخطاب ورغم كل العدل والخير الذي ساد

لما واحد مسيحي دخل مسابقة ضد أحد أبناء عمرو بن العاص رئيس مصر وفاز فاضطرب ابن عمرو بن العاص ورمى الجائزة في وجهه وقال له ( خذها وانا ابن الأكرمين )

الرجل المسيحي شاف إن دي إهانة ما يقدرش يعيش من غير ما يردها - سافر من مصر للسعودية علشان يقابل سيدنا عمر ويشكوا له ما حدث

سيدنا عمر ماقالهوش يا عم انت مخك تعبان - جاي من آخر الدنيا علشان حاجة تافهة زي كده - طب ما انت أخذت الجائزة عاوز إيه تاني كبر دماغك يا عم وخلينا نشوف البلاوي اللي ورانا مش كفاية موفرينلكم الأمن والخير كله



لكن سيدنا عمر اعتبر إن دي فعلا إهانة لا يمكن السكوت عليها حتى لو تعطلت أي مصلحة أخرى وأرسل يستدعي سيدنا عمرو وابنه معه وبعد أن عنفه أمام الناس قال للرجل المسيجي خذ هذه واقتص ممن أهانك - وبعد أن ضرب الرجل المسيجي ابن سيدنا عمرو وأخذ حقه - أزاح سيدنا عمر العمامة من على رأس رئيس مصر وقال للمسيحي اضرب صلعة أبيه فوالله ما أهانك إلا لمكانة والده عندنا فقال الرجل يا أمير المؤمنين أخذت حقي ممن ظلمني

واختتم سيدنا عمر الحادثة بمقولته العظيمة : يا عمرو متى استعبدتم الناس وقد ولدتهم أمهاتمهم أحرارا




أنا بقى أهم حاجة عندي إن ما حدش يستعبدني لا في قسم شرطة ولا بره قسم شرطة


وأي أزمة تاني ممكن أصبر عليها وإن شاء الله هتتحل


بس العاقل عارف إن احنا في مرحلة مخاض ولابد للمخاض من آلام والمرأة تتحمل كل الآلام من أجل الحصول على مولود صالح لكن اللي مش عاوز يتألم يبقى ما يبص على بلاد العالم الحرة لأنه هيتحسر ع الفاضي

[M.Mosaad]

هي ليه الناس محسساني ان كان مترشح للرئاسه جيفارا و محمد مرسي و احنا اختارنا مرسي - مش تبصوا للورق اللي كان قدامنا ( محمد مرسي و واحد تاني مبيعرفشي يقول كلمتين علي بعض اسمه شفيق ) يعني لو اتعادت الانتخابات الف مرة تاني برضه هنختار مرسي و مش هنروح نجيب واحد معتوه نمسكه البلد

دي الكروت اللي علي الارض و مفيش غيرها - الراجل بيقول خلي عندنا شوية امل و بلاش المعارضه اللي ملهاش لازمه و خلينا في المعارضه الجادة القويه اللي تبني مش بتهد

الحاجة الوحيدة اللي اخدتها علي محمد مرسي هي انه من الاول كان بمنتهي الصراحه يقول انا مترشح عن حزب الحريه و العداله و لو نجحت انا و الحزب بتاعي هنحاول ننفذ برنامجنا يعني زي اي دوله في العالم كل المناصب القياديه تكون من رجالته و من ناس واثق فيها محاولته ارضاء جميع الاطراف و و تنفيذ وعوده لانتخابيه و طريقه الاخوان الاصلاحيه و ليست الثوريه في رايي هتكون فيها نهايته لان ربنا رزقنا بنخبه من ميراث مبارك ممكن تتحالف مع اسرائيل مع الشيطان حتي في سبيل فشل الاخوان

المشروع كان حالم اكتر من اللازم و معتمد علي تعاون الشعب كله - اللي حط المشروع واضح انه مكانش من مصر و ميعرفشي المصريين و ماخدشي باله من السم اللي زرعه مبارك في عروقنا

