العراقيين والسوريين

[أحمد كمال]

سبحان الله نفس الكلام اللي بيقولوه الخليجيين على العمالة المصرية هناك وكنا بنعيب عليهم ونتحجج ان الرزق من الله وان المسلمين اخوة وان مفيش اصلا حدود بين بلاد المسلمين

يبقى لما يجي سوري او عراقي حظه العسر ان جه على مصر ((اللي المصريين عاوزين يهجوا منها اصلا )) نقوم نعمل فيها كأننا بنستضيفهم في السويد

هل تعرف انه مثلا من خمس سنين كان نسبة العمالة المصرية غير النظامية في السعودية اكتر من 70% من العمالة المصرية (( يبقى حلال فينا اللى كانوا بيعملوه في المصريين والله))

هل تعرف ان مصر دي مبنية من اموال العراق ((ايام ما كان العراق عراق )) يبقى لما يجي اخ عراقي لسبب ظروف او من غير سبب خالص علشان يعيش ويسيترزق عندنا يبقى هو ده كلامنا وانطباعنا

هل تعرف ان هناك الاف العمال المصريين في السودان والسودان اصلا عندها مشاكل كتيير من بطالة وخلافة تحب تسمع حد يقولك الكلام ده


على العموم المبادئ لا تتجزأ يعني مش عاوزين اي اخ عربي لاي سبب يجي يسترزق عندنا علشان احنا اولى بخير بلدنا !!!!!يبقى برضوا احنا نلم العمالة المصرية اللي في كل الدول العربية ونسيب خير الدول العربية لشعوبها بقى و

مفيش حد يقولي نظامي ومش نظامي بالله عليكم

دا احنا شوية اللي بيتعمل فينا بره والله علشان احنا نستهاله

اللون الاحمر مخصص فقط للمداخلات الادارية
مشرف 6 ب
5.11pm
12/11/2012

انا مع السوريين بوضعهم الحالي ان محدش يتعرض لهم

العراق دلوقتي فيه فلوس و ارزاق اكتر و وضعه اتحسن كتير


اللي مش معاه اقامة نظامية مع الف سلامة و انا ضد عمل المصريين بالخارج بغير اقامة نظامية


على فكرة انا واحد من الالاف اللي في السودان ...... و احنا هنا عشان الاتفاقية تسمح لنا بكده و وضعنا قانوني 100% و لو الحكومة هنا شايفة ضرر من وجودنا كانت قننت وضعنا و وجودنا في البلد و خليتنا نقدم على فيزا او اقامة او تصريح عمل


رقم 70% من العمالة المصرية بالسعودية ده مبالغ فيه شويتين ...... و حتى لو حقيقي ........ اللي يشتغل في الازرق يستاهل ان اهل و حكومة البلد المضيف يشتغلوا له في الازرق


معاك اقامة و تصريح عمل تحطهم في عين التخين ...... غير كده مع الف سلامة

[pro_samir]

وكمان مبهدلين الدنيا في شغل الاسنان الزبالة اللي بيعملوه والناس -الفلاحين بالذات- بيسترخصوا

وبعدين بيطلعوا عينينا احنا علشان نصلح الهباب اللي عملوه ...

بصراحة حاجة تقرف ...

هم مشهورين بالموضوع ده ولا ايه !

من كام يوم بعد الصلاه لاقيت الراجل بينادي في الميكروفون "أخ سوري محتاج لمساعده وبيشتغل في صناعة الاسنان لو حد عايز" !!!

[subhimust]

انا مع السوريين بوضعهم الحالي ان محدش يتعرض لهم

العراق دلوقتي فيه فلوس و ارزاق اكتر و وضعه اتحسن كتير


اللي مش معاه اقامة نظامية مع الف سلامة و انا ضد عمل المصريين بالخارج بغير اقامة نظامية


على فكرة انا واحد من الالاف اللي في السودان ...... و احنا هنا عشان الاتفاقية تسمح لنا بكده و وضعنا قانوني 100% و لو الحكومة هنا شايفة ضرر من وجودنا كانت قننت وضعنا و وجودنا في البلد و خليتنا نقدم على فيزا او اقامة او تصريح عمل


