ضميري يؤنبني و لا استطيع النوم فأريد حلا جذريا لتلك المشكله العويصه

[yaserbasha2000]

صاحب ايه و عشرة عمر ايه و عيش ايه و ملح ايه

و ياتري جوز ع ايه علاقته بالموضوع و لا اخو ع او حتي ابو ع

ممكن تنصح صديقك بان موضوع س ص ع هو في الحقيقه بدون تجميل ز ن ا و انه يستحق ر ج م او ن ف خ

فلو انتصح خير مانتصحش مع نفسه

لكن في كل الاحوال لو انا مكانك هأقطع علاقتي بيه و ببيته تماما لان ده انسان مستبيح لحرمات الناس فإزاي تأتمنه و تكون صديقه و يكون بينكم علاقات اسريه ؟ فهو كنافخ الكير في حديث الرسول صلى الله عليه وسلم

[khaled_legend]

لا تتحدث
قال صلى الله عليه وسلم
فليقل خيرا او ليصمت
.............
واذا اردت فتحدث مع (س) واخبره انك علمت واخبره ان زوجته (ص) تشعر بتغيره
وانه لا بد ان يفضح امره في يوم من الايام فهذه سنه الحياة فالله حليم ستار لا يهتك العرض من اول مرة.
تحدث معه عسى ان يهدي الله قلبه على يديك لا تكن ابدا سببا في خراب بيت احدهم

تحدثت معه اكثر من مره و عرفته ان "ص" ممكن تفتضح امره و ربنا يهدي

عرفنى على ع

هاهاهاهاهاها لا مش هتستحمل الصدمه

لا حول ولا قوة الا بالله
انا مع رأي الاخ اللي قال انك مالكش علاقه ب (س) وده صح
علاقتك بصديقك (المحصن)
فكره بعقوبة (المحصن) المتزوج يعني
دنيا وآخره والعياذ بالله

واسمحلي اقوللك موضوع ان (ص) دي صعبانه عليك مايصحش تقوله اصلا ليه ؟ دي زي اختي

انصحه بالحسنى وخلليه يقرب من ربنا مره واتنين وتلاته
مارجعش تبقى عملت اللي عليك شكلك مش هيبقى حلو لما تيجي سيرتك في موضوع زي ده حتى لو مالكش فيه صدقني اعلم ذلك و هذا ما يضايقني
ولما المدام تجيب سيرة الموضوع غيره ويستحسن تقل حبه من كلامها مع (ص) لا استطيع فعل ذلك
(طبعا ده يعتمد على نوع الصدفه البحته لأنك ماذكرتهاش)
وربنا يهدينا جميعا

بمنتهي الاختصار
كنت قاعد في كوفي شوب و شوفته هناك بالصدفه معاها

شيل ايدك لان الستات بيسحو بالحاجات دي وعاجلا ام اجلا مراته هتعرف وهينكشف
وساعتها هتقلب عليك انت حتي لو ملكش دخل في الموضوع بس هتقلب عليك من مراتك لانها هتشوف اعز صاحباتها حصل لها كده وانت صديق زوجها يعني ممكن تبتدي تشك فيك انت كمان وياسلام لو عرفت انك كنت عارف يبقي انت اكيد مقلتش عشان هو كمان يعرف عنك حاجه وهتدخل نفسك في متاهه

ياما تشيل ايدك من الموضوع كله ياما تبقي مراتك عارفه لو مراتك من النوع الهادي اللي يعرف ينصح

هي اصلا بتشك فيا من غير حاجه و الحمد لله
موضوع الغيره ده عاملي ازمه نفسيه
المشكله ان الموضوع ده ممكن يزود الطين بله
و تيجي علي دماغ اهلي انا في الاخر
ربنا يستر

[احمد المصرى]

انا راى انك تخلى مراتك تتكلم مع زوجته وتنصحها انها تشوف ايه ال ناقص فى بيته بيخلى ممكن يبص بره طبعا من غير ما يكون الكلام صريح يعنى ممكن تقوله زوجتك بهدف النصيحه العامه لان اى راجل بيبص بره لما ميلاقيش ال هو عايزه فى بيته

