بتعرف تصور فوتوغرافي ... ورينا مهاراتك ...متجدد

[mhmdsfwt]

وادي صورة كمان صورتها من البلكونه
يارب تعجبكوا

[human]

[Hassan Khalil]

• السلام عليكم جميعا ..
• من فترة و انا بافكر اني اعمل حصر للصور اللي في الموضوع كلها .. و احاول انزلهم في عدة مشاركات متتالية ... بس لقيت الموضوع حيبقي صعب شويتين ..
• ففكرت اني برده اعمل حصر بالمشاركات حتي الان .. و اعداد الصور .. و عدد الاعضاء الفاعلين .. و مشاركة كل عضو ..
• و كانت الاحصائية ( التقريبية ) كالتالي
• ****************
• الاستاذ احمد ابراهيم aif - 6 صور – مع ملاحظة ان فيه بعض الصور اتمسحت غالبا بسبب الموقع اللي كانوا مرفوعين من خلاله .. يا ريت تنزلهم تاني يا حاج احمد
• علي ..ابو رقية و حمزة alijandroo - 9 صور.. و نتمني المزيد
• ams - صورة واحدة .. و في انتظار البقية
• kalmah – صورتين .. و اكانوا حلوين جدا .. منتظرين الباقي
• رامي طنطاوي .. غالبا كان حاطط صور و اتمسحت بسبب الموقع المرفوع عليه الصور
• Mohammed 88sk- 11 صورة .. و في انتظار المزيد
• المبدع .. احمد عبد المقصود .. 27 صورة كلهم اجمل من بعض .. عايزين كمان J
• د / احمد نبيل ( احموديوم ) 7 صور من تركيا ... حاجة جميلة جدا .. و في انتظار الاجمل .
• Hemo200- برضه غالبا كان حاطط حاجة و اتمسحت من موقع التحميل ..
• الباشا elpasha009 – 11 صورة في منتهي الجما ل... منتظرين المزيد
• نهي .. اونا سابقا .. J مشاركة متميزة بصور عربيتها الكيا الجميلة ( 3صور ).. ربنا يباركلها فيها ... عايزين باقي الصور يا نهي .. و اذا كان عندك صور للسيتي .. حطيها كمان
• براون ايز ..8 صور جميلة جدا ..اتذكر منهم صورة متحف النوبة اللي علقت معايا جدا ... في انتظار البقية
• Bee العضو البورسعيدي المخضرم ( 8 صور ) .. في انتظار باقي صور بورسعيد J
• جيمينو .. 6 صور بمشاركة واحدة في اول الموضوع ما فتح .. و بعدين اختفي .. رحت فين ؟؟
• حسام حمدي .. 4صور مميزة .. في انتظار البقية .
• حسن خليل .. 15 صورة كلهم اوحش من بعض .. و لو عليا .. مش حخليه يهوب ناحية الموضوع ده تاني
• احمد سومو SuMo- 9 صور زي العسل .. اذكر منهم صورة غريبة ( بتاعة القطة المعوووجة ) .. عايزين باقي الصور يا سومو
• شريف شاكرSAbuhashem .. صورة واحدة .. و قال انتظروا المزيد .. و ما زلنا منتظرين
• المتألق دائما .. و القلب النابض للموضوع J د / هشام chicco – 41 صورة .. من احلي الصور في الموضوع .. .. لغاية دلوقتي لسه معلقة معايا منهم الصور بتاعة المركب اللي ماشية في شلالات نياجرا .. و صورة الشيكولاتة الكادبوري اللي معمولة اعلان .. للامام يا دوك .. للامام J
• المتميز دائما .. عمرو مختار .. و 20 صورة .. مفيش واحدة فيهم نقدر نقول عليها مش رااااااااااااائعة ... في انتظار بقية الابداعات يا عمرو .... بس خد بالك .. اول ما اشتري الكاميرا الجديدة .. يبقي كده عمرك الفوتوغرافي انتهي ... و فرصتك راحت .. و حتبقي بداية عهد جديد من التصوير ... ممكن اسميه التصوير الخليلي .. لحد ما نلاقيله اسم تاني J
• كريم منير – الدعم الفني للموضوع J - 16 صورة جميلة .. كنهم 6 صور – فقط- لنزول الشمس في البحر .. مكانش هاين يصور واحدة قبل ما تنزل وواحدة بعد ما نزلت .. قال لأ .. لازم اصورها خطوة خطوة J ... في انتظار بااااااااااااقي الصور يا كيمو ...
• كينجايا .. صورة واحدة لاعماق البحر .. بصراحة صورة جميلة جدا .. و ان كنا نطمع في المزيد ..
• محمد ممدوح .. 13 صورة اغلبهم للغروب .. مجمع فيهم كل الالوان اللي ممكن تظهر في السما .. شغل متميز .. عايزين كمان يا ممدوح ..
• J .. هيومان باشا .. او طارق بك .. و ابداعات حقيقة في التصوير ( 23 صورة ).. عجبني منهم جدا .. صورة جنا مع سوكا .. و الصورة الاخير بتاعة البنت اللي قاعدة علي الارض ...مهارة عالية جدا يا هيومان باشا ..و حرفية واضحة ..لا تبخل علينا بالمزيد
• Timodax و صورة واحدة اكثر من رائعة .. عملتها خلفية للجهاز عندي J
• Eslam _ a 5 صور منهم صورة ظريفة جدا لاستاد السويس ( اول مرة اشوفه )
• الاخ العزيز وائل عطية .. و عودة بعد انقطاع ..صورة واحدة لابنه العزيز ربنا يباركله فيه .. و هو في احدي لحظات انبساطه .. ربنا يجعله دائما J
• نور القمر .. و صورتين في منتهي الجمال لمنظر النيل .. بالاضافة الي لينك لصور اخري من موضوع ( خناقة عنيفة ) ..بس دول مش حنحسبهم علشان منبقاش واخدين من الموضوع التاني.. و نسعد بمشاركتك القيمة يا نور .. و في انتظار البقية .
• Mhmdsfwt او .. محمد صفوت ( حسبما اعتقد ) شارك بصورتين .. منهم واحدة مميزة جدا للقمر ..في انتظار باقي ابداعاتك يا محمد ..
• Hanyfarrag 3 صور .. عجبتني فيهم جدا صورة الحديقة اثناء الري ..شكرا علي المشاركة يا هاني .. و متحرمناش من وجودك معانا .
• Alfa_we >..صورتين ..يصور فيهم مناطيد الغاز .. بصراحة نفسي من زمان اركب واحد من دول ..بس دايما بيراودني احساس انه حيفرقع فوق ... مش عارف ليه ؟؟؟ ... شكرا الف باشا علي المشاركة J
• مودي بنز .. و 3صور من الموبايل ال k800 الجديد ..مبروك عليك الموبايل يا باشا .. و عقابل ال k850 ..
• سوسو- ليون ... 3 صور لمنظر الغروب في اماكن متفرقة ... اللقطات رائعة ..لكن محتاجة عدسة اوضح قليلا .. .. مشكور يا فندم .. و في انتظار البقية .
• Migo123 ..9 صور غاية في الجمال .. عايزين باقي الصور يا ميجو ..
• Bimmeraddict .. لقطتين في الجون ..يعكسان بعض احوال بلدنا الاجتماعية .. .. عايزين كمان يا بيمر باشا .
• كبير مشجعي النادي الاهلي .. هشام الفقي ..10 صور منهم اتنين لسيجو .. ربنا يبارك فيه ..بس عايز اعرف بجد ..هو الشغل اللي في الهوندا ده .. حقيقي .. و اللا فوتو شوب؟؟؟؟ بصراحة ..هه J