رقم 70% من العمالة المصرية بالسعودية ده مبالغ فيه شويتين ...... و حتى لو حقيقي ........ اللي يشتغل في الازرق يستاهل ان اهل و حكومة البلد المضيف يشتغلوا له في الازرق


معاك اقامة و تصريح عمل تحطهم في عين التخين ...... غير كده مع الف سلامة

ما هو ياباشا سوريا كان فيها عمالة مصرية قبل كده والحياه عندهم مش مزهزه يعني

بالنسبة لرقم 70% مش مبالغ فيه ولا حاجة غالبية العمالة المصرية غير ذوي المؤهلات العليا في السعودية غير نظامين ما هو صعب عليه يشتري اقامة ب20000 جنيه ده غير مصاريف تجديد سنوي وخلافة 3000جنيه ده غير مشاكل صاحب العمل مع مكتب العمل من سعودة وخلافة فالكل بيستسهل الموضوع ويبقى غير نظامي مجبر اخاك لا بطل
ة احنا لينا مشروع جاري في السعودية وغالبية العمالة عندنا مش نظامية لان مشاكلك مع السعودة لن تنتهي
بالنسبة للسودان ربنا يباركلك في شغلك ولكن هما عندهم مشاكل ولاكن العمالة المصرية والاتفاقيات دي كله شغل سياسة هما نفسهم ان مصر تساعدهم سياسيا واقتصاديا ولكن مفيش امل

المشكلة يا باشا ان احنا مثلا لما تيجي نكلم على السودان مش بنقول مثلا ازاي نعمل تكامل بينا وبين السودان لا بنقول ازاي نستغل السودان ازاي نسغل ليبيا و..........
فكرنا كله ازاي نستغل مش ازاي نتكامل ونفيد ونستفيد
شكرا على الرد والاهتمام

[misry]

هم مشهورين بالموضوع ده ولا ايه !

من كام يوم بعد الصلاه لاقيت الراجل بينادي في الميكروفون "أخ سوري محتاج لمساعده وبيشتغل في صناعة الاسنان لو حد عايز" !!!

وموجودين من زمان كمان بس دلوقتي زادوا جدااااااا ... وزي ما بقول لك شغلهم زبالة بصراحة

بس الناس بتسترخص كالعادة وبعدين يندموا ...

[A.Saad]

المقارنة بين المصريين فى الخليج والسوريين والعراقيين هنا مش منصفة
لان المصريين اول دخولهم الدول العربية كان فى وقت الدول دى بتعانى من نقص العمالة الوطنية المدربة
وكانوا بيجيبوا المصريين والسوريين والفلسطينيين علشان يسدوا عدم تدريب ابناء بلادهم ويتعلموا منهم
وحاليا العمالة هناك اقل من زمان بكتير

لكن العراقيين والسوريين بييجوا هنا فى تخصصات مش محتاجة مهارات فنية
ولا فيها نقص عمالة

[naser_56]

والله بصراحه هما المفروض العراقيين علي العين والراس ولكن السوريين اسمحولي اندل خلق الله ده حتي في الكويت ماحدش بيطيقهم اصلا

[Hussein_Emara]

والله بصراحه هما المفروض العراقيين علي العين والراس ولكن السوريين اسمحولي اندل خلق الله ده حتي في الكويت ماحدش بيطيقهم اصلا

التعميم غلط!

طبعا انت عارف المصريين بيتقال عليهم إيه, مش في الكويت بس. هل معنى ذلك ان الصفات التي تطلق على العموم تلصق بشعوب؟!!!!

[dr.hazem]

حبيب قلبي

انا صاحبي طليقته (و مش مخلف منها) مش مصرية

و لغى اقامتها

و كسرت فيزا سنة و نص

و شرشحت له في شغله

و هددته بخطف ابنه

ده المصري بيبقى برة مصر و اقامته سليمة و بيبقى ماشي جنب الحيط

مش كاسر فيزا سنة و نص و يروح لمكان عمل (بنك محترم) و يشرشح !!!!!!!

اذا عرف السبب بطل العجب

راح الجوازات يشتكيها

و معاه عنوانها

و عنوان شغلها (اللي شغالة فيه من غير اقامة عمل و لا تصريح عمل و لا اي هباب)

و قالوا له مش فاضيين و لا بنروح ندور على حد

و اللي يكسر يكسر و اما ييجي يخرج يدفع غرامة

طبعا قلت ماشي يبقى فيه غرامة محترمة تجيب دخل للبلد تعوض عن كسر الفيزا

في السودان 30 جنيه في اليوم

في السعودية - بس مش متاكد - 100 ريال في اليوم

الخ الخ الخ

هنا في مصر بقى كام

132 جنيه في الست شهوور ........

