إعـــــــلان

Collapse

.

,
See more
See less

كوميديا سوداء حول توجيه اسر "العسكريين" لانتخاب احد مرشحي الرئاسه

Collapse
X
 
  • Filter
  • الوقت
  • Show
Clear All
new posts

  • كوميديا سوداء حول توجيه اسر "العسكريين" لانتخاب احد مرشحي الرئاسه

    ملحوظه: انا وضعت الموضوع في القسم الاجتماعي لانه موضوعي كوميدي اسود و ليس سياسي بحت و ارجو ان لا يتم نقله

    في خلال الايام الماضيه قبل سفري من مصر سمعت كلام من بعض الاشخاص الذين لهم علاقات ببعض ان القضاه ان النائب العام قد بدأ في فتح تحقيق جدي حول نتيجه الانتخابات الرئاسيه و حول موضوع المطابع الاميريه فخطر في بالي ذكر احد حالات توجيه اسر "العسكريين" لانتخاب احد مرشحي الرئاسه (بدون ذكر اسماء عشان عارفين هو مين)

    تلك الحاله حدثت معي شخصيا بعد محاولات حثيثه من والدي (لواء جيش متقاعد) لتوجيهي انا و اخي لانتخاب احد مرشحي الرئاسه

    قبل الانتخابات بعده ايام قد سمعت من ابن عمي باجتماع موسع بقياده والدي و عمي (هو ايضا لواء جيش متقاعد) مع الاسره الكريمه و اظن السبب معروف لدي الجميع و لكن حدثت مشاحنات بين والدي و بين والدتي و اختي و زوجها لانهم كانوا يريدون انتخاب الدكتور عبد المنعم ابو الفتوح

    لم اعلق علي هذا الموقف نظرا لمعرفتي الوطيده بوالدي و عمي و ايضا لاني لم اتوقع ان يحدث توجيه شخصي لي و لاخي العزيز

    قبل ميعاد الانتخابات للمقيمين خارج مصر ب 24 ساعه حدث هذا الموقف الكوميدي الاسود

    التوقيت: الساعه 8 مساءا بتوقيت لوس انجلوس و ال 6 صباحا بتوقيت القاهره
    المكان: غرفه معيشه منزلي الحبيب
    الوصف: جالس انا العبد لله و زوجتي و الاولاد نشاهد التلفاز و ناكل الفيشار بالمناسبه كنا نشاهد احدي افلام الرعب المخيفه ذات تقييم rنظرا لانها المفضله لدي اطفالي (عيال عندهم سنه و اتنين و بيحبوا يتفرجوا علي افلام رعب بتقييم rو لا تعليق)
    شخص ما يرتدي عباءه سوداء و "شايل بلطه و عمال يطير في رقاب الممثلين يمين و شمال وسط فرحه العيال بموضوع تطير الرقاب ده"

    هاتفي يرن فقلت الحمد لله حتي اقوم من امام "كميات الدم اللي عمال يتطرطش و كميات الاعضاء البشريه اللي عماله تتحدف و العيال فرحانه"

    العبد لله: (بالانجليزيه بمنتهي العفويه) كيف حالك يا والدي؟
    والدي: متتكلم عربي زي الناس يا ................. (شتيمه زي الفل)
    العبد لله: حاضر يا سياده اللوا ... ايه اخبار حضرتك و اخبار ماما ايه ؟
    والدي: ماما؟ كتها نيله اللي عايزه خلف شبه خلفكوا ... قال ماما قال
    العبد لله: (دمي بدأ يفور بسبب التهزيأ و انا شعري شاب بس اسمه ابويا برضه) انا اسف ... تحت امرك يا حاج

    والدي: الانتخابات عندكوا بكره صح؟
    العبد لله: (باستهبال لاني عرفت المكالمه رايحه علي فين) انتخابات ايه يا حاج؟
    والدي: انتخابات رئاسه بلدك يا ................... ( شتيمه زي الفل بس مختلفه عن الاولانيه عشان المصداقيه بس)

    العبد لله: اااااااااااااه معلش يا فندم و الله نسيت ... الشغل متلتل علي دماغي
    والدي: حوش كتر الشغل حوش ... كأنه الوحيد اللي بيشتغل ... المهم تروح بكره انت و مراتك تنتخبوا ............

    قبل ما اكمل المكالمه احب اعقب علي ما يحدث في الفيلم
    البلطه بتطير ناحيه الكاميرا و تقريبا الكاميرا قد تهشمت و رقبه المصور انفصلت عن جسده "و الدم عمال يطرطش علي الشاشه و العيال مازلت فرحانه و بتضحك مش عارف علي ايه" و زوجتي "ميته من الضحك بسبب طريقه كلامي و تعبيرات وشي"

    العبد لله: مراتي مين بس اللي تنتخب ؟ مش كوسه هي يا حاج يعني
    الوالد: اه صحيح معلش نسيت ... و مغلطناش في البخاري يا سيدي ... خلاص تروح لوحدك و تنتخب .......