[khaled_legend]

بص يا خالد يا عزيزي

انا شايف ان علاقت س ب ص ب ع. علاقة طردية. واكيد (ص) عارفة وحاسة ان في علاقة بين (س) و (ع)
فيا عزيزي المرأة دايماً قلبها دليلها .... وبتحس بكل حاجة متغيرة مش يمكن تكون (ع) دي ارملة ياعيني وصاحبت عيا و (س) ده رجل خير وبيجري وبيسعى على الارملة ويتامى .... فانتا لو قلت كده تبقى منعت الخير
ده المفروض نشجعوا ونساعدوا ونعينوا

فانتا لو تدخلت في الموضوع هيتحول الشكل من مثلث. لمضلع وهتبقى (ل)

فانا راي الشخصي ولك حرية الاختيار ريح نفسك من الموضوع ده خالص لانك لوتدخلت بشكل او باخر .... هتبقى من وجهة نظر صديقك. ( عدو). وهتبقى من نظر (ص) زوجتوه انك ناقل اخبار سيئة. ومن وجهة نظر (ع) انك بوظت الدنيا. فريح نفسك يا عزيزي. وريح. حالك .... وتحياتي

هاهاهاهاهاهاهاهاهاها حلو الشرح الهندسي ده

هي حاجة تحير فعلا بس شوف اللي بيحصل ده آخرته مش تمام وأحسن حاجة تعملها تأمن نفسك فتاخد زوجتك تعزمها عالعشا وتقولها
آه والله
وارمي الكورة في ملعبها وخليها هي تقول لصاحبتها كأنها شاكة إن جوز صاحبتها اللي سبب المشكلة ممكن --بقول ممكن-- يكون بيبص برة
بس أهم حاجة فعلا تقول لمراتك حتى لو هي مقالتش لصاحبتها
وعلى رأي بتوع الضرايب: مصلحتك أولا

انا بفكر في كده فعلا لان يوم ما "س" هيتفقس اكيد هيتفتحلي تحقيق فيدرالي علي اساس اني صاحبه و بعمل زيه فأنا عايز أأمن نفسي و علي رأيك مصلحتي اولا

معلش هيه نوع العلاقه ايه بس الاول البنت اصغر منه بكتير فأعتقد انها نزوه و تعدي
شوف لو خيانه زوجيه يبقه تقطع علاقتك بيه تماما لان صحبك بيعمل كبيرة من الكبائر وكلنا عارفين عقابها ايه وخاصه انه متزوج يا فندم الكلام ده مش هنا
لو بيخرج ويتكلم -يبقه تنصحه وتهدده انك هتقول مراته-بس متقولش-تهدد وخلاص لحد اما يعقل-او يتجوز تانى وخلاص

لا اهدده ايه بس ؟ انا مش من النوع الحقير ده
انا قولتله اتجوزها و سيب مراتك
قالي لا و دي بتفسح معاها شويه
فسح في قفاه البعيد

بص يا ياباشا انا معنديش خبرة كبيرة ف المواضيع دى بس احب اقولك ان 99% من الناس اللى زى صاحبك دا مش بينفعش معاهم النصيحة ف المواضيع دى حتى و ان ابدى تاثرة بالنصيحة شكله كده فعلا
صاحبك دا حاجة من الاتنين يا اما مستجد لا ليس مستجدا و هو شحط قدي في التلاتينات فاغالبا هتحصل مشكلة كبيرة قريب و ان شاء الله انت ماتتورطش فيها و ما يخرجش كل الاطراف من القصة دى و كل واحد زعلان من التانى لان زى ما قال زميل قبل كدة ان المرأة بتحس بتغير و كل شوية الامور بتتطور و الايام الجاية هو هيحس ان مراتة بدات تحس بتغييرة و ساعتها هيمسك فيك انت و يقولك انت اكيد قولتلها ع حاجة و ساعتها تصرف صحبك هيكون مش مضمون ,, يعنى ممكن يلفق الموضوع فيك او على الاقل مراتة هتزعل انك كنت عارف و ساكت و اسوأ من كدة ممكن يحصل
اما لو صاحبك دا دايس ف السكة دى يبقى فى احتمال ان مراتة ماتحس بحاجة ملحوظة و يفضل يهديها بشوية كدب و انه يسيب اللى يعرفها بعد فترة لما يزهق من غير ما يورط نفسه ف حاجة (و دا طبعا غلط)
ادعيله ربنا يهديه و يحفظ بيته و بيتك و كل بيوت المسلمين من الخراب.........

