خلاص بجد مش قادر استحمل ...!!! فورد اكسبديشن 4*4 ب 115900 ريال

[أبو صلاح]

السلام عليكم

انا خلاص مرارتي هتتفقع من اللي بشوفه كل ما ادخل المنتدى

كل لما ادخل الاقي الاعلان ده في اعلى الصفحة



ياتري العربية دي عندنا بكام في مصر ؟

[Mzeid]

اخر سعر للعربية فاكره من سنتين او تلاتة كان معدي ال 700

[MaZaGAngeE]

ليه الافكار الوحشة دي يا ابو صلاح !!!
متخلينا في حمارتنا العرجة ..
و بعدين هنجيبلها بنزين منين ؟ ده انا كنت بركن العربية ال 1300 سي سي عشان خايف البنزين يخلص و اشتريه سوق سودا او اعيش مع طابور البنزينة 6 او 7 ساعات

[S O P H O S]

سبحان الله .. !

[SHNORY]

اخر سعر للعربية فاكره من سنتين او تلاتة كان معدي ال 700

850-900 الف جنيه تقريبا في 2010

[khaled_legend]

Ford expedition starts from 37 grand in usa

[Ahmed Selim]

لو دي 2012 مش 2013..........تبقى غالية :)

بتبدأ فى الإمارات من 109 ألف بس :)

بس معاك بقى لحد 185 ألف درهم

[Abo_Lina]

احنا هنا في مصر بره العالم
احنا عايشين في عالم موازي
إسأل على سعر الاكس فايف أو سكس موديل سنتين فاتو و لا حاجة ، هايجيلك شعور غريب

[Y a r i s]

اه يا ابو صلاح يا حبيبي
مش عاوز اقولك ايام معرض العربيات اوتو ماك والكلام ده كنت لمن بشوف العربيات دي معروضة وهيا عربية وحدة يتيمة. وموقفين جمبها بت تيربوا بسكوته كده هورس بورها عاااااااالي. .... كنت بسئلها هيا العربية دي بكام في مصر !!
كان ابسط رد بتردوا عليا البت .... لا العربية دي ملهاش سعر ... اقولها يعني ايه ملهاش سعر بتقولي علشان جماركها عالية. فهتعدي ملالايين ...
واذا كان عندك الاند كروزر السته سليندر داخله في مليون وربع جنية مصري فما بالك بقه بتمنية سليندر ده غير حبت التكنولوجيا والكمبيوتر الي في العربية الفورد دي هتلاقي دخلتلك في بلاوي متل تلة .... وتحياتي

[Land_Cruiser]

الحاجات اللى زى دى للاطلاع فقط من باب العلم بالشيء يعنى و ممكن السواقه برضه بس فى ألعاب ال playstation بس و لو ان الواحد بينى و بينك بيبقى قلقان عليها حتى و هو جوه اللعبه لتتخبط منه و لا تتحك فما ببعرفش يلعب براحته. منهم لله اللى كانوا السبب

[amr.elsayed]

انا نفسى اشوف اعلان فى مصر عليه سعر العربية .. اصلهم بيكونوا مكسوفين شوية هههه
والغريبة تروح تشترى العربية بالسعر الرسمى يلوى دراعك لغاية ما تدفع كام باكو زيادة
بلد العجايب !!

[lonedoctor]

اقول لك بقى ما هو اعظم من ذلك عندنا فى السعودية بتدفع 10% من السعر يعنى 11 الف ريال وتاخد العربية ايجار ينتهى بالتمليك على 4 او 5 سنين يعنى لو انت راجل مركز وراتبك كبير فوق 20 الف ريال اصلا موش هتحس انك دفعت حاجة
تقبل تحياتى

[tutankhamoun]

تغور فورد و تغور أمريكا و الأوربيين ............. مش عايز منهم حاجة لو ببلاش .

[khaled_legend]

تغور فورد و تغور أمريكا و الأوربيين ............. مش عايز منهم حاجة لو ببلاش .

يا فندم السياسه حاجه و البيزنس حاجه تانيه
صدقني لو قلت لك ان لو امريكا عملت حصار اقتصادي علينا هنموت من الجوع للاسف

[tutankhamoun]

يا فندم السياسه حاجه و البيزنس حاجه تانيه
صدقني لو قلت لك ان لو امريكا عملت حصار اقتصادي علينا هنموت من الجوع للاسف :_alshmokh11:

و الله يا أستاذ خالد ....... كل شئ مرتبط ببعضه .
و بعدين لو أتحدنا (كمسلمين و عرب) محدش هايقدر يعمل فينا حاجة .

متنساش أيام الحروب الصليبية و أيام صلاح الدين
كان عدد الجيش الصليبي الغازي ضعف الجيش العربي المُهلهل .

عايز أقولك على حاجة تانية

أيران واقفة لوحدها أمام الطغيان الصليبي الصهيوني و مع ذلك أصبحوا أمة فضائية بيعملوا طائرات حربية و صواريخ طويلة المدى و تقدر تحمل صواريخ نووية و بيصنعوا ألكترونيات .

و نزلوا طيارة أمريكية الصنع بدون طيارة بالتحكم الألكتروني .

و كل ده وواقفين لوحدهم أما هذا الطغيان .

لا يغرنك ما معهم من مادة ........ فليس لديهم الأيمان بالمولى عز و جل

فنحنا إذا تسلحنا بالايمان القوي مع العلم و العمل ......... هانبقى أقوى الأمم .

ما تنساش برضه أيام الامبراطورية الرومانية و الفارسية لما شوية عرب (مجموعة من الناس لم يكن لهم اسم في التاريخ )
أحتلوا أراضي الأمبراطوريتين و دمروهم و أصبح العرب و لامسلمين بعد ذلك الأمة الأقوى في العالم كله .

و بعدين بقى فوق ده كله أنا ليه أشتري منهم حاجة و عندي بديل

آسيا موجودة و الحمد لله .......... و يارب نكون أحنا كمان زي آسيا .

الكلاب الصهاينة دول حاجتين يوجعهوهم قوي :

البزنس ................ ضياع أرواحهم .