للساده المتزوجون او المقبلون علي الزواج : اسباب "البوز" و كيفيه علاجه

[khaled_legend]

العبد لله عندما يري "بوزا" يشعر بالرغبه في الانتحار قفزا من الشباك فاتباعا للمثل القائل "اذا عرف السبب بطل العجب" فيجب معرفه اسباب هذا "البوز" اللعين حتي يتم معرفه علاج له (ابقوا قابلوني)

قبل كتابه اسباب "البوز" فتلك الدراسه هي مجرد اجتهاد شخصي "فميجيش حد يجرب حاجه و تفشل و يقولي انت السبب عشان مغزوش"

اسباب "البوز" :

شعور الزوجه بالضيق لسبب ما فعندما تري "البوز" لا تحاول ان تنحر رقبه زوجتك و لكن "اعصر علي نفسك ليمونه" و تحدث معها بكل رفق لمعرفه اسباب ضيقها و محاوله علاجها.

التقلبات الهرمونيه في مواعيد معينه (اثناء الحمل مثلا) فيجب علي الزوج تفادي النقاش مع الزوجه في اي امر حتي لو كان تافها و في حاله العصبيه يجب تركها بمفردها "و خليها تعد تكاكي مع نفسها" و بعد ذلك يمكن محاوله التحدث معها مره اخري و لا تنسي استخدام المنطق و اللين في الكلام.

تقصير و اهمال الزوج لحقوق زوجته فمثلا تعتبر الزوجه ان التحدث معها لمده طويله من احدي حقوقها الاساسيه (علي اساس اننا فاضيين للرغي) فيجب علي الزوج محاوله توفير بعض الوقت للتحدث مع زوجته في المواضيع التي تختارها "و متنساش تعصر الليمونه".

علاج "البوز" :

الاتفاق المبدئي علي عدم "التبويز" منذ بدايه الزواج تحت اي ظرف من الظروف و لو وجد سبب لل"تبويز" يجب علاجه فورا حتي لا تتراكم اسباب "البوز" و يصبح "البوز" هدف هام تسعي الزوجه لتحقيقه.

يجب علي الزوج التحدث مع زوجته بالرفق و اللين كالاطفال و معرفه الفروق العقليه بين الرجل و المرأه و تعريفها بتلك الفروق.

يجب علي الزوج قول الكلام المعسول و شراء الورد و كتابه بعض العبارات الغراميه في كروت معايده من حين لاخر و "الحاجات الهبله هما بيحبوها اوي و بتفرق كتير علي فكره".

يجب معامله الزوجه علي اساس انها ابنه و صديقه في نفس الوقت فسوف تتفادي اسباب كثيره لهذا "البوز" الحقير.

يجب علي الزوج ان يكون واضحا في كلامه الي اقصي حد لان الزوجات يعشق معرفه كل شئ عن اي شئ "و لو في معلومه عايز تخبيها حط معلومه تانيه مزيفه مكانها بس تكون معلومه شبه الاصليه عشان متتفقسش".

و في نهايه الموضوع احب ان اقول

لا اراكم الله "بوزا" في عزيز لديكم.

[magid1010]

الف شكر على الموضوع الجميل ده البوز ده اساسا شئ اساسى فى حياه اى امراه و الله تحس انهم مخلوقين من اجل هذا الهدف السامى (بوز لكل زوج)ههههههههههه و بلاش شخصنه

[naser_56]

هو عموما اعمل بالمثل القائل الوقايه خير من العلاج وبكده تقدر تتقي شر البوز وما تشوفهوش في حياتك

[Ghosts]

هما الستات كدة ....
كل يوم ب 100000 حال ....
حاجة تقرف ....

[Y a r i s]

قعدت اقرى وانا بسئل نفسي ايه معنى "البوز"
تكنش كلمة مشفرة. ... يكنش قصدوا " البوس"
وفي النهاية ههههههه عرفت ان قصدك البوووز بتتكتب كده. ( دبل أوووه ) مش بوز لا بووووووز هههههه
اشكرك على الموضوع وتسلم ايدك

[nab!l]

الحاجات الهبله دى بيحبوها اوى
هههههههه صدقت

[khaled_legend]

هو عموما اعمل بالمثل القائل الوقايه خير من العلاج وبكده تقدر تتقي شر البوز وما تشوفهوش في حياتك

لا انا لبست خلاص

هما الستات كدة ....
كل يوم ب 100000 حال ....
حاجة تقرف ....

يجب ان تتفهم لطبيعه المرأه اولا قبل ان تقول "حاجه تقرف"

قعدت اقرى وانا بسئل نفسي ايه معنى "البوز"
تكنش كلمة مشفرة. ... يكنش قصدوا " البوس"
وفي النهاية ههههههه عرفت ان قصدك البوووز بتتكتب كده. ( دبل أوووه ) مش بوز لا بووووووز هههههه
اشكرك على الموضوع وتسلم ايدك

بوووووووووووووووووز حلو كده ؟

[mohamedomar777]

ربنا يعين كل زوج علي كل بوز

[mido]

البوز ملوش علاج
طنش فى الحاجات الصغيرة و اقفش فى الحاجات الكبيرة

[mohamedomar777]

البوز has no end

[Abo Yasso]

البوز has no end

هههههههههه

[S O P H O S]

ربنا يهدي ويعرفوا ان الحياة مش مستحملة
غير كلمة طيبة ..

[aly_moh]

البووز دا شئ اصيل فى الانثى المصرية ادام الله عمرههااااااااااااااااا

لو عرفت تعالج البوز باسلوب اخر غير اسولب التجاهل و التطنيش ابقى قابلى هههههههههههههه

[abogogo]

12 سنة جواز فالبوز بقى شيئ عادي لما بيغيب شوية بنقول يارب سترك ....
في مثل بتاع التاكسجيه بيقول " أول واحد يرمي البوووز .... هو اللى بيعدي ويفوووز" ( بوز العربية )

[مواطن مصرى]

اسباب البوز مجهولة
و كيفية علاجه الا تتزوج من الاصل حتى لا تراه ..