بتعرف تصور فوتوغرافي ... ورينا مهاراتك ...متجدد

[amr mokhtar]

يا باشا الموضوع ده متجدد يعنى لو اى حد عنده صور حلوة و يحطها هنا فى اى وقت

صورة حلوة اوى تحسسك بالدفء كده

بس حد يروح سانت كاترين فى الصيف؟؟
انا رحتها فى شهر يناير و كانت بالليل طبعآ ساقعة جدآ يعنى تحت الصفر
إنما و إحنا نازلين الصبح كان الحر جامد اوى

حمد لله على السلامة

[elpasha009]

أستاذ Chicco أنا متشكر لحضرتك جدا.مهو فعلا في صور تاني كتير بس المشكلة إننا كنا راجعين من شرم الشيخ وقلنا نعدي بالمرة بما إنها في طريقنا:) وبالتالي مكوناش عاملين حسابنا على التصوير غير من الموبيلات وكاميرا يتيمة معانا يدوبك صورنا بيها 15 صورة والبطارية ودعت:).
على العموم ديه شوية صور عجبتني برده.
أستاذ amr mokhtar فعلا الكل قالنا لما نروح نبقى نروح بليل وننزل الصبح بس زي مقولت لأستاذ شيكو إحنا أصلا كنا في شغل في شرم ورجعين قلنا نعدي بما إنها قريبه:)بس بصراحة الجو كان تحفة.إحنا بدأنا نطلع الجبل الساعة 3 الظهر ووصلنا الساعة 6 وبدأنا ننزل الساعة 8 ووصلنا الأرض الساعة 9 علشان كنا نازلين بنجري لأن معناش أي إضاءة.من الساعة 7 لحد 8 الجو كان بدأ يبقى تلج:) ومن بعد 8 بقى تلج فعلا:).
بس بجد الصح إنمك تتطلع في نفس معادنا وتبات وتنزل الصبح.تخيل بقى تحضر الغروب والشروق وكمان ضوء القمر بليل.بجد تحفة.سبحان الله.
تخيله بقى إيه ده؟؟؟ديه عبارة عن صخرة وواحد من البدو هو اللي بنا الطوب بالشكل ده علشان ينام فيها بليل بس شكلها جميل قوي تحس إنه فنان:


By elpasha009, shot with N72
الصورة ديه بقى اللي بجد كانت تحفة بس للأسف كانت أخر صورة بالكاميرة علشان كده مكنتش حلوة قوي.الصورة متصورة الساعة 8 ونص وكانت الشمس إختفت تماما ماعدا شعاع صغير جدا منور الجبل اللي ورانا بالشكل ده.الدنيا ظلمة كحل والدليل فلاش الكاميرا منور بشكل جامد:


By elpasha009, shot with KODAK Z730 ZOOM DIGITAL CAMERA
تحس إن الصخور على شكل 3 وجوه آدمية:


By elpasha009, shot with N72
صورة للقمر في ضوء الشمس:


By elpasha009, shot with N72
الطائر الوحيد اللي شفناه من أول الرحلة.كان على إرتفاء 2400 متر:


By elpasha009, shot with KODAK Z730 ZOOM DIGITAL CAMERA
صورة كمان للغروب:


By elpasha009, shot with KODAK Z730 ZOOM DIGITAL CAMERA
صورة كمان للغروب:


By elpasha009, shot with KODAK Z730 ZOOM DIGITAL CAMERA

[Chicco]

الباشا باشا .....ألف شكر على الصور ....كلها في الجول

ده إعلان لقيته قرب البيت عن المتحف الملكي في تورنتو .....الأعلان فرحني قوي صراحة

[brown-eyes]

شوية صور من تصويري( سبحان الخلاق )

[TIMODAX]

أحلي صوره خدتها في حياتي سبحان الله

ديه كانت في المسافه بين أسوان و اسنا علي ما افتكر

بصراحه يا جماعه النايل كروز دي فعلا لازم تعملوها بس في الشتا طبعا

أنا باروح كتير بحكم شغلي الحمدلله

[hemo200]

