الي قاطني الشيخ زايد وضواحيها ....

[hazemhany]

في الواقع انا بدور دلوقتي علي شقة محندقة في منطقة الشيخ زايد ..بس حابب اعرف من اللي ليهم معرفة بيها هل ممكن الاقي حاجة كويسة في حدود 110 الف وتكون المنطقة كويسة وهل تنصحوني اروح لسماسرة هناك ولا اعيش مع الأعلانات ؟؟

شكرا لكم مقدما

[A.Saad]

اعمل الاتنين وحسب وقتك للشرا
فيه اعلانات بتبقى من سماسرة برده فاسال
انت المالك ولا وسيط

[ASSASSIN]

في الواقع انا بدور دلوقتي علي شقة محندقة في منطقة الشيخ زايد ..بس حابب اعرف من اللي ليهم معرفة بيها هل ممكن الاقي حاجة كويسة في حدود 110 الف وتكون المنطقة كويسة وهل تنصحوني اروح لسماسرة هناك ولا اعيش مع الأعلانات ؟؟

شكرا لكم مقدما

ليك رسالة على الخاص , ياريت ترد عليا بعد لما تشوفها

[mr_safwt]

بص فى شقق ب 110 الف كاش عمارات بدر الدين الحى السادس عشر خلف بفرلى هيلز
بس العيب ان الشقة 64 متر
لو مش فارق معاك المساحة روح بص على المشروع

[hazemhany]

لأ 64 دي صغيرة اوي اوي ..انا قصدي محندقة يعني 80 - 90 متر مش اقل من كده يعني المتر 1375 جنيه ..هل فيه ؟!

[mr_safwt]

لأ 64 دي صغيرة اوي اوي ..انا قصدي محندقة يعني 80 - 90 متر مش اقل من كده يعني المتر 1375 جنيه ..هل فيه ؟!

ما هى المشكلة حضرتك المساحة دية بالسعر دة هيبقى المستوى مش اوى
الفكرة انك لازم تتنازل عن المساحة شوية او تعلى بالسعر شوية لان عمارات الاهالى فى الشيخ زايد متوسط المتر ب 2000 جنية
والباقى مساكن تيع الجهاز وشركات والمساكن اللى تبع الجهاز متقسمة اقتصادى ومتوسط وفوق متوسط اظن
والمبلغ دة مش هيجبلك الا فى الاقتصادى للاسف الواحد بيطلع عينة فى مبلغ زى دية عشان يجيبة ولما تجى تشترى شقة تحس انك مش عارف تجيب حاجة متوسطة حتى منة لله اللى وصل الاسعار لكدة

عايز اقولك انى ساكن فى اكتوبر وكان معاى نفس المبلغ دة وبدور على شقة نفس المساحة ولفت زايد واكتوبر كلها لحد ما جبت شقة فى التوسعات الشمالية امام البشاير مساحتها 80 متر ب110 الف وهى اصلا مجموعة عمارات كانت معمولة لاعضاء النيابة الادارية بس المنطقة لسة صحرا شوية قولت اعمل اية اهو على ادى فلوسى واصبر عليها شوية وخلاص عشان تبقى حاجة نضيفة ومن خبرتى فى اللف برضة ممكن تاخد ب 120 شقة فى اسكان القوات المسلحة جنب دريم لاند 86 متر بس بردة المنطقة لسة قدامها شوية

[Kareem.ElAraby]

متابع