الى الان 43 طفل ماتو ؟؟ من المذنب

[masterzmind]

الواحد ينام حزين على اطفال غزه يصحى حزين على اطفال مصر

[BESO516]

حسبى الله ونعم الوكيل
حسبى الله ونعم الوكيل
حسبى الله ونعم الوكيل

كلكم مسؤل عن رعيته

[yasserelsayad]

انا مش فاهم ايه علاقة الحكومة ولا الوزير حتى فى حادثة زى دى
دا حادثة نتيجة اهمال خفير المزلقان او سواق الاوتوبيس بس كدا مفيش حد تانى ليه دخل

[Forever.Leo]

انا مش فاهم ايه علاقة الحكومة ولا الوزير حتى فى حادثة زى دى
دا حادثة نتيجة اهمال خفير المزلقان او سواق الاوتوبيس بس كدا مفيش حد تانى ليه دخل

ياترى ده هيبقى منطق حضرتك برضه في التفكير .. لو اتوبيس هيئة نقل عام او ونش حكومي .. لا قدر الله .. دمرلك عربيتك .. او قتل ليك عزيز ؟!!

[yasserelsayad]

ياترى ده هيبقى منطق حضرتك برضه في التفكير .. لو اتوبيس هيئة نقل عام او ونش حكومي .. لا قدر الله .. دمرلك عربيتك .. او قتل ليك عزيز ؟!!

اه طبعا
هو لما سواق الاوتوبيس ولا الونش يعمل مصيبة هقول ان المشكلة فى الوزير مثلا على اساس ان هو اللى كان سايق.

انت بالمنطق دا بقى لو مثلا واحد سايق عربية سيراتو خبطك تروح عامل محضر لشركة كيا

[Ahmed_Adham]

امتى هنخلص من ان المتسبب فى المشاكل هو الموظف الضغير
والكبير بيئا باشا مالوش دعوة

ماهو الوزير مش وظيفته حراسه مزلقان! على فكره دور الوزير دايما التخطيط ووضع البرامج والسياسات وفيه ناس تحته بتنفذ وتراقب. مسؤوليه الوزاره في حادثه زي دي هيه تحويل كل المزلقانات لبوابات أليه زي بتاعت الباركينج كده تقفل لوحدها قبل ما ييجي القطر لكن الموضوع ده مكلف وتطبيقه مش هيحصل في اسبوع ولا شهر بس انا اعرف انهم بدأو فى تنفيذ الموضوع ده من قبل الثوره فعلا بس مفيش فلوس عشان يخلص بسرعه فبيعملوه تدريجيا حسب الميزانيه. ده غير ان التوسع في تطبيقه هيقابله استغناء عن العنصر البشري بشكل كبير وبالتالي مظاهرات واضرابات.

بس هرجع وأقولك ماهو اشارات المرور الكترونيه وبتبينلك قدامك كام ثانيه و الاشاره تفتح أو تقفل ومع ذلك الناس طول النهار والليل بتكسر الاشارات هل ده معناه ان وزير الداخليه المفروض يقف جنب كل اشاره يشوف الناس هتلتزم بيها ولا لاء؟ وهل الصح ان جنب كل اشاره نعين عسكري عشان يقف في نص الطريق والاشاره قافله عشان يجبر الناس انها تقف؟ أمال احنا عملنا الاشارات ليه أصلا؟

احنا عندنا أزمه التزام وضمير. احنا شعب معندوش ضمير...

[Mohab.Nabil]

انا مش فاهم ايه علاقة الحكومة ولا الوزير حتى فى حادثة زى دى
دا حادثة نتيجة اهمال خفير المزلقان او سواق الاوتوبيس بس كدا مفيش حد تانى ليه دخل

+1

انا بصراحة برضه مش فاهم ..

هل من واجب رئيس الحكومة مثلا انه يلف على المزلقانات كلها يتأكد مقفولة ولا مفتوحة كل شوية ؟

طبعا كلنا زعلانين على اللى حصل و مصيبة كبيرة

و برضه عشان مندخلش فى السياسة فيه الف سبب يخلى الحكومة ديه تمشى يعنى انا مش معاهم خالص بس ممكن افهم وجهة نظر حضراتكم فى موضوع تحميل مسئولية الحادث للحكومة كلها يمكن يكون فيه حاجة غايبة عننا

[Mohab.Nabil]

بس هرجع وأقولك ماهو اشارات المرور الكترونيه وبتبينلك قدامك كام ثانيه و الاشاره تفتح أو تقفل ومع ذلك الناس طول النهار والليل بتكسر الاشارات هل ده معناه ان وزير الداخليه المفروض يقف جنب كل اشاره يشوف الناس هتلتزم بيها ولا لاء؟ وهل الصح ان جنب كل اشاره نعين عسكري عشان يقف في نص الطريق والاشاره قافله عشان يجبر الناس انها تقف؟ أمال احنا عملنا الاشارات ليه أصلا؟

احنا عندنا أزمه التزام وضمير. احنا شعب معندوش ضمير...