[Ahmad Allawy]

يا حبر ابيض..
انا جيت متأخر قوي.. بس معلش غصب عني بقي..
مش بادخل ع النت كتير الايام دي..
احب ابدي اعجابي الشديد جدا بنسبة كبيرة جدا من الصور..
ما شاء الله.. تقريبا كل اعضاء المنتدي حسهم الفني ف التصوير عالي جدا..
و هاصة اللي معقدنا ده.. :) :) :) دكتور هشام..
ربنا يجيبك بالسلامة يا باشا ان شاء الله.. و نتشرف برؤيتك..
و طبعا لا تعليق علي صور باقي الاعضاء.. شغل عالي جدا..
الواحد بيفوق والله لما بيشوف مناظر ممتعه كده..

[Chicco]

احب ابدي اعجابي الشديد جدا بنسبة كبيرة جدا من الصور..
ما شاء الله.. تقريبا كل اعضاء المنتدي حسهم الفني ف التصوير عالي جدا..
و هاصة اللي معقدنا ده.. :) :) :) دكتور هشام..
ربنا يجيبك بالسلامة يا باشا ان شاء الله.. و نتشرف برؤيتك..
..

أحمد باشا يا جميل ....كلك ذوق يا أخي الفاضل و إن شاء الله اتشرف بمقابلتك قريبا

TIMODAX باشا ..الصورة تحفة ....عايزين كمان

abcrino باشا ...الصور حلوة جدا .....خصوصا صورة الكتاب ( بضم الكاف و تشديد التاء )

[Eslam_A]

الصور كلها ما شاء الله عليها روعة

بجد محترفين تصوير

انا هاشرك معاكو بكام صورة كدة علي الماشي

سامحوني لو الصور مش كويسة عشان الصور كلها بالموبايل

استاد السويس القديم


كورنيش اسكندرية


طنطا


طبعا عارفين صورة مين




وانتظرو المزيد من الصور

[Chicco]

صور هايلة يا اسلام باشا ...تسلم ايدك ...و واضحة جدا ....الموبايل ما شاء الله ١٠٠ ١٠٠ ....في انتظار المزيد من الصور ...خاصة من السويس

[elpasha009]

بجد الواحد مكسوف من صوري المتواضعة جدا جنب صور الأعضاء الأفاضل:)
صور للقلعة:

By elpasha009


By elpasha009

[Hassan Khalil]

الاسكندرية
اخر يوم قي شهر شعبان..

[Chicco]

الباشا باشا :).....صور زاي الفل ....لو حضرتك لسه في السودان ..يا ريت برضه شوية صور من هناك
حسن باشا .....تسلم ايديك ....أنا بحب اسكندرية جدا و صورك في الجول استمر يا باشا

كام صورة كده من شلالات نياجرا

[Hassan Khalil]

صورك جميلة جدا يا دوك .. و غريبة ...
المركب دي ايه نظامها ... يعني حتعمل ايه .. حتكمل و اللا حتغرق .. و اللا حتطير.. و اللا حتلف و ترجع تاني .. و اللا ايه ؟؟؟؟

[Chicco]

المركب ديه حكاية يا حسن باشا ...اسمها Maid of the Mist ......هما كذا مركب بنفس الأسم و تتراوح سعتهم من ١٠٠ ال-٦٠٠ نفر
المركب بتبتدي رحلتها من بعيد و بتعدي على كذا شلال من شلالات نياجرا لحد ما بتوصل لاكبر واحد ..إسمه Horseshoe ....و بتقرب منه جدا و بعدين بتلف و ترجع تاني
أنا ركبتها مرة واحدة بس ....المرة ديه كنت رايح مشوار تبع الشغل ما لحقتش أعمل أي حاجة غير شوية صور منهم الكام صورة اللي حاطتهم في الموضوع الجميل ده