๑۩۞۩๑ موضوع اجتماعى مهم كيف تختار اهل من تناسبهم ๑۩۞۩๑

[atamim]

السلام عليكم روحمه الله و بركاته

موضوع اختيار من تناسب صعب جدا فى حاله الترشيح عن طريق قريب او صديق او حتى جار

لاى مدى ممكن تختار مستوى اقل و لاى مدى ممكن تختار مستوى اعلى منك

اقل منك حتحس بفرق كبير جدا فى التفكير و الكلام

اعلى منك حتحس ان رقبتك اتلوحت من كتر طلباتهم الى مستحيل تقدر عليها

انا والدى الله يرحمة كان مهندس و انا مهندس اترشحلى قبل كدة وحدة والدها كان مفتش فى السكة الحديد ووحدة تانية اترشحت كان والدها مدير فى فندق(فندق عادى )

مرحتش اشفهم خفت يكون مستوى التفكير او العائلة ثقافيا و اجتماعيا بعاد عنى

رحت لناس كل البيت دكاترة جامعة و بيشتغلوا فى الخليج طلبوا منى طلبات مهولة لدرجة مردتش عليهم و يا دوب قولت السلام عليكم و مشيت

واحد رشح وحدة والدها بيقول صوفى معتدل طيبة الصوفية كويسة بس معرفش منهجهم اى خصوصا المعتدلين فيهم

و نا س و ناو و ناس لدرجة بجد بقيت حيران اختار ازاى

المهم ناس قالولى ما يهمكش اهلها يكونوا اى المهم البنت و تعامل مع اهلها و خلاص
قولت لهم لازم يكونوا كلهم كويسين اخلاقيا ودينيا مش مشكلة ماديا المهم الاخلاق و الدين لانى مرة كنت مجرد بتفق مع ناس و لما اختلفنا حيكون معاد الخطوبة امتى لقيت شتايم و كلام نايب

حد يشور عليا ربنا يكرمة

[ahmed1981]

أولاً التوقيع بتاعك تعبني من الجري وراه :) :)

المهم أن الإختيار يبدأ بالدين والخلق
أولا الدين:
بمعنى المحافظة على أصول الدين مثل الصلاة والزكاة والصوم والحجاب وغيره من الأساسيات
عَنْ أَبِي هُرَيْرَةَ ـ رضى الله عنه ـ عَنِ النَّبِيِّ صلى الله عليه وسلم قَالَ " تُنْكَحُ الْمَرْأَةُ لأَرْبَعٍ لِمَالِهَا وَلِحَسَبِهَا وَجَمَالِهَا وَلِدِينِهَا، فَاظْفَرْ بِذَاتِ الدِّينِ تَرِبَتْ يَدَاكَ ".رواه البخاري
وإذا وجدت إمرأة ذات دين لكن أخلاقها سيئة فاهرب منها

ثانياً الخلق:
وهو من أهم الأمور
وإعلم أن أخلاق أهل المرأة لها نفس أهمية أخلاق المرأة
لأن هذه البيئة التي بها نشأت وتربت


ثالثاً المستوى المادي والإجتماعي:
يفضل أن يكون متقارباً وليس من الشرط أن يكون متساوياً تماماً لأنه من الممكن التوافق بين مستويات مختلفة ولكن بنسب محسوبة جداً ومدروسة بدقة وبدون تسرع


يقول الله تعالى:
(وَلاَ تَنكِحُوا المُشْرِكَاتِ حَتَّى يُؤْمِنَّ وَلأَمَةٌ مُّؤْمِنَةٌ خَيْرٌ مِّن مُّشْرِكَةٍ وَلَوْ أَعْجَبَتْكُمْ وَلاَ تُنكِحُوا المُشْرِكِينَ حَتَّى يُؤْمِنُوا وَلَعَبْدٌ مُّؤْمِنٌ خَيْرٌ مِّن مُّشْرِكٍ وَلَوْ أَعْجَبَكُمْ أُوْلَئِكَ يَدْعُونَ إِلَى النَّارِ وَاللَّهُ يَدْعُو إِلَى الجَنَّةِ وَالْمَغْفِرَةِ بِإِذْنِهِ وَيُبَيِّنُ آيَاتِهِ لِلنَّاسِ لَعَلَّهُمْ يَتَذَكَّرُونَ)
آية سورة البقرة

ولا تنسى صلاة الإستخارة وكررها قبل الذهاب لأي مقابلة خطبة فقد تجد نتيجة الإستخارة تمنعك من الذهاب
وكذلك كرر صلاة الإستخارة بعد المقابلة
وشاور الصالحين وأمك وأباك وأخوتك وأخواتك

وادعو الله كثيرا بتضرع في جنح الليل وأنت ساجد أن يرزقك بالصالحين من أهل الخلق والدين الذين هم نعم العون في أمور الدنيا والدين وخير رفيق في الدنيا وفي الجنة

[Hassan Khalil]

اذا اتكلمت في الموضوع ده .. فالكلام كتير ..
لكني حاطلب منك الرجوع لمجموعة شرائط باسم ( علي اعتاب الزواج/ تقريبا 4 او6 شرائط ) للدكتور / اكرم رضا .. و السلسلة دي حتقولك تعمل ايه و تترتب افكارك ازاي من ساعة ما تيجي تفكر في الموضوع مرورا بمراحل الاختيار و التوافق المادي و الاجتماعي و النفسي بين الطرفين و صولا للخطوبة و الفترة التي تليها حتي العقد ....
و الراجل ده من افضل من تكلم في موضوعات الخطوبة و الزواج و الاسرة ..
- اذا لم تجد هذه السلسلة قوللي و انا اجيبهالك ..
و ممكن اديلك لينك يفيدك في هذا الموضوع ..
http://www.islamway.com/?iw_s=Scholar&iw_a=lessons&scholar_id=504
تحياتي

[aif]

انا متفق تماما مع الزملاء
احب اضيف انك لو عاوز تشوف خطيبتك ح تبقى عاملة ازاي لما تبقى ام اولادك ....
شوف امها ....
فعلا تأثير الام علي بناتها كبير جدا