يا جماعه الاختيار كان بين محمد مرسي و أحمد شفيق مش محتاجه كلام تاني

[dede_dodo88]

أنا يوم واحد من بعد الثورة وأكرم عندي من ثلاثين سنة حكم لمبارك
يكفي إني شعوري إني إنسان حررررررررر أقدر أقول رأيي في أي حاجة وفي أي حد بدءا من رئيس الجمهورية

كفاية شعور الواحد وهو بيتعامل مع ضابط شرطة ولا وكيل نيابة زيه زينا كلنا ولاد تسعة

أنا بقى أهم حاجة عندي إن ما حدش يستعبدني لا في قسم شرطة ولا بره قسم شرطة

معلش هي الحاجات دي حصلت حقيقي وللا مجرد wishful thinking ؟!!..

[yousef1978]

معلش هي الحاجات دي حصلت حقيقي وللا مجرد wishful thinking ؟!!..

أنا شايفها حصلت بنسبة كويسه

[khaled_legend]

هي ليه الناس محسساني ان كان مترشح للرئاسه جيفارا و محمد مرسي و احنا اختارنا مرسي - مش تبصوا للورق اللي كان قدامنا ( محمد مرسي و واحد تاني مبيعرفشي يقول كلمتين علي بعض اسمه شفيق ) يعني لو اتعادت الانتخابات الف مرة تاني برضه هنختار مرسي و مش هنروح نجيب واحد معتوه نمسكه البلد

دي الكروت اللي علي الارض و مفيش غيرها - الراجل بيقول خلي عندنا شوية امل و بلاش المعارضه اللي ملهاش لازمه و خلينا في المعارضه الجادة القويه اللي تبني مش بتهد

الحاجة الوحيدة اللي اخدتها علي محمد مرسي هي انه من الاول كان بمنتهي الصراحه يقول انا مترشح عن حزب الحريه و العداله و لو نجحت انا و الحزب بتاعي هنحاول ننفذ برنامجنا يعني زي اي دوله في العالم كل المناصب القياديه تكون من رجالته و من ناس واثق فيها محاولته ارضاء جميع الاطراف و و تنفيذ وعوده لانتخابيه و طريقه الاخوان الاصلاحيه و ليست الثوريه في رايي هتكون فيها نهايته لان ربنا رزقنا بنخبه من ميراث مبارك ممكن تتحالف مع اسرائيل مع الشيطان حتي في سبيل فشل الاخوان

المشروع كان حالم اكتر من اللازم و معتمد علي تعاون الشعب كله - اللي حط المشروع واضح انه مكانش من مصر و ميعرفشي المصريين و ماخدشي باله من السم اللي زرعه مبارك في عروقنا

يا جماعه الاختيار كان بين محمد مرسي و أحمد شفيق مش محتاجه كلام تاني

لو حضرتك عدت الي اصل المشكله
ما سبب وصول شفيق و مرسي الي النهائي؟

[hamada_amg]

مع احترامى الشديد للجميع و لجميع الاراء و لا اقلل من شأن اى انسان او اى رأي اي كان اتفق مع ام لا فهذه رؤية شخصيه لا اجبر احد عليها و لا افؤضها على احد و لكن

تظل مصر بها دار افتاء واحدة و 80 مليون مفتي للاسف الشديد

الاستاذ الفاضل صاحب الموضوع حضرتك بتناقش عدم الاحباط و التفاؤل و ده شيء جيد و جميل جدا لكن ما نبقى موضوعيين شويه و تقولى ايه هو المصدر اللى انا كمواطن مصري اخد منه تفاؤل ؟

سؤال بسيط هو احنا ليه بنقارن ايام مبارك بايام مرسي ؟ مش المفروض ان مرسي جه من انتخاب الشعب اللى نتج من الثوره ؟ و مبارك لا
اذن ببساطه شديده ما قدرش اقارن حاجتين مالهومش اى علاقه ببعض

بمعنى ادق مبارك اتفرض علينا و مرسي اخترناه ازاى اقارنهم ببعض
و لو قارنت و حطيت اوجه مقارنه هو ليه ماقارنش بالسادات و عبد الناصر مش برده الرجاله ده كانت رؤساء و لا ايه ؟