و كده ممكن نقول الاتي
* الموضوع حتي الان حظي بـ
271 مشاركة
4181 مشاهدة
36 عضو متفاعل
285 صورة تقريبا ..بخلاف الفاقد علي مواقع التحميل
و شكرا

[mhmdsfwt]

انا متشكر لذوقك
وان شاء الله هنزل صور تانيه قريب

[MoDyBeNz2008]

مودي بنز .. و 3صور من الموبايل ال k800 الجديد ..مبروك عليك الموبايل يا باشا .. و عقابل ال k850 ..

الله يبارك فيك و يسمع من بقك ربنا و انتظروا الجديد قريبا

[mohamed_88sk]

Mohammed 88sk- 11 صورة .. و في انتظار المزيد

ألف شكر ليك يا أستاذي الفاضل ,,
من عينيا الأتنين بإذن الله ,, الله يعينك عالمجهود ده

[Dr.A.Nabil]

طيب


دول شوية صور كمان من تركيا انطاليا برضه






















ام الصور دي من اسطنبول السنه اللي فاتت:

[mohamed_88sk]

أومال أيه مصر أم الدنيا وبلد الجمال والهجس اللي بنسمعه ده !!!!
ألف شكر يا جماعه عالصور الجميله دي

[Hassan Khalil]

ما شاء الله
14 صورة يا دكتور احمد كلهم احلي من بعض ..
نضيفهم علي ال 7 الاولانيين ..يبقي كده عندنا 21 صورة لتركيا
كده ممكن نقول انك اصبحت الملحق الصحفي لتركيا في المنتدي
زي ما الدكتور شيكو اصبح الملحق الصحفي لكندا في المنتدي
-------------
بس سؤال بجد ...
هي البلد كلها حلوة و نظيفة كده فعلا .. و اللا ده اللي السواح بيشوفوه .. و جوا فيه حاجات تانية زي اللي عندنا ؟؟؟؟؟

[Hassan Khalil]

انا متشكر لذوقك
وان شاء الله هنزل صور تانيه قريب

في الانتظار .. متطولش علينا :)

الله يبارك فيك و يسمع من بقك ربنا و انتظروا الجديد قريبا

اذا كان علي ال5 ميجا بيكسل ..خليك في النوكيا .. العدسات بتاعتهم ظريفة جدا ...
وفي انتظار باقي الصور

ألف شكر ليك يا أستاذي الفاضل ,,
من عينيا الأتنين بإذن الله ,, الله يعينك عالمجهود ده

تسلم عينيك يا سيدي .. و الله المعين .. و في انتظار البقية

أومال أيه مصر أم الدنيا وبلد الجمال والهجس اللي بنسمعه ده !!!!

