تبا لك ايها الاندرويد

[mastr_n]

الموضوع باختصار شديد ان تليفونى الاندرويد زو الشاشة الكبيرة خلى الولاد عندى ماسكين الجهاز بصفة مستمرة وكانت الصدمة الكبيرة من ابنى لما جيت اسافر على الشغل لقيت وشة اتغير وعلامات الغضب ظهرت علية وقالى انا مش هاقدر استحمل هتسافر كتير ؟؟؟؟؟

طبعا خدتة فى حضنى وقولتلة هما اسبوعين بس ياحبيبى انا بوحشك كدة أوى ؟؟؟؟؟؟؟؟؟؟؟
بصلى بصة كلها خبث وقالى ممكن تسيب التليفون هنا طبعا انا اتصدمت صدمة التنين

بصراحة دية غلطتى من الأول نزلتلة العاب كتير لدرجة ان انا مابمسكش التليفون ألا علشان اعمل مكالمة وطبعا لو خبيتة بسمع سمفونية عياط تخلينى عايز اقوم اكسرة فى الحيطة واجيب نوكيا 5110

[A_H_M_A_D]

نصيحتي ليك يا باشا , ابعد التليفون عن ايد الولاد خالص , ولو زنقت قوي هاتلهم تابلت يلعبوا عليه , وفيه حاجات رخيصة بتبدأ من 1000 جنيه.

[khaled_legend]

هاهاهاهاهاهاهاهاهاهاهاهاهاهاهاهاهاهاهاهاهاهاهاهاها اصل عندي نفس المشكله و بجد موقف ابن حضرتك يموت من الضحك

[SonaSteel]

ههههههههههههههههههههههههههههههههه ........ مشهد مؤثر :d

[Imhotep]

ههههههههههه..... معايا تابلت.... ولاد اختى اول ما بيشوفونى و يسلموا عليا و احيانا قبل ما بيسلموا بيسألوا.... جبت معاك التليفون الكبير؟؟؟ هههههههههههههه

[khaled_legend]

جيل زي الفل :d

[kar!m]

نفس المشكلة عندي بالضبط.

[Ahmed_Rahem]

ممكن تتخلص من المشكلة دى عن طريق ان اللعب علية يكون كمكفأئه لحاجة عملها، تبتدى اول حاجة تقولها متتعملش انة ممنوع من اللعب علية وبعد كدة لو طلبة قلة انت عملت كذا (الواجب، رتبت غرفتك، كتبك، اكلت طبقك كلة) ومع الوقت هتستفاد وتريح دماغك.
دة الى انا بعملة
والسلام ختام

[zrzr1]

ولا خالي كرهوني ف الموبايلات وسنينها بسبب الالعاب

[ZALABANY]

كلنا هذا الرجل انا بعاني من الموضوع ده مع ابني

[Saeed-Taha]

هههههههههه الموضوع دا زاد اوى
مش بس تلفونات
بس عيال الجيل دا كله مصلحجية من الاخر :d:d
سيبلهم موبيلك او عربيتك او اى حاجة ومش مهم انت

[محمد يوسف]

ههههههههه

ربنا يخلليهم لك..ياسيدى هات لهم واحد مش خسارة فيهم

ولذيذ قوى العنوان... تبا لك أيها الأندرويد..خسئت يابن بلتعة

[S O P H O S]

ربنا يخلي ..

[bobbozo4b]

هههههههههههههههههههههههههه
ربنا يحفظهملك
موقف مشابه لما الاولاد يعرفوا انى ناوى اخرجهم او هاشترى حاجة ليهم
تلاقيهم لزقين فى وماسكين ايدى واخر حلاوه لغاية مانروح البيت
وبعد كده كانك شبح مش موجود معاهم
مع العلم سنهم 5ونص و2ونص

[lanos2004]

الموضوع باختصار شديد ان تليفونى الاندرويد زو الشاشة الكبيرة خلى الولاد عندى ماسكين الجهاز بصفة مستمرة وكانت الصدمة الكبيرة من ابنى لما جيت اسافر على الشغل لقيت وشة اتغير وعلامات الغضب ظهرت علية وقالى انا مش هاقدر استحمل هتسافر كتير ؟؟؟؟؟:u_thin1[1]:

طبعا خدتة فى حضنى وقولتلة هما اسبوعين بس ياحبيبى انا بوحشك كدة أوى ؟؟؟؟؟؟؟؟؟؟؟:b4_007:
بصلى بصة كلها خبث وقالى ممكن تسيب التليفون هنا طبعا انا اتصدمت صدمة التنين

بصراحة دية غلطتى من الأول نزلتلة العاب كتير لدرجة ان انا مابمسكش التليفون ألا علشان اعمل مكالمة وطبعا لو خبيتة بسمع سمفونية عياط تخلينى عايز اقوم اكسرة فى الحيطة واجيب نوكيا 5110

مبروك عليك -ياليتك كنت الاندرويد