مبدأ الثواب و العقاب اللى مش بيطبق هنا فى مصر

يعنى انا مثلا كنت فى اوروبا كله بيقف فى الاشارات اللى هى كل مترين تلاتة يعنى كل ما تمشى تلاقى اشارة و مفيش حد بيجرأ انه يكسرها ابدا عشان الموضوع بسيط كاميرا بتسجل نمرة العربية و ليهم عدد معين من النقاط كل ما يعمل مخالفة يزودوا فيه اول ما يعدى الليميت بتاع رخصه تتسحب منه و ميعرفش يسوق بس طبعا هنا حتى لو طبقوا النظام ده تلاقى اللواء مش عارف مين بيكلم اللى مسئولين عن النقط و يقوله شيلى النقط من رخصة حمادة .. حمادة ده حبيبى من زمان و الله بقت بلد تقرف

[Y a r i s]

هو انا معاكم ان استقالة الوزير مش هيا الحل
بس عارف لو الوزير مقدمش استقالتوا. الناس هتقولك شوف يا اخي كام واحد ماتوا والوزير معندهوش دم ومتحركش .... بس كمان فكرت عدم استقرار القيادات دي فكرة. زفففففت. تصور انتا في الشغل كل يوم يجيلك مدير شكل. هيبقى شكل الشغل عامل ازاي

بس في نقطة. اطفال ايه الي بيروحو مدرسة يوم السبت هو يوم السبت ده مش اجازة زي عندنا في القاهرة ... وبغض النظر عن اجازة ولا لأ دم طفل بريئ يموت كده ودموا يروح هدر ده انا لو ابووووووه ميكفنيش دم الحكومة كلهاااا ودم بتاع المزلقان بالعسكري ذات نفسوا .... واهو بيقلك الاهالي عاوزين يولعوا في القطرررر .... وعارف لو منعوهم انهم يولعوا في القطر الغضب الشديد يا عزيزي ممكن يولعوا في المحافظة كلها الموضوع خطيرررر مش بسيط. ان اب. يشوف ابنوا يتقتل بسبب اهمال ربنا ما يدوقها لحد

ده انا الي بعيد بمجرد ما فتحت التلفزيون المصري ولقيتهم عارضين فيلم ولا مسلسل على الفضائية المصرية دمي اتحررررررق .... وفعلاً لازم عقلايات الناس المتخلفة. البلد تطهرررر منهم بقه ... يعني انا مثلاً عملت موضوع عن توك توك داخل بالليل في شارع عمومي. ماشي في نص الشارع وهوا مطفي نوروا وماشي عكس وكنت هتقلب وانا بفادية .... في حد من المسئولين لو حتى بعت شكوى هيتحرك هل في لجان بقت تطلع لمنع التكاتيك .... مفيش والمره دي ربنا سترها معايا واسرتي. المره الجاية ممكن تلاقي اسرررة تانية ضحية الاهمال والتسيب. الي زي كده .... وممكن اشخاص بعد الشر عليكم يكونوا عزيزين عليكم يموتوا بسبب حاجة زي كدة .... تصور اسرة تموت بسبب توك توك ماشي عكس ومخالف في شارع عمومي وطافي النور بتاعوا والشارع ضلمة

مفيش دور فاعل للشرطة المصرية .... ووالله ببقى واقف في اشارة وابص عربية نص نقل عدت من ورايا والعسكري واقف وده كسر الاشارة وعادي. جداً لدرجة اني بحس اني واقف في نص الشارع واقف وقفه غلط مش واقف في اشارة اليكترونية اهمال اهمال اهمال شبعنا وزهقنا من الاهمال

[diablo1231]

يا فندم ذنب الوزير انه مكلفش الناس اللي ينفذوا تعليماته , انا هفترض جدلا انه كلف عمال المزلقانات انهم يقوموا بشغلهم , لما هما يقصروا يبقي عيب اللي عينهم و المسئوليين عن التعيين دول برده الوزير مسئول عنهم لو هو متأكدش ان تعليمات تنفذ يبقي هو كمان مسئول , و كلامي مش علي وزير النقل و بس لأ وكمان وزير الداخلية والحكومة اللي مش عارفة تاخد اجراءات تمنع اللي بيحصل ده , الناس اللي برا لو معندهمش القانون اللي بيردعهم كانوا كسروا الاشارة و مشيوا عكس الاتجاه , انما لو قلنا ان ده مش ذنب الوزير ولا ذنب الحكومة ونطبطب عليهم يبقي هيفضل الغلط موجود و اولادنا واخواتنا يموتوا كل شوية !!