امين يا رب العالمين

خالد

اعمل من بنها صدقني عامل و الله بس مش هعرف اكمل للاخر


و مفيش حاجة اسمها خايف مراتي تعرف اني كنت عارف


ما عندكش بربع جنيه براءة اطفال؟ اقسم بالله العظيم ما بستهبل و ده فعلا شعوري


استعبط ...... لو قالت لك كده ....... لاااااااااااا و لا كنت اعرف ........ شكلي بيبان عليا فعشان كده عايز اقولها و اخلص


بالعكس انت لو قلت لها هتفتح على نفسك ابواب جهنم ....... و لو اتدخلت كذلك عارف


المواضيع دي بتبقى عاملة زي خناقات الحواري ....... ما ينوب المخلص الا تقطيع هدومه


اعمل من بنها و لااااااااا كأنك تعرف اي حاجة

عامل و لما نشوف اخرتها

نصيحة اخوية ..

اقطع علاقتك بهذا الانسان بتاتا . ..لانه هاتك لاعراض الناس ...والعياذ بالله ... بشر الزانى بخراب بيته ولو بعد حين ..والمرء على دين خليله فلينظر احدكم من يصاحب (معنى الحديث لا اتذكر المتن )

هاتك اعراض ايه بس ؟ هو اغتصبها ؟ انا عارف ان ده زنا بس الناس دي معندهاش الكلام ده للاسف

هو خليلي اه بس انا عمري ما اعمل كده ابدا

بإفتراض ان ( س ) ده انسان معندوش ضمير و خائن . يبقي انت بديهي لازم تبعد عنه لأنه ملوش أمان في أي حاجه . بالعكس ده شخص محترم و امين جدا معايا و راجل الي ابعد الحدود و عمره ما زعلني في حاجه
و بالتالي حتبعد زوجتك الكريمه عن زوجته و ذلك بيكون عن طريق المصارحه و المكاشفه ....بمعني : انك تقول لزوجتك علي الحقيقه االلي انت عرفتها و تخبرها بانك قررت تبعد عن الانسان ده ... و تلزم زوجتك بالابتعاد عن زوجته ( ده في حاله لو زوجتك الكريمه ستطيعك طاعه عمياء هأو) ..... اما في حاله لو حتقولك زوجتك انها سوف تخبر زوجته و لازم و...و....و... يبقي سيادتك متحكيلهاش اصلا اي شيء و تعامل مع الامر انك متععرفش اي شيء في اي شيء .....

انا غير متوقع لرد فعلها و لكنها عاقله و الحمد لله و لن تتهور بس انا عيشتي اللي هتتطين في الاخر لاني كنت عارف و مخبي عليها المده دي كلها

و ذلك لان لو زوجتك اخبرت زوجته .... بيته حيتخرب و لو متخربش يبقي حيكرهك و زوجته حتكرهك و في كافه الاحوال العلاقات حتنقطع ..... كده كده العلاقاتت حتنقطع ..... يبقي تنقطع بدون مشاكل افضل ..... عارف

و انصحك ابتعد عن ذلك الشخص و اجعل زوجتك الكريمه تبتعد عن زوجته تماما ..... لأن الشك عدوي . لا مراتي هي اللي بتعدي مرض الغيره للاخريات

