خالد يموت مره اخرى

[khaled sabry]

هو طيب ايه الحل فى الداخليه ؟؟؟
يعنى اختفو ساعت الثوره ... و لما رجعو رجعو على استحياء و الناس كانو "بيفو" على العساكر و الظباط حرفيا او كانو بيشاورلهم بإشارات بذيئه و الظباط و العساكر ماكنوش يقدرو يفتحو بقهم - و ده حصل قدامى شخصيا
الناهرده قرأت المقاله دى للرأع احمد خالد توفيق
أحمد خالد توفيق: خالد يموت من جديد

بعد ماقريتها فكرت ايه الحل ... ده حتى رئيس الجمهوريه مش محترمينه
عارف انهم بقالهم 30 سنه بيبهدلو فى الشعب و بيتخرجو من كليه الشرطه و هما فاكرين نفسهم اسياد البلد مش مجرد حارس عليها
طيب احنا نعمل ايه كشعب ؟؟؟

و بصراحه لو الموقف ده حصل قدامك كنت حتعمل ايه ؟؟

[SeiffoZ]

مفيش حل .

الحرب الاهلية و بناء دولة جديدة " الجمهورية المصرية"

[khaled sabry]

حضرتك متأكد من ان ده الحل فعلا ؟؟
الاول الحرب الاهليه دى حتبقى بين مين و مين ؟؟؟
و ماننساش النسبه المرعبه من الغير متعلمين و البلطجيه اللى فى البلد دلوقتى و اللى بداءو يظهرو بقوه بعد الثوره و الاغانى السرسجيه اللى كنا بنسمعها فى الميكروباصات بس دلوقتى بقينا نسمعها فى التلفزيون و بيعملو حفلات فى اوروبا كمان !!!!!!
يتهيألى لو حصلت حرب اهليه الفيئه دى هى اللى فعلا حتتسيد البلد
الحل من وجهة نظرى فى اصلاح التعليم اولا