كده انت قولت اكثر مما ينبغي ...
حاول ما تباتش في بيتكوا النهارده ..
:k28:
باي باي

[Chicco]

المتألق دائما .. و القلب النابض للموضوع J د / هشام chicco – 41 صورة .. من احلي الصور في الموضوع .. .. لغاية دلوقتي لسه معلقة معايا منهم الصور بتاعة المركب اللي ماشية في شلالات نياجرا .. و صورة الشيكولاتة الكادبوري اللي معمولة اعلان .. للامام يا دوك .. للامام J

ما شاء الله
14 صورة يا دكتور احمد كلهم احلي من بعض ..
نضيفهم علي ال 7 الاولانيين ..يبقي كده عندنا 21 صورة لتركيا
كده ممكن نقول انك اصبحت الملحق الصحفي لتركيا في المنتدي
زي ما الدكتور شيكو اصبح الملحق الصحفي لكندا في المنتدي
-------------
بس سؤال بجد ...
هي البلد كلها حلوة و نظيفة كده فعلا .. و اللا ده اللي السواح بيشوفوه .. و جوا فيه حاجات تانية زي اللي عندنا ؟؟؟؟؟

مش باقولك أحلي حسن في الشرق الاوسط :)

ألف شكر يا جميل على كلمات الأطراء الرقيقة....ده بس من ذوقك يا قمر ....و احنا بدورنا في انتظار ابداعات الفن الخليلي إن شاء الله :)

بالنسبة لسؤالك عن تركيا ....أنا ممكن أجاوب على اسطنبول ...بعد إذن د. أحمد باشا الملحق الصحفي التركي :)

باختصار اسطنبول هي القاهرة كما يجب أن تكون ...يعني مدينة متناقضات كالقاهرة تماما يختلط فيها القديم و الجديد .....الغني و الفقر.....الفضيلة و الرذيلة ...إلخ ....بس من غير سحابة سودة و لا تلوث و لا همجية في المرور و لا استهبال مع السياح و لا أسعار عالية .....أهلها طيبين جدا و احساس انك ماشي في مدينة أوروبية مع أصوات الاذان و جلال المآذن و مساجد قمة الأنجاز في العمارة الاسلامية بتديك احساس ما لوش مثيل .....وكمان الأكل روعة :)

[aif]

أهلها طيبين جدا و احساس انك ماشي في مدينة أوروبية مع أصوات الاذان و جلال المآذن و مساجد قمة الأنجاز في العمارة الاسلامية بتديك احساس ما لوش مثيل .....وكمان الأكل روعة :)

هو ده بيت القصيد .....توأمي العزيز ..... وحشتنا
طب ما فيش حد مصور الاكل التركي .....
دكتور احمد .... الملحق الثقافي التركي ..... الأكل ثقافة برضه

[Chicco]

هو ده بيت القصيد .....توأمي العزيز ..... وحشتنا
طب ما فيش حد مصور الاكل التركي .....
دكتور احمد .... الملحق الثقافي التركي ..... الأكل ثقافة برضه

الله يخليك يا قمر .....معلهش من ساعة ما رجعت كندا و الدنيا مشغولة قوي .....بالنسبة للتصاوير يا باشا موجودة ....بس أول ما ألاقيها حتنزل على طول .....أنا ما رحتش اسطنبول من ٢٠٠٢ و مخزون الصور متفرق ما بين هنا و مصر

[Dr.A.Nabil]

بما انا الملحق التجاري الطبخي لتركيا !!!!!

فأنا كنت مصور الاكل فعلاا والله السنه اللي فاتت في احد مطاعمهم

حانزل ليكم الصوره بكره


بالنسبه لأكلهم...
جامد جدا.... اكلات شرقيه جميله... ديك رومي وشاورما وشيش طاووق وارز وكاري و..........
لا جناااان


بالنسبه للمناظر والنظافه
اسف اني اقولك انها انضف من مصر.... من حيث النظافه والعنايه وقلة التلوث...

والشعب التركي زي العسل والله دماغ جامده جدا وخفاف وبيحبه المرح والضحك ..

لأ... شعب جامد جامد

[mhmdsfwt]

السلام عليكم
اتمنى ان تنال اعجابكم