    العبد لله: بس ده فلول يا فندم و ........

    الوالد: ( يقاطع كلامي بسمفونيه من الشتائم اللي زي الفل و المشكله ان مفيش شتيمه بتتكرر ابدا و ده برضه عشان المصداقيه) فلول مين ياله؟ انتوا تفهموا ايه في السياسه اصلا؟ مش كفايه خربتوا البلد و و و و و (السمفونيه اياها بتاعت الفلول او حزب الكنبه ايهما اصح)

    العبد لله: يا فندم احنا عايزين دم جديد و بعدين المرشح بتاعي انسحب
    والدي: مين ده ان شاء الله؟
    العبد لله: الدكتور محمد البرادعي
    والدي: (بلهجه اقل حده) اه هو راجل محترم و مشرفنا بس يا بني البلد دي مينفعش يمشيها الا الجيش و انت عارف كده كويس

    العبد لله: احنا جربنا الجيش 60 سنه و خربوا البلد يا فندم و خلونا نعيش في تخلف و لا حضرتك شايف ان البلد كويسه؟

    والدي: ( كلام يعف لساني عن ذكره و مخي يعف عن تخزين الكلام ده اصلا )

    العبد لله: هدي نفسك بس يا سياده اللواء

    "مراتي وقعت طبق الفشار علي الارض من كتر الضحك بسبب منظري اللي شبه الكتكوت المبلول" و ما زال تقطيع الرقاب ساريا في الفيلم (واحده بتاخد البلطه في جنبها و بتتقسم نصين و الحياه زبادي في الخلاط و العيال بيهيصوا لسه)

    والدي: بكره تعمل اللي قولتلك عليه مفهوم و لا لأ؟
    العبد لله: يا فندم مينفعش الكلام ده و الله و بعدين ازاي حضرتك بتقولي انتخب مين و منتخبش مين؟ انا مش عيل صغير يا حاج

    والدي: انا ابوك و عارف مصلحتك اكتر منك فتعمل اللي اقولك عليه و انت لسانك في بقك

    العبد لله: (انا علي وشك الانفجار) تحت امرك يا فندم ... اي اوامر تانيه؟

    والدي: متشكرين يا ............... هكلم الزفت التاني دلوقتي (الزفت التاني ده هو اخويا و دكتور و في نص التلاتينات و متجوز و عنده 3 عيال و بيتقاله زفت و لا تعليق) "و بكره بعد ما تخلص تكلمني" ( علي اساس اني رايح اقتل واحد مش رايح انتخب)

    العبد لله: ( طنطاوي استايل) اه طبعا

    و كالعاده سياده اللواء "رزع السماعه في وش امي" و .... لحظه لانه يوجد ممثله ما مازالت حيه ترزق و تطلق الرصاص بغزاره علي الشخص ذو العباءه و لكن يبدو " انه مش بني ادم اصلا لان ابن ............ مش راضي يموت"

    بعد هذا الفاصل الكوميدي الاسود اتسائل
    لماذا فعل "العسكريون" هذا مع العلم انهم "هيفضلوا عايمين علي وش الفته حتي لو اليهود حكموا مصر" ؟ لا اجد اجابه مقنعه لهذا السؤال

    الرجاء مراعاة أنتقاء الألفاظ حتى لا تعرض نفسك لعقوبة الأيقاف
    فمثل هذه الألفاظ لا يسمح بتادولها على المنتدى

    م ع 3


  • #2
    كويس اوى ان حضرتك فتحت الموضوع ده وحصل معاك
    هل نادم على اختيارك ام لا
    ومع الاعتبار انك خارج البلاد

    Comment


    • #3
      الموضوع ده قديم يا باشا و مفيش توجيه من العسكريين لأسرهم انهم يصوتوا لحد معين الموضوع مش اكتر من دافع شخصي من بعض العسكريين و لو والد حضرتك او عمك وجهوا ناس للمرشح المعين فوالدي و جميع اصدقائي لسه في الخدمة وكلهم لواءات و في اماكن قيادية و محدش قالنا او قال ل عائلاتنا نصوت لأي حد ما عدا واحد صاحبي ودي كانت حالة فردية و لعلم حضرتك كلنا صوتنا لمرشحيين تانيين اللي يمثلوا الثورة يعني بعيد عن المرشح ده و بعلم اهالينا ومكانش في اي تعليق خالص
      تقبل تحياتي :) !!

