هل يوجد مايمسي بالجن العاشق ؟

[Hossam_hassan4]

دا لو كان كلب أصلاً - سامحوه ما يعرفش

:D :D !!! و دي المفجاه

[Motaz.Habib]

دا لو كان كلب أصلاً - سامحوه ما يعرفش

يعنى انا بقالى فوق السنة بيضحك عليا

لا لا لا انا همشى من عند جامع السلام احسن

ههههههههههههه

[Al-Farooq]

انا داخل اهزر على الموضوع اقول يا راجل كبر مخك ، لبست 11 صفحة قرأتهم كلهم ههههههههههههه
والدنيا ليل وقاعد لوحدي ، مش هزود الموضوع واقول تجربتي فى الموضوع دة ، علشان المساكين بس :d
جن عاشق ايه بس ، هو هيرعبنا ويشتغل حب كمان ، دة حب مرعب هههههه
ياجدعان اهم حاجة الاذكار ،
بسم الله الذي لا يضر مع اسمه شئ فى الارض ولا فى السماء وهو السميع العليم ( 3 مرات)
واعوذ بكلمات الله التامات من شر ما خلق
و آية الكرسي ،
وياسلام لو صلاة الفجر فى وقتها او فى جماعة بالنسبة للرجالة
--
بخلاف طبعاً الاستعاذة من الشيطان الرجيم.

[CryptonX]

للاسف مع احترامي لكل الناس مع حفظ المقامات .. .عمري مابعترف باي من هذه القصص ... حتى لو هي حقيقية .. وللكنها تخالف عقلي البسيط :)

[nab!l]

للاسف مع احترامي لكل الناس مع حفظ المقامات .. .عمري مابعترف باي من هذه القصص ... حتى لو هي حقيقية .. وللكنها تخالف عقلي البسيط :)

يبقى لازم تجرب بنفسك عشان تعترف بالقصص
متستعجلش

[midooo_119]

للاسف مع احترامي لكل الناس مع حفظ المقامات .. .عمري مابعترف باي من هذه القصص ... حتى لو هي حقيقية .. وللكنها تخالف عقلي البسيط :)

اكيد هتخالف عقل حضرتك البسيط لانها حاجات غـيـبـيـة و عالم جعله الله من فضله علينا غير مرئى و لكن فيه حاجات لازم نؤمن بيها من غير مانستخدم العقل زى الجنة و النار و الملائكة و يوم القيامة كلها حاجات ماشوفنهاش لكننا مؤمنين بيها .. ده احنا بنؤمن بأله عمرنا ما شفناه لان مش كل حاجه يدركها العقل

[msobhy]

