هي فين المكتبات العامة في القاهرة

[شريف]

هي فين المكتبات العامة زي مكتبة الاسكندرية ممكن يبقي في اطلاع او استعارة
و بتبقي فيها كتب في كل المجالات هندسية و ادبية اجنبية و عربية
مهو مش معقول الواحد يقعد يشتري كتب بالاسعار الفلكية اللي بقت عليها و احسن الاستعارة ؟
و يا ريت اماكن المكتبات دي - بس بعيد عن مكتبات الطفل اللة يخليكم http://1.1.1.5/bmi/www.nilemotors.ne...es/smilies/048[1].gif

[Khaled Online]

من أحسن المكتبات مكتبة مصر العامة (مكتبة مبارك سابقا)
في الدقي على الكورنيش قريب من مجلس الدولة
هات صورتين و26.5 جنيه وتعمل اشتراك لمدة سنة
وممكن تستعير في نفس اليوم بالوصل حتي من قبل ما تستلم الكارنيه
شغالين لحد 6 م ويوم الثلاثاء إجازة

في أنشطة تانية غير القراية بس مليش فيها

[Y a r i s]

في مكتبة سوزان مبارك في المعادي ممتازة جداً معرفش سموها ايه دلوقتي بس بغض النظر عن الاسم هيا ممتازة .... وفي بستة اكتوبر مكتبة جامعة اكتوبر دي مكتبة عامة بس الدخول ب ٢ جنية. للناس العادية الي زينا

[S O P H O S]

الاشتراك كويس
الواحد بيفكر فعلا يروح من تاني ..

[A.Saad]

مكتبة القاهرة الكبرى بالزمالك
بس مكنش فيها استعارة وكانت شغالة للساعة 4

مكتبة خالد بن الوليد فى ميدان الكيت كات

مكتبة المركز الثقافى الامريكة
داخل السفارة فى جاردن سيتى
اتاكد انها مفتوحة
كانت اغلب الكتب عن الديمقراطية ونظم الحكم وحقوق الانسان والمرأة وتنمية المجتمع

مكتبة المركز الثقافى البريطانى
مش رحتها

[khaled_legend]

و الله يا جماعه القراءه مفيده جدا جدا جدا و في نفس الوقت وسيله للهرب من المنزل و "بدل ما بتوظ عينيك قدام الكومبيوتر بوظها في القرايه احسن"