      Comment


      • #4
        الجيش من ايام عبد الناصر لغاية وقتنا هذا وهو عايم على وش الفتا ولسه وكل ده ليه علشان فى الاخر يبقو صكمن بكمن واهم حاجة انتهم مبسوطين هيعوزوا ايه اكتر من كده
        [img2]http://nileup.com/up/uploads/nilemotors_13649876441.jpg[/img2]

        Comment


        • #5
          لو على التوجيه الشخصي فانا شفته من 95% من العسكريين تقريبا جوة عيلتي و براها , اللهم الا فئتين منهم
          1- عنده ضمير و فاهم
          2- عنده ضمير و اشتغل مع المرشح المذكور

          دول كانوا بيوصوا قرايبهم بمحمد مرسي في المرحلة التانية و اي حد تاني في المرحلة الأولى :)


          اما عن التوجيه اللي بجد , هو فيه توجيه اكتر من الوعود برفع اقساط سواقين التاكسي و رفع عقوبات البناء على الأراضي الزراعية ؟
          دي رشوة انتخابية على الهوا و جريمة في حق البلد !
          ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

          [sor2]http://imageshack.us/a/img838/2058/8l0n.jpg[/sor2]

          Comment


          • #6
            ههههههههههههههههههههه
            مش قادر امسك نفسى من الدحك :d

            انا كمان كنت كل ما اقابل اى حد من الجيش نفس السيناريو بس من غير الحجات الوحشة الى حصلت فى المكالمة هههههههههههههههههه:d :d
            [CENTER][FONT=Comic Sans MS][SIZE=5][COLOR=Blue][/COLOR][/SIZE][/FONT][SIZE=5][COLOR=DarkRed]قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"

            -- اللهم ارزقنيها --
            [/COLOR][/SIZE][/CENTER]

            Comment


            • #7
              و ربنا انت برنس ههههههههههههه


              صحيح هي المدام مش مصرية عشان كده بتقول له هي كوسة؟
              [SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]

              [URL="https://goo.gl/30fu9U"]Registered Migration Agent - MARN 1575106[/URL]
              [/COLOR][/CENTER][/SIZE]

              Comment


              • #8
                المشاركة الأصلية كتبت بواسطة تامر.محمد مشاهدة المشاركة
                لو على التوجيه الشخصي فانا شفته من 95% من العسكريين تقريبا جوة عيلتي و براها , اللهم الا فئتين منهم
                1- عنده ضمير و فاهم
                2- عنده ضمير و اشتغل مع المرشح المذكور

                دول كانوا بيوصوا قرايبهم بمحمد مرسي في المرحلة التانية و اي حد تاني في المرحلة الأولى :)


                اما عن التوجيه اللي بجد , هو فيه توجيه اكتر من الوعود برفع اقساط سواقين التاكسي و رفع عقوبات البناء على الأراضي الزراعية ؟
                دي رشوة انتخابية على الهوا و جريمة في حق البلد !
                كلام سليم


                نفسى اشوف والد حضرته مع احترامى ساعة ما سمع النتيجه بفوز الدكتور محمد مرسى ههههههههههه

                Comment


                • #9
                  نفس اللى حصل فى عيلتى بالظبط .. عمى برضو نفس النظام لواء جيش متقاعد .. واكلم اى حد فى العيلة قبل الأنتخابات كلهم نفس النغمة بنفس الكلام اللى ما يدخلش دماغ طفل صغير ..

                  اكتر حاجة كانت بتضحكنى فى الكلام اللى سمعته .. انه المرشح دا قال إيه بيعرف يتكلم كويس جدا وبليغ فى الكلام ولازم يحكمنا جيش عشان يظبط البلد بعد ما سابت ويسجن اللى طلعوا من السجون وهيبيعوا قناة السويس لقطر .. والكثير من قصص الخيال العلمى اللى سمعتها وقتها
                  (هناك من يحبون الجدل لمجرد الجدل و يجب أن أعترف أنني طيلة حياتي الطويلة لم أر شخصا يقتنع برأي شخص آخر بعد أي جدال أتمنى لو وجدت الشخص الذي يقول في تواضع معك حق ...لقد كنت مخطئا ) د. احمد خالد توفيق

                  Comment


                  • #10
                    بعد اذن حضرنك تعرفنا رد فعل الحاج بعد اعلان محمد مرسي رئيسا لمصر . اعتقد الشعب المصري كله اتشتم شتايم يعف اللسان عن ذ كرها ويعف المخ عن تخزينها هههههههه

                    Comment


                    • #11
                      المشاركة الأصلية كتبت بواسطة المنسي مشاهدة المشاركة
                      الجيش من ايام عبد الناصر لغاية وقتنا هذا وهو عايم على وش الفتا ولسه وكل ده ليه علشان فى الاخر يبقو صكمن بكمن واهم حاجة انتهم مبسوطين هيعوزوا ايه اكتر من كده
                      لو الجيش تمام اقولك يعوموا مش مشكله بس لما تسمع عن ما يحدث في سينا تعرف انهم عاموا في الفته لحد ما غرقوا