ننسى المقارنه شويه و نتكلم فى امور واقعية بحته زي ما بيقولوا كده 1+1 = 2
مبارك كان عاملهم 2.5 مش مشكله خلصت ايامه و ارواح ضاعت عشان ده عشان نخليها 2 مش اكتر و لا اقل

طب هو فين بقى الاكتر و فين بقى الاقل ؟

منين فى الانتخابات قالك مصر مليانه موارد و منين الكهرباء بتقطع و البنزين فيه ازمه يعني ازمة طاقه عامة مش عارفين نوفرها من الموارد

حد شاف اي بدايه لمشروع النهضه و الحلم الجميل ؟

زمان كان الشعب بيخاف من الشرطه دلوقتى الشعب بيخاف من البلطجية و هم دول اللى عايزين اباده و هم دول برده اللى موقفين المراكب السايره رغم ان هم دول نفسهم بقوا كده عشان مش لاقيين حياه كريمه

حضرتك بتطلب بالتفائل و ده منين يجي من قرارات رئاسيه نصها غلط و نقول بعدها اسفين مش ده المقصود
منين يجيى من كل واحد بيقول اى كلام على لسان الرياسة اللى حضرتك اخترتها عشان تحكمك
و للاسف الرياسه باي باي مش بترد و لا تقول صح و لا غلط

منين تفاؤل و انت مش لاقى كهرباء و لا غاز و لا عيش و عندك بقعه زيت فى الميه

منين تفاؤل و انت وزير التنمية المبجل يطلع فى تصريح يقولك احنا ماشيين على الخطط اللى كانت موجوده ايام مبارك

منين تفاؤل لما تلاقى الدوله بتاخد قرض و هم نفسهم الناس اللى كانت بتحرم القروض طول عمرهم

منين تتفائل لما تطبع فلوس من غير اى تغطية

منين تتفائل لما كل يوم عندك اضراب و اعتصام فى اى منطقه عشان كوبرى اتهد و ناس مش واخده حقوقها

منين تتفائل لما ارضك اللى اهلى و اهلك حاربوا و ماتوا عشانها بتروح قدام عينك و انت ساكت

منين تتفائل لما تعملى قرار انك تقفل المحلات بدرى عشان الانضباط و عشان اوروبا و امريكا والخليج كده و احنا لازم نبقى زيهم طب على الاقل خلينا زيهم الاول فى المرور و فى الشرطه و فى البطاله و البترول و الكهربا و الميه و العيش و المستوى الاجتماعى و بعدين ننام بدرى عشان ساعتها حضرتك مش هيكون عندك غير شغلك اللى هتصحاله من بدرى عشان تشتغله و معندكش وقت انك تشتغل شغلانه تانيه و تالته لان مرتبك مكفيك و لاقى مستلزمات بيتك

منين تفاؤل لما الناس تقعد مبسوطه عشان المواقع الاباحية هتتقفل و هتكلف الدوله 100 مليار انت اولى بيهم فى اى حاجه تانيه على الاقل ممكن يعملوا شويه بيوت تلم ناس بلطجيه من اللى مزعلين ناس كتيره

منيبن تفاؤل لما الرئيس يوعدك بحاجه حتى لو معرفش يعملها مش عيب انه يعترف بده و يقول يا جماعه انا معرفتش عشان كذا و كذا و عندنا مشكله فى كذا و كذا لكن حد سمع حاجه؟ حد سمع اعتذار للناس اللى انتخبت الراجل ده عشان الكلام ده اللى حسسهم انهم هيكونوا مشروع لبنى ادمين كرماء فى خلال وقت بسيط يقدروا يحسوا ببداية امل

منين تفاؤل و انت اصلا البذرة اللى اتذرعت فى الناس ده محدش كلف خاطره و قال انا اسف انى معرفتش اسقيها و لا قال انا سقيتها و نتايجها كذا و كذا

