هل ممكن انى اسمع مكالمتى مع خدمة عملاء اتصالات؟

[wahba87]

السلام عليكم

حصل لى موقف مع خدمة عملاء اتصالات , الراجل قاللى رقم شريحة النت غلط , و بعد ما حولت عليها رصيد و مجاش , كلمتهم و عرفت الرقم الصح , و كان الغلطة فى رقم واحد

عملت شكوى , و ردوا عليا بعد 3 أيام قالوا انهم سمعوا المكالمة و الراجل قاللى الرقم صح , انا متأكد انه قاله غلط لأنى كتبته !!

قلتلهم طب عايز أسمع المكالمة قالوا ممنوع !! , قلتلهم دى مكالمتى انا مش حاجة سرية !! , قالوا برده مش مسموح !!

ايه الحل ؟؟

[alynubira]

اتصالات بقت حاجه وحشه جداااا
انا اصلا بحول رقمى الاتصالات لفودافون

[RAPID]

اعمل شكوى على موقعهم
لو مفيش فايدة 155 الجهاز القومى لتنظيم الاتصالات

[wahba87]

اتصالات بقت حاجه وحشه جداااا
انا اصلا بحول رقمى الاتصالات لفودافون

انا اساسا كنت موبينيل زمان , و حولت اتصالات بقالى اكتر من سنة

و على فكرة اتصلت بيهم خدت رقم الحساب و بفكر جديا أحول فودافون هههه

[wahba87]

اعمل شكوى على موقعهم
لو مفيش فايدة 155 الجهاز القومى لتنظيم الاتصالات

ارسلت شكوى على الميل الى الجهاز القومى لتنظيم الاتصالات , شكرا

[khattab_1989]

الأسهل من ده كله هو أن حضرتك تكلم خدمة العملاء 333 تاني و تعمل شكوى باللى حصل و هما هيوصلوا للموظف اللى استقبل مكالمتك دى و هيرجعولك رصيدك تانى إن شاء الله

[Ahmed_Adham]

جربت تتصل باللي انت حولتلو الرصيد؟ ممكن يطلع أمين ويحولهولك تاني.

[alynubira]

انا اساسا كنت موبينيل زمان , و حولت اتصالات بقالى اكتر من سنة

و على فكرة اتصلت بيهم خدت رقم الحساب و بفكر جديا أحول فودافون هههه

ههههههههههههه الحال كده هعند كتيير واتصالات هتخسر كتير اوى الايام اللى جايه

[S O P H O S]

اتصالات بقت لا تعليق خدوا مني خط مميز ظلم
وقدمت شكوي وطلبت وقت الوقف ووقت اخر شحن لاني متأكد من كلامي
ولكن عملوا الشكوي ولا يوجد رد
بصراحة من ساعتها نزلت من نظري ..

[mramzy]

حاولت احول منها ورحت لفودافون رخموا على بعض ولقت فودافون بتدلع لغيت طلبين التحويل

[ossamayk]

لا مش ممكن أي عميل يسمع مكالمته نهائياً
وأعتقد إن الخطأ عند حضرتك لأن اللي بيسمع المكالمة بيكون مسئول أعلى من الاوبيريتور - سوبر فيزر أو كوتشر - يعني مش زميل ليه ومش من مصلحته إنه يداري عليه خاصة وإن الخطأ بسيط.