                      المشاركة الأصلية كتبت بواسطة أحمد كمال مشاهدة المشاركة
                      و ربنا انت برنس ههههههههههههه


                      صحيح هي المدام مش مصرية عشان كده بتقول له هي كوسة؟
                      نعم غير مصريه و الحمد لله

                      المشاركة الأصلية كتبت بواسطة hossam_elwani مشاهدة المشاركة
                      كلام سليم


                      نفسى اشوف والد حضرته مع احترامى ساعة ما سمع النتيجه بفوز الدكتور محمد مرسى ههههههههههه
                      انا لم اكن حاضرا ساعتها و الحمد لله

                      المشاركة الأصلية كتبت بواسطة AirForces مشاهدة المشاركة
                      نفس اللى حصل فى عيلتى بالظبط .. عمى برضو نفس النظام لواء جيش متقاعد .. واكلم اى حد فى العيلة قبل الأنتخابات كلهم نفس النغمة بنفس الكلام اللى ما يدخلش دماغ طفل صغير ..

                      اكتر حاجة كانت بتضحكنى فى الكلام اللى سمعته .. انه المرشح دا قال إيه بيعرف يتكلم كويس جدا وبليغ فى الكلام ولازم يحكمنا جيش عشان يظبط البلد بعد ما سابت ويسجن اللى طلعوا من السجون وهيبيعوا قناة السويس لقطر .. والكثير من قصص الخيال العلمى اللى سمعتها وقتها
                      انا سمعت كلام يشل بلد عن المرشح ده

                      المشاركة الأصلية كتبت بواسطة mr_vampire مشاهدة المشاركة
                      بعد اذن حضرنك تعرفنا رد فعل الحاج بعد اعلان محمد مرسي رئيسا لمصر . اعتقد الشعب المصري كله اتشتم شتايم يعف اللسان عن ذ كرها ويعف المخ عن تخزينها هههههههه
                      هاهاهاهاهاهاهاهااها الشعب المصري كله اتروق شتايم

                      Comment


                      • #12
                        المشاركة الأصلية كتبت بواسطة mado83 مشاهدة المشاركة
                        كويس اوى ان حضرتك فتحت الموضوع ده وحصل معاك
                        هل نادم على اختيارك ام لا
                        ومع الاعتبار انك خارج البلاد
                        انا لم اعطي صوتي لاي مرشح اصلا

                        المشاركة الأصلية كتبت بواسطة diablo1231 مشاهدة المشاركة
                        الموضوع ده قديم يا باشا و مفيش توجيه من العسكريين لأسرهم انهم يصوتوا لحد معين الموضوع مش اكتر من دافع شخصي من بعض العسكريين و لو والد حضرتك او عمك وجهوا ناس للمرشح المعين فوالدي و جميع اصدقائي لسه في الخدمة وكلهم لواءات و في اماكن قيادية و محدش قالنا او قال ل عائلاتنا نصوت لأي حد ما عدا واحد صاحبي ودي كانت حالة فردية و لعلم حضرتك كلنا صوتنا لمرشحيين تانيين اللي يمثلوا الثورة يعني بعيد عن المرشح ده و بعلم اهالينا ومكانش في اي تعليق خالص
                        تقبل تحياتي :) !!
                        ممكن يكون الدافع شخصي و لكن يوجه توجيه شبه جماعي فعلا و ربما يكون والدك و اصدقاءه هم الوجه الجيد لتلك العمله

                        Comment


                        • #13
                          المشاركة الأصلية كتبت بواسطة khaled_legend مشاهدة المشاركة
                          نعم غير مصريه و الحمد لله
                          [SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]

                          [URL="https://goo.gl/30fu9U"]Registered Migration Agent - MARN 1575106[/URL]
                          [/COLOR][/CENTER][/SIZE]

                          Comment


                          • #14
                            المشاركة الأصلية كتبت بواسطة أحمد كمال مشاهدة المشاركة
                            :copy of new: :copy of new: :copy of new:
                            السمايلي ده بيعبر عن الدهشه و لا ايه؟

                            Comment


                            • #15
                              المشاركة الأصلية كتبت بواسطة khaled_legend مشاهدة المشاركة
                              السمايلي ده بيعبر عن الدهشه و لا ايه؟
                              لا ....... يعبر عن ان رد حضرتك "و الحمد لله" مضحك :)
                              [SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]

                              [URL="https://goo.gl/30fu9U"]Registered Migration Agent - MARN 1575106[/URL]
                              [/COLOR][/CENTER][/SIZE]

                              Comment

                              Working...
                              X