و مش عايز ردود فعل قبيحة عشان ماحدش يتوقف

في السعودية كسر فيزا الزيارة يوم غرامته 10 آلاف ريال على المستقدم اما تمديد الزياره الشهر ب100 ريال...
الاردن كسر يوم بدينارين...
تحياتي

Sent from my LT18i using Forum Runner

[dr.hazem]

وموجودين من زمان كمان بس دلوقتي زادوا جدااااااا ... وزي ما بقول لك شغلهم زبالة بصراحة

بس الناس بتسترخص كالعادة وبعدين يندموا ...

مع احترامي لحضرتك لكن أفضل من يشتغل في السنان أطباء الأسنان السوريين جربت شغلهم في السعودية والاردن وفي سوريا ومحترفين جدا ودي مض وجهة نظري إنما يستحقو عن جدارة وكل شئ في الكويس وفي الوحش وبالنسبالي اسوأ من مد ايده في بقي كانوا من مصر سواء في مصر او في السعودية.... وده مش معناه ان المصريين مش شاطرين لكن جايز حظي كان سئ فقط...
يا ريت نبطل نعمم...
تحياتي

Sent from my LT18i using Forum Runner

[dr.hazem]

سبحان الله نفس الكلام اللي بيقولوه الخليجيين على العمالة المصرية هناك وكنا بنعيب عليهم ونتحجج ان الرزق من الله وان المسلمين اخوة وان مفيش اصلا حدود بين بلاد المسلمين

يبقى لما يجي سوري او عراقي حظه العسر ان جه على مصر ((اللي المصريين عاوزين يهجوا منها اصلا )) نقوم نعمل فيها كأننا بنستضيفهم في السويد

هل تعرف انه مثلا من خمس سنين كان نسبة العمالة المصرية غير النظامية في السعودية اكتر من 70% من العمالة المصرية (( يبقى حلال فينا اللى كانوا بيعملوه في المصريين والله))

هل تعرف ان مصر دي مبنية من اموال العراق ((ايام ما كان العراق عراق )) يبقى لما يجي اخ عراقي لسبب ظروف او من غير سبب خالص علشان يعيش ويسيترزق عندنا يبقى هو ده كلامنا وانطباعنا

هل تعرف ان هناك الاف العمال المصريين في السودان والسودان اصلا عندها مشاكل كتيير من بطالة وخلافة تحب تسمع حد يقولك الكلام ده

على العموم المبادئ لا تتجزأ يعني مش عاوزين اي اخ عربي لاي سبب يجي يسترزق عندنا علشان احنا اولى بخير بلدنا !!!!!يبقى برضوا احنا نلم العمالة المصرية اللي في كل الدول العربية ونسيب خير الدول العربية لشعوبها بقى و

مفيش حد يقولي نظامي ومش نظامي بالله عليكم

دا احنا شوية اللي بيتعمل فينا بره والله علشان احنا نستهاله

اللون الاحمر مخصص فقط للمداخلات الادارية
مشرف 6 ب
5.11pm
12/11/2012

جزاك الله خيرا على كلامك الجميل...
تحياتي

Sent from my LT18i using Forum Runner

[dr.hazem]

بالمناسبة...
أكبر عدد من اللاجئين السوريين حاليا في الاردن ومن قبلهم العراقيين وقد ما الأردن بلد فقير الا انه محتضن الناس دي فوق ما تتخيل...
تحياتي

Sent from my LT18i using Forum Runner

[naser_56]

التعميم غلط!

طبعا انت عارف المصريين بيتقال عليهم إيه, مش في الكويت بس. هل معنى ذلك ان الصفات التي تطلق على العموم تلصق بشعوب؟!!!!

