هو الكلام ده مظبوط او منطقي :الي من يهمة الامر عن معرفة نانو ايجيبت ..

[Moustafa.yonis]

طبعا كلنا سمعنا ان فيه عربية اسمها نانو وسعرها رخيص لكن كل ماكتب عن العربية كان خاطئ وانا واحد من الناس روحت شفت العربية قدام عيني وعرفت كل حاجة عنها اللي تقريبا معظمنا مهتم انو يعرفها

اولا العر
بية بتصميم وافكار مصرية لكن مصنعة في الصين لعدم تعاون المصانع المصرية للانتاج المصري


ثانيا سعر العربية 25 الف جنية مصري وممكن تقسيطها عن طريق بنك ناصر بمقدم 5000 وقسط شهري 350 جنية وكل ده بصورة البطاقة ووصل النور فقط

ثالثا العربية مصممة بطريقة فعلا انها تلائم الطرق المصرية والمستهلك المصري ومن اهم المميزات اللي في العربية

1 – العربية بتقدر تستحمل اعلي درجات الحرارة بدون ما الماتور يسخن لان ماتور العربية من ورا وليها ردياتير بمروحة من قدام يعني دورة المياة اللي داخلة للماتور باردة لذلك العربية مبتسخنش
2 – العربية كلها مصنعة من الحديد وللتوضيح ان مثيلتها الهندية مصنوعة من البلاستيك والفيبر لكن نانو ايجبت مصنوعة كلها من الصاج حتي الاكصدامات من الصاج وعلي فكرة صاج تقيل مش زي اللي موجود دلوقتي في العربيات الحديثة
3 –العربية عالية عن الارض علشان متتأثرش بالمطبات
4 _فيها كاوتش بيلحم نفسو بنفسو
5 –العربية منظرها جميل وصغيرة وواسعة من جوا
6-الماتور 650 سي سي واحد سلندر والسرعة القصوي 80 او 90 كم/ س بعكس مثيلتها نانو الهندية 625 سي سي اتنين سلندر وسرعتها القصوي 70 كم/ س وكمان اللي جربو العربية قالو انها في السفر بتوصل ل 100 كم/ س
7-العربية بدون اسبراتير لانها واحد سلندر يعني مفيهاش اعطال الكهربا وكمان بدون سيور يعني مفيهاش اعطال قطع سيور الماتور
8 –العربية بتستهلك 1 لتر بنزين لكل 30 كلم

ودي يعتبر اهم مميزات العربية لكن فيه مميزات تاني انا بعتبرها كماليات مثلا
1- فتحة سقف
2- باور
3- تكيف سخن
4- فوانيس شبورة
5- سبويلر خلفي مضئ
6- كاسيت حديث

وده تقريبا كل حاجة محتاجين نعرفها عن نانو ايجيبت وياريت بجد اننا نشجع افكار بلدنا ونحاول كمان ان يكون التصنيع في مصر علشان ده بجد هيفرق معانا كتير ويكفي اننا وضعنا اقدامنا علي اول الطريق متمنين لفريق عمل نانو ايجبت النجاح

الوكيل : المصرية للاستيراد الوكيل الوحيد للسيارة نانو ايجيبت
العنوان : 54 ش عرفات - حدائق القبة - القاهرة


المصدر / NANO EGYPT

منقول

[Moustafa.yonis]

يعني يا جماعة منطقي ان عربية تكون سلندر واحد وتمشي 30 كيلو بلتر واحد.

[NaderNabil]

يا فندم العربية دي مش هاتلحق تخلص مدة القسط بتاعها و هي لسة موجودة....هتتلاشى بمرور الزمن بمجرد وقوفها في العراء

كانت نزلت من فترة في معرض فورميولا باين...و كانت حاجة تعر بصراحة!

[Samah AbdAllah]

مش دى اللى ب 3عجلات شبه التوك توك :-)

[elpasha1]

NANO EGYPT

[محمد عز]

– العربية كلها مصنعة من الحديد وللتوضيح ان مثيلتها الهندية مصنوعة من البلاستيك والفيبر لكن نانو ايجبت مصنوعة كلها من الصاج حتي الاكصدامات من الصاج وعلي فكرة صاج تقيل مش زي اللي موجود دلوقتي في العربيات الحديثة

علشان اول حادثة تحصل اللى جواها يتوفى بالاضافة الى تدمير السيارة الاخرى وتفضل العربية الحديد زى ماهي

فيها كاوتش بيلحم نفسو بنفسو

لا تعليق

3- تكيف سخن

وليه مش تكييف بارد

الخلاصة انها ولا عربية ولا يحزنون وعبارة عن تكوتوك باربع عجلات

[Mzeid]

توك توك على نظيف ليس اكثر

و الناس اللي هتقول شجعوا و متشجعوش .... الحمد لله من اكتر الحاجات اللي بكرها هي التشاؤم و السلبية و عدم الطموح
بس لما يبقى فيه مشروع جدي ابقى اشجعه

[waelfarid]

هي ممكن تكسب لو البنزين غلي جامد مع ضيق الشوارع والزحمة وقلة القيمة في المواصلات العامة وسعر قطع الغيار ايه
وبعدين الزعلان من مراته يجيب لها واحده من دي مش واحده تانية هههه علشان صاجها محمل كويس

[تامر.محمد]

في المجمل الموضوع ماليش اعتراض عليه غير مسألةالصاج الناشف

صاج ناشف = اللي سايقها مش هايخاف عليها و بالتالي هايبلطج على العربيات التانية زي اللي بيعملوه سواقين التوكتوك و الشاهين و اللادا و العربيات الناشفة كلها + انه لو خبط حد ماشي هايكسره خالص + انه لو حصلت حادثة كبيرة هو شخصيا هايتفرم جواها زي اي عربية قديمة

التكييف السخن : لأن طبعا الموتور الصغير مش هايقدر يشغل كومبريسور تكييف , ده منطقي و ان كانت مشكلة بايخة اوي
و الكاوتش اللي بيلحم نفسه اكيد كاوتش عادي معمول له تسليح , و ماله ؟


اتمنى تكون حاجة ايجابية و تكمل صح

[khaled_legend]

اتمني البدء في تصنيع السيارات الكهربائيه نظرا لقرب انتهاء المخزون العالمي من البترول