بافكر أشتري جريل كينوود زي ده

[marsguy]

السلام عليكم ورجمة الله وبركاته،،،

بافكر أشتري جريل كينوود زي ده



يا ترى حد جربه؟ ويا ترى بكام؟

شكراً

[محمد عز]

اعتقد سعره حوالى 400 جنيه

[mado83]

مش عملى

[marsguy]

مش عملي ليه؟

مش بيسوي الأكل كويس ولا إيه؟

[mado83]

قولى استخداماتك هتكون فى ايه
انا غاوى مطبخ ماتقلقش
خد بالك ان ده جريل مش شوايه
الشوايه اللى ب90ج عمليه اكتر بس بتشوى فقط
انما الجريل ده ممكن تعمل عليه برجر كفته كبده فراخ بانيه اكتر من كده هتعمل بيه ايه
يبقى لو عندك طاسه تيفال فى البيت هتحل محله

[marsguy]

أنا عاوز أسوي عليه ستيك وبرجر وأومليت وكده

وأعتقد إنك ممكن برضه تعمل فيها خضار سوتيه

[Ahmed_Adham]

مراتي جابتها من شهر تقريبا ب 425 او 450 مش فاكر الرقم بالظبط وهيه 2000 وات وبتعمل فيها خضار سوتيه وكفته وفراخ. الخضار مطلعش حلو. مش عارف اوصف العيب اللي فيه بس كان زي ما تقول كده مستوي قبل أوانه. والكفته مبتطلعش حلوه برضه. بحس انها كفته معموله بلحمه مسلوقه متسألنيش ازاي.

من الاخر مرشحهاش لحد. الشوايه العاديه اللي بتتحط على النار احسن فى الكفته.

[alrabeh]

لا يوجد أفضل من طعم الشواء على الفحم ولو مش عاوز غلبة الفحم ممكن تودى لحمة او فراخ متبلة من عندك لأى كبابجى جنبك يسويهملك
الجريل دى معمولة علشان لو انت فى مكان مفيش فيه بوتجاز ونتيجة أكلها بالظبط كما لو انك حاطط الحاجة فى طاسة تيفال على البوتجاز