معني الصداقة!!!

[nagy wassef]

ما معني الصداقة من وجهة نظرك؟ وهل هى اصلا لسه موجودة ولا بقت مصالح فقط. و الخل الوفى ده من المستحيلات!!!!

[RAPID]

الخل الوفى مش مستحيل لكنه شبه مستحيل فى هذا الزمن، ومعنى الصداقة فى رايى انها تكون خالصة لوجه الله (يعنى صداقة بدون مصلحة) والا تبقى مش صداقة

[omaroof]

موجوده فعلا بس لازم تعرف تختار
يعنى موش تصاحب واحد عشان دمه خفيف ولا بتستريحله وتقعد تحكيله ادق ادق اسرارك وعد كدا تقول ده كان صديقى وخانى
لا الصديق هو من تحبه ويخبك لله فى لله وفى اغلب الصداقات الناجحه بيكون قريب لشخصيتك
ولازم تبقى مستعد تسمعه زى مابيسمعك
وتخلص له زى ماهوا مخلص ليك

[eldell]

بص من الاخر انا صحاااااابى كتيييييييييييييييير بس نصفهم 75 فى المئه منهم بتوع مصلحه يعنى اقسم بالله لما اشوف رقمه على الموبيل ارد وانا عارف انه عايز خدمه بس الاوفياء قليلين وساعات كتيييييييييييير بيتحولو تلاقيه يبقى عايز برضه مصلحه فمش عارف بصراحه العيب فى مين

[khaled_legend]

موجودين و لكن نادرين

[3mr Farrag]

الصداقه دلوقتي %99 هجص في هجص
مصالح ووجع دماغ علي الفاضي
الصحاب معظمهم بيرجعوك لورا اكثر ما هما يخلوك حتا في مكانك

ده موضوع قديم كنت عامله
و لو عملت موضوع دلوقتي عن الصداقه هيبقي شتايم بس
http://www.nilemotors.net/Nile/28201-a.html

[S O P H O S]

الغالبية زي الواقع الي قولته
لن يبقي القليلين الاوفياء ..

[nagy wassef]

انا كل ما بكبر فى السن بكتشف ان محدش فاضى لحد و مفيش واحد اقدر اقول انه صديق بجد وقت الشدة تلاقيه بالذات بعد الجواز محدش فاضى.....وانا فى اعدادى و ثانوى كنت فاهم ان عندى بتاع 50 صديق فى الجامعة بقوا 15 او 20 صديق بعد التخرج و الشغل 5-6 و بعد الجواز مفيش كلب بيعبرنى :) الا طبعا لو محتاج حاجة. و انا احب اقول ان فى راى ان مش عشان اللى كانوا اصحابى مش بيسألو يبقوا ناس مش كويسة....لا هم ناس كويسة لكن مش اصدقاء دلوقتى لان انسان كويس و مش موجود تبقى مش صديق او ممكن تقول صديق مع ايقاف التنفيذ.