كفاية كده و لا اكلملك على الاقتصاد و البورصه و مصر المقصه و قطر اللى داخله تشترى بورصه مصر

بطلوا مقارنه و انسوا شفيق و قيموا الوضع الحالى بما له و ما عليه

[khaled_legend]

مع احترامى الشديد للجميع و لجميع الاراء و لا اقلل من شأن اى انسان او اى رأي اي كان اتفق مع ام لا فهذه رؤية شخصيه لا اجبر احد عليها و لا افؤضها على احد و لكن

تظل مصر بها دار افتاء واحدة و 80 مليون مفتي للاسف الشديد

الاستاذ الفاضل صاحب الموضوع حضرتك بتناقش عدم الاحباط و التفاؤل و ده شيء جيد و جميل جدا لكن ما نبقى موضوعيين شويه و تقولى ايه هو المصدر اللى انا كمواطن مصري اخد منه تفاؤل ؟

سؤال بسيط هو احنا ليه بنقارن ايام مبارك بايام مرسي ؟ مش المفروض ان مرسي جه من انتخاب الشعب اللى نتج من الثوره ؟ و مبارك لا
اذن ببساطه شديده ما قدرش اقارن حاجتين مالهومش اى علاقه ببعض

بمعنى ادق مبارك اتفرض علينا و مرسي اخترناه ازاى اقارنهم ببعض
و لو قارنت و حطيت اوجه مقارنه هو ليه ماقارنش بالسادات و عبد الناصر مش برده الرجاله ده كانت رؤساء و لا ايه ؟

ننسى المقارنه شويه و نتكلم فى امور واقعية بحته زي ما بيقولوا كده 1+1 = 2
مبارك كان عاملهم 2.5 مش مشكله خلصت ايامه و ارواح ضاعت عشان ده عشان نخليها 2 مش اكتر و لا اقل

طب هو فين بقى الاكتر و فين بقى الاقل ؟

منين فى الانتخابات قالك مصر مليانه موارد و منين الكهرباء بتقطع و البنزين فيه ازمه يعني ازمة طاقه عامة مش عارفين نوفرها من الموارد

حد شاف اي بدايه لمشروع النهضه و الحلم الجميل ؟

زمان كان الشعب بيخاف من الشرطه دلوقتى الشعب بيخاف من البلطجية و هم دول اللى عايزين اباده و هم دول برده اللى موقفين المراكب السايره رغم ان هم دول نفسهم بقوا كده عشان مش لاقيين حياه كريمه

حضرتك بتطلب بالتفائل و ده منين يجي من قرارات رئاسيه نصها غلط و نقول بعدها اسفين مش ده المقصود
منين يجيى من كل واحد بيقول اى كلام على لسان الرياسة اللى حضرتك اخترتها عشان تحكمك
و للاسف الرياسه باي باي مش بترد و لا تقول صح و لا غلط

منين تفاؤل و انت مش لاقى كهرباء و لا غاز و لا عيش و عندك بقعه زيت فى الميه

منين تفاؤل و انت وزير التنمية المبجل يطلع فى تصريح يقولك احنا ماشيين على الخطط اللى كانت موجوده ايام مبارك

منين تفاؤل لما تلاقى الدوله بتاخد قرض و هم نفسهم الناس اللى كانت بتحرم القروض طول عمرهم

منين تتفائل لما تطبع فلوس من غير اى تغطية

منين تتفائل لما كل يوم عندك اضراب و اعتصام فى اى منطقه عشان كوبرى اتهد و ناس مش واخده حقوقها

منين تتفائل لما ارضك اللى اهلى و اهلك حاربوا و ماتوا عشانها بتروح قدام عينك و انت ساكت

منين تتفائل لما تعملى قرار انك تقفل المحلات بدرى عشان الانضباط و عشان اوروبا و امريكا والخليج كده و احنا لازم نبقى زيهم طب على الاقل خلينا زيهم الاول فى المرور و فى الشرطه و فى البطاله و البترول و الكهربا و الميه و العيش و المستوى الاجتماعى و بعدين ننام بدرى عشان ساعتها حضرتك مش هيكون عندك غير شغلك اللى هتصحاله من بدرى عشان تشتغله و معندكش وقت انك تشتغل شغلانه تانيه و تالته لان مرتبك مكفيك و لاقى مستلزمات بيتك