قصه حقيقه بنسبة 1000%
اولا احب أاك على حاجه - انا مش بصدق أى كلام بيتقال على الموضوع ديه تحت أى بند وتحت أى مسمى
وفعلا بنسب كل الحكايات ديه يا أما للخرفات أو ارهاق الاشخاص أو المخدرات
المهم ان أغلب القصص ديه (أغلبها) فشنك
طيب القصه اللى هاقولها مش مرعبه - ومفيهاش حاجه لكنها حقيقية تماما
بدأت القصه سنة 1998
واحد كنت بهزر معاه بخصوص الجن وعازمنى انى اروح عند واحد بيحضر الجن وبيقرأ الفنجان - طبعا هاريته تريقه وسخريه والموقف عدى بدون أى مشاكل لكن اللى لفت نظرى الراجل قال لى كلمه غريبه - ان نجمى جامد - طبعا سألته يعنى ايه نجمى جامد يا عمى العبقرى - قالى انت مش بتسمع عن ناس نجمها خفيف - انت نجمك جامد وقوى وممكن نعمل مع بعض شغل جااااااامد
طبعا انا ضحكت له وكبرت دماغى وقلت لصاحبى أول لما أفكر انى اشتغل دجال هابقى ابعت له ال CV بتاعتى
وخلص على كده الكلام......
.
سنة 2000 كنت شغال مع عمال وكانوا بيحفروا بير ميه - فى بداية الحفر كانوا شغالين بمنتهى الهمه والنشاط - بعد كده كلهم مش عايزين يشتغالوا - الكل بيغيب - لدرجة انهم كانوا 12 عامل - فى يوم من الايام لاقينا 3 بس
المهم وانا قاعد جنب البير لاقيت كوعى اليمين بيتهز اهتزاز غريب جدا - زى ما يكون فيه حد مركب له vibration
مش عارف انا عملت كده ليه لكن زى ما اكون بكلم كوعى وزعقت له وقلت له (بس) بصوت عاااااااااالى جدا - والغريبة ان الاهتزاز اللى فى كوعى اختفى تماما - وبرضو خلص الكلام على كده !!!!!!!!!!!!!!
بداية 2001 كانت بداية المشكلة
بدأ الموضوع بأن عندنا شقه مغلقه من سنة 1986 وكل اللى بنعمله فى الشقه ديه اننا نرمى جواها الكراكيب بتاعت البيت كله
فيه غرفه والدى رحمه الله كان مسميها اوضة الكتب
الاوضه ديه مفيش حد كان بيدخلها غير فى نهاية كل سنه دراسيه علشان نرمى الكتب فيه - ومحدش يسأل ليه لأن ابويا كان دايما بيصر اننا نحتفظ بالكتب ديه
أخدت القرار انى انضف الغرفه ديه وارمى الكتب
كمية كتب كبييييييييييييييييييييييييييييييره جدا وكمية اتربه مهوووووووووووووووووووووله
بدأت أشتغل لمدة ساعتين لغاية لما اتبهدلت صح وطالع لأمى زى ما اكون طالع من التربه - معفر ومتبهدل تراب وعنيه عماله تروح شمال ويمين - واخدين بالكو من شمال ويمين ديه
والدتى هيه اللى لاحظت موضوع عينى ده وسالتنى قلت لها عادى - تلاقى فيها تراب
اخدت حمامى وفضلت عينى مش مظبوطه لغاية لما نمت وصحيت تانى - عينى اتظبطت وبدأ الاستهبال
صداع غريب على طول بدون اى سبب - وارتفاع فى ضغط الدم بدون اى سبب - وتغير فى بشرة جلدى بدون أى سبب - وكانت المصيب اللى بجد انى بقيت جبان جدااااااااااااااااااا - وكانت بتجيلى كوابيس مهوله والحمد لله انى مش فاكر منها اى حاجه
لفيت على كل الدكاتره
وكله فشل
اللى يقول لى ضغط وراثى - واللى يقولى تعب نفسى - واللى يقولى اعمل نظاره - واللى يقولى اعمل عايشه لما زهقت
شخصا ما نصحنى بأنى أروح لأى شيخ كبير أحكى له على اللى حصل - ومش ناس من بتوع السحر
روحت لشيخ السيده زينب الشهاده لله الراجل قابلنى مقابله كويسه جدا وحس قد ايه انا مكسوف وانا بكلمه فى الموضوع ده - لدرجة انه انهى الكلام علشان يعفينى من الاحراج وقال لى أقرأ قراءن كتير وطول ما انت فاضى أقرأ أية الكرسى
بدأت أستريح لكن بجد معنديش وصف للى كنت فيه غير ان - انا مش أنا
.
المهم بشكلا ما جه واحد (أخد فلوس - لكن رمزيه جدا) قعد يسمعنى حاجات وكان مصر انى افضل مغمض عينى وانا مش مقتنع باللى هو بيقوله - لكن فجأه لمحت زى ما يكون حد نور لمبه قدام عينى بالظبط وانا مغمض - وطبعا فتحت عينى ملقتش حاجه - وقلت ان يمكن ده بسبب انى مغمض عينى لأكتر من 30 دقيقه
.
بعدها الراجل ده قال باللفظ وقدامى - ابنكم اتهبش كذا مره مش مره واحده - ولولا انه جامد كان راح فيها (بعدها افتكرت كلام الدجال اللى قال لى ان نجمى جامد)
طبعا كل الكلام قابلته بكمية تريقه مهوله وعلى رأسها انك فعلا لو بتعرف تعمل حاجه حرك الكوبيه اللى قدامى - طيب خلى اى جن يلبسنى وهو مبتسم ولسع القرشين وخلع
المصيبه بجد وانا بكدب نفسى وانا بكتب الكلام ده انى خفيت تماما بعدها
والله ديه أول مره حد يعرف الكلام ده كاملا لأن بأحرج جدا منه

[CryptonX]

اكيد هتخالف عقل حضرتك البسيط لانها حاجات غـيـبـيـة و عالم جعله الله من فضله علينا غير مرئى و لكن فيه حاجات لازم نؤمن بيها من غير مانستخدم العقل زى الجنة و النار و الملائكة و يوم القيامة كلها حاجات ماشوفنهاش لكننا مؤمنين بيها .. ده احنا بنؤمن بأله عمرنا ما شفناه لان مش كل حاجه يدركها العقل

منا فاهم .. انا مؤمن بوجود هذه الاشياء .. لكن للاسف مبصدقش حد لما يحكي قصى مش اكتر :)