[hazoom2006]

مهو يا فندم لو كل حادثة ومصيبة زى العباره وقطار الصعيد وقليوب والحوادث دى يبقى بعد كل حادثة الغفير يتسجن وبتاع التحويلة كمان

والوزير قاعد فى مكتبة ومطمن انة مش هيسيب الكرسي لكن لما الحادثة تقلب الراى العام على الاقل يكون فى يقظة من الوزير لمتابعه الناس اللى تحته واللى مش شغال يحاسبة لانه عارف انه هيتحاسب

انا من راى مايكونش مجرد قبول استقاله فقط لان الوضع هيكون زى مابنقول _ شالو الدو جابو شاهين_ لازم يكون فى محاسبة للوزير ورئيس الهيئه والغفير و لعسكرى المرور

[Hussein_Ramdan]

https://www.youtube.com/watch?featur...v=b-NFXVuDzAc#!

[Ahmed_Adham]

https://www.youtube.com/watch?featur...v=b-NFXVuDzAc#!

تعليق عجبني في الفيديو لواقعيته

[Forever.Leo]

اه طبعا
هو لما سواق الاوتوبيس ولا الونش يعمل مصيبة هقول ان المشكلة فى الوزير مثلا على اساس ان هو اللى كان سايق.

انت بالمنطق دا بقى لو مثلا واحد سايق عربية سيراتو خبطك تروح عامل محضر لشركة كيا

+1

انا بصراحة برضه مش فاهم ..

هل من واجب رئيس الحكومة مثلا انه يلف على المزلقانات كلها يتأكد مقفولة ولا مفتوحة كل شوية ؟

طبعا كلنا زعلانين على اللى حصل و مصيبة كبيرة

و برضه عشان مندخلش فى السياسة فيه الف سبب يخلى الحكومة ديه تمشى يعنى انا مش معاهم خالص بس ممكن افهم وجهة نظر حضراتكم فى موضوع تحميل مسئولية الحادث للحكومة كلها يمكن يكون فيه حاجة غايبة عننا

ده مرفق عام تديره الحكومة و مسؤول عنه رئيس الحكومة سياسيا ! و الا على كده نلغي المسؤولية السياسية ! .. ده في الكورة بيقيلو المدير الفني ( اللي هو ما بيلعبش الماتش ) و مش مسؤول عن اضاعة الفرص .. لما فريقه بيتعرض لهزائم .. اما بالنسبة لموضوع السيراتو .. تقريبا مش واصل لحضرتك الفرق بين شركة تبيع سيارة و مش مسؤولة عن قيادتها .. و حكومة مسؤولة عن ادارة مصالح شعب .. يعني حضرتك زعلان لتوجيه نقد للحكومة و رئيسها .. بالرغم من وقوع حادثتين قطار بعدد ضحايا ضخم في الفيوم و اسيوط في اقل من عشرة ايام .. امال نلوم الحكومة امتى ؟! .. لما نص الشعب يضيع في حوادث زي كده !! .. انا معرفش طبيعة شغل حضرتك ايه .. و لكن .. رؤسائك اللي اعلى منك مش بيحصل انهم ممكن يتحاسبوا و يتجازوا كمان على تقصير منك او من زملائك بالرغم من عدم اشتراكهم معاك بهذا التقصير المباشر .. الكلام ده بيحصل لانهم هم المسؤولين عن المحاسبة و اختيار اطقم العمل و الاشراف الاداري على المؤسسة المسؤولين عنها .. و في النهاية عمر رئيس الوزراء و لا الوزير هيسوق قطر و لا اتوبيس .. و لا عمره هيفتح او يقفل مزلقان .. يبقى نباركلهم بمناصبهم الابدية الخالية من اي مسؤولية !

[Elawany13]

مصرع 3 وإصابة 4 في حادث تصادم بأسوان

المصرى اليوم