منين تفاؤل لما الناس تقعد مبسوطه عشان المواقع الاباحية هتتقفل و هتكلف الدوله 100 مليار انت اولى بيهم فى اى حاجه تانيه على الاقل ممكن يعملوا شويه بيوت تلم ناس بلطجيه من اللى مزعلين ناس كتيره

منيبن تفاؤل لما الرئيس يوعدك بحاجه حتى لو معرفش يعملها مش عيب انه يعترف بده و يقول يا جماعه انا معرفتش عشان كذا و كذا و عندنا مشكله فى كذا و كذا لكن حد سمع حاجه؟ حد سمع اعتذار للناس اللى انتخبت الراجل ده عشان الكلام ده اللى حسسهم انهم هيكونوا مشروع لبنى ادمين كرماء فى خلال وقت بسيط يقدروا يحسوا ببداية امل

منين تفاؤل و انت اصلا البذرة اللى اتذرعت فى الناس ده محدش كلف خاطره و قال انا اسف انى معرفتش اسقيها و لا قال انا سقيتها و نتايجها كذا و كذا

كفاية كده و لا اكلملك على الاقتصاد و البورصه و مصر المقصه و قطر اللى داخله تشترى بورصه مصر

بطلوا مقارنه و انسوا شفيق و قيموا الوضع الحالى بما له و ما عليه

لقد قلت كل ما في نفسي :b4_388:

[تامر.محمد]

راااااائع .. بس المنطق ده .. للأسف .. بنطبقه على ناس لما نحب .. و نركنه على جنب لناس لما نكره .

انا باكلمك في الصح




الى الجميع , اللي عايز ثورة Home Delivery على رأي علاء الاسواني يريح نفسه و ياخدها من قصيرها و يهاجر , مافيش حاجة بتيجي ببلاش

[M.Mosaad]

لو حضرتك عدت الي اصل المشكله
ما سبب وصول شفيق و مرسي الي النهائي؟

سؤال جميل جدااااااااا :b4_388:

اصوات مرسي في المرحله الاولي كانت طبيعيه لانها جايه من الاخوان و ناس مؤمنه بمشروع النهضه او مقتنعه بالاخوان فطبيعي انه يعدي ال 5 مليون

اللي مش طبيعي و لا المعقول و لا المتخيل و لا المنطقي ان واحد اسمه شفيق يعدي ال 5 مليون في اول انتخابات بعد الثورة
يعني كل اللي بيتكلم في الاعادة كان حاطط مرسي و معاه ابو الفتوح ( للاسف منجحشي ) و حمضين ( الحمد لله منجحشي ) و في اسوأ الظروف مرسي و عمرو موسي

و علي فكرة اي واحد منهم كان هينجح كان هيقابل نفس الظروف و المعوقات ( ما عدا شفيق طبعا ) و كلهم مكنوش ثوريين يعني مش هتلاقي منهم قرارات ثوريه و ممكن مكنوش يقدروا علي العسكر اساسا كاول عقبه

مصر فيها ملايين كانت بتاكل الشهد مع النظام القديم ( مش مشكله انه شهد حرام مش موضوعنا ) علشان كدة بيقاوموا بكل شراسه اي تغيير و الطريق لسه طويل جدااااااااااا علشان كدة انا متفق ان الاخوان اسرفوا في الوعود بس مش زي شفيق طبعا اللي وعد بكل شيء و كان هيبقي علي قلب الناس زي العسل و كان هيلاقي مساعده من الداخليه و الجهاز الاداري و كل مؤسسات الدوله بأعتبار انه حامل رايه مبارك

الفكرة دلوقتي هل انا اساعده علي تنفيذ برنامجه مع اظهار العيوب الحقيقيه المهمه زي الداخليه مثلا اللي لسة زي ما هي و مفيش تغيير و لا اقعد اهد و اهدم و ابكي علي اللبن المسكوب ؟؟؟؟؟؟؟؟

[Eng.Osama.Afifi]

موضوع رائع ... وأنا إخترت أبو الفتوح عن إقتناع تام في المرحلة الأولى ... ومرسي في المرحلة التانية ... ولو رجع بيا الزمن 1000 مرة برضه ختار الإتنين دول !

