ترخيص السلاح

[BESO516]

بعد اذنكو ياجماعه كان معايا سلاح شخصى ( صوت ) والتر المانى 8مل وكنت عايز اعمل رخصه ليه عشان مش عارف اخرجه من البيت بصراحه وخصوصا بليل وانا خارج وانا البيت عندى فحته هاديه ومفيهاش حد
فأيه الأجراءات بالتفصيل علما ان قريت الشروط اللى محدداها وزاره الداخليه وكلها تنطبق عليا بس مش عارف فين الأمن العام ده اللى بيشترو منه الأقرار بحمل السلاح وتقديمه ؟؟

[khaled sabry]

سيدى الفاضل المسدس الصوت مالهوش ترخيص اصلا
بس لو كان ماسورته مفتوحه فيبقى ممنوع اساسا انك تشيله

[masterzmind]

سيدى الفاضل المسدس الصوت مالهوش ترخيص اصلا
بس لو كان ماسورته مفتوحه فيبقى ممنوع اساسا انك تشيله

يعنى ايه مسوره مفتوحه

[msobhy]

سيدى الفاضل المسدس الصوت مالهوش ترخيص اصلا
بس لو كان ماسورته مفتوحه فيبقى ممنوع اساسا انك تشيله

متهيألى حضرتك لو ماسوره مفتوحه من المنشأ - يبقى مفيش مشكله
المشكله لو كان فى المسدس طلقات راكب عليها بلى - ساعهتا بتعتبر قضة علشان بيعتبروه سلاح نارى وله مقذوف

[khaled_legend]

بعد اذنكو ياجماعه كان معايا سلاح شخصى ( صوت ) والتر المانى 8مل وكنت عايز اعمل رخصه ليه عشان مش عارف اخرجه من البيت بصراحه وخصوصا بليل وانا خارج وانا البيت عندى فحته هاديه ومفيهاش حد
فأيه الأجراءات بالتفصيل علما ان قريت الشروط اللى محدداها وزاره الداخليه وكلها تنطبق عليا بس مش عارف فين الأمن العام ده اللى بيشترو منه الأقرار بحمل السلاح وتقديمه ؟؟

لماذا اشتريته طالما خائف من النزول به بالخارج ؟ و لا يوجد تراخيص للاسلحه الصوت

[BESO516]

انا شاريه فى شهر واحد اللى فات عشان الأحداث اللى كانت فيها البلد وعشان لو كان حصل اى حاجه كده ولا كده وخصوصا ان فحته هاديه اوى اوى ومش ساكل معيا فى العماره غير 7 شقق من اجمالى 44 بعنى لاقدر الله لو كان حصل حاجه محدش هيسعفنى ساعتها فكان بالنسبالى اامن بيه نفسى وعيلتى ...... بس

[Land_Cruiser]

مسدس الصوت كده كده ملوش ترخيص يا فندم و الممنوع هو اللى بيضرب بلى ده و طبعا اللى بيتعدل برضه ممنوع و خطر فى نفس الوقت. هو بس مسدس الصوت ده حضرتك ممكن تخوف به كلب ضال مثلا لكن فى حاله لو لاقدر الله حرامية او قطاع طرق الموضوع ده ممكن يبقى مصدر للخطر عليك لان الناس دى بتبقى مسلحه بسلاح حقيقى و ممكن يفتكر ان اللى معاك حقيقى برضه فيضرب عليك نار قبل ما تبدأ انت و بكده هيكون مصدر للمشاكل لحضرتك مش امان

[walidzakzok]

فعلا المسدس الصوت مالوش اي لازمة ومايساويش تمنه لان انت هاتعتمد على ان اللي قدامك هيخاف بسببه لكن اي حد بلطجي او سرسجي اتعرضلك مش هايفرق معاه لانهم بيبقوا مبلبعين مخدرات ومش فارق معاهم بالعكس انت هتثيره بشكل المسدس وممكن ياذيك عشان يسرقه منك او عشان هيخاف انك تعوره بيه يعني في كل الاحوال انت الخسران هاتلك صاعق او اسبراي احسن