ممكن بعد فتره الدائره تدور عليك ...... و زوجتك تشك فيك ...... ما هو انت صاحب ( س ) . دي المصيبه

( المرء علي دين خليله ) انا لم و لن افعله مثله ابدا


نسيت أقولك علي حاجه :
انت متأكد مليون في الميه ان فيه علاقه عاطفيه بين ( س ) و ( ع ) ؟؟؟؟....( إن بعض الظن إثم )......... مش يمكن تكون الشواهد اللي انت شفتها انت مفسرها كده ؟

واحد في التلاتينات قاعد مع بنت صغيره في العشرينات و بيأكلها بايده و قاعدين يضحكوا و يهزروا مع بعض

هتكون ايه العلاقه ؟ انسانيات ؟ اكيد طبعا علاقه عاطفيه

[khaled_legend]

صاحب ايه و عشرة عمر ايه و عيش ايه و ملح ايه

و ياتري جوز ع ايه علاقته بالموضوع و لا اخو ع او حتي ابو ع "ع" عيله صغيره في بدايه العشرينات و مش متجوزه اكيد
انا لا اعرفها شخصيا و لم ارها الا مره واحده
ممكن تنصح صديقك بان موضوع س ص ع هو في الحقيقه بدون تجميل ز ن ا و انه يستحق ر ج م او ن ف خ مفيش الكلام ده عندهم يا فندم

فلو انتصح خير مانتصحش مع نفسه

لكن في كل الاحوال لو انا مكانك هأقطع علاقتي بيه و ببيته تماما لان ده انسان مستبيح لحرمات الناس فإزاي تأتمنه و تكون صديقه و يكون بينكم علاقات اسريه ؟ فهو كنافخ الكير في حديث الرسول صلى الله عليه وسلم

انا عمري ما شفت حاجه وحشه منه و هو عشره عمر و كده

انا راى انك تخلى مراتك تتكلم مع زوجته وتنصحها انها تشوف ايه ال ناقص فى بيته بيخلى ممكن يبص بره طبعا من غير ما يكون الكلام صريح يعنى ممكن تقوله زوجتك بهدف النصيحه العامه لان اى راجل بيبص بره لما ميلاقيش ال هو عايزه فى بيته

ده اللي نفسي اعمله و الله

[أحمد كمال]

انا راى انك تخلى مراتك تتكلم مع زوجته وتنصحها انها تشوف ايه ال ناقص فى بيته بيخلى ممكن يبص بره طبعا من غير ما يكون الكلام صريح يعنى ممكن تقوله زوجتك بهدف النصيحه العامه لان اى راجل بيبص بره لما ميلاقيش ال هو عايزه فى بيته

النصيحة دي و ان كان مقصدها النية الحسنة و لكن هتفتح عليه باب جهنم الحمراء


يعني ايه ناقصه في بيته؟

طيب يعني لو انت ناقصك في بيتك حاجة هتعمل زيه؟ اه ما هو صاحبك يعني زيك

الخ الخ الخ


و هو اصلا مراته بتشك فيه فمش ناقصة

[alaa74]

موضوع شائك للأسف ومكرر .
تدخلك فى الموضوع هيجر عليك مشاكل كبيرة إنت فى غنى عنها
مفيش عندك غير النصيحه لصاحبك وطالما إنه مصمم على التمادى فى العلاقه الغير سويه دى .
يبقى يتحمل نتيجه أفعاله وإنت مش مسئول عن تصرفاته .
لكن رأىي إبعد المدام بتاعتك عن الموضوع دة وممفيش داعى إنك تدخلها فيه
لأنك هتفتح على نفسك أبواب ملهاش أى لازمه .

أخيرا لصاحبك ... لازم يحسم أمرة لو هو جاد فى العلاقه دى والله يعلنها فى النور ويتجوزها ومراته صاحبه القرار وقتها تقبل بالإستمرار معاة أو لأ
دة طبعا فى حاله قدرته الماديه والنفسيه والأجتماعيه على فتح بيتين .
أما لو غير جاد ودة واضح من كلامك إنه بيتسلى بشرة إن العواقب هتكون وخيمه بالنسبه له يعنى هيكون خراب كبير جدا عليه وخاصه لو لا قدر الله العلاقه دى إتطورت إلى علاقه ماديه ............