وأنا متفائل ... إحنا بس محتاجين ننضف من جوا ... ونربي نفسنا فعلا ...

في أكيد إحباطات ... وفي حاجات تغيظ ... بس واحدة واحدة ... البلد أصلا متدمرة ... وأعتقد لما الواحد بيتعمق أكتر بيكتشف حجم المأساة ... مرسي جيه بإنتخابات ديموقراطية ... وهوا عارف كويس إن إللي يبقيه على الكرسي هو إنجازاته ... عشان كدة أنا متأكد إنه بيبذل المستحيل عشان يعمل ده ... إنما قبل كدة كان بيجي بالتزوير ... فكان عارف كويس إن إللي بيخليه رئيس هوا التزوير .. عشان كدة كان بيحاول يعمق ده ... أي حد فعلا بيقارن بين مبارك وبين مرسي ... فعلا ماتضيعش وقتك معاه ... وقتك أثمن من كدة ... إتفرج على كرتون أفيدلك !

لا تلتفت إلى كل المثبطين ... وربنا ينفخ في صورتنا ويكرمنا

[yousef1978]

الفكرة دلوقتي هل انا اساعده علي تنفيذ برنامجه مع اظهار العيوب الحقيقيه المهمه زي الداخليه مثلا اللي لسة زي ما هي و مفيش تغيير و لا اقعد اهد و اهدم و ابكي علي اللبن المسكوب ؟؟؟؟؟؟؟؟

[yousef1978]

حكمة لمن اثقلته هموم الحياة ..

وقع حصان أحد المزارعين في بئر مياه عميقة ولكنها جافة، وأجهش الحيوان
بالبكاء الشديد من الألم من أثر السقوط واستمر هكذا لعدة ساعات كان المزارع
خلالها يبحث لموقف ويفكر كيف سيستعيد الحصان؟

ولم يستغرق الأمر طويلاً كي يُقنع نفسه بأن الحصان قد أصبح عجوزًا وأن
تكلفة استخراجه تقترب من تكلفة شراء حصان آخر، هذا إلى جانب أن البئر جافة
منذ زمن طويل وتحتاج إلى ردمها بأي شكل. وهكذا، نادى المزارع جيرانه وطلب منهم
مساعدته في ردم البئر كي يحل مشكلتين في آن واحد؛ ( التخلص من البئر الجاف
ودفن الحصان

وبدأ الجميع بالمعاول والجواريف في جمع الأتربة والنفايات وإلقائها في البئر.

في بادئ الأمر، أدرك الحصان حقيقة ما يجري حيث أخذ في الصهيل بصوت عال
يملؤه الألم وطلب النجدة. وبعد قليل من الوقت اندهش الجميع لانقطاع صوت
الحصان فجأة، وبعد عدد قليل من الجواريف، نظر المزارع إلى داخل البئر وقد صعق لما
رآه، فقد وجد الحصان مشغولاً بهز ظهره ! كلما سقطت عليه الأتربة فيرميها بدوره
على الأرض ويرتفع هو بمقدار خطوة واحدة لأعلى.

وهكذا أستمر الحال، الكل يلقي الأوساخ إلى داخل البئر فتقع على ظهر
الحصان فيهز ظهره فتسقط على الأرض حيث يرتفع خطوة بخطوة إلى أعلى. وبعد
الفترة اللازمة لملء البئر، اقترب الحصان .من سطح الأرض حيث قفز قفزة بسيطة وصل بها
إلى سطح الأرض بسلام.





