هو ده نصاب ولا ايه بالظبط؟ افيدونى اتاكد ازاى.

[Ayman-Ahmed]

السلام عليكم ورحمة الله وبركاته

وقانا الله واياكم شر الاشرار ومن يريدوا بنا الشر.

الموضوع ببساطة من حوالى اسبوعين رقم غريب كلمنى وواحد صوته نايم او لسة صاحى من النوم وجنبه اطفال بتلعب وتصرخ.

هو- استاذ ايمن
-ايوة يا افندم مين معايا
هو-الرائد(اسم مش واضح) من مكافحة سرقة السيارات-كنت مبلغ عن عربية مسروقة.
-لا يا افندم
هو-اه معلش يبقى رقم غلط.
-لا مفيش حاجة وقبل ما اكمل اى كلام كان الخط بيقطع والسلام عليكم.

النهاردة.
ادانى رنة وقفل الساعة 7.15 ص والساعة 8 والساعة 9.
-كلمت الرقم
هو-ازيك وايه نسيتنى ولا ايه ولا مسجلتش الرقم.
-مين معايا
هو-مش فاكرنى خالص
-لا والله مين معايا.
هو-مش رايحة منك حاجة.
-زى ايه
هو-فسبا-حاجة باربع عجلات.وكنت عاوز اساعدك من اسبوعين ومردتش عليا.
-طب حاجة زى ايه.
هو-مش عارف شوف انت بقى
-لا والله مش عارف ولما تعرف انت ايه اللى انا بدور عليه ابقى كلمنى وقوللى لقيته.تمام.
هو-تمام وقفلت السكة.


السوال : هو ده ايه بالظبط؟ نصب ولا نمرة غلط.طب نمرتى واسمى جابهم ازاى والحمد لله انا معنديش حاجة بدور عليها فعلا والحمد لله.

[mostafa3000]

أكيد نصباية ومن الأحسن أنة لو أتكلم تاني تقولة انك بلغت الشرطة وشوف رد فعلة أية
أكيد هيبطل

[Khaled Online]

حط الرقم في screened list وريح دماغك

[eng.m7md.ali]

امن على عربيتك كويس ياباشا وربنا يستر

[eldell]

استاذ ايمن ازيك اولا بالنسبه للحوار ده هو ممكن ميكونش اشتغاله ممكن يكون حد من المقربيين ليك عربيته مسروقه وكان فيها رقم تليفونك انت او كارت ليك او موبيل صاحب العربيه عليه رقمك حاجه كده وده الى بيعملوه الى بيسرقو السيارات يكلموك وياخدو منك فلوس ويرجعوهالك تانى فشوف كده دائره اصدقائك او قرايبك لو مافيش يبقى كبر دماغك خاااالص

[mshmshm3]

امن على عربيتك كويس ياباشا وربنا يستر

استاذ ايمن ازيك اولا بالنسبه للحوار ده هو ممكن ميكونش اشتغاله ممكن يكون حد من المقربيين ليك عربيته مسروقه وكان فيها رقم تليفونك انت او كارت ليك او موبيل صاحب العربيه عليه رقمك حاجه كده وده الى بيعملوه الى بيسرقو السيارات يكلموك وياخدو منك فلوس ويرجعوهالك تانى فشوف كده دائره اصدقائك او قرايبك لو مافيش يبقى كبر دماغك خاااالص

بالظبط أمن علي عربيتك كويس اوي ولو كلمك تاني معلش بلاش اسلوب حضرتك و افندم قوله هات من الاخر لو عندك حاجة قولها لاقيته بيلف و يدور اقفل السكة ولو اتصل تاني افتح الخط و اعمل الموبايل Mute و سيبه يعد ولو رن و قفل سيبه يرن

[NineVision]

امن على عربيتك كويس ياباشا وربنا يستر

هما الحرامية قبل اما يسرقوا دلوقتى بيقولوا هنسرق

[mazher_m]

هما الحرامية قبل اما يسرقوا دلوقتى بيقولوا هنسرق

مصر بلد العجايب

[khaled_legend]

اكيد اشتغاله تافهه

[chicobon]

maybe he s one of ur friends joking

[AHMED_DINAMO]

ده حد بيهزر معاك او حد من قرايبك او صحابك مسروقله عربيه
قوووله انت على حوار بلغت الشرطه يا ابن ال.,!#.!؟؟.
ولو اتصل تانى اظهرلو الشخصيه التهاميه وهو هيبطل بعدها

[misry]

حرص على عربيتك ...

[mero100]

حرص علي عربيتك لاحسن ترجع تدور علي رقم الراجل .. شكله مريض نفسي .. و كمان عارف إسمك ..
زي فيلم بطل من ورق .

الراجل ده حيجننك ..

إركن عربيتك في جراج و ربك يستر.

[Ayman-Ahmed]

اكيد اشتغاله تافهه

اتمنى.

maybe he s one of ur friends joking

If he is one of my friends,he should consider himself an Ex..

ده حد بيهزر معاك او حد من قرايبك او صحابك مسروقله عربيه
قوووله انت على حوار بلغت الشرطه يا ابن ال.,!#.!؟؟.
ولو اتصل تانى اظهرلو الشخصيه التهاميه وهو هيبطل بعدها

هههههه.معندكش فيديو للشخصية التهامية.

حرص على عربيتك ...

عملت اللى عليا والحمد لله.

أكيد نصباية ومن الأحسن أنة لو أتكلم تاني تقولة انك بلغت الشرطة وشوف رد فعلة أية
أكيد هيبطل

ربنا يسهل.

حط الرقم في screened list وريح دماغك

Screened list? ديه ممكن اعملها عن طريق الشركة ولا على التيلفون وخلاص.اصل ممكن يكلمنى من كذا رقم.

امن على عربيتك كويس ياباشا وربنا يستر

ربنا الستار والحمد لله عملت اللى عليا.

استاذ ايمن ازيك اولا بالنسبه للحوار ده هو ممكن ميكونش اشتغاله ممكن يكون حد من المقربيين ليك عربيته مسروقه وكان فيها رقم تليفونك انت او كارت ليك او موبيل صاحب العربيه عليه رقمك حاجه كده وده الى بيعملوه الى بيسرقو السيارات يكلموك وياخدو منك فلوس ويرجعوهالك تانى فشوف كده دائره اصدقائك او قرايبك لو مافيش يبقى كبر دماغك خاااالص

استاذ محمد.ااتمنى تكون بخير بامر الله وربنا يسترها على الجميع.

بالظبط أمن علي عربيتك كويس اوي ولو كلمك تاني معلش بلاش اسلوب حضرتك و افندم قوله هات من الاخر لو عندك حاجة قولها لاقيته بيلف و يدور اقفل السكة ولو اتصل تاني افتح الخط و اعمل الموبايل Mute و سيبه يعد ولو رن و قفل سيبه يرن

ربنا يسترها على الجميع بامره وكل الناس عندى بكلمهم باحترام( فى الاول) على الاقل وبعدين حسب.

هما الحرامية قبل اما يسرقوا دلوقتى بيقولوا هنسرق

ربنا يسترها على الجميع بامره.

[AHMED_DINAMO]

هههههه.معندكش فيديو للشخصية التهامية.

انا موقوف بسبب الكائن ده قبل كده بس عشان خاطرك خودله انت البوسيشن ده بعد كده

وانت فاهم الباقى بئا ههههههههههه