[Y a r i s]

. ياعم خالد. ياعم خالد
ارحمني ابوووس ايديك ... يعني شفت صحبك قاعد هو وحدة في مكان عام مطعم ولا كافية. ، فعلى طول خيالك ضرررب ان الراجل بيخوووون مراتووووو .... يالهووي. اقطع هدومي يا راجل يا طيب .... ده انا بقيت اخاف اعزم حد من اخواتي البنات على لقمة ولا حتى على فنجان قهوة في مكان عام لا الناس تشوفني قاعد مع اخوتي ويطلعلي واحد كده يقول شفتوا قاعد مع وحدة وبيشربوا اتنين شااااااااي !!!! بالذات ان كل الناس تعرفني بس محدش يعرف اخواتي

حبيب قلبي حصلت معايا زمان الموقف ده اخوه بالزبط بس زماااااان الكلام ده .... جت وحدة من زميلاتي في الشغل قالتلي استاذ محمد انا عاوزاك ضروري وفي حجات كتير عاوزة اقولك عليها بتحصل في الشغل من ورى ظهرك .... المهم اتفقنا نروح مكان عام نتقابل فيه وقعدت تحكيلي عن بلاوي الموظفين يعملها .... مييييين بقه شافنا في المكان العام. ( فااااعل خيررررر كده زي حضرتك هههههه )

راح فاعل الخير قال لمراتو ومراتو قالت لمراتي. .... وبطبيعت الحال بعد البلاوي الي سمعتها من زميلتي في الشغل والحرب الي موجودة في الشغل والاسفين. اني اكون متكدر ومتغير في البيت ... مراتي شعرت بتغيري من قبل ما مرات فاعل الخير تقولها ان جوزها شاف. جوزك قاعد مع وحدة وبيشربوا اتنين لمووووووووووووون .... واسكتي ياختي اسكتي وفوق ماهو قاعد معاه وبيشربوا اتنين لمووووون. بيشربوا اللمون بالشيلمووون. يا حبيبتشي .... ههههههههه

@@@@@@@@@@@@@@@@@@@@@@@@@@@@@@@@@@

فياراجل يا طيب. اتقي الله ... ان بعد الظن اثم .... ياراجل ده انا بقيت اخاف. وانا بعدي بالعربية على بنتي. على المدرسة واخدها كده كده بحضني وابوسها. بشوف في ناس واقفه. وفي عنيهم نظرات كانها بتقول : ايه يا خواتي الراجل ده. هو. جي يخطف البت ولا ايه لان بنتي بتروح وبتيجي بباص المدرسة ومش بالعادة اعدي عليها اخودها فيا جماعة الخير احسنو الظن ان بعد الظن اثم ...

والي يقلك زنا والي يقلك كلام ملهوش لزمة وبقينا نخوض في اعراض الناس ... فنصيحه ليكم كلكم دعو الخلق للخالق .... وصفوا النية وعيش في البرية .... الي عاوز يعمل حاجة غلط. مبيروحش مكان عام. .... وصديقك مش مطالب انو يبررلك ويقولك انو كان قاعد مع فلانة ليه او كانو بيقولوا ااااااايه .... ومش معنى انو مجاش قالك عن الموضوع وعن الحكاية يبقى ده انسان خاين وغشاش. وزاني ... تقبل كلامي وتحياتي

[lanos2004]

. ياعم خالد. ياعم خالد
ارحمني ابوووس ايديك ... يعني شفت صحبك قاعد هو وحدة في مكان عام مطعم ولا كافية. ، فعلى طول خيالك ضرررب ان الراجل بيخوووون مراتووووو .... يالهووي. اقطع هدومي يا راجل يا طيب .... ده انا بقيت اخاف اعزم حد من اخواتي البنات على لقمة ولا حتى على فنجان قهوة في مكان عام لا الناس تشوفني قاعد مع اخوتي ويطلعلي واحد كده يقول شفتوا قاعد مع وحدة وبيشربوا اتنين شااااااااي !!!! بالذات ان كل الناس تعرفني بس محدش يعرف اخواتي