متفق تماما

[misry]

مع احترامي لحضرتك لكن أفضل من يشتغل في السنان أطباء الأسنان السوريين جربت شغلهم في السعودية والاردن وفي سوريا ومحترفين جدا ودي مض وجهة نظري إنما يستحقو عن جدارة وكل شئ في الكويس وفي الوحش وبالنسبالي اسوأ من مد ايده في بقي كانوا من مصر سواء في مصر او في السعودية.... وده مش معناه ان المصريين مش شاطرين لكن جايز حظي كان سئ فقط...
يا ريت نبطل نعمم...
تحياتي

sent from my lt18i using forum runner

تعالى عندي يا باشا وأنا أوريك شغلهم حلو ازاي ... ولو شغلهم حلو كانوا اشتغلوا في المدن

مش مركزين على القرى والفلاحين بس ... وأنا لا أعمم بس معظم الشغل اللي شقته اقل ما يقال

عنه انه زبالة ...

[dr.hazem]

تعالى عندي يا باشا وأنا أوريك شغلهم حلو ازاي ... ولو شغلهم حلو كانوا اشتغلوا في المدن

مش مركزين على القرى والفلاحين بس ... وأنا لا أعمم بس معظم الشغل اللي شقته اقل ما يقال

عنه انه زبالة ...

من غير ما آجي عندك...
الخلايجة كلهم لما بيبقى عندهم مشاكل جامدة و محتاجين تركيبات ونلبيسات وما الى ذلك بياخدو جلابيتهم في بقهم وجري على سوريا لان الحاجات دي مش كل يوم بتتعمل...
طبعا ده قبل الأحداث الجارية في سوريا
بل انه في شركات طبية في السعودية بالإضافة إلى مستوصفات بيستوردو الماتيريالز يتاعتهم الخاصة بشغل الأسنان من سوريا لانهم بيصنعو كل حاجة محليا ما شاء الله....
فأيا كان النموذج اللي حضرتك شفته فهو لا يمثل اي شيء بالنسبة لسوريا..
اه صحيح.. من كتر ما السوريين مشهورين بشغل الاسنان في اماكن شغل الأسنان بيتعمل فيها في الشارع عالواقف تقولش حلاقين
ههههههههههههههههه
تحياتي

Sent from my LT18i using Forum Runner

[subhimust]

المقارنة بين المصريين فى الخليج والسوريين والعراقيين هنا مش منصفة
لان المصريين اول دخولهم الدول العربية كان فى وقت الدول دى بتعانى من نقص العمالة الوطنية المدربة
وكانوا بيجيبوا المصريين والسوريين والفلسطينيين علشان يسدوا عدم تدريب ابناء بلادهم ويتعلموا منهم
وحاليا العمالة هناك اقل من زمان بكتير

لكن العراقيين والسوريين بييجوا هنا فى تخصصات مش محتاجة مهارات فنية
ولا فيها نقص عمالة

اولا يا باشا المقصود من الموضوع طالما اني انا باسافر اشتغل في اي دولة عربية يبقى مزعلش لو اي حد من اي دولة جه يشتغل عندي برضه يعني نفع واسنفع
وبعدين يا ياشا غالبية العمالة المصرية في الخليج او ليبيا او اوروبا هي تخصصات مش محتاجة مهارات فتية وبعدين يا باشا اي تخصص اجنبي بيضر بأبن البلد حتى لو كان في امريكا
لان المصري في الخليج او اوروبا اجره اقل من ابن البلد بكتير فيضطر صاحب العمل يشغله عشان يستفيد من رخص اجره وابن البلد عطلان اما لو مفيش مصري رخيص مثلا كان صاحب العمل شغل ابن البلد بأجره الطبيعي اللي هوه ضعف المصري مرتين على الاقل
عرفت ازاي بقى ياباشا اي مصري شغال في اي بلد بره بيضر برضه ابن البلد
فبلاش نبص ليها من زاوية ضيقة وان احنا بنسافر تشتغل بره تنازل منا ولا حاجة
انا كنت طالب اسنان جامعة خاصة وكان معانا شباب كتير عربي شغله حلو بس هو لو مشتغلش عندهم في الحكومة 20000جنيه شهريا مش هيعرف يشتغل لانه صاحب المنشأه الخاصة عندهم يجيب دكتور مصري 6000ريال في الشهر ولا يشغل ابن بلده ب20000

يعني انت برضه رايح بلده علشان تزاحمه في اكل عيشة وبترضى براتب اقل منه 3 مرات يعني مفيش امل عنده خالص