وبالمثل، تلقي الحياة بأوجاعها وأثقالها عليك، فلكي تكون حصيفًا، عليك
بمثل ما فعل الحصان حتى تتغلب عليها، فكل مشكلة تقابلنا هي بمثابة عقبة وحجر
عثرة في طريق حياتنا، فلا تقلق، لقد تعلمت توًا كيف تنجو من أعمق آبار المشاكل
بأن تنفض هذه المشاكل عن ظهرك وترتفع بذلك خطوة واحدة لأعلى.





منقول

[Forever.Leo]

الى الجميع , اللي عايز ثورة Home Delivery على رأي علاء الاسواني يريح نفسه و ياخدها من قصيرها و يهاجر , مافيش حاجة بتيجي ببلاش

مش عارف الرد ده ايه علاقته بالموضوع ؟! و مش عارف ايه الحاجة اللي ما بتجيش ببلاش ؟ .. ال Home Delivery ده كلام توجهه لحد تاني ، و ماحدش بيجبي علينا .. و لا قاعدين في بلدنا على حساب حد .. و مش هنبطل نقول رأينا .. بسبب اسطوانات مشروخة .. تكرس و تبرر طول المعاناة .. و تكميم الافواه !

[Forever.Leo]

حكمة لمن اثقلته هموم الحياة ..

وقع حصان أحد المزارعين في بئر مياه عميقة ولكنها جافة، وأجهش الحيوان
بالبكاء الشديد من الألم من أثر السقوط واستمر هكذا لعدة ساعات كان المزارع
خلالها يبحث لموقف ويفكر كيف سيستعيد الحصان؟

ولم يستغرق الأمر طويلاً كي يُقنع نفسه بأن الحصان قد أصبح عجوزًا وأن
تكلفة استخراجه تقترب من تكلفة شراء حصان آخر، هذا إلى جانب أن البئر جافة
منذ زمن طويل وتحتاج إلى ردمها بأي شكل. وهكذا، نادى المزارع جيرانه وطلب منهم
مساعدته في ردم البئر كي يحل مشكلتين في آن واحد؛ ( التخلص من البئر الجاف
ودفن الحصان

وبدأ الجميع بالمعاول والجواريف في جمع الأتربة والنفايات وإلقائها في البئر.

في بادئ الأمر، أدرك الحصان حقيقة ما يجري حيث أخذ في الصهيل بصوت عال
يملؤه الألم وطلب النجدة. وبعد قليل من الوقت اندهش الجميع لانقطاع صوت
الحصان فجأة، وبعد عدد قليل من الجواريف، نظر المزارع إلى داخل البئر وقد صعق لما
رآه، فقد وجد الحصان مشغولاً بهز ظهره ! كلما سقطت عليه الأتربة فيرميها بدوره
على الأرض ويرتفع هو بمقدار خطوة واحدة لأعلى.

وهكذا أستمر الحال، الكل يلقي الأوساخ إلى داخل البئر فتقع على ظهر
الحصان فيهز ظهره فتسقط على الأرض حيث يرتفع خطوة بخطوة إلى أعلى. وبعد
الفترة اللازمة لملء البئر، اقترب الحصان .من سطح الأرض حيث قفز قفزة بسيطة وصل بها
إلى سطح الأرض بسلام.





وبالمثل، تلقي الحياة بأوجاعها وأثقالها عليك، فلكي تكون حصيفًا، عليك
بمثل ما فعل الحصان حتى تتغلب عليها، فكل مشكلة تقابلنا هي بمثابة عقبة وحجر
عثرة في طريق حياتنا، فلا تقلق، لقد تعلمت توًا كيف تنجو من أعمق آبار المشاكل
بأن تنفض هذه المشاكل عن ظهرك وترتفع بذلك خطوة واحدة لأعلى.





منقول

فيه جايزة .. للي يعرف مين الحصان ؟

[yousef1978]

فيه جايزة .. للي يعرف مين الحصان ؟

على فكره حضرتك فهمت غلط - الموضوع مالهوش دعوة بالسياسة ولا بأي سياسي على الساحة

اديني الجايزة بقى ههههههههههه







.