حبيب قلبي حصلت معايا زمان الموقف ده اخوه بالزبط بس زماااااان الكلام ده .... جت وحدة من زميلاتي في الشغل قالتلي استاذ محمد انا عاوزاك ضروري وفي حجات كتير عاوزة اقولك عليها بتحصل في الشغل من ورى ظهرك .... المهم اتفقنا نروح مكان عام نتقابل فيه وقعدت تحكيلي عن بلاوي الموظفين يعملها .... مييييين بقه شافنا في المكان العام. ( فااااعل خيررررر كده زي حضرتك هههههه )

راح فاعل الخير قال لمراتو ومراتو قالت لمراتي. .... وبطبيعت الحال بعد البلاوي الي سمعتها من زميلتي في الشغل والحرب الي موجودة في الشغل والاسفين. اني اكون متكدر ومتغير في البيت ... مراتي شعرت بتغيري من قبل ما مرات فاعل الخير تقولها ان جوزها شاف. جوزك قاعد مع وحدة وبيشربوا اتنين لمووووووووووووون .... واسكتي ياختي اسكتي وفوق ماهو قاعد معاه وبيشربوا اتنين لمووووون. بيشربوا اللمون بالشيلمووون. يا حبيبتشي .... ههههههههه

@@@@@@@@@@@@@@@@@@@@@@@@@@@@@@@@@@

فياراجل يا طيب. اتقي الله ... ان بعد الظن اثم .... ياراجل ده انا بقيت اخاف. وانا بعدي بالعربية على بنتي. على المدرسة واخدها كده كده بحضني وابوسها. بشوف في ناس واقفه. وفي عنيهم نظرات كانها بتقول : ايه يا خواتي الراجل ده. هو. جي يخطف البت ولا ايه لان بنتي بتروح وبتيجي بباص المدرسة ومش بالعادة اعدي عليها اخودها فيا جماعة الخير احسنو الظن ان بعد الظن اثم ...

والي يقلك زنا والي يقلك كلام ملهوش لزمة وبقينا نخوض في اعراض الناس ... فنصيحه ليكم كلكم دعو الخلق للخالق .... وصفوا النية وعيش في البرية .... الي عاوز يعمل حاجة غلط. مبيروحش مكان عام. .... وصديقك مش مطالب انو يبررلك ويقولك انو كان قاعد مع فلانة ليه او كانو بيقولوا ااااااايه .... ومش معنى انو مجاش قالك عن الموضوع وعن الحكاية يبقى ده انسان خاين وغشاش. وزاني ... تقبل كلامي وتحياتي

اصلا هوة موضحش نوع العلاقه ايه
انا كمان مش بعرف اورح لبنت اختى الجامعه وارجعها على البيت-لازم اكتب يافطه -انا خالها وهيه بنت اختى -الناس مبترحمش

[hesham ahmed]

يا جماعه بيقلكوا بياكلها بايده ...... خلاص العطف للدرجه دي :)

[Y a r i s]

برضو مش مبرر. اني اتهم انسان شريف بالزنا
لمجرد انو اكل وحدة بايدية ثم افرض وهما قاعدين هيا زعلانه ومش عاوزة تاكول بسبب مشكلة عندها سده نفسها فقلها علشان خاطري مدي ايديكي وكولي بقه حرام الي بتعملي في نفسك ده بقالك اسبوع على لحم بطنك طب علشان خاطري خودي البطاطساية دي مني

ثم افرض يا اخي مثلاً مثلاً ... هو متجوزها على مراتو .... هل ضروري كل واحد يمشي معلق قسيمة الجواز على صدروا .... وهل ده مبرر نخوض في اعراض الناس ونقول زنا او خيانة .... ؟

يارب استر علينا وعلى وليانا وارحمنا يا ارحم الراحمين

[mido_soliman]

برضو مش مبرر. اني اتهم انسان شريف بالزنا
لمجرد انو اكل وحدة بايدية ثم افرض وهما قاعدين هيا زعلانه ومش عاوزة تاكول بسبب مشكلة عندها سده نفسها فقلها علشان خاطري مدي ايديكي وكولي بقه حرام الي بتعملي في نفسك ده بقالك اسبوع على لحم بطنك طب علشان خاطري خودي البطاطساية دي مني

ثم افرض يا اخي مثلاً مثلاً ... هو متجوزها على مراتو .... هل ضروري كل واحد يمشي معلق قسيمة الجواز على صدروا .... وهل ده مبرر نخوض في اعراض الناس ونقول زنا او خيانة .... ؟

يارب استر علينا وعلى وليانا وارحمنا يا ارحم الراحمين

هههههههههههههههههههه
على فكرة واضح اوى انة متاكد من اللى بيقولة مش موضوع نخوض فى اعراض الناس والكلام دة كلة
وكمان واضح وضوح الشمس ان كلامة مش على مصريين اساسا ولا مسملين بالتبعية وان اغلب الظن هوة بتكلم على اجانب فرنجة يعنى
ياخوانا انتوا بتجيبوا الخيال الواسع دة منين :))
كل واحد بقا بيحلل الموضوع على مزاجة
زى ما قلتلك يا خالد بية
ابعد عن الموضوع دة تماما
لان لو انا على سبيل المثال اللى فى الموقف دة وانت قلت بطريقة او باخرى لمراتى
حعتبرك خائن للصداقة دى ومش بعيد اعمل معاك السليمة كمان :)))))

[أحمد كمال]

الناس اللي بتقول مش زنا و محصنات و ما تفتريش الخ الخ الخ و بيقول يتجوزها على مراته او جايز يكون اتجوزها بالفعل


يا جدعان الراجل في امريكا مش في مصر و اللي بيتكلم عليهم دول مش مصريين و لا عرب اساسا يعني مفيش حاجة اسمها زواج تاني ........ و العلاقات الخارج الزواج (extramarital affairs) عادة ما بترساش على انهم يقعدوا عالقهوة يشربوا واحد كابتشينو

[alaa74]

الناس اللي بتقول مش زنا و محصنات و ما تفتريش الخ الخ الخ و بيقول يتجوزها على مراته او جايز يكون اتجوزها بالفعل


يا جدعان الراجل في امريكا مش في مصر و اللي بيتكلم عليهم دول مش مصريين و لا عرب اساسا يعني مفيش حاجة اسمها زواج تاني ........ و العلاقات الخارج الزواج (extramarital affairs) عادة ما بترساش على انهم يقعدوا عالقهوة يشربوا واحد كابتشينو

شكرا للتوضيح يا احمد بيه
بس صاحب الموضوع موضحش دة فى كلامه
عموما بعتذر عن مشاركتى اللى مكنتش فاهم فيها المعنى دة وخاصه إنى كنت بتكلم عن إن يتجوزها جواز تانى .
لكن كدة طبعا الموضوع اتغير 180 درجه
لكن بؤكد رأيى بخصوص إنه يبعد عن المشكله دى وميتدخلش فيها منعا لأى مشاكل
ممكن يقع فيها بسبب الموضوع الغريب دة .

[Y a r i s]

ههههههههههههههه
يخرب شيطانك يا خلووود .... طب يا جدع مش توضح الموضوع وانو بره مصررر .... وانا قعدت افكر هما كانوا في النهر الخالد ولا في الهبي لاند ولا في كزينو قصر النيل ولا خدها وراح اكسبريسوا هههههه

شكراً للتوضيع يا ابوكمال ... انهم بره مصر. في اسكندرية يعني ولا فين ههههههههه